خیبر پختونخواکے وزیر برائے مواصلات وتعمیرات شکیل احمد خان نے بدھ کے روز پشاور کےحلقہ پی کے تین میں مواصلات و تعمیرات کے ترقیاتی منصوبوں سے متعلق ایک اجلاس کی صدارت کی

خیبر پختونخواکے وزیر برائے مواصلات وتعمیرات شکیل احمد خان نے بدھ کے روز پشاور کےحلقہ پی کے تین میں مواصلات و تعمیرات کے ترقیاتی منصوبوں سے متعلق ایک اجلاس کی صدارت کی جس میں سیکرٹری مواصلات و تعمیرات نور الامین چیف انجینیئر مواصلات و تعمیرات اسد خان اور دیگر افسران بھی موجود تھے۔ اس موقع پر چیف انجینیئر نے پی کے تین میں مواصلات و تعمیرات کے زیر انتظام عوامی منصوبوں پر بریفنگ دی اور زیر تعمیر اور نئے عوامی منصوبوں کا تفصیل سے جائزہ لیا گیا اجلاس سے خطاب کرتے ہوئے وزیر مواصلات و تعمیرات شکیل احمد نے متعلقہ حکام کو ہدایت دی کہ مواصلات و تعمیرات کے زیر اہتمام منصوبوں کی بروقت تکمیل کو یقینی بنانے کے لیے اقدامات اٹھائے جائیں اور عوامی منصوبوں پر کام کی رفتار کو مزید تیز کرنے کے لیے ہر 15 دن میں جائزہ اجلاس کا انعقاد کیا جائے انہوں نے کہا کہ موجودہ حکومت عوام کی شکایات کے فوری ازالے کے لیے محکمہ مواصلات و تعمیرات میں ایک عوامی شکایات سیل قائم کر رہی ہے جس کو باقاعدہ طور پر وزیراعلی خیبر پختنخوا کے کمپلینٹ سیل کے ساتھ منسلک کیا جائے گا