مشیر وزیراعلیٰ خیبرپختونخوا برائے عشر و زکوٰۃ، سماجی بہبود اور ترقی نسواں مشال یوسفزئی نے کہا

مشیر وزیراعلیٰ خیبرپختونخوا برائے عشر و زکوٰۃ، سماجی بہبود اور ترقی نسواں مشال یوسفزئی نے کہا ہے کہ صوبائی حکومت کی یہ حتی الوسع کوشش ہے کہ کہیں پر بھی خصوصی افراد تعلیم کے زیور سے محروم نہ رہیں۔اپنے جاری کردہ بیان میں انہوں نے کہا کہ والدین اپنے خصوصی بچوں کو محکمہ سوشل ویلفیئر کے زیر انتظام چلنے والے تعلیمی اداروں میں داخل کرائیں،خصوصی افراد کے قائم تعلیمی اداروں نے امسال کے میٹرک امتحانات نتائج میں بے مثال کارکردگی دکھائی ہے۔مشال یوسفزئی نے کہا کہ یہ خصوصی افراد بھی تعلیم کے زیور سے آراستہ ہونے کے بعد نہ صرف اپنابلکہ اپنے خاندان اور ملک کا نام روشن کر سکتے ہیں اگر انہیں مناسب توجہ کے ساتھ بہتعلیم حاصل کرنے کا موقع دیا جائے اور یہی صوبائی حکومت کی کوشش ہے۔
واضح رہے کہ محکمہ سوشل ویلفیئر کے زیر انتظام سپیشل ایجوکیشن کمپلیکس حیات آباد پشاور میں قوت سماعت سے محروم افراد کے لیے قائم سپیشل ایجوکیشن کمپلیکس میں گیارہویں جماعت کے لیے داخلے شروع ہو گئے،گیارہویں جماعت کے لیے داخلہ فارم کی جمع کرنے کی آخری تاریخ اگست 31، 2024 ہے،4ستمبر 2024 کو خصوصی طلبہ سے داخلہ ٹیسٹ لیا جائے گا اور باقاعدہ کلاسسز کا آغاز ستمبر 16، 2024 سے ہوگا۔