خیبرپختونخوا حکومت کی منشیات کے خلاف زیروٹالرنس پالیسی اور وزیر ایکسائز سید فخرجہان کی ہدایات کے تحت جاری کاروائیوں کے سلسلے میں محکمہ ایکسائز، ٹیکسیشن و نارکوٹکس کنٹرول خیبرپختونخوا نے ایک اور اہم کامیابی حاصل کرتے ہوئے بھاری مقدار میں آئس سمگلنگ کی کوشش ناکام بنا دی۔
محکمہ ایکسائز سے موصولہ تفصیلات کے مطابق ایکسائز بیورو آف انٹیلیجنس اینڈ انویسٹیگیشن ڈی آئی خان اسکواڈ نے خفیہ اطلاع پر درابن روڈ، ڈیرہ اسماعیل خان میں ایک کارروائی کے دوران مشکوک موٹر کار نمبر BRW-436 کو روک کر اس کی تلاشی لی جس کے دوران گاڑی کی تیل ٹینکی میں مہارت سے چھپائی گئی آئس سے بھری بوتلیں برآمد کرلی گئیں جن کا مجموعی وزن 11 ہزار 130 گرام ہے۔
محکمہ ایکسائز ٹیم نے موقع پر ملزم اللہ محمد ولد عبداللہ جان، سکنہ کوئٹہ کو گرفتار کرکے منشیات قبضے میں لے لی جبکہ ملزم کے خلاف تھانہ ایکسائز ڈی آئی خان ریجن میں مقدمہ درج کرکے مزید تفتیش شروع کردی گئی ہے۔

Secretary Agriculture Dr. Muhammad Bakhtiar Khan said that certified and healthy seed plays a fundamental role in achieving quality agricultural production. He stated that high-quality, disease-free seeds with better genetic traits not only increase per-acre yield but also improve overall crop health and farmers income. He expressed these views during his detailed visit to Sugar Crops Research Institute Mardan and Seed Multiplication Farm Jamra Takht Bhai, where he reviewed various activities related to agricultural research, biological pest control, seed improvement, and wheat harvesting campaign.

During the visit, Dr. Bakhtiar Khan inaugurated cultivation of a Sugarcane Fuzz nursery under the Sugarcane Breeding Section at the Sugar Crops Research Institute Mardan. Director General Agriculture Extension Dr. Muhammad Naveed Khan and other relevant officials were also present on the occasion. Officials described the initiative as an important step toward developing improved and high-yield sugarcane varieties, promoting quality genetic material and advancing modern agricultural research.

During the briefing, Agriculture Secretary was informed about ongoing research activities, future plans and institute’s role in agricultural development. A comprehensive technical presentation was also delivered on sugarcane breeding, development of new varieties, control of diseases and harmful pests, biological control methods, soil fertility analysis and application of modern agricultural technologies.

Appreciating the institute’s research services, Dr. Bakhtiar Khan said that agricultural research is foundation of sustainable agricultural development, increased per-acre productivity and provision of quality facilities to farmers. He also visited Biological Control and Soil Laboratories where he received detailed briefings on ongoing scientific experiments, laboratory analytical systems and biological pest management programs.

Later, Secretary Agriculture inaugurated wheat harvesting campaign at the Seed Multiplication Farm Jamra Takht Bhai and formally initiated wheat harvesting in the field. He inspected various sections of the Trichogramma Rearing Facility Laboratory and received briefings regarding activities being carried out in each section.

On the occasion, he appreciated the performance of officers, staff and issued necessary directives for the effective use of technology, further improvement of facilities, and ensuring that farmers receive maximum benefits from these initiatives.

Addressing the inauguration ceremony of wheat harvesting season, Dr. Bakhtiar Khan reiterated that certified and healthy seed is essential for quality agricultural production. He said that seeds possessing superior genetic traits and resistance to diseases not only enhance crop yields but also improve crop health and farmers earnings. “Healthy seed is the guarantee of higher production,” he remarked, urging farmers to obtain quality seed from authentic sources in order to achieve agricultural development goals.

In addition, Dr. Muhammad Bakhtiar Khan visited the office of the District Director Agriculture Extension Mardan. On this occasion, District Director Agriculture Extension Mardan Dr. Pir Muhammad gave a detailed briefing on the Trichogramma Mass Rearing Facility, highlighting its importance in controlling harmful pests and protecting crops through biological methods.

محکمہ ایکسائز، ٹیکسیشن و نارکوٹکس کنٹرول خیبرپختونخوا نے پشاور شہر میں ایک اور کامیاب کارروائی کے دوران بھاری مقدار میں منشیات سمگلنگ کی کوشش ناکام بنا دی۔
محکمہ ایکسائز سے موصولہ تفصیلات کے مطابق ایکسائز بیورو آف انٹیلیجنس اینڈ انویسٹیگیشن پشاور نے خفیہ اطلاع پر سروس روڈ موٹروے بڈھنی کے قریب کارروائی کرتے ہوئے موٹر کار نمبر BBS-266 کی تلاشی لی، جس کے دوران 24 ہزار گرام (24 کلوگرام) چرس برآمد کرلی گئی۔ برآمد شدہ منشیات قبضے میں لے کر مزید تفتیش اور قانونی کارروائی کیلئے تھانہ ایکسائز پشاور ریجن میں مقدمہ درج کرلیا گیا ہے۔
صوبائی حکومت کی منشیات کے خلاف زیرو ٹالرنس پالیسی کے تحت محکمہ ایکسائز کی صوبہ بھر میں کارروائیاں تسلسل کے ساتھ جاری ہیں۔ وزیر ایکسائز، ٹیکسیشن و نارکوٹکس کنٹرول سید فخرجہان کی خصوصی ہدایات پر منشیات فروشوں اور سمگلرز کے خلاف کریک ڈاؤن مزید مؤثر بنایا گیا ہے تاکہ معاشرے خصوصاً نوجوان نسل کو منشیات کے ناسور سے محفوظ بنایا جا سکے۔
محکمہ ایکسائز کے مطابق منشیات کی روک تھام اور سمگلنگ کے خاتمے کیلئے تمام دستیاب وسائل بروئے کار لائے جا رہے ہیں اور اس حوالے سے بلا امتیاز کارروائیاں جاری رہیں گی۔

وزیراعلیٰ خیبرپختونخوا کے معاون خصوصی برائے اطلاعات و تعلقات عامہ شفیع جان نے کہا ہے کہ نوجوان کسی بھی قوم کا قیمتی سرمایہ اور روشن مستقبل ہوتے ہیں اور انہیں قیادت اور مثبت سرگرمیوں کی جانب راغب کرنا وقت کی اہم ضرورت ہے۔ پاکستان کی 60 فیصد آبادی نوجوانوں پر مشتمل ہے، اسی لیے صوبائی حکومت نوجوانوں پر سرمایہ کاری کو ترجیح دے رہی ہے۔ان خیالات کا اظہار انہوں نے ڈسٹرکٹ کونسل ہال پشاور میں ینگ لیڈرز پارلیمنٹ کے پارلیمانی سیشن کے موقع پر نو منتخب کابینہ اور اراکین سے حلف لینے کی تقریب سے خطاب کرتے ہوئے کیا۔ اس موقع پر ینگ لیڈرز پارلیمنٹ کے صدر نوید احمد دیگر عہدیداروں اور نوجوانوں کی بڑی تعداد بھی موجود تھی۔شفیع جان نے اپنے خطاب میں نوجوانوں پر زور دیا کہ وہ اپنی توانائیاں مثبت سرگرمیوں میں صرف کریں اور ملک و قوم کی ترقی کے لیے آگے بڑھیں۔ انہوں نے کہا کہ خوابوں کو حقیقت میں بدلنے کے لیے مسلسل محنت، عزم اور لگن ضروری ہے۔شفیع جان نے کہا کہ بانی چیئرمین عمران خان کے وژن اور 30 سال کی سیاسی جدوجہد کے باعث آج وہ ملک کے مقبول ترین سیاسی رہنما اور پاکستان تحریک انصاف ملک کی بڑی سیاسی جماعت بن چکی ہے، عمران خان کے ویژن کے مطابق پاکستان تحریک انصاف کے نوجوان قومی و صوبائی اسمبلیوں تک پہنچے ہیں۔ عمران خان نے اپنی سیاسی جدوجہد کے دوران مشکلات، تکالیف اور ناحق قید کا سامنا کیا،انہوں نے مزید کہا کہ عمران خان کو جعلی مقدمات میں پابند سلاسل کیا گیا، لیکن ان کے نظریے کو قید نہیں کیا جا سکتا۔ انہوں نے ملک میں دو جماعتی نظام کا خاتمہ کیا اور نوجوانوں کو قومی سیاست میں متحرک کردار دیا۔شفیع جان نے کہا کہ 2024 کے عام انتخابات میں پاکستان تحریک انصاف کو سب سے زیادہ ووٹ اور نشستیں ملیں لیکن بدقسمتی سے فارم 47 کے ذریعے عوامی مینڈیٹ چرا لیا گیا۔صوبے کے حقوق کے حوالے سے گفتگو کرتے ہوئے انہوں نے کہا کہ وفاق کے ذمے این ایف سی شیئرز اور خیبرپختونخوا کے پن بجلی منافع کی مد میں اربوں روپے کے بقایاجات واجب الادا ہیں۔ اگر وفاق صوبے کے واجبات ادا کرے تو یہ فنڈز صحت، تعلیم اور دیگر شعبوں پر خرچ کیے جا سکتے ہیں۔ انہوں نے کہا کہ وزیراعلیٰ سہیل آفریدی صوبے کے حقوق کا مقدمہ بھرپور انداز میں لڑ رہے ہیں۔ معاون خصوصی نے شیخ الحدیث مولانا محمد ادریس شہید کی شہادت کو ایک بڑا سانحہ قرار دیتے ہوئے کہا کہ واقعے میں ملوث عناصر کو جلد قانون کے کٹہرے میں لایا جائے گا۔تقریب کے اختتام پر شیخ الحدیث مولانا محمد ادریس شہید کے بلند درجات کے لئے خصوصی اجتماعی دعا بھی کی گئی۔

وزیراعلیٰ خیبرپختونخوا کے معاونِ خصوصی برائے اطلاعات و تعلقات عامہ شفیع جان نے وفاقی حکومت کی جانب سے پیٹرول و ڈیزل کی قیمتوں میں اضافے پر شدید ردعمل دیتے ہوئے کہا ہے کہ پیٹرولیم مصنوعات کی قیمتوں میں اضافہ مہنگائی کے ستائے عوام پر مزید معاشی ظلم کے مترادف ہے۔ انہوں نے کہا کہ بغیر عوامی مینڈیٹ کی فارم 47 کی وفاقی حکومت مہنگائی کے ذریعے غریب عوام کا استحصال کر رہی ہے۔شفیع جان نے کہا کہ وفاقی حکومت کی نام نہاد تجربہ کار معاشی ٹیم کی ناکام پالیسیوں نے ملک کی معیشت کو تباہی کے دہانے پر پہنچا دیا ہے۔ عالمی مارکیٹ میں پیٹرولیم مصنوعات کی قیمتوں میں کمی کے باوجود عوام کو ریلیف دینے کے بجائے ان پر اربوں روپے کا اضافی بوجھ ڈال دیا گیا، جو انتہائی افسوسناک اور عوام دشمن اقدام ہے۔انہوں نے کہا کہ وفاقی حکومت ہر ماہ 130 سے 150 ارب روپے لیویز کی مد میں عوام سے وصول کر رہی ہے، جبکہ دوسری جانب عوام مہنگائی، بے روزگاری، بجلی و گیس بحران اور بدترین معاشی حالات کا سامنا کرنے پر مجبور ہیں۔ فارم 47 حکومت کی غلط معاشی پالیسیوں نے عوام کو اندھیروں اور گیس بحران کے رحم و کرم پر چھوڑ دیا ہے۔معاون خصوصی نے کہا کہ وفاقی حکومت کو عوامی مسائل، مہنگائی اور بے روزگاری سے کوئی سروکار نہیں، یہی وجہ ہے کہ ہر گزرتے دن کے ساتھ مہنگائی کا طوفان مزید شدت اختیار کر رہا ہے۔ انہوں نے کہا کہ وفاقی حکومت عوام کو ریلیف فراہم کرنے میں مکمل طور پر ناکام ہو چکی ہے۔شفیع جان نے مزید کہا کہ حکومت خیبرپختونخوا محدود وسائل کے باوجود عوام کو ریلیف فراہم کرنے کے لیے عملی اقدامات کر رہی ہے۔ صوبائی حکومت نے احساس فیول سپورٹ اسکیم سمیت مختلف فلاحی منصوبوں کے ذریعے عوامی مشکلات کم کرنے کی کوشش کی ہے۔انہوں نے واضح کیا کہ پاکستان تحریک انصاف اور خیبرپختونخوا حکومت عوامی حقوق کے تحفظ اور مہنگائی کے خلاف ہر فورم پر بھرپور آواز اٹھاتی رہے گی۔

سیکرٹری زراعت ڈاکٹر محمد بختیار خان نے کہا ہے کہ بائیو فرٹیلائزرز کے استعمال کے فوائد کے بارے میں کسانوں کو آگاہی دلانے کی ضرورت تاکہ کیمیائی کھادوں پر ان کاانحصار کم ہو اور ماحولیاتی آلودگی کو کم کرتے ہوئے پائیدار زراعت اور موسمیاتی تبدیلیوں سے نمٹنے میں مدد حاصل کی جا سکے۔ انہوں نے ان خیالات کا اظہار ڈائریکٹوریٹ آف سوائل اینڈ پلانٹ نیوٹریشن، زرعی تحقیقاتی ادارے ترناب پشاور کے دورہ کےدوران کیا۔ اس موقع پر ڈائریکٹر جنرل زراعت توسیع ڈاکٹر محمد نوید خان بھی موجود تھے۔ سیکرٹری زراعت کو سوائل مائیکرو بائیولوجی سیکشن میں بائیو فرٹیلائزرز کی تیاری، تحقیق اور ترقی کے حوالے سے تفصیلی بریفننگ دی گئی۔ متعلقہ ماہرین نے بائیو فرٹیلائزرز کی تیاری کے مختلف مراحل، لیبارٹری سہولیات، تحقیقاتی سرگرمیوں اور پیداواری عمل کے بارے میں آگاہ کیا۔ اس موقع پربائیو فرٹیلائزرز کی تیاری کے عملی مراحل کا مظاہرہ بھی کروایا گیا اور بتایا گیا کہ یہ جدید زرعی ٹیکنالوجی زمین کی زرخیزی بہتر بنانے، فصلوں کی صحت مند نشوونما اور ماحول دوست زراعت کے فروغ میں اہم کردار ادا کر سکتی ہے۔ اس موقع پر کسانوں تک بائیو فرٹیلائزرز کی مؤثر رسائی، بڑے پیمانے پر پیداوار اور ان کے استعمال کو فروغ دینے کے حوالے سے مختلف حکمت عملیوں پر تبادلہ خیال کیا گیا۔ سیکرٹری زراعت نے ادارے میں جاری تحقیق، سائنسدانوں کی محنت اور جدید زرعی ٹیکنالوجی کے فروغ کو سراہتے ہوئے اطمینان کا اظہار کیا۔ انہوں نے اس بات پر زور دیا کہ زرعی شعبے کی ترقی کے لیے تحقیق اور جدت ناگزیر ہیں۔

مشیر خزانہ خیبرپختونخوا مزمل اسلم نے پیٹرولیم مصنوعات اضافے پر ردعمل دیتے ہوئے کہا ہے کہ وفاقی حکومت ہر ہفتے منی بجٹ دے رہی ہے لیوی میں ہفتہ وار اضافہ پاکستان کی تاریخ میں کبھی نہیں دیکھا گیا۔ مزمل اسلم نے کہا کہ 1958 سے لیکر اب تک پاکستان 24واں آئی ایم ایف پروگرام میں ہے لیکن ماضی میں کسی بھی پروگرام کے دوران لیوی میں اتنی بار تبدیلی نہیں دیکھی گئی۔ ان خیالات کا اظہار مشیر خزانہ خیبرپختونخوا مزمل اسلم نے گزشتہ روز اپنے سوشل میڈیا اکاؤنٹس سے پیٹرولیم مصنوعات میں اضافہ پر ردعمل دیتے ہوئے کیا۔ مزمل اسلم نے کہا کہ شہباز شریف حکومت آئی ایم ایف کے مطالبات پر حد سے زیادہ ردِعمل دکھا رہی ہے۔ پیٹرول کی قیمت 416 روپے فی لیٹر صرف بے رحمانہ انداز میں لیوی منتقل کرنے کی وجہ سے ہے۔ انہوں نے کہا کہ حکومت ہر ماہ 130 سے 150 ارب روپے لیوی کی مد میں وصول کر رہی
ہے یعنی حکومت ہر ہفتے 30 سے 35 ارب روپے پیٹرول لیوی سے جمع کرتی ہے۔ مشیر خزانہ خیبرپختونخوا نے کہا کہ وزیراعظم کا 129 ارب روپے سبسڈی دینے کا دعویٰ میرے خیال میں عارضی تھا۔ حکومت ابتدائی پی ڈی سی (Price Differential Claim) کی وہ رقم پوری کر رہی ہے جو حکومت نے آئل مارکیٹنگ کمپنیوں کو ادا کی تھی۔ مزمل اسلم نے کہا کہ عوام کی جانب سے قربانی بہت ہوگئ۔ اگر آمدنی اور اخراجات نہیں سنبھالے جارہے تو حکومت عوام پر اس کا بوجھ مزید نہیں ڈالیں۔ عوام کے حالات اس قابل نہیں رہے کے وہ اپنا دو وقت کا کھانا بھی پورا کر سکیں۔ عوام کو کرایہ، سواری، دوائی اور تعلیم تو اب ادا کرنا ناممکن ہو گیا ہے۔ مزمل اسلم نے کہا کہ کراچی میں تو پانی بھی پٹرول کی طرح نایاب ہے۔ ایک دوسرے بیان میں مزمل اسلم نے ایک صحافی کی جانب سے وفاقی وزیر خزانہ محمد اورنگزیب کو موجود حالات کا زمہ دار قرار دینے پر ردعمل دیتے ہوئے کہا کہ اصل میں یہ شہباز شریف حکومت کی ناکامی ہے۔ صرف ایک شخص پر الزام ڈال کر وزیراعظم کو بری الذمہ قرار نہیں دیا جا سکتا۔ مسلسل چار سال تک اتنی کم معاشی ترقی اور بلند مہنگائی، تجارت، زراعت، صنعتوں اور مالیات سمیت سب شعبوں کی ناکامی ہے یہ ایک ہمہ گیر ناکامی ہے

خیبر پختونخواحکومت کی ہدایات کی روشنی میں صوبے میں ٹیکس نظام کو مزید شفاف، سہل اور عوام دوست بنانے کے لیے محکمہ ایکسائز کی کوششیں جاری ہیں۔ اسی سلسلے میں ایک اہم اجلاس ایکسائز اینڈ ٹیکسیشن آفیسر مردان محمد خالد خان اور مردان چیمبر آف کامرس کے تاجران و نمائندگان کے مابین منعقد ہوا، جس میں تاجروں کو درپیش مسائل، تحفظات اور تجاویز پر تفصیلی اور مثبت انداز میں تبادلہ خیال کیا گیا۔اجلاس کے دوران اس بات پر زور دیا گیا کہ حکومت اور تاجر برادری کے درمیان باہمی اعتماد اور تعاون کو فروغ دے کر ٹیکس نظام کو مزید مؤثر بنایا جا سکتا ہے۔ تاجروں کی سہولت اور فوری رہنمائی کے پیش نظر مردان چیمبر آف کامرس میں“ٹیکس فیسلیٹیشن اینڈ شکایات ڈیسک”قائم کیا گیا جہاں نور رحمان انسپکٹر ایکسائز کو تعینات کر دیا گیا ہے۔ اس ڈیسک کے ذریعے تاجران اپنے مسائل اور شکایات آسانی کے ساتھ متعلقہ حکام تک پہنچا سکیں گے تاکہ ان کے بروقت حل کو یقینی بنایا جا سکے۔اجلاس میں اس امر پر بھی اتفاق کیا گیا کہ کسی بھی قسم کی سیلنگ کارروائی سے قبل متعلقہ انجمن تاجران کو باقاعدہ طور پر اعتماد میں لیا جائے گا، تاکہ تاجروں کے تحفظات کا بروقت ازالہ ہو سکے اور کاروباری سرگرمیاں خوشگوار ماحول میں جاری رہیں۔اس موقع پر تاجران تنظیموں کے نمائندگان نے محکمہ ایکسائز کے اقدامات کو سراہتے ہوئے مکمل تعاون کی یقین دہانی کرائی۔ شرکاء کا کہنا تھا کہ اس قسم کے مثبت اقدامات سے نہ صرف تاجروں اور حکومتی اداروں کے درمیان روابط مضبوط ہوں گے بلکہ ٹیکس نظام میں بہتری اور عوامی اعتماد میں بھی اضافہ ہوگا۔اجلاس میں ظاہر شاہ صدر مرکزی انجمن تاجران و صوبائی جنرل سیکریٹری خیبر پختونخوا، حاجی اویس خان صدر مردان چیمبر آف کامرس، حاجی وحید گل نائب صدر مردان چیمبر آف کامرس، صاحبزادہ سینئر وائس صدر مردان چیمبر آف کامرس، شاہ جی سینئر وائس پریزیڈنٹ انجمن تاجران مردان، غلام سرور صدر جیولرز ایسوسی ایشن، وقار باچا سیکریٹری انجمن تاجران مردان و صدر سبزی منڈی مردان، حاجی فقیر محمد صراف نائب صدر آل پاکستان جیولرز ایسوسی ایشن سمیت مختلف تاجران تنظیموں کے عہدیداران اور نمائندگان نے شرکت کی۔

خیبر پختونخوا اسمبلی کی استحقاق کمیٹی کا اجلاس ڈپٹی سپیکر ثریا بی بی کی زیر صدارت پشاور میں منعقد ہوا. اجلاس میں ممبران اسمبلی کی جانب سے پیش کردہ استحقاقات پر غور کیا گیا. اجلاس میں صوبائی وزیر قانون آفتاب عالم, ممبران اسمبلی منیر حسین لغمانی, اکرام اللہ غازی, عبدالسلام آفریدی, خالد خان, ارباب محمد وسیم, ثوبیا شاہد, افتخار اللہ جان, نثار باز, عبید الرحمان, مصور خان اور شازیہ جدون شریک ہوئے جبکہ مختلف محکموں کے اعلی افسران بھی شریک ہوئے. اجلاس میں محمد نثار باز کی جانب سے پیش کردہ تحریک استحقاق پر چئیرپرسن استحقاق کمیٹی وڈپٹی سپیکر ثریا بی بی نے ممبران کمیٹی کی باہمی مشاورت سے آئندہ ہفتے اعلی سطحی اجلاس بلا نے کا فیصلہ کیا جس میں تمام متعلقین کو شرکت کی ہدایت کی ۔اجلاس میں ممبران صوبائی اسمبلی کی جانب سے پیش کردہ دیگر استحقاقات پر تفصیلی بحث کی گئی اور اس ضمن میں ممبران کے تحفظات کو دور کرنے اور عوامی نمائندوں کے وقار اور استحقاق کو پیش نطر رکھتے ہوئے اہم فیصلے کئے گیے. اس موقع پر استحقاق کمیٹی نے اسمبلی کاروائی کے تقدس اور نظم و ضبط کو برقرار رکھنے کے عزم کا اعادہ کیا ۔

وزیراعلیٰ خیبرپختونخوا کے مشیر برائے کھیل و امور نوجوانان تاج محمد خان ترند سے گرو آپ کے وفد نے بانی عثمان اشرف کی قیادت میں ملاقات کی۔ وفد میں بشریٰ آفریدی، ڈاکٹر احمد، فروہ عقیل، مہران خان، ایڈووکیٹ رابیہ بصری، ایڈووکیٹ ماہور، ایڈووکیٹ ایمن اور زیبہ شامل تھیں۔
ملاقات میں گرو آپ کی آئندہ “ہر رائز کانفرنس” پر تفصیلی تبادلۂ خیال کیا گیا۔ یہ خواتین کے لیے خصوصی کانفرنس گلیات میں منعقد ہوگی۔ وفد نے کانفرنس کے مقاصد، وژن اور ان اہداف سے مشیر کھیل کو آگاہ کیا جو خیبرپختونخوا کی خواتین کو بااختیار بنانے، ان کی صلاحیتوں کو نکھارنے اور انہیں قیادت کے بہتر مواقع فراہم کرنے کے لیے مقرر کیے گئے ہیں۔
اس موقع پر وفد نے کہا کہ “ہر رائز” ایک ایسا پلیٹ فارم ہے جو خواتین کو اپنی آواز مؤثر انداز میں بلند کرنے، آگے بڑھنے اور معاشرے میں قائدانہ کردار ادا کرنے کے مواقع فراہم کرے گا۔ وفد نے امید ظاہر کی کہ یہ کانفرنس صوبے کی متعدد خواتین کے لیے ایک مثبت اور فیصلہ کن موڑ ثابت ہوگی۔مشیر برائے کھیل و امور نوجوانان تاج محمد خان ترند نے وفد کی کاوشوں کو سراہتے ہوئے کہا کہ خواتین کو ترقی اور قیادت کے مواقع فراہم کرنا وقت کی اہم ضرورت ہے۔ انہوں نے کہا کہ خیبرپختونخوا حکومت نوجوانوں اور خواتین کی فلاح و بہبود کے لیے ایسے مثبت اور تعمیری اقدامات کی بھرپور حوصلہ افزائی کرتی ہے۔انہوں نے وفد کو “ہر رائز کانفرنس” کے انعقاد کے لیے ہر ممکن تعاون کی یقین دہانی کرائی اور اس اقدام میں گہری دلچسپی کا اظہار کرتے ہوئے کہا کہ ایسے پروگرام صوبے میں باصلاحیت خواتین کے لیے نئی راہیں ہموار کرنے میں اہم کردار ادا کریں گے۔