دیر بالا میں چینی ذخیرہ کرنیوالوں کیخلاف کارروائیاں جاری

دیر بالا میں چینی ذخیرہ کرنیوالوں کیخلاف کارروائیاں جاری ہیں۔ ضلعی انتظامیہ نے تازہ کاروائی کے دوران مختلف گوداموں سے 14 ہزار چینی کے تھیلے برآمد کرکے ضبط کرلئے جبکہ 7 گودام سیل کردئیے۔ اس کے علاؤہ تین افراد کیخلاف ایف آئی آر درج کرلی گئی۔ ڈپٹی کمشنر دیر بالا گوہر زمان کے ہدایات کی روشنی میں اسسٹنٹ کمشنر ہیڈ کوارٹر نے کاروائی کرتے ہوئے دیر شہر میں 10 ہزار چینی کے تھیلے بر آمد کرکے ضبط کرلئے جبکہ ایک تاجر کیخلاف ایف آئی آر درج کیا گیا۔انہوں نے چار گوداموں کو سیل کردیا۔ اس کے علاوہ اسسٹنٹ کمشنر واڑی نے مختلف گوداموں پر چھاپے مارے ، اس موقع پر چار ہزار چینی کے تھیلے برآمد کرکے دو تاجروں کیخلاف ایف آئی آر درج کردی اور تین گوداموں کو سیل کردیا۔