وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ سازشی ٹولے کی تمام تر کوششوں کے باوجود وزیراعلیٰ نے ایس آئی ایف سی اجلاس میں شرکت کی

وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ سازشی ٹولے کی تمام تر کوششوں کے باوجود وزیراعلیٰ نے ایس آئی ایف سی اجلاس میں شرکت کی، وزیر اعلیٰ خیبر پختونخوا ایس آئی ایف سی کے مستقل ممبر ہیں، کوئی مائی کا لعل ایس آئی ایف سی میں خیبر پختونخوا کو نظر انداز نہیں کرسکتا۔انہوں نے کہا کہ سازشی ٹولے نے کوشش کی لیکن انکو منہ کی کھانی پڑی، عمران خان اور انکے سپاہی علی امین گنڈاپور مریم اور انکے چچا کے لئے ڈراؤنا خواب بن چکے ہیں،دونوں عمران خان اور علی امین گنڈاپور کو سیاست سے مائنس کرنے کے لئے لگے ہیں، شریف فیملی کا یہ خواب کبھی شرمندہ تعبیر نہ ہوگا، قید میں ہوکر بھی جعلی سلطنت عمران خان سے خوفزدہ ہے۔