نگران صوبائی کابینہ ارکان نے بدھ کے روز سی ایم ایچ میں زیر علاج سانحہ باجوڑ کے زخمی افراد کی عیادت

نگران صوبائی کابینہ ارکان پیر ہارون شاہ، امجد آفریدی اور شفیع اللہ خان نے بدھ کے روز سی ایم ایچ میں زیر علاج سانحہ باجوڑ کے زخمی افراد کی عیادت کی. کابینہ ارکان نے اس موقع پر زخمی افراد کو دی جانے والی طبی سہولیات کا جائزہ لیا اور طبی سہولیات و خدمات کی فراہمی پر اطمینان کا اظہار کیا. اس موقع پر کابینہ ارکان نے زخمی افراد کو پھول کے گلدستے بھی پیش کئے اور ان کو یقین دلایا کہ حکومت اور عوام دہشتگردوں کے خلاف ایک ہیں. سانحہ باجوڑ کے متاثرین کو کسی صورت اکیلا نہیں چھوڑیں گے.