خیبرپختونخوا کیصوبائی وزیر توانائی وبرقیات نذیراحمد عباسی نے کہاہے کہ صوبے میں بجلی سے متعلق عوامی مسائل کا فوری حل ہماری اولین ترجیح ہے جس کے لئے ہم آئینی حدود میں رہ کرصوبے میں خدمات سرانجام دینے والے وفاقی محکموں کوہرصورت عوام کاتابع بنائیں گے۔محکمہ توانائی وبرقیات کے ذیلی ادارے انسپکٹریٹ آف الیکٹریسٹی نے صوبے میں بجلی صارفین کودرپیش مسائل کے فوری حل کے لئے پشاورسمیت صوبے کے دیگر اضلاع میں 5ریجنل دفاترمیں ون ونڈوشکایات سنٹرزقائم کررکھے ہیں جہاں پر صارفین دفتر تشریف لاکریاپھردیگرذرائع سے اپنی شکایات کااندراج کراسکتے ہیں جن کے فوری ازالے کے لئے سیکرٹری محکمہ توانائی وبرقیات ان سنٹرزکی ازخودمانیٹرنگ کرینگے۔صوبے میں بجلی کی تقسیم کار کمپنیوں (پیسکو، ہزیکو،ٹیسکو) کے درمیان بجلی بلوں اور میٹرز سے متعلق تنازعات کے حل مثلاً اضافی یونٹس، ناجائز جرمانہ اور غلط ٹیرف کی تصحیح ناقص تنصیبات کی وجہ سے قیمتی جانوں و املاک کے نقصانات سے بچاؤ، بجلی سے مہلک و غیر مہلک حادثات کی انکوائری،الیکٹریکل سپروائزر سرٹیفیکیٹ اور الیکٹریکل کنٹریکٹر لائسنس کے اجراء سمیت دیگرمسائل کے حل کیلئے عوام الناس فوری رابطہ کرسکتے ہیں۔اس سلسلے میں بجلی مسائل کے فوری حل کے لئے ون ونڈونظام کومزید موثربنانے پرغورشروع کردیاگیاہے۔ان خیالات کا اظہارانہوں نے انسپکٹریکٹ آف الیکٹریسٹی کی جانب سے تعارفی جائزہ اجلاس کی صدارت کرتے ہوئے کیا۔ اجلاس میں سیکرٹری توانائی وبرقیات نثاراحمد،ایڈیشنل سیکرٹری انورخان شیرانی،صوبائی الیکٹرک انسپکٹر احسان خٹک اورسینئر چیف پلاننگ آفیسرظاہرشاہ نے شرکت کی۔ اجلاس میں بریفنگ کے دوران ادارے کے امورسمیت عوام الناس کو فراہم کی جانے والی سہولیات کے بارے میں آگاہ کیا گیا۔اجلاس میں بتایاگیاکہ انسپکٹریٹ آف الیکٹریسٹی کے مرکزی دفتر پشاور سمیت ریجنل دفاتر بنوں، نوشہرہ، ایبٹ آباد اور سوات میں خصوصی ون ونڈوشکایات سنٹرزقائم کئے گئے ہیں جہا ں پر بجلی صارفین دفاترآکراپنی شکایات درج کراتے ہیں یا پھر آن لائن ویب سائیٹ www.ioekp.gov.pkکے ذریعے گھر بیٹھے منٹوں میں شکایات کااندراج کیا جاتاہے۔اجلاس میں صوبائی وزیر توانائی نذیراحمدعباسی نے ہدایات جاری کیں کہ بجلی نظام سے متعلق عوامی شکایات کوفوری حل کرنے کے لئے براہ راست رابطوں کے نظام کومزید آسان اورسہل بنانے کے لئے میکنزم تیا رکیا جائے اورہر ضلع میں براہ راست عوامی شکایات کے ازالے کے لئے سوشل میڈیا کے ذریعے بھر پور تشہیر کے ذریعے کھلی کچہریوں کے انعقاد اورآن لائن شکایات کے ازالے کے لئے تقسیم کارکمپنیوں سے رابطوں کو تیز کرکے عوام کوبروقت سہولت فراہم کی جائے۔انہوں نے واضح کیا کہ عوامی خدمت اورعوامی مسائل کافوری حل ہی ہماراحقیقی ہدف ہے اورعوامی مینڈیٹ اوروعدوں کوہرصورت پوراکریں گے۔
کمشنر کوہاٹ کا رات گئے بلی ٹنگ ہسپتال کا سرپرائز وزٹ، غیر حاضر ڈاکٹر اور ٹیکنیشن کے خلاف فوری ایکشن
کمشنر کوہاٹ ڈویژن سید معتصم باللہ شاہ نے رات گئے بلی ٹنگ ہسپتال کا اچانک دورہ کیا، جہاں طبی سہولیات، ادویات کی دستیابی، صفائی ستھرائی اور عملے کی کارکردگی کا تفصیلی جائزہ لیا گیا۔ معائنے کے دوران ایک ڈاکٹر اور ایک ٹیکنیشن ڈیوٹی سے غیر حاضر پائے گئے جس پر کمشنر نے ان کے خلاف فوری قانونی اور محکمانہ کارروائی کے احکامات جاری کر دئیے۔ کمشنر نے ہسپتال کے مختلف شعبوں کا دورہ کرتے ہوئے ادویات کے ذخائر، طبی آلات اور صفائی کے انتظامات کا معائنہ کیا اور مجموعی صورتحال پر اطمینان کا اظہار کیا۔ تاہم بعض اہلکاروں کی غیر حاضری کو ناقابل قبول قرار دیتے ہوئے ذمہ داروں کے خلاف کارروائی کی ہدایت کی۔ دورے کے دوران معتصم باللہ نے زیر علاج مریضوں کی عیادت بھی کی اور ان سے علاج معالجے، ادویات کی فراہمی اور طبی عملے کے رویے کے بارے میں دریافت کیا۔ مریضوں کے تاثرات کی بنیاد پر ہسپتال کی کارکردگی کا جائزہ لیا گیا۔ کمشنر نے پانی اور بجلی کی فراہمی سمیت صفائی ستھرائی کے انتظامات کا بھی معائنہ کیا اور اس بات پر اطمینان ظاہر کیا کہ ہسپتال میں ضروری ادویات اور مختلف بیماریوں سے بچاؤ کیلئے درکار ویکسینز وافر مقدار میں دستیاب ہیں۔
انہوں نے ہسپتال انتظامیہ کو ہدایت کی کہ عوام کو معیاری طبی سہولیات کی فراہمی یقینی بنانے کیلئے تمام طبی و انتظامی امور کی مسلسل نگرانی کی جائے جبکہ عملے کی حاضری اور فرائض کی انجام دہی میں کسی قسم کی کوتاہی برداشت نہیں کی جائے گی۔
Provincial Minister for Health Khaliq Ur Rehman chairs an important meeting with a delegation of World Bank officials
Provincial Minister for Health Khaliq Ur Rehman chaired an important meeting with a delegation of World Bank officials today to discuss ongoing cooperation and support for the health sector in Khyber Pakhtunkhwa. Secretary Health Shahid Ullah Khan, senior officials of the Health Department, and representatives of the World Bank also attended the meeting.
During the meeting, the World Bank delegation provided a comprehensive briefing on the financial and technical assistance being extended to various healthcare programs and development initiatives across the province. The delegation highlighted the progress of ongoing projects, future areas of collaboration, and efforts aimed at strengthening healthcare delivery systems, improving service quality, and expanding access to essential health services for the people of Khyber Pakhtunkhwa.
Provincial Minister for Health Khaliq Ur Rehman appreciated the World Bank’s longstanding partnership and valuable contributions towards the development of the health sector in the province. He thanked the delegation for its consistent financial and technical support and acknowledged the important role played by the World Bank in advancing key healthcare reforms and development initiatives.
The Minister reiterated the provincial government’s commitment to providing quality, accessible, and affordable healthcare services to all citizens. He stated that the Government of Khyber Pakhtunkhwa is actively pursuing a comprehensive health reform agenda focused on strengthening primary and secondary healthcare, improving health infrastructure, enhancing human resource capacity, and ensuring efficient service delivery across the province.
The meeting also discussed opportunities to further strengthen collaboration between the Government of Khyber Pakhtunkhwa and the World Bank, enhance the effectiveness of ongoing programs, and explore new avenues of support to address emerging healthcare challenges. Both sides reaffirmed their commitment to working together for improved health outcomes and sustainable development of the healthcare sector.
The Provincial Minister expressed confidence that the continued partnership between the Government of Khyber Pakhtunkhwa and the World Bank will contribute significantly to strengthening healthcare systems, improving health indicators, and ensuring better healthcare services for the people of the province.
سڑکوں کا مضبوط نیٹ ورک ترقی کی بنیاد ہے، صوبائی وزیر قانون کا زیارت شیخ اللہ داد روڈ کے افتتاح کے موقع پر خطاب
خیبرپختونخوا کے وزیر قانون و پارلیمانی امور آفتاب عالم نے کہا ہے کہ سڑکوں کا مضبوط اور معیاری نیٹ ورک کسی بھی علاقے کی سماجی و معاشی ترقی میں کلیدی کردار ادا کرتا ہے کیونکہ اس سے عوام کو تعلیم، صحت، تجارت اور دیگر بنیادی سہولیات تک آسان رسائی حاصل ہوتی ہے۔انہوں نے یہ بات ضلع کوہاٹ میں زیارت شیخ اللہ داد روڈ منصوبے کے باضابطہ افتتاح کے موقع پر خطاب کرتے ہوئے کہی۔ 12 کروڑ روپے کی لاگت سے مکمل ہونے والا یہ منصوبہ صوبائی وزیر قانون آفتاب عالم اور رکن قومی اسمبلی شہریار آفریدی کے ترقیاتی فنڈز سے پایہ تکمیل تک پہنچا۔ افتتاحی تقریب میں مقامی عمائدین، منتخب نمائندوں، سیاسی کارکنوں اور علاقہ مکینوں کی بڑی تعداد نے شرکت کی۔منصوبے کا مقصد علاقے میں سفری سہولیات کو بہتر بنانا، دیہی آبادی کو مرکزی شاہراہوں سے منسلک کرنا، سیاحت کی ترقی اور مقامی سطح پر معاشی سرگرمیوں کو فروغ دینا ہے۔ آفتاب عالم نے کہا کہ مذکورہ سڑک کی تکمیل سے علاقے کے عوام کو درپیش دیرینہ سفری مشکلات میں نمایاں کمی آئے گی جبکہ مختلف دیہات کے درمیان رابطہ بھی مزید مستحکم ہوگا۔ انہوں نے کہا کہ بہتر انفراسٹرکچر نہ صرف عوامی سہولت کا باعث بنتا ہے بلکہ سرمایہ کاری اور کاروباری سرگرمیوں کے فروغ میں بھی مددگار ثابت ہوتا ہے۔ انہوں نے اس عزم کا اعادہ کیا کہ صوبائی حکومت عوامی فلاح و بہبود اور بنیادی سہولیات کی فراہمی کیلئے ترقیاتی منصوبوں پر خصوصی توجہ دے رہی ہے اور دور افتادہ علاقوں کو ترقی کے قومی دھارے میں شامل کرنے کیلئے عملی اقدامات جاری رکھے گی۔ تقریب میں پاکستان تحریک انصاف کے مقامی رہنما ساجد اقبال اور دیگر کارکنان بھی موجود تھے۔ شرکاء نے منصوبے کو علاقے کی بنیادی ضروریات میں شامل ایک اہم ترقیاتی اقدام قرار دیتے ہوئے امید ظاہر کی کہ اس سے مقامی آبادی کو براہِ راست فائدہ پہنچے گا اور علاقے میں معاشی و سماجی سرگرمیوں کو نئی تحریک ملے گی۔ حکام کے مطابق روڈ منصوبے کی تکمیل کے بعد زیارت شیخ اللہ داد سمیت ملحقہ علاقوں کے درمیان آمدورفت مزید آسان ہو جائے گی، جبکہ شہریوں کو محفوظ، معیاری اور تیز رفتار سفری سہولیات میسر آئیں گی۔
وزیر اطلاعات شفیع جان کے حلقے میں پی ٹی آئی کا بڑا سیاسی وار، پیپلز پارٹی کے سابق ضلعی رہنما ملک مصور ساتھیوں سمیت شامل
خیبرپختونخوا کے وزیر اطلاعات و تعلقاتِ عامہ شفیع جان کے حلقہ پی کے-92 کوہاٹ کے علاقے چکرکوٹ بالا میں پاکستان تحریک انصاف (پی ٹی آئی) کے ایک بڑے شمولیتی جلسے کے دوران پاکستان پیپلز پارٹی کو سیاسی دھچکا اس وقت لگا جب سابق ڈسٹرکٹ ممبر ملک مصور نے اپنے خاندان اور سینکڑوں ساتھیوں سمیت پیپلز پارٹی چھوڑ کر پی ٹی آئی میں شمولیت کا اعلان کر دیا۔ پی ٹی آئی رہنماؤں کے مطابق ملک مصور کو چند روز قبل وزیراعلیٰ خیبرپختونخوا سہیل آفریدی نے پارٹی مفلر پہنا کر تحریک انصاف میں خوش آمدید کہا تھا جبکہ ان کی باضابطہ شمولیت کا اعلان ہفتہ کو صوبائی وزیر اطلاعات شفیع جان کی موجودگی میں منعقدہ جلسہ عام میں کیا گیا۔ جلسے سے خطاب کرتے ہوئے شفیع جان نے نئے شامل ہونے والے کارکنوں اور رہنماؤں کا خیرمقدم کرتے ہوئے کہا کہ مختلف سیاسی جماعتوں سے تعلق رکھنے والے افراد پی ٹی آئی میں شمولیت پارٹ کی پالیسیوں اور عمران خان کے بیانیہ پر اعتماد کا مظہر ہے اور یہی وجہ ہے کہ پارٹی اور پارٹی قائدین پر پابندیوں اور جبر کے باوجود بھی عمران خان اور پارٹی کی مقبولیت کا گراف مسلسل اوپر جارہا ہے اور لوگ دوسری پارٹیوں کو الوداع کہہ کر پاکستان تحریک انصاف کا حصہ بن رہے ہیں۔ انہوں نے کہا کہ عوام روایتی سیاست سے مایوس ہو چکے ہیں اور تبدیلی، شفاف طرزِ حکمرانی اور عوامی حقوق کے تحفظ کیلئے پاکستان تحریک انصاف پر اعتماد کا اظہار کر رہے ہیں۔ ان کا کہنا تھا کہ پارٹی میں شامل ہونے والے افراد کو عوامی خدمت اور سیاسی کردار ادا کرنے کے مساوی مواقع فراہم کئے جائیں گے۔ شفیع جان نے کہا کہ چکرکوٹ بالا کی اہم سیاسی شخصیت ملک مصور اور ان کے ساتھیوں کی شمولیت سے علاقے میں پاکستان تحریک انصاف کی سیاسی پوزیشن مزید مستحکم ہوئی ہے۔ انہوں نے دعویٰ کیا کہ عوامی حمایت میں مسلسل اضافے کے باعث آئندہ سیاسی دور بھی پی ٹی آئی کا ہوگا۔ جلسے میں پارٹی کارکنوں، مقامی عمائدین اور علاقے کے عوام کی بڑی تعداد نے شرکت کی اور پی ٹی آئی کی قیادت پر اپنے اعتماد کا اظہار کیا۔
مٹہ سوات میں عوام کا تاریخی اجتماع، مہنگائی اور ناانصافی کے خلاف بھرپور احتجاج
فرزندِ سوات مراد سعید کی کال پر آج مٹہ چوک سوات میں عوام کا ایک عظیم الشان اور تاریخی اجتماع منعقد ہوا، جس میں ہزاروں افراد نے شرکت کرکے اپنے حقوق، جمہوریت اور عوامی خودمختاری کے حق میں بھرپور آواز بلند کی۔
اجتماع سے خطاب کرتے ہوئے خیبر پختو نخوا کے صوبائی وزیر ڈاکٹر امجد علی نے کہا ہے کہ ملک میں بڑھتی ہوئی مہنگائی، بے روزگاری، بدامنی اور پٹرولیم مصنوعات کی قیمتوں میں مسلسل اضافے نے عوام کی زندگی اجیرن بنا دی ہے۔ انہوں نے کہاکہ موجودہ حالات میں عام آدمی شدید معاشی مشکلات کا شکار ہے اور حکومتی پالیسیوں کے منفی اثرات براہِ راست عوام پر پڑ رہے ہیں۔
ڈاکٹر امجد علی خان نے کہا ہے کہ عوام اب ظلم، ناانصافی اور معاشی بدحالی کے خلاف متحد ہو چکی ہیں اور اپنے آئینی و جمہوری حقوق کے حصول کے لیے ہر فورم پر آواز بلند کریں گے۔ انہوں نے مزید کہا کہ موجودہ حکمرانوں کی ناقص پالیسیوں کے باعث ملک سنگین معاشی اور سیاسی بحرانوں سے دوچار ہوا ہے، جبکہ عوام مہنگائی کے بوجھ تلے پس رہے ہیں۔
صوبائی وزیر نے زور دیتے ہوئے کہا ہے کہ ملک کو موجودہ بحرانوں سے نکالنے کے لیے عوامی مینڈیٹ کا احترام، آئین کی بالادستی اور حقیقی جمہوریت کی بحالی ناگزیر ہے۔ ان کا کہنا تھا کہ عوامی مسائل کے حل اور قومی استحکام کے لیے عوام کی رائے کا احترام اور شفاف جمہوری عمل ہی واحد راستہ ہے۔
اجتماع کے شرکاء نے بڑی تعداد میں شرکت کرکے اپنے مطالبات کے حق میں آواز بلند کی اور عوامی حقوق کے تحفظ کے عزم کا اظہار کیا۔
کوہاٹ:صوبائی وزیر اطلاعات کی زیرصدارت محرم الحرام کے انتظامات پر جرگے: فول پروف سیکیورٹی، بلا تعطل سہولیات اور مذہبی ہم آہنگی یقینی بنانے کا عزم
خیبرپختونخوا کے وزیر اطلاعات و تعلقاتِ عامہ شفیع جان نے کہا ہے کہ محرم الحرام کے دوران ضلع کوہاٹ میں امن و امان کے قیام، مذہبی ہم آہنگی کے فروغ اور عزاداروں کو بہترین سہولیات کی فراہمی کیلئے تمام تر ضروری اقدامات مکمل کئے جا رہے ہیں جبکہ جلوسوں اور مجالس کے پرامن انعقاد کو یقینی بنانے کیلئے جامع سیکیورٹی پلان نافذ کیا جائے گا۔ وزیر اطلاعات شفیع جان نے یہ بات محرم الحرام کے انتظامات، بین المسالک ہم آہنگی اور امن و امان کی صورتحال کے جائزے کیلئے اہلِ سنت والجماعت اور اہلِ تشیع کے علیحدہ علیحدہ جرگوں کی صدارت کرتے ہوئے کہی جن میں ڈپٹی کمشنر کوہاٹ محمد نواز وزیر، ڈی پی او کوہاٹ شہباز الٰہی، ریٹائرڈ چیف جسٹس ابنِ علی، ایم این اے شہریار آفریدی کے نمائندے، ضلعی انتظامیہ، سیکیورٹی اداروں، علما کرام، عمائدین اور سول سوسائٹی کے نمائندوں نے شرکت کی۔ وزیر اطلاعات نے کہا کہ کوہاٹ ہمیشہ سے مذہبی رواداری، بھائی چارے اور بین المسالک احترام کی ایک روشن مثال رہا ہے جہاں اہلِ سنت اور اہلِ تشیع ایک دوسرے کے مذہبی اور سماجی معاملات میں بھرپور تعاون کرتے ہیں۔ انہوں نے امید ظاہر کی کہ رواں سال بھی محرم الحرام اسی جذبے اور باہمی احترام کے ساتھ منایا جائے گا۔ اجلاسوں میں محرم الحرام کے دوران سیکیورٹی، صفائی، ٹریفک مینجمنٹ، بجلی، پانی اور طبی سہولیات سمیت مختلف انتظامی امور کا تفصیلی جائزہ لیا گیا۔ حکام نے فیصلہ کیا کہ جلوسوں کے راستوں، مساجد اور امام بارگاہوں کے اطراف صفائی، اسٹریٹ لائٹس اور پانی کی فراہمی کو یقینی بنایا جائے گا جبکہ ٹریفک کی روانی برقرار رکھنے کیلئے خصوصی پلان پر عمل درآمد کیا جائے گا۔ شفیع جان نے کہا کہ حکومت عزاداروں کو محفوظ ماحول فراہم کرنے کیلئے پرعزم ہے اور جلوسوں و مجالس کے اوقات میں بجلی کی بلا تعطل فراہمی کیلئے متعلقہ اداروں کے ساتھ رابطے جاری ہیں۔ انہوں نے بتایا کہ شدید گرمی کے پیش نظر پانی، ادویات، ایمبولینس سروس اور دیگر ضروری سہولیات کی دستیابی کو بھی ترجیح دی جا رہی ہے۔ انہوں نے ڈی پی او کو ہدایت کی کہ حساس مقامات، امام بارگاہوں اور جلوسوں کے راستوں پر سیکیورٹی مزید مؤثر بنائی جائے اور شرپسند عناصر پر کڑی نظر رکھی جائے۔ وزیر اطلاعات نے واضح کیا کہ اشتعال انگیز تقاریر یا فرقہ وارانہ کشیدگی پیدا کرنے کی کسی بھی کوشش کو برداشت نہیں کیا جائے گا اور قانون کے مطابق سخت کارروائی عمل میں لائی جائے گی۔اجلاسوں کے اختتام پر شفیع جان نے اہلِ سنت و اہلِ تشیع کے علماء کرام، مشران، ضلعی انتظامیہ، پولیس اور دیگر اداروں کے تعاون کو سراہتے ہوئے کہا کہ تمام فریقین کے اشتراک سے محرم الحرام کے دوران امن، یکجہتی اور مذہبی ہم آہنگی کی فضا برقرار رکھی جائے گی۔
پیہور ہائی لیول کینال توسیعی منصوبہ زرعی ترقی اور کسانوں کی خوشحالی میں اہم کردار ادا کر رہا ہے، سیکرٹری زراعت
سیکرٹری زراعت خیبرپختونخوا ڈاکٹر محمد بختیار خان کی زیر صدارت پیہور ہائی لیول کینال توسیعی منصوبے کے حوالے سے اجلاس منعقد ہوا، جس میں منصوبے کے باقی ماندہ کاموں کی تکمیل کے لیے 30 جون 2027 تک ایک سالہ توسیع کی تجویز کا جائزہ لیا گیا۔ اجلاس میں ایشیائی ترقیاتی بینک کے ٹیم لیڈر ریوٹارو تاکاکو نے شرکت کی۔ ایڈیشنل سیکرٹری ڈیولپمنٹ، محکمہ زراعت اور ڈائریکٹر ہیڈکوارٹر آن فارم واٹر مینجمنٹ بھی موجود تھے۔
ریوٹارو تاکاکو نے منصوبے کے مجموعی اہداف، موجودہ پیش رفت اور درپیش چیلنجز و رکاوٹوں کے حوالے سے تفصیلی بریفننگ دی۔
اجلاس کو بتایا گیا کہ منصوبے کے تحت ضلع صوابی اور نوشہرہ کی تقریباً 18 ہزار ایکڑ بارانی اراضی کو سیراب زراعت کے دائرے میں لایا جا چکا ہے، جس سے زرعی پیداوار میں اضافہ اور کاشتکاروں کی معاشی حالت بہتر بنانے میں نمایاں مدد ملی ہے۔ اجلاس کو آگاہ کیا گیا کہ منصوبے کا بنیادی مقصد زرعی پیداوار اور کسانوں کی آمدن میں اضافہ کرکے غربت کے خاتمے میں معاونت فراہم کرنا ہے۔
سیکرٹری زراعت نے 84 ملین ڈالر مالیت کے ایشیائی ترقیاتی بینک کے مالی تعاون سے جاری اس میگا منصوبے کے تحت ہونے والی پیش رفت اور حاصل شدہ نتائج کو سراہتے ہوئے کہا کہ اس منصوبے سے علاقے کی کاشتکار برادری کے معیارِ زندگی میں مثبت اور دیرپا تبدیلی آئے گی۔
انہوں نے منصوبے کی پائیداری اور مؤثر آپریشن و مینٹیننس کو یقینی بنانے کے لیے آن فارم واٹر مینجمنٹ کی فعال شمولیت کو ناگزیر قرار دیا۔ سیکرٹری زراعت نے حکام کو ہدایت کی کہ منصوبے کے تحت مکمل کیے گئے اقدامات اور متعلقہ ڈیٹا ڈائریکٹوریٹ جنرل آن فارم واٹر مینجمنٹ کے ساتھ شیئر کیا جائے تاکہ آبپاشی نظام کی پائیدار فعالیت اور کمانڈ ایریا کی زرعی پیداواری صلاحیت میں مزید بہتری کے لیے ضروری اقدامات بروقت کیے جا سکیں۔
KP Minister Information Shafi Jan expresses grief over loss of lives due to windstorm in Bannu district
Khyber Pakhtunkhwa Minister for Information and Public Relations, Shafi Jan, has expressed deep grief and sorrow over the loss of four human lives, including three women, as a result of a severe windstorm in Bannu district.
Extending his heartfelt sympathy and condolences to the families of the deceased, he stated that on the directives of Chief Minister Sohail Afridi, the district administration, Rescue 1122, and other relevant departments are actively engaged in relief activities. Furthermore, the best possible medical facilities are being provided to the injured in hospitals.
He assured that the provincial government stands with the affected families in this difficult hour and will provide them with every possible assistance. The information minister also prayed for the forgiveness and elevated ranks of the deceased, as well as for the speedy recovery of the injured.
Provincial Minister Information Shafi Jan expresses grief over the demise of former Senator Taj Afridi in a tragic traffic accident
Provincial Minister for Information and Public Relations, Shafi Jan, has expressed deep grief and sorrow over the sudden demise of former Senator Taj Afridi in a traffic accident.
In a condolence message issued here, the Provincial Minister extended his heartfelt sympathy and condolences to the bereaved family, stating that the provincial government shares the grief of the mourning family in this hour of sorrow.
He remarked that the political and social services of the late Taj Afridi will always be remembered. Shafi Jan prayed that Allah Almighty grant the deceased a place in His mercy, elevate his ranks, and bestow patience and fortitude upon the bereaved family to bear this irreparable loss.
He also expressed his best wishes for the quick and complete recovery of the driver injured in the accident.