خیبر پختونخوا کے وزیرِ صحت خلیق الرحمان نے بدھ کے روز ضلع سوات کے پرائمری، سیکنڈری اور ٹرشری کیئر ہسپتالوں کی مجموعی صورتحال کے حوالے سے ایک اہم اجلاس کی صدارت کی۔ اس موقع صوبائی وزیر ہاؤسنگ ڈاکٹر امجد علی سمیت اراکین صوبائی اسمبلی فضلِ حکیم خان اور میاں شرافت علی،سیکرٹری صحت شاہد اللہ خان، متعلقہ سٹرکٹ ہیلتھ آفیسر اور میڈیکل سپرنٹنڈنٹس بھی موجود تھے۔ اجلاس میں وزیر صحت کو دستیاب سہولیات سمیت مقامی ضروریات اور مسائل سے آگاہ کیا گیا۔اجلاس کے دوران وزیرِ صحت، سیکرٹری صحت اور تمام متعلقہ اراکینِ اسمبلی نے متفقہ طور پر سیدو میڈیکل ٹیچنگ ہسپتال کو میڈیکل ٹیچنگ انسٹی ٹیوشن (ایم ٹی آئی) کا درجہ دینے کے فیصلے کی توثیق کی۔ اس فیصلے کا مقصد صوبے کے اس اہم خطے میں ٹرشری سطح کی صحت کی سہولیات کو مزید مستحکم بنانا ہے۔ ایم ٹی آئی سٹیٹس کے تحت ایک خودمختار انتظامی نظام، بشمول بورڈ آف گورنرز (BoG)، قائم ہوگا جس سے بروقت فیصلوں اور انتظامی کارکردگی میں بہتری آئے گی اور ٹرشری ہسپتالوں پر انتظامی دباؤ کم ہوگا۔صوبائی وزیرِ صحت نے اراکینِ اسمبلی کو یقین دلایا کہ نئی ہیلتھ پالیسی کے تحت صحت کے تمام اداروں میں ڈاکٹرز، نرسز اور معاون طبی عملے کی کمی کو جلد پورا کیا جائے گا۔اجلاس میں بتایا گیا کہ محکمہ صحت نے درکار ڈاکٹروں، نرسز اور طبی آلات سے متعلق جامع ڈیٹا اکٹھا کر لیا ہے اور ہر ہسپتال کو اس کی اصل ضرورت کے مطابق عملہ اور وسائل فراہم کیے جائیں گے۔ انہوں نے مزید بتایا کہ پرائمری ہیلتھ کیئر ریفارم پروجیکٹ محکمہ صحت کو ڈاکٹروں، ٹیکنیشنز، نرسز، لیڈی ہیلتھ وزیٹرز (LHVs) اور لیڈی ہیلتھ ورکرز (LHWs) کی کمی پوری کرنے میں بھرپور معاونت فراہم کر رہا ہے۔صوبائی وزیرِ صحت نے محکمہ صحت کے حکام کو ہدایت کی کہ سوات کے صحت کے اداروں کو اراکینِ اسمبلی کی تجاویز اور مطالبات کو مدنظر رکھتے ہوئے ہر ممکن تعاون فراہم کیا جائے۔ انہوں نے اراکینِ اسمبلی اور ضلعی صحت حکام پر بھی زور دیا کہ وہ ہیلتھ مانیٹرنگ ٹیموں کے ساتھ مل کر ہسپتالوں کے دورے کریں اور سہولیات کی کڑی نگرانی کو یقینی بنائیں تاکہ عوام کو بہتر طبی خدمات فراہم کی جا سکیں۔اجلاس میں وزیرِ صحت نے سی ڈی رنگ محلہ کو سالانہ ترقیاتی پروگرام (ADP) کے تحت آر ایچ سی کی سطح پر اپ گریڈ کرنے کا مطالبہ بھی منظور کیا، جس سے علاقے کے غریب اور مستحق مریضوں کو بہتر صحت کی سہولیات میسر آئیں گی۔صوبائی وزیرِ صحت نے کہا کہ محکمہ صحت نے صوبے بھر کے ہسپتالوں کے باقاعدہ دوروں اور نگرانی کے لیے ایک ہیلتھ ٹاسک فورس تشکیل دے دی ہے۔ یہ ٹاسک فورس مسائل کی نشاندہی، پالیسیوں کے سخت نفاذ اور صحت کے اداروں کو مکمل طور پر فعال بنانے کے لیے ضروری اقدامات کرے گی۔ انہوں نے اس امید کا اظہار کی کہ ان شاء اللہ خیبر پختونخوا کے عوام جلد مجموعی نظامِ صحت میں مثبت اور نمایاں بہتری کا مشاہدہ کریں گے۔
UNFPA Country Director Visits KP Women Commission, Pledges Continued Support
Country Director of the United Nations Population Fund (UNFPA), Dr. Luay Shabaneh, visited the office of the Khyber Pakhtunkhwa Commission on the Status of Women (KPCSW), where he met Chairperson Dr. Sumera Shams and discussed matters of mutual interest, with a focus on women’s rights and gender equality.
During the visit, an important consultative meeting was held to deliberate on challenges in the implementation of laws related to women’s rights, gender equality, and reproductive health and rights, as well as to outline a future joint course of action.
Participants emphasized the revitalization of the Women Commission after a hiatus of more than four years, strengthening institutional mechanisms, and ensuring effective oversight of legislation concerning women’s rights—particularly laws addressing gender-based violence and reproductive health rights. Special attention was also given to addressing issues faced by women in rural and marginalized areas on a priority basis.
Chairperson Dr. Sumera Shams highlighted the need to improve facilities at Dar-ul-Aman shelter homes to ensure safe accommodation and enhanced support services for women, enabling them to live with dignity and security.
The meeting also featured detailed discussions on the bill against child marriage, with a view to making measures more effective for the protection of women’s and children’s rights and the promotion of a dignified life.
Dr. Sumera Shams said that Women’s empowerment remains a priority of the provincial government. Over the past decade, sustained measures have been undertaken to empower women socially and economically through education, health, economic opportunities, and legal protection. Efforts by the Women Commission and allied institutions continue to promote women’s rights and gender equality across the province.
The meeting concluded with consensus on evidence-based policymaking, strengthening gender-related data and reporting systems, and enhancing implementation and accountability mechanisms at the district level. Dr. Luay Shabaneh reaffirmed UNFPA’s commitment to continued institutional collaboration with the Government of Khyber Pakhtunkhwa to advance women’s rights and gender equality in the province.
وزیراعلیٰ محمد سہیل آفریدی سٹریٹ موومنٹ کے سلسلے میں جمعہ کو سندھ کا دورہ کرینگے، شفیع جان
وزیراعلیٰ خیبرپختونخوا کے معاون خصوصی برائے اطلاعات و تعلقات عامہ شفیع جان نے کہا ہے کہ بانی چیئرمین پاکستان تحریک انصاف عمران خان کی ہدایات کی روشنی میں وزیراعلیٰ خیبرپختونخوا محمدسہیل آفریدی سٹریٹ موومنٹ میں مزید تیزی لانے کے لیے جمعہ کے روز پاکستان تحریک انصاف کے اراکین اسمبلی کے ہمراہ سندھ کا دورہ کریں گے،اپنے ایک بیان میں شفیع جان نے کہا کہ دورہ سندھ کے دوران وزیراعلیٰ محمد سہیل آفریدی پارٹی اسیران جیل، وکلا، صحافیوں، پارٹی قیادت و کارکنان اور سول سوسائٹی کے نمائندوں سے ملاقاتیں کریں گے،وزیراعلیٰ، سندھ بار ایسوسی ایشن سے خطاب کریں گے جبکہ وزیراعلیٰ سندھ سے باضابطہ ملاقات بھی ان کے دورے کا حصہ ہوگی،معاون خصوصی نے کہا کہ بانی چیئرمین عمران خان، پارٹی قیادت اور کارکنوں کو جعلی، بے بنیاد اور سیاسی انتقام پر مبنی مقدمات میں قید کرنا دراصل پاکستان تحریک انصاف کو دبانے کی ایک ناکام کوشش ہے، جس کا ہر آئینی، قانونی اور جمہوری فورم پر بھرپور مقابلہ کیا جائے گا۔ انہوں نے کہا کہ سٹریٹ موومنٹ پوری قوت کے ساتھ جاری ہے، جس کی قیادت خود وزیراعلیٰ محمد سہیل آفریدی کر رہے ہیں اور پارٹی کارکنان کو منظم، متحرک اور پرامن سیاسی جدوجہد کے لیے تیار کیا جا رہا ہے،شفیع جان نے کہا کہ پنجاب حکومت کے غیر جمہوری اور آمرانہ طرز عمل کے برعکس سندھ حکومت کے وزراء کے بیانات مثبت ہیں، پاکستان کے کسی بھی حصے میں کسی منتخب وزیراعلیٰ کا دورہ کرنا اس کا سیاسی اور جمہوری حق ہے، جسے کسی صورت سلب نہیں کیا جا سکتا،انہوں نے واضح کیا کہ عمران خان اور دیگر اسیر قیادت کی رہائی کے لیے ہر آئینی، قانونی اور جمہوری فورم پر آواز بلند کی جاتی رہے گی۔ پنجاب حکومت کے غیر جمہوری رویے پر شدید افسوس کا اظہار کرتے ہوئے شفیع جان نے کہا کہ آج بھی اڈیالہ جیل کے باہر قرآن خوانی کے لیے بیٹھی خواتین پر واٹر کینن کا استعمال کیا گیا جو انتہائی قابل مذمت اور شرمناک اقدام ہے۔ پنجاب حکومت سیاسی انتقام میں خواتین کے احترام کو بھی فراموش کر چکی ہے۔انہوں نے کہا کہ عمران خان کی بہنوں کا واحد مطالبہ عدالتی احکامات کے مطابق اپنے بھائی سے ملاقات ہے، مگر اس کے باوجود طاقت کا بے جا استعمال کیا جا رہا ہے۔ شفیع جان نے کہا کہ ایسے ہتھکنڈوں سے پاکستان تحریک انصاف ڈرنے والی نہیں۔ جو حکومت زبردستی مسلط کی گئی ہو، وہ جمہوری اقدار اور عوامی مینڈیٹ کی اہمیت کو کیسے سمجھ سکتی ہے۔
KP Excise, Taxation & Narcotics Control Department thwarts multiple narcotics smuggling attempts; several accused arrested and large quantity of hashish recovered
In line with the Khyber Pakhtunkhwa Government’s zero-tolerance policy against narcotics and under the directions of Provincial Minister for Excise, Taxation and Narcotics Control, Syed Fakhar Jehan, the Excise, Taxation & Narcotics Control Department has intensified its ongoing operations across the province against drug dealers and smugglers.
During a series of successful intelligence-based operations conducted by Excise Intelligence and Excise Police Station Peshawar, multiple attempts at narcotics smuggling were thwarted, significant quantities of hashish were recovered and several accused persons were arrested with cases registered against them.
In one operation conducted by Excise Intelligence on Service Road Peshawar, 3,600 grams of hashish were recovered from an accused, who was arrested on the spot.
Similarly, during another operation near Motorway Chaman Park, 18,000 grams of hashish were recovered from a motor car bearing registration number ACS-277, and two accused were apprehended.
In a separate operation, Excise Intelligence intercepted a vehicle bearing registration number LET-3903 near H-Gol Chowk, recovering 12,000 grams of hashish. An attempt to smuggle narcotics was thwarted and two accused were arrested.
In another action by Excise Police Station Peshawar, an attempt to smuggle narcotics on a motorcycle via Motorway Service Road was thwarted, resulting in the recovery of 3,600 grams of hashish and arrest of the alleged smuggler.
These operations were carried out under the supervision of Saud Khan Gandapur, Provincial In-charge, Bureau of Intelligence and Investigation, and Majid Khan, Excise and Taxation Officer (Counter Narcotics Operations), with the assistance of concerned inspectors, SHOs and other staff. FIRs have been registered against the arrested accused and further investigation is in progress.
وزیرِ اعلیٰ خیبر پختونخوا اور صوبائی وزیرِ صحت کی ہدایات پر میڈیکل ڈائریکٹر، میڈیکل ٹیچنگ انسٹی ٹیوشن حیات آباد میڈیکل کمپلیکس محمد شاہ نے بچوں کے مریضوں کی بڑھتی ہوئی تعداد کے پیشِ نظر پیڈیاٹرک وارڈ میں 30 بستروں کی فوری توسیع کی منظوری دی گئی ہے
وزیرِ اعلیٰ خیبر پختونخوا اور صوبائی وزیرِ صحت کی ہدایات پر میڈیکل ڈائریکٹر، میڈیکل ٹیچنگ انسٹی ٹیوشن حیات آباد میڈیکل کمپلیکس محمد شاہ نے بچوں کے مریضوں کی بڑھتی ہوئی تعداد کے پیشِ نظر پیڈیاٹرک وارڈ میں 30 بستروں کی فوری توسیع کی منظوری دی گئی ہے، میڈیکل ڈائریکٹر نے گزشتہ روز اس نئے توسیع شدہ پیڈیاٹرک وارڈ کا باضابطہ افتتاح کیا اور کہا کہ اس اقدام کا مقصد بچوں کو بروقت اور بہتر طبی سہولیات کی فراہمی کو یقینی بنانا ہے۔ انہوں نے وارڈ میں دستیاب طبی سہولیات، علاج معالجے اور انتظامی امور کا اس موقع پرتفصیلی جائزہ بھی لیا اور زیرِ علاج بچوں کی عیادت کی۔مریضوں، ان کے لواحقین اور عملے سے گفتگو کے دوران میڈیکل ڈائریکٹر نے پیڈیاٹرک ٹیم کی محنت، لگن اور پیشہ ورانہ خدمات کو سراہا۔ انہوں نے اس عزم کا اظہار کیا کہ حیات آباد میڈیکل کمپلیکس میں معیاری طبی خدمات کی فراہمی کا یہ سلسلہ اسی جذبے اور تسلسل کے ساتھ جاری رکھا جائے گا۔ انہوں نے یقین دہانی کرائی کہ ادارہ بچوں کے لیے ہر ممکن طبی سہولت اور معیاری علاج کی فراہمی کے لیے پُرعزم ہے اور مریضوں کی دیکھ بھال کو مزید مؤثر بنانے کے لیے انتظامی سطح پر مکمل تعاون جاری رکھا جائے گا۔اس موقع پر چیئرپرسن پیڈیاٹرک یونٹ ڈاکٹر امبرین، سربراہ شعبہ ڈاکٹر عقیل، کلینیکل کوآرڈینیٹر ڈاکٹر عمران، نرسنگ ڈائریکٹر اول خان کے علاوہ فیکلٹی ممبران اور انتظامی افسران بھی موجود تھے۔
محکمہ تعلیم کی کارکردگی میں مزید بہتری لائی جائے۔ وزیر تعلیم ارشد ایوب خان کی متعلقہ حکام کو ہدایت
خیبر پختونخوا کے وزیر برائے ابتدائی وثانوی تعلیم ارشد ایوب خان نے حکام کو ہدایت کی ہے کہ محکمہ تعلیم میں ڈیجیٹائزیشن نظام کی تکمیل کو یقینی بنائیں تاکہ معیار تعلیم سمیت دیگر امور میں بہتری پیدا ہواور شفافیت کو بھی یقینی بنایا جا سکے،انہوں نے ڈسٹرکٹس اور ڈائریکٹوریٹ کی سطح پر کار کردگی میں اضافے کے لئے موثر اقدامات اٹھانے کی بھی ہدایت کی اور کہا کہ صوبے کے عوام کو محکمہ میں واضح طور پر بہتری کی جانب پیش رفت نظر آ نی چاہئے۔ یہ ہدایات انہوں نے منگل کے روز پشاور میں ڈائریکٹوریٹ آف ایلیمنٹری اینڈ سیکنڈری ایجوکیشن میں منعقدہ بریفنگ اجلاس کے دوران دیں۔ اجلاس میں سیکرٹری ابتدائی وثانوی تعلیم محمد خالد خان چیف پلاننگ آفیسرذین اللہ، ڈائریکٹر ایلیمنٹری اینڈ سیکنڈری ایجوکیشن نغمانہ سردار، محکمہ تعلیم کے ضلعی افسران اور متعلقہ حکام بھی موجود تھے۔ اس موقع پر ڈائریکٹر ابتدائی وثانوی تعلیم نے صوبائی وزیر کو محکمہ کے مختلف امور کے حوالے سے تفصیلی بریفنگ دیتے ہوئے اہداف کے حصول سے متعلق اٹھائے گئے اقدامات، تعلیمی منصوبوں پر پیش رفت اور آئندہ کے لائحہ عمل کے حوالے سے آگاہ کیا۔ صوبائی وزیر نے اجلاس سے خطاب کرتے ہوئے صوبے کے ڈسٹرکٹ ایجوکیشن آفیسروں کو ہدایت کی کہ وہ اضلاع کی سطح پر ڈسٹرکٹ سروس ڈلیوری کو مزید بہتر بنائیں اور جہاں کہیں سہولیات میں کمی ہو تو نشاندہی کرکے فوری طور پر ان کا ازالہ کریں۔انہوں نے تمام سرکل ایجوکیشن آفیسروں کو سختی سے ہدایت کی کہ وہ اپنے اپنے اضلاع میں محکم تعلیم سے وابستہ مسائل بروقت حل کریں۔ اگر اساتذہ یا محکمہ کے اہلکار اگر ان کے دفتر مسائل کے حل کیلئے آئے تواس بارے متعلقہ ا فسر سے پوچھا جائے گا۔ انہوں نے بچوں کے لیے بیگز اور سٹیشنری کی خریداری کے عمل کی فوری طور پر معطلی کا احکامات جاری کئے اور آئندہ کے لیے ٹینڈرنگ ای بیڈ کے ذریعے کرنے کی ہدایت کی۔ انہوں نے مزید کہا کہ ڈائریکٹویٹ میں عوامی کمپلینٹ سیل کے پورٹل کو فعال کریں اور اس میں قانون کے مطابق عوام کے جائز مسائل حل کریں۔ انہوں نے کہا کہ صوبے میں ریٹائرمنٹ کے معاملات ا ضلاع کی سطح پر سات دن کے اندر اندر نمٹائے جائیں اور اس میں بھی ڈیجیٹل سسٹم کے تحت ای۔ریٹائرمنٹ کا نظام متعارف کیاجائے۔ انہوں نے افسران سے کہا کہ پلاننگ اینڈ ڈیویلپمنٹ ونگ پر خصوصی توجہ دیتے ہوئے صوبے میں کنسٹرکشن کے کام اور دیگر امور کی خود نگرانی اور دیکھ بھال کریں اور ایک ٹیم کی طرح مل کر کام کریں۔اسی طرح محکمہ تعلیم کے لیٹی گیشن کے کیسوں کو میرٹ پر نمٹایا جائے اور تمام معاملات میں شفافیت لائی جائے۔ انہوں نے کہا کہ ان لائن ایکشن مینجمنٹ، ایٹا سکالرشپ،پی ٹی سی ا ساتذہ کی تعیناتی اور کلاس فور کی بھرتیوں کو بروقت یقینی بنائیں اور اس میں آسانی لائی جائے۔ انہوں نے کہا کہ سمر زون کے علاقوں میں پانچ مہینوں کے لیے تقریبا 6000 ہزار ا ساتذہ بھرتی کیے جائیں گے۔ صوبائی وزیر نے ہدایت کی کہ ضلع کی سطح پر میل اور فیمیل آفیسر ز کے لئے رہائش کی سہولیات فراہم کریں۔ انہوں نے افسران کو ہدایت کی کہ وہ اپنے اپنے اضلاح کے عوام سے روزانہ کی بنیاد پر دو بجے سے لے کر تین بجے تک فیس بک پرآن لائین ان کے مسائل سنیں اور انہیں حل کریں انہوں نے متعلق افسروں سے کہا کہ وہ عوام کے لئے اپنا رویہ میں نرمی لائیں اور عوام کے جائز کاموں کو فوری طور پر حل کریں کیونکہ ہمیں سفارش کے کلچر سے نکلنا ہوگا انہوں نے کہا کہ درس و تدریس ایک معزز اور اہم پیشہ ہے اور اس کی عزت اور وقار میں اضافہ کرنا ہے تاکہ عوام کا اس پر بھروسہ بحال ہو۔ انہوں نے کہا کہ سات ارب روپے کی خطیر رقم سے صوبے کے سکولوں کو فرنیچر فراہم کیا جائے گا
دُھند کے باعث ملک بھر میں موٹرویز بند، مسافروں کو غیر ضروری سفر سے گریز کی ہدایت
پاکستان کے مختلف علاقوں میں شدید دُھند کے باعث موٹرویز پر حدِ نگاہ متاثر ہونے سے ٹریفک کی آمدورفت معطل کر دی گئی ہے۔ نیشنل ہائی وے اور موٹروے پولیس کے مطابق حفاظتی خدشات کے پیشِ نظر متعدد اہم موٹرویز کو عارضی طور پر بند کیا گیا ہے۔
موصولہ اطلاعات کے مطابق موٹروے ایم-1 پشاور سے اسلام آباد تک جبکہ ایم-2 لاہور سے اسلام آباد تک بند ہے۔ اسی طرح ایم-3 درخانہ سے فیض پور، ایم-4 شیر شاہ سے پنڈی بھٹیاں، اور ایم-5 شیر شاہ سے روہڑی تک ٹریفک کے لیے بند کر دی گئی ہے۔
موٹر وے پولیس کے مطابق ایم-11 لاہور سے سمبڑیال، جبکہ ایم-14 ہکلہ سے عیسیٰ خیل تک بند ہے۔ ہزارہ موٹروے پر کوہلیاں سے ہری پور تک آمدورفت معطل ہے، جبکہ سوات ایکسپریس وے کرنل شیر خان انٹرچینج سے کاٹلنگ تک بند کر دی گئی ہے۔
موٹروے پولیس نے مسافروں کو ہدایت کی ہے کہ وہ غیر ضروری سفر سے گریز کریں اور سفر سے قبل تازہ صورتحال کے لیے ہیلپ لائن یا سرکاری ذرائع سے معلومات حاصل کریں۔ موٹر وے پولیس کے مطابق دُھند چھٹنے اور موسم بہتر ہونے پر سڑکیں مرحلہ وار کھول دی جائیں گی۔
صوبائی کابینہ کا 45 واں اجلاس
وزیر اعلیٰ خیبر پختونخوا محمد سہیل آفریدی نے کہا ہے کہ صوبائی اسمبلی خیبر پختونخوا میں منعقد ہونے والے گرینڈ امن جرگے میں تمام سیاسی و مذہبی جماعتوں اور ہر مکتبہ فکر کے نمائندوں نے متفقہ طور پر پندرہ نکاتی ایجنڈے کی منظوری دی، جس میں واضح طور پر یہ موقف اختیار کیا گیا کہ ملٹری آپریشن کسی بھی مسئلے کا حل نہیں ہے۔وزیر اعلیٰ نے کہا کہ صوبائی حکومت کا بھی یہی واضح اور دوٹوک موقف ہے، اور یہ عمران خان کی قیادت میں خیبر پختونخوا حکومت کی پالیسی ہے کہ مسائل کا حل طاقت کے استعمال کے بجائے سیاسی، سماجی اور مشاورتی عمل کے ذریعے نکالا جائے۔ انہوں نے کہا کہ صوبائی اسمبلی میں منعقد ہونے والے امن جرگے کے تمام شرکاء بھی اس نکتے پر متفق تھے۔وزیر اعلیٰ نے خبردار کیا کہ اگر اس متفقہ موقف کے باوجود بند کمروں میں کیے گئے اور یہ فیصلے صوبے پر مسلط کرنے کی کوشش کی گئی تو اس سے تمام اسٹیک ہولڈرز میں شدید تشویش پیدا ہوگی۔ انہوں نے واضح کیا کہ کوئی ایک فرد یا ادارہ زور زبردستی صوبے پر فیصلے مسلط نہیں کر سکتا، اور ایسے اقدامات کے نتائج وہ نہیں ہوں گے جو فیصلہ کرنے والے چاہتے ہیں۔انہوں نے کہا کہ امن خیبر پختونخوا ہی نہیں بلکہ پورے پاکستان کی مشترکہ ضرورت ہے، تاہم پائیدار اور مستقل امن کے لیے ایک جامع، ہمہ گیر اور مشترکہ پالیسی ناگزیر ہے۔ ایسی پالیسی میں تمام اداروں، سیاسی و مذہبی جماعتوں، قبائلی و پختون مشران اور عمائدین کو شامل کیا جانا چاہیے تاکہ باہمی مشاورت سے ایک مؤثر اور قابلِ قبول لائحہ عمل تیار کیا جا سکے۔
وزیر اعلیٰ نے کہا کہ تمام فریق جب مل کر بیٹھیں گے تو نہ صرف مؤثر پالیسی تشکیل پائے گی بلکہ امن بھی بحال ہوگا۔ اس کے برعکس بند کمروں میں کیے گئے فیصلوں سے نہ امن قائم ہو سکتا ہے اور نہ ہی عوام کا اعتماد بحال ہوگا۔وزیر اعلیٰ نے واضح کیا کہ خیبر پختونخوا حکومت کسی بھی ملٹری آپریشن کی مخالف ہے اور کسی صورت اس کی اجازت نہیں دی جائے گی۔ان خیالات کا اظہار انہوں نے پیر کے روز پشاور میں منعقدہ صوبائی کابینہ کے 45ویں اجلاس کی صدارت کرتے ہوئے کیا۔ اجلاس میں صوبائی اراکین، چیف سیکر ٹری خیبر پختونخوا، ایڈیشنل چیف سیکر ٹریز، سینئر ممبر بورڈ آف ریونیو، انتظامی سیکرٹریز اور ایڈوکیٹ جنرل خیبر پختونخوا نے شرکت کی۔اجلاس میں صوبے کی فلاح و بہبود، انتظامی اصلاحات، سماجی تحفظ، صحت، تعلیم، نوجوانوں اور اوورسیز پاکستانیوں سے متعلق متعدد اہم فیصلے کیے گئے۔ اجلاس کے بعد معاونِ خصوصی برائے اطلاعات و تعلقات عامہ شفیع جان نے کابینہ کے فیصلوں سے آگاہ کرتے ہوئے بتایا کہ صوبائی کابینہ نے خیبر پختونخوا اسٹیبلشمنٹ آف اسپیشل کورٹس (اوورسیز پاکستانیز پراپرٹیز) ایکٹ 2025 کی منظوری دی ہے۔ انہوں نے کہا کہ اوورسیز پاکستانیز ملک کی معاشی ترقی میں اہم کردار ادا کرتے ہیں، ان کے حقوق کا تحفظ صوبائی حکومت اپنی ذمہ داری سمجھتی ہے اور اس قانون سے بیرون ملک پاکستانیوں کی صوبے میں جائیدادوں کا تحفظ یقینی بنائیں گے، سپیشل کورٹس کے قیام سے پراپرٹی کے معاملات حل ہوں گے۔انہوں نے بتایا کہ اجلاس میں ایکسائز، ٹیکسیشن اینڈ نارکوٹکس کنٹرول کے عملے کے لیے پولیس طرز پر“شہداء پیکج”کے ایجنڈے کو کابینہ کمیٹی کے سپرد کرنے کا فیصلہ کیا گیا۔ اس کے ساتھ ساتھ صوبے میں موجود دیگر یونیفارم فورسز کے شہداء کو بھی شامل کرنے کے لیے جامع یونیفارم پالیسی بنانے کی ہدایت دی گئی۔شفیع جان نے کہا کہ کابینہ نے اسپیشل ایجوکیشن کمپلیکس حیات آباد کے لیے بسوں کی خریداری کی منظوری دی جبکہ زمونگ کور کے زیرِ کفالت بچوں کے لیے بھی بسوں کا بندوبست کرنے کی ہدایت جاری کی گئی۔ سردیوں کے پیشِ نظر محکمہ سوشل ویلفیئر کو بے گھر افراد کے لیے خصوصی اقدامات اٹھانے اور سیاحتی اضلاع میں سردیوں کے دوران سیاحوں کے لیے خصوصی انتظامات یقینی بنانے کی بھی ہدایت کی۔ان کا کہنا تھا کہ اجلاس میں بھل صفائی کے لیے محکمہ آبپاشی کو 900 ملین روپے کے فنڈز کی منظوری دی گئی۔ کابینہ نے ہدایت کی کہ بھل صفائی کی مہم شفاف اور منظم انداز میں مکمل کی جائے، کیونکہ ان اقدام سے سیلاب کے ممکنہ نقصانات میں بھی کمی لائی جا سکتی ہے۔ محکمہ موسمیات کی پیش گوئیوں کو مدِنظر رکھتے ہوئے مزید حفاظتی اقدامات کی بھی ہدایت کی گئی۔کابینہ نے گرینڈ کرم یوتھ کنونشن کے انعقاد کے لیے چھ ملین روپے کی منظوری دی۔ معاونِ خصوصی نے کہا کہ کابینہ اجلاس میں موقف اختیار کیا گیا کہ نوجوانوں کو قومی اور صوبائی مسائل پر مکالمے اور مباحثے کا موقع فراہم کرنا وقت کی اہم ضرورت ہے اورا یسے اقدامات سے قومی یکجہتی کو فروغ ملے گا۔ کابینہ نے دیگر اضلاع میں بھی ایسے یوتھ کنونشنز منعقد کرنے کی ہدایت کی۔اجلاس میں نیشنل پارکس اور وائلڈ لائف منصوبوں، ضم اضلاع میں جنگلات کے عملے اور صوبائی محتسب دفتر کے لیے گاڑیوں کی خریداری کی منظوری دی گئی۔معاون خصوصی برائے اطلاعات نے مزید کہا کہ اس موقع پر صوبے میں موجود تمام سرکاری گاڑیوں کی تفصیلات ایک ہفتے کے اندر جمع کرانے اور ان کی سالانہ مرمت پر آنے والے اخراجات کی تفصیلات بھی طلب کی گئیں۔صوبائی کابینہ نے کیڈٹ کالج لکی مروت کو خیبر پختونخوا ایجوکیشنل اینڈ ٹریننگ انسٹی ٹیوشنز آرڈیننس 1971 کے تحت لانے کی منظوری دی۔ اس کے علاوہ محکمہ ہائر ایجوکیشن میں لائبریرینز کی اپگریڈیشن کے لیے فورٹیئر فارمولے کی منظوری بھی دی گئی۔کابینہ نے دو شہریوں کے علاج میں معاونت کے تحت مالی امداد کی منظوری دی۔ صحت کے شعبے میں اسٹرکچرل ہارٹ اور کارڈیک ٹرانسپلانٹ پروگرام کے لیے 448 ملین روپے، سرکاری ہسپتالوں میں ہیمو ڈائیلاسز مشینوں کی تبدیلی کے لیے فنڈز، جبکہ ایم ٹی آئی ہسپتالوں میں ہیڈ نرسز اور کلینیکل/سینئر کلینیکل ٹیکنیشنز کی خدمات جاری رکھنے کی بھی منظوری دی گئی۔انہوں نے کہا کہ کابینہ نے خیبر پختونخوا منرلز ڈویلپمنٹ اینڈ مینجمنٹ کمپنی میں چارانڈیپنڈنٹ ڈائریکٹرز کی تعیناتی کی منظوری بھی دی۔
Fog Updates 06-01-2026
All lane(s) closed due to Fog Location From KM 19 Ismaila Interchange to KM 0 Kernal sher Khan Direction Kernal Sher Khan Swat
All lane(s) closed due to Fog Location From KM 498 MTP Peshawar to KM 351 Islamabad Direction Islamabad Peshawar
دُھند کے باعث (موجودہ صورتحال)
ایم-1: ٖپشاور سے اسلام آباد تک بند ہے۔
ایم-2: لاہور سے اسلام آباد تک بند ہے۔
ایم-3: ٖدرخانہ سے فیض پور تک بند ہے۔
ایم-4: شیر شاہ سے پنڈی بھٹیاں تک بند ہے۔
ایم-5: شیر شاہ سے روہڑی تک بند ہے۔
ایم-11: لاہور سے سمبڑیال تک بند ہے۔
ایم-14:ہکلہ سے عیسٰی خیل تک بند ہے۔
ہزارہ موٹروے: کوہلیاں تا ہری پور تک بند ہے
سوات ایکسپریس وے: کرنل شیر خان انٹر چینج سے کاٹلنگ تک بند ہے۔