ملاقات میں حکومتی معاملات، دہشت گردی اور افغانستان کے امور پر تبادلہ خیال،بیرسٹر ڈاکٹر سیف
ملک کی معاشی ترقی اور سیاسی استحکام میرے لیے سب سے مقدم ہے، مشیر اطلاعات
وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ میڈیا ذرائع کے نام پر اسٹیبلشمنٹ سے مذاکرات شروع کرنے کی خبریں چلا رہی ہیں،قائد پاکستان تحریک انصاف عمران خان نے اسٹیبلشمنٹ سے مذاکرات کے حوالے سے کسی کو بھی کوئی نیا ٹاسک نہیں دیا ہے۔ بیرسٹر ڈاکٹر سیف نے کہا کہ میڈیا بغیر تصدیق کے ذرائع سے خبریں نشر کرنے سے گریز کرے۔انہوں نے کہا کہ ملاقات میں حکومتی معاملات، دہشت گردی اور افغانستان کے امور پر تبادلہ خیال ہوا، مشیر اطلاعات نے مزید بتایا کہ عمران خان نے وزیراعلیٰ کو حکومتی معاملات جبکہ مجھے دہشت گردی اور افغانستان کے مسئلے سے متعلق ہدایات دیں اور عمران خان نے واضح طور پر کہا کہ وہ اپنی رہائی اور ذاتی فائدے کے لیے اسٹیبلشمنٹ سمیت کسی سے بات چیت نہیں کریں گے۔قائد پاکستان تحریک انصاف عمران خان نے کہا ہے کہ ملک کی معاشی ترقی اور سیاسی استحکام میرے لیے سب سے مقدم ہے، مشیراطلاعات و تعلقات عامہ نے مزید کہا کہ عمران خان نے بتایا ہے کہ معاشی ترقی سیاسی استحکام کے بغیر ممکن نہیں، عمران خان کا مزید کہنا تھا کہ سیاسی استحکام کے لیے پاکستان تحریک انصاف کو تسلیم کرنا ہوگا اور اسے دیوار سے لگانے کی کوشش بند کرنا ہوگی،بیرسٹر ڈاکٹر سیف نے بتایا کہ عمران خان نے کہا ہے کہ پی ٹی آئی ایک حقیقت ہے اور اسے تسلیم کرنا ہوگا۔