ساؤتھ ریجن واٹر سپلائی سکیموں کی بروقت تکمیل کیلئے ٹھوس اقدامات اٹھائی جائیں صوبائی وزیر فضل شکور خان

خیبر پختونخوا کے وزیر برائے پبلک ہیلتھ انجینئرنگ فضل شکور خان کی زیرِ صدارت ساؤتھ ریجن میں جاری واٹر سپلائی سکیموں سے متعلق ایک اہم اجلاس جمعرات کے روز پشاور میں منعقد ہوا، جس میں چیف انجنئیر ساؤتھ، متعلقہ ایکسینز اور دیگر افسران نے شرکت کی۔ اجلاس میں ساؤتھ ریجن میں جاری اور زیرِ تکمیل واٹر سپلائی سکیموں کی پیش رفت، درپیش مسائل اور تکمیلی مراحل کا تفصیلی جائزہ لیا گیا اس موقع پرصوبائی وزیر فضل شکور خان نے متعلقہ افسران کو ہدایت کی کہ ساؤتھ ریجن میں جاری واٹر سپلائی سکیموں کی بروقت تکمیل کو یقینی بنایا جائے تاکہ عوام کو صاف پینے کے پانی کی فراہمی ممکن ہو سکے۔ انہوں نے مذید ہدایت کی کہ واٹر سپلائی سکیموں پر کام کی رفتار میں مزید تیزی لائی جائے اور اس ضمن میں کسی بھی قسم کی تاخیر یا غفلت ناقابلِ برداشت ہوگی صوبائی وزیر نے کہا کہ جن واٹر سپلائی سکیموں میں میسنگ فسیلیٹیز موجود ہیں، انہیں فوری طور پر پورا کیا جائے تاکہ سکیموں کو مکمل طور پر فعال بنا کر عوام کو زیادہ سے زیادہ فائدہ پہنچایا جا سکے۔ انہوں نے افسران کو ہدایت کی کہ ترقیاتی سکیموں میں سست روی اور غیر سنجیدگی کے ذمہ داروں کے خلاف سخت کارروائی عمل میں لائی جائے گی فضل شکور خان نے مزید کہا کہ واٹر سپلائی سکیموں کی بروقت تکمیل کے لیے فنڈز جلد ریلیز کیے جائیں گے انہوں نے کہا کہ حکومت کی اولین ترجیح عوام کو صاف اور محفوظ پینے کے پانی کی فراہمی ہے، کیونکہ پانی کی دستیابی صحتِ عامہ اور معیارِ زندگی میں بہتری کا بنیادی ذریعہ ہے واٹر سپلائی سکیموں کی تکمیل سے عوام زیادہ سے زیادہ مستفید ہو نگے۔