وزیرستان میں گیس و تیل کے ذخائر ایک بڑی نعمت ہے جس کی استفادہ سے علاقے کی پسماندگی ہمیشہ کیلئے ختم ہو جائے گی ۔

ان خیالات کا اظہار انہوں نے آج اپنے دفتر میں ایس این جی پی ایل کے حکام اور تحصیل بکاخیل و میریان کے عمائدین پر مشتمل وفد کی اعلیٰ سطحی اجلاس کی صدارت کرتے ہوئے کیا۔
اس موقع پر ریجنل پولیس افسر قاسم علی خان، ڈپٹی کمشنر بنوں منظور احمد آفریدی، ڈپٹی کمشنر لکی مروت عبدالہادی، سیکرٹری ٹو کمشنر نور الامین، جنرل مینیجر ایس این جی پی ایل رحمت اللہ، مینیجر کبیر احمد طاہر، ڈپٹی چیف کاشف نوید، چیف انجنیئر جاوید حسن، اسسٹنٹ ٹو کمشنر گل نواز خان، اسسٹنٹ کمشنر میرعلی،اسسٹنٹ کمشنر بیٹنی، ملک سکندر،ملک عباس علی اور ملک شب نواز و دیگر عمائدین موجود تھے۔
اس موقع پر کمشنر بنوں نے کہا کہ لکی مروت کے محب وطن شہریوں کا ایس این جی پی ایل کے عملدرامد کی شرائط پر راضی ہونا ایک احسن اقدام ہے۔جس سے لکی مروت قوم گیس و تیل کی ذخائر سے فائیدہ اٹھا سکے گی۔ اسی طرح وزیر تحصیل بکاخیل و میریان کے عوام کو بھی گیس و تیل کے اس موقع غنیمت سے بھر پور فایدہ اٹھانا چاہیے۔ جنرل مینیجر ایس این جی پی ایل رحمت اللہ اور مینیجر کبیر احمد طاہر نے اجلاس کو تیکنیکی حوالے سے تفصیلات فراہم کیں۔ جس پر آئیندہ کی پیش رفت جلد متوقع ہے۔ انہوں نے کہا کہ تحصیل شیوہ شمالی وزیرستان ، تحصیل بکاخیل وزیر سب ڈویژن اور تحصیل میریان ضلع بنوں کے علاقوں کو قانون کے مطابق سہولیات فراہم کریں گے۔ جس کی فنڈ کیلئے حکام بالا کو خطوط ارسال کئے گئے ہیں۔ علاقہ عمائدین نے اجلاس میں کمشنر بنوں ڈویژن کے مخلصانہ کردار کر سراہتے ہوئے گیس فراہم کرنے والے کمپنی ایس این جی پی ایل کے حکام کی پیش کردہ شرائط کو موزوں قرار دیا۔ تاہم زمینی حقائق تک انہیں لانے کی آئیندہ کیلئے لائحہ عمل بہت جلد طے کیا جائے گا۔