یمبرسڈرز برائے آر ٹی پی ایس کمیشن کی تعارفی میٹنگ: عوامی خدمات میں شفافیت کی نئی آغاز

رائٹ ٹو پبلک سروسز کمیشن خیبر پختونخوا نے آر ٹی پی ایس ایکٹ 2014 اور نامزد شدہ عوامی خدمات کے بارے میں آگاہی کو فروغ دینے کے لیے ایمبرسڈرز مقرر کیے ہیں۔ بطورِ ایمبرسڈرز، ان کا کردار عوام اور سرکاری اداروں کے درمیان فاصلے کو کم کرنے میں اہم ہے۔
عوام کو آر ٹی پی ایس ایکٹ 2014، اس کے تحت نامزد شدہ خدمات اور وقت کی حدود کے بارے میں آگاہ کرنا، آگاہی سرگرمیوں کے لیے ڈی ایم او آفس کے ساتھ تعاون کرنا اور نفاذ کے متعلق مسائل کی اطلاع دینا اور شکایت کنندگان کو ڈی ایم او آفس کے ذریعے مدد فراہم کرانا ان کی ذمہ داریوں میں شامل ہیں۔ اس حوالے سے ڈسٹرکٹ مانیٹرنگ آفیسر پشاور تاشفین اسرار نے پشاور کے ایمبرسڈرز خائستہ رحمان، یاسر بھٹی اور رقیہ ندیم کے ساتھ ایک اہم اجلاس کا انعقاد کیا۔اس سلسلے میں، رائٹ ٹو پبلک سروسز کمیشن، خیبر پختونخوا 16 فروری 2026 کو پشاور کے مقامی ہوٹل میں ایمبرسڈرز کے لیے اوریئنٹیشن اور ٹریننگ ورک شاپ کا انعقاد کر رہا ہے۔ اس ورک شاپ میں ایمبرسڈرز کو آر ٹی پی ایس ایکٹ 2014، نامزد شدہ خدمات اور ان کے کام کے بارے میں آگاہ کیا جائے گا اور ٹریننگ دی جائے گی۔مانیٹرنگ آفیسر پشاور تاشفین اسرار نے اس عزم کا اظہار کیا ہے کہ ایمبرسڈرز کی تعاون سے ہم عوامی خدمات کی فراہمی میں شفافیت اور ذمہ داری کو یقینی بنا سکیں گے۔