خیبر پختونخوا کے وزیر برائے پبلک ہیلتھ انجینئرنگ فضل شکور خان سے لکی مروت کے رکن خیبر پختونخوا اسمبلی طارق سعید نے لکی مروت میں پبلک ہیلتھ انجینئرنگ ڈیپارٹمنٹ کے جاری و مجوزہ سکیموں کے حوالے سے ملاقات کی

خیبر پختونخوا کے وزیر برائے پبلک ہیلتھ انجینئرنگ فضل شکور خان سے لکی مروت کے رکن خیبر پختونخوا اسمبلی طارق سعید نے لکی مروت میں پبلک ہیلتھ انجینئرنگ ڈیپارٹمنٹ کے جاری و مجوزہ سکیموں کے حوالے سے ملاقات کی اس موقع پر ایکسین لکی مروت بھی موجود تھے۔رکن صوبائی اسمبلی نے وزیر موصوف کو اپنے حلقہ نیابت لکی مروت میں محکمہ پبلک ہیلتھ انجینئرنگ کے تحت جاری واٹر سپلائی سکیموں سے متعلق تفصیلی طور پر آگاہ کیا۔صوبائی وزیر فضل شکور خان نے رکن صوبائی اسمبلی کو یقین دہانی کرائی کہ ضلع لکی مروت میں جاری تمام سکیموں پر کام کی رفتار تیز کی جائے گی۔ انہوں نے متعلقہ افسران کو ہدایات جاری کرتے ہوئے کہا کہ تمام ترقیاتی منصوبوں میں معیاری کام اور معیاری میٹریل کے استعمال کو ہر صورت یقینی بنایا جائے۔انہوں نے محکمہ پبلک ہیلتھ انجینئرنگ کی ساکھ اور امیج کو بہتر بنانے پر زور دیتے ہوئے کہا کہ اس کے لیے تمام افسران کو ایک ٹیم ورک کے طور پر کام کرنا ہوگا اور عوامی مفاد کو ہر صورت ترجیح دی جائے۔