ایک طرف صوبے کودہشت گردی کا سامناہے جبکہ دوسری طرف صوبے کے فنڈز روک دیے گئے ہیں،بیرسٹر ڈاکٹر سیف

ایک طرف صوبے کودہشت گردی کا سامناہے جبکہ دوسری طرف صوبے کے فنڈز روک دیے گئے ہیں،بیرسٹر ڈاکٹر سیف
دہشت گردی سنگین مسئلہ ہے، اس پر سیاست سے گریز کیا جائے، بیرسٹر ڈاکٹر سیف
: عمران خان ایک عظیم لیڈر ہیں، جو خود بھی پابندِ سلاسل ہیں مگر اُن کی فکر اپنے کارکنوں کے لیے ہے،بیرسٹر ڈاکٹر سیف
نواز شریف اور زرداری نے ہمیشہ کارکنوں کو مشکل میں چھوڑ کر فرار ہونے میں عافیت سمجھی، بیرسٹر ڈاکٹر سیف
وزیراعلی خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ عمران خان کی ہدایت پر قیادت عید پی ٹی آئی کارکنوں کے شہداء کے لواحقین اور اسیر کارکنوں کے خاندانوں کے ساتھ گزار رہی ہے،: عمران خان ایک عظیم لیڈر ہیں، جو خود بھی پابندِ سلاسل ہیں مگر اُن کی فکر اپنے کارکنوں کے لیے ہے،: ملک کا عظیم لیڈر اپنی فکر سے آزاد اور کارکنان کی فکر میں مگن ہے، نواز شریف اور زرداری کی طرح ان کو اپنی ذات کی فکر نہیں ہے، یہی فرق ہوتا ہے حقیقی اور جعلی رہنماؤں میں، بیرسٹر ڈاکٹر سیف نے مزید کہاکہ نواز شریف اور زرداری نے ہمیشہ کارکنوں کو مشکل میں چھوڑ کر فرار ہونے میں عافیت سمجھی، عمران خان مشکل وقت میں اپنے کارکنوں کے لیے ڈھال بنے ہوئے ہیں، پوری قوم عمران خان کے اس جذبے پر فدا ہے،
دریں اثنا مشیر اطلاعات بیرسٹر ڈاکٹر سیف نے اپنے دفتر سے جاری کردہ ایک بیان میں کہاہے کہ وفاقی حکومت اگر دہشت گردی کے مسئلے پر سنجیدہ ہے تو خیبرپختونخوا کو معاشی طور پر مضبوط کرے، پن بجلی سمیت دہشت گردی کی مد میں صوبے کے بقایاجات جلد ادا کرے کیونکہ بار بار کی یاد دہانی کے باوجود خیبرپختونخوا کو اس کا حق نہیں دیا جا رہا،انھوں نے مزید کہاکہ ایک طرف صوبے کودہشت گردی کا سامناہے جبکہ دوسری طرف صوبے کے فنڈز روک دیے گئے ہیں، حالانکہ دہشت گردی صرف ایک صوبے کا نہیں بلکہ پورے ملک کا مسئلہ ہے مزید یہ کہ فاٹا انضمام کے بعد ضم شدہ اضلاع کے فنڈز بھی صوبے کو نہیں دیے جا رہے، خیبرپختونخوا کے ساتھ سوتیلی ماں جیسا سلوک بند کیا جائے، انھوں نے کہا کہ دہشت گردی سنگین مسئلہ ہے، اس پر سیاست سے گریز کیا جائے