صوبے کی پائیدار بنیادوں پر ترقی کےلئے وزیراعلیٰ علی امین خان گنڈا پور کااہم اقدام — آٹھ فلیگ شپ منصوبوں کی منظوری

خیبرپختونخوا میں موجودہ حکومت وزیراعلیٰ علی امین خان گنڈا پور کی وژنری قیادت میں عوامی خوشحالی اور صوبے کی دیر پا ترقی کیلئے کوشاں ہے۔ صوبے میں امن و امان کا قیام، عوام کو ریلیف کی فراہمی، روزگار کا فروغ، بہتر سماجی خدمات اور معاشی استحکام کیلئے پیداواری شعبوں کی دیر پا ترقی صوبائی حکومت کی ترجیحات ہیں۔ اس مقصد کےلئے صوبے میں پہلے سے جاری اصلاحاتی و ترقیاتی اقدامات کو اولین فرصت میں مکمل کرنے کی منصوبہ بندی کی گئی ہے اورکثیر الجہتی اقدامات پر مشتمل ” عوامی ایجنڈے” کا کامیاب اجراءکیا گیا جس کے تحت مختلف شعبوں میں عملی اقدامات اٹھائے جارہے ہیںجن کے مثبت اثرات سے عوام مستفید ہو رہے ہیں۔ صوبائی حکومت نے اس سلسلے میں ایک اہم سنگ میل کے طور پر آٹھ نئے فلیگ شپ منصوبوں کے اجراءکابھی فیصلہ کیا ہے جن کا مقصد شہریوں کے سماجی تحفظ کو یقینی بنانا، صنعتی و تجارتی سرگرمیوں اور سیاحت کو فروغ دیکر صوبے کی مالی خودکفالت کا راستہ ہموار کرنا اور بہتر فنڈ منیجمنٹ کے ذریعے دستیاب وسائل کا نتیجہ خیز اور دانشمندانہ استعمال یقینی بنانا ہے تاکہ ایک خوشحال، ترقیافتہ اور با اختیار معاشرے کا قیام ممکن ہو سکے۔ اس سلسلے میں وزیراعلیٰ علی امین خان گنڈ اپور نے ایک اہم اجلاس کی صدارت کرتے ہوئے مجوزہ فلیگ شپ منصوبوں کا اجراءکرنے کی منظوری دے دی ہے۔ ان فلیگ شپ منصوبوں میں صوبے کی تمام آبادی کے لئے لائف انشورنس کی فراہمی اور صوبائی حکومت کی اپنی اسلامی تکافل انشورنس کمپنی کا قیام، سولرائزیشن پروگرام کا اجراء، ہوم اسٹے ٹورازم اسکیم کا اجرائ، پشاور۔ ڈی آئی خان موٹروے کی تعمیر، 120 کلومیٹر طویل ٹرانسمیشن لائن کی تعمیر ،تجارتی کوریڈور حب کی تعمیر اورڈیبٹ مینجمنٹ فنڈ کا قیام شامل ہیں۔ یہ فلیگ شپ منصوبے سال 2027 کے آخر تک مکمل کئے جائیں گے۔ زیر نظر تحریر میں ان منصوبوں کی ضرورت اہمیت اور ان کے چیدہ چیدہ مثبت پہلوو¿ں کا اختصار کے ساتھ احاطہ کیا گیا ہے ۔
لائف انشورنس فار آل
پراونشل اسلامک تکافل انشورنس کمپنی کا قیام
سولرائزیشن سکیم
ہوم سٹے ٹورازم سکیم
ڈی آئی خان موٹر وے
پراونشل پاورٹرانسمیشن لائن کی تعمیر
ٹریڈ کوریڈور حب
Debt Management Fund کا قیام