نگران وزیر اعلیٰ خیبر پختونخوا محمد اعظم خان نے باجوڑ دھماکہ کے زخمیوں کی عیادت کے لیے سی ایم ایچ پشاور کا دورہ کیا۔ صوبائی وزیر حامد شاہ، چیف سیکرٹری اور انسپکٹر جنرل پولیس بھی ان کے ہمراہ تھے۔ انہوں نے باجوڑ دھماکہ میں زخمی ہونے والے افراد کی عیادت کی اور ان کی صحت کا جائزہ لیا۔
وزیر اعلیٰ نے زخمیوں سے فرداً فرداً ملاقات کرکے ان کی خیریت دریافت کی اور ان کے لیے دعا کی۔ انہوں نے اسپتال انتظامیہ کو بہترین طبی سہولیات فراہم کرنے کی ہدایت دی تاکہ زخمیوں کے علاج اور معالجے میں کسی قسم کی کسر نہ ہو۔ وزیر اعلیٰ نے کہا کہ ہم زخمی افراد کی جلد صحتیابی کے لیے دعا گو ہیں اور انہیں ہر ممکن مدد فراہم کرنے کی کوشش کی جائے گی۔