صوبائی وزیر لائیو سٹاک، فشریز و کوآپریٹیو فضل حکیم خان یوسفزئی نے کہا ہے کہ

صوبائی وزیر لائیو سٹاک، فشریز و کوآپریٹیو فضل حکیم خان یوسفزئی نے کہا ہے کہ پاکستان تحریک انصاف اپنی خدمات کے پیش نظر لوگوں کی دلوں پر حکمرانی کرنے والی سیاسی جماعت ہے عمران خان ہمارے محسن ہیں ہر لمحہ اپنے لیڈر عمران خان کے ساتھ ہیں عمران خان کل بھی صادق و امین تھے اور آج بھی ہے پی ٹی آئی کے تمام ورکرز عوام کی خدمت پر یقین رکھتے ہیں عوام کی خدمت ہمارا منشور ہے کارکنوں کی خدمات کسی سے ڈھکی چھپی نہیں ان خیالات کا اظہار صوبائی وزیر نے اپنے رہائش گاہ پر لوگوں سے ملاقات کرتے ہوئے کیا اس موقع پر مختلف علاقوں سے آئے ہوئے وفود نے انہیں اپنے علاقوں کے مسائل بیان کئے جن میں بعض مسائل کو موقع پر جبکہ باقی کو متعلقہ محکموں کے سربراہان کو حل کرنے کی ہدایات کیں، صوبائی وزیر فضل حکیم خان یوسفزئی کا کہنا تھا کہ پاکستان تحریک انصاف کا ہر کارکن پارٹی کا قیمتی اثاثہ ہے ہم سب کا فرض ہے کہ پی ٹی آئی کے تمام کارکنوں کو قدر کی نگاہ سے دیکھا جائے انہوں نے کہا کہ ہم اپنے قائد عمران خان کے ساتھ ڈٹ کے کھڑے ہیں اور وہ جو بھی حکم دیں گے اس پر عمل کریں گے یہ جبر اور ظلم عمران خان اور ان کے کارکنوں کے عزم و حوصلے کو مزید مضبوط کر رہا ہے پاکستان تحریک انصاف کے کارکن عمران خان کی قیادت میں حقیقی آزادی کے مشن کو اپنی آخری سانس تک جاری رکھیں گے انہوں نے کہا کہ ظلم کی تاریک رات ڈھلنے والی ہے اور ملک پر قابض نااہل حکمرانوں کی اصلیت پوری دنیا جان چکی انشائاللہ عمران خان سرخرو ہونگے اور جلد رہا ہوکر ہمارے درمیان ہونگے۔