معاون خصوصی برائے جنگلات و جنگلی حیات پیر مصور خان کاپشاور پریس کلب کے نو منتخب صدر و کابینہ کو مبارکباد، نیک خواہشات کا اظہار

وزیراعلیٰ خیبرپختونخوا کے معاون خصوصی برائے جنگلات، جنگلی حیات، ماحولیات و موسمیاتی تبدیلی پیر مصور خان نے پشاور پریس کلب کے نو منتخب صدر محمد ریاض، نائب صدر عرفان خان، جنرل سیکرٹری طیب عثمان سمیت دیگر منتخب کابینہ اور گورننگ باڈی کے اراکین کو الیکشن میں کامیابی پر مبارکباد دی ہے، اپنے ایک تہنیتی پیغام میں معاون خصوصی پیر مصور خان کا کہنا تھا کہ ایک جمہوری عمل کے ذریعے پریس کلب کے صدر و کابینہ کا انتخاب ایک انتہائی خوش آئند امر ہے، پیر مصور خان نے کہا کہ مجھے قوی امید ہے کہ نو منتخب کابینہ ملک میں جمہوریت کو پروان چڑھانے، عوام کے مسائل اجا گر کرنے اور صحافیوں کی فلاح و بہبود کے لیے اپنا بھرپور کردار ادا کرے گی،انھوں نے کہا کہ ریاست کے ایک اہم ستون کے ناطے نو منتخب کابینہ اور صحافی برادری صحافتی اقدار کے مطابق ملک بالخصوص صوبے کی ترقی میں بھی اپنا موثر کردار ادا کرے گی