خیبرپختونخوا کے وزیر ابتدائی و ثانوی تعلیم ارشد ایوب خان کا ایبٹ آباد کے امتحانی مراکز کا اچانک دورہ

خیبرپختونخوا کے وزیر برائے ابتدائی و ثانوی تعلیم ارشد ایوب خان جمعرات کے روز ایبٹ آباد کے امتحانی مراکز کا اچانک دورہ کیا اس موقع پر چیئرمین ایبٹ آباد تعلیمی بورڈ عنایت اللہ وسیم بھی ان کے ہمراہ تھے۔دورے کے دوران ارشد ایوب نے ایبٹ آباد شہر میں میٹرک امتحانات کے لیے قائم امتحانی مراکز کا معائنہ کیا۔صوبائی وزیر تعلیم نے امتحانی مراکز میں طلبہ کو فراہم کردہ سہولیات کا جائزہ لیا اورطلبہ کو امتحانات کے دوران آرام دہ ماحول فراہم کرنےکی ہدایت کی۔انہوں نے کہا کہ نقل اور بوٹی مافیا کے خلاف زیرو ٹالرنس پالیسی ہے،نقل کرنے والوں سے کوئی نرمی نہ بھرتی جائے گی۔اگر امتحانی عملہ نقل کرانے میں ملوث پایا گیا تو اس کے خلاف بھی کارروائی ہوگی۔ امتحانی عملہ نقل کرنے والے طلبہ کے خلاف قانون کے مطابق کارروائی عمل میں لائے۔ ارشد ایوب
نے کہا کہ نقل کے کلچر کو جڑ سے ختم کرنے کا مشن لے کر چل رہے ہیں۔ بعد ازاں صوبائی وزیر تعلیم نے بورڈ آف انٹرمیڈیٹ اینڈ سیکنڈری ایجوکیشن ایبٹ آباد کا بھی دورہ کیا اوربی آئی ایس سی ایبٹ آباد کے امتحانات کنٹرول روم سے امتحانی مراکز کی نگرانی کا معائنہ صوبائی وزیر تعلیم کو امتحانی مراکز کی ڈیجیٹل نگرانی کے حوالے سے بریفننگ بھی فی گئی اور بتایا گیا کہ ہزارہ ڈویژن میں کل 486 امتحانی مراکز قائم ہیں۔ 360 سے زائد سینٹرز کی کیمروں کے ذریعے نگرانی کی جا رہی ہے۔ ارشد ایوب نے کنٹرول روم سے ایک امتحانی ہال کے عملے سے براہِ راست بات چیت بھی کی انہوں نے کہا کہ ایبٹ آباد تعلیمی بورڈ نے مجموعی طور پر بہترین انتظامات کیے ہیں۔ ان کا کہنا تھا کہ وہ وزیراعلی خیبرپختونخوا کی ہدایت پر صوبے بھر کے امتحانی مراکز کے دورے کر رہے ہیں۔