کمشنر ملاکنڈ ڈویژ ن شاہد اللہ خان کا دورہ لوئر چترال،ڈپٹی کمشنر آفس پر چترال لیویز کے چاق و چوبند دستے نے سلامی دی۔ ڈپٹی کمشنر و ڈسٹرکٹ پولیس آفیسر لوئر چترال اور دیگر انتظامی آفیسران اس موقع پر موجود تھے۔ کمشنر ملاکنڈ نے ڈپٹی کمشنر آفس میں دیودار کا پودا لگا کر شجر کاری مہم کا افتتاح کیا۔ کمشنر ملاکنڈ نے انتظامی اور لائن ڈیپارٹمنٹس کے سربراہان کیساتھ اجلاس کی صدارت کی۔ ڈپٹی کمشنر چترال لوئر محمد علی نے جاری ترقیاتی سکیموں و انتظامی امور اور درپیش مسائل بارے تفصیلی بریفنگ دی۔کمشنر ملاکنڈ نے علاقہ معززین، سیاسی و سماجی رہنماؤں سے بھی ملاقات کی اور ان کے مسائل سنے۔ ڈپٹی کمشنر کو ان کے مسائل کے حل کیلئے سنجیدہ اقدامات اٹھانے کی ہدایت کی گئی۔ کمشنر ملاکنڈ کا کہنا تھا کہ چترال ایک حسین اور قدرتی حسن سے مالا مال وادی ہے اوراس کی خوبصورتی کیوجہ سے یہاں کے عوام سیاحت کے فروغ میں اپنا کردار ادا کر سکتے ہیں جس سے علاقے اور ملک کو فائدہ پہنچے گا۔ ان کا مذید کہنا تھا کہ چترال کو درپیش مسائل کے لئے حل طلب اقدامات اٹھائے جائینگے۔

ضلع پشاور میں محکمہ سوشل ویلفئیر کے زیر انتظام مسافروں، مزدوروں اور دیگر حقدار لوگوں کے لیے پجگی روڈ پناہ گاہ میں سہولیات کی فراہمی کا سلسلہ بدستور جاری ہے۔ پجگی روڈ پناہ گاہ میں بدھ کے روز 144 لوگوں کو سہولیات مہیا کی گئیں جن میں چھ خصوصی افراد اور ایک فیملی بھی شامل ہے پجگی روڈ پناہ گاہ میں روزانہ کی بنیاد پر اوسطاً 200 کے قریب لوگوں کو کھانے پینے، صبح کا ناشتہ، رات کے قیام اور دیگر سہولیات بلا تعطل دی جارہی ہیں ڈسڑکٹ پشاور سوشل ویلفیئر آفیسر نور محمد محسود کے مطابق محکمہ سماجی بہبود کی پجگی روڈ پناہ گاہ دسمبر 2018 میں قائم ہوئی اور اس وقت سے آج تک اس پناہ گاہ پشاور سمیت صوبے کے دیگر اضلاع سے ایک لاکھ 60 ہزار سے زائد لوگ مستفید ہوئے ہیں پجگی روڈ پناہ گاہ میں مسافروں، مزدوروں کے علاوہ صوبے کے دوردراز اور دوسرے اضلاع سے لوگ پشاور میں ضروری کام یا مریضوں کے ساتھ پشاور آتے ہے اس کے علاوہ زیادہ تر طالب علم امتحانی ٹیسٹ اور انٹرویو کیلیے آتے ہیں تو انکو ہوٹل میں قیام کرنا مشکل ہوتاہے پناہ گاہ میں ایسے لوگوں کیلیے مفت کھانے پینے کے علاوہ رات کا قیام بھی دیا جاتا ہ صبح کا ناشتے کے ساتھ ساتھ مفت ٹرانسپورٹ کی سہولت بھی مہیا کررہے ہیں پناہ گاہ میں 134بیڈز کی سہولت موجود ہے روزانہ اوسطاً 180 لوگوں کو سروسز مہیا کررہے ہیں تاہم بعض اوقات تعداد 200 سے بھی اوپر چلی جاتی ہے گرمی کے موسم کولر فین اور سردیوں میں گرم پانی کی سہولت موجود ہوتی ہے پناہ گاہ میں قیام کیلیے قومی شناختی کارڈ کا ہونا ضروری ہے۔

صوبائی حکومت کے احکامات کی روشنی میں محرم الحرام کے انتظامات کے سلسلے میں ڈپٹی کمشنر ٹانک محمد شعیب کی زیر صدارت اجلاس کا انعقاد کیا گیا جس میں ضلع بھر کے اہلسنت و اہل تشیع علماء و اکابرین، امام بارگاہوں کے متولیان، سنی و شیعہ مشران،تاجران اور سیاسی و سماجی شخصیات نے شرکت کی۔ ڈپٹی کمشنر ٹانک محمد شعیب نے اس موقع پر تمام شرکاء سے کہا کہ کسی قسم کے غیر ضروری اعلانات، غیر ضروری سرگرمیوں، لاؤڈ اسپیکر کے غیر ضروری استعمال پر مکمل پابندی ہوگی، مسلک کے لحاظ سے غیر ضروری بیانات پر عوام کو اکسانے، اشتعال انگیزی اور انتظامیہ کی جانب سے پابندیوں کی خلاف ورزی کرنیوالوں کے خلاف سخت سے سخت کاروائی عمل میں لائی جائیگی۔ تمام شرکاء نے محرم الحرام کے عزت و عقیدت کیساتھ گزارنے کی یقین دہانی کرائی اور مکمل تعاون کرنے کا اظہار کیا۔ اس موقع پر ایڈیشنل ڈپٹی کمشنر (جنرل) تنویر خان، اسسٹنٹ کمشنرامین اللہ، ایڈیشنل اسسٹنٹ کمشنر جمشید عالم، ایڈیشنل اسسٹنٹ کمشنر شہاب احمد خان اور DSP اصغر علی شاہ بھی موجود تھے۔

خیبرپختونخوا کے نگران وزیراعلی کے معاون خصوصی برائے ریونیو پیر ہارون شاہ نے بدھ کے روز ضلع دیر اپر و لوئر اور تحصیل کالام لینڈ ریکارڈ سیٹلمنٹ ہیڈ آفس میں پراجیکٹ کا تفصیلی جائزہ لیا. جائزہ اجلاس کے موقع پر معاون خصوصی پیر ہارون شاہ کو پراجیکٹ ڈائریکٹر فہد وزیر نے لینڈ سیٹلمنٹ طریقہ کار، پراجیکٹ کی کارکردگی، درپیش چیلنجز اور آئندہ کے لائحہ عمل پر بریفنگ دی. پراجیکٹ ڈائریکٹر فہد وزیر نے معاون خصوصی پیر ہارون شاہ کو بریف کرتے ہوئے آگاہ کیا کہ ضلع دیر اپر میں مجموعی طور پر 121 موضع جات، دیر لوئر 216 موضع جات اور تحصیل کالام سوات میں 17 موضع جات میں لینڈ سیٹلمنٹ پر کام جاری ہے. شجرہ نسب کے حوالے سے دیر اپر 75 فیصد، دیر لوئر 93.5 فیصد، اور سوات کالام کا 27 فیصد شجرہ نسب کا اندراج کیا جا چکا ہے. معاون خصوصی کو مزید آگاہ کیا گیا کہ لینڈ سیٹلمنٹ پراجیکٹ کے تحت دیر لوئر کے 56 موضع جات کا ڈیٹا جیوگرافک انفارمیشن سسٹم میں ڈالا گیا ہے جبکہ کالام سوات کے 17 موضع جات کا ڈیٹا جی آئی ایس سسٹم میں ریکارڈ کیا گیا ہے. معاون خصوصی برائے ریونیو پیر ہارون شاہ نے ضلع دیر اپر و لوئر اور تحصیل کالام لینڈ ریکارڈ سیٹلمنٹ پراجیکٹ کے حوالے سے درپیش چیلنجز پر ریمارکس دیتے ہوئے کہا کہ فنڈز کی بروقت فراہمی، گاڑیوں کی کمی پورا کرنے اور دیگر متعلقہ مسائل کو جلد از جلد حل کر لیں گے تاکہ متعلقہ علاقوں میں لینڈ ریکارڈ ترتیب میں لا کر کمپیوٹرائزڈ بھی کیا جا سکے. انہوں نے پراجیکٹ ڈائریکٹر کو ہدایات جاری کرتے ہوئے کہا کہ لینڈ ریکارڈ سیٹلمنٹ میں معیاری کام کو فوقیت دی جائے تاکہ مستقبل میں کسی بھی فرد کو لینڈ ریکارڈ کے حوالے سے مشکلات کا سامنا نہ کرنا پڑے

گورنمنٹ ہائی سکول جمرود ضلع خیبر میں ڈیجیٹل لائبریری کا قیام، نگراں وزیر ریلیف بحالی و آبادکاری تاج محمد آفریدی نے افتتاح کیا۔ ضم اضلاع میں نظام تعلیم جدت کا متقاضی ہے۔ خیبرپختونخوا کے نگراں وزیر برائے ریلیف بحالی و آبادکاری الحاج تاج محمد آفریدی نے کہا ہے کہ ضم قبائلی اضلاع میں بہتر تعلیمی ماحول، اداروں میں عملہ و دیگر درکار ضروریات و سہولیات کی فراہمی جبکہ وہاں کے تعلیمی نظام میں جدت وقت کی اہم ضرورت ہے۔ ان خیالات کا اظہار انہوں نے گزشتہ روز گورنمنٹ ہائی سکول جمرود ضلع خیبر میں ڈیجیٹل لائبریری کا افتتاح کرتے ہوئے منعقدہ تقریب سے خطاب کرتے ہوئے کیا۔ تقریب میں ڈپٹی ڈسٹرکٹ ایجوکیشن آفیسر ضلع خیبر، پرنسپل صاحبان، اساتذہ کرام، پیرنٹس ٹیچر کونسل چیئرمین و ممبران بھی شریک تھے۔

اس موقع پر نگراں صوبائی وزیر کو بریفننگ میں بتایا گیا کہ ضم اضلاع کی تاریخ میں یہ پہلی ڈیجیٹل لائبریری ہے، جس کا آج باقاعدہ افتتاح کیا گیا۔ مزید بتایا گیا کہ مذکورہ ڈیجیٹل لائبریری میں آف لائن و آن لائن دونوں اقسام کے کتب موجود ہیں۔ اس جدید لائبریری کے توسط سے اساتذہ کرام، طلبہ اور اعلٰی تعلیم و تحقیق سے وابسطہ افراد اپنے گھروں میں بیٹھ کر بھی مختلف کتب کا مطالعہ کرسکتے ہیں۔ تقریب سے خطاب کرتے ہوئے نگراں صوبائی وزیر تاج محمد آفریدی کا کہنا تھا کہ کوئی بھی قوم تعلیم کے بغیر ترقی نہیں کرسکتی آج باہر دنیا ہم سے ٹیکنالوجی میں آگے ہے جس کی بڑی وجہ بہتر نظام تعلیم ہے۔ انہوں نے متعلقہ حکام کو ہدایات جاری کرتے ہوئے کہا کہ ضم اضلاع میں شعبہ تعلیم اور تعلیمی اداروں میں جہاں جہاں خامیاں ہیں ان کو دور کیا جائے اور جدت و بہتری کیلئے نیا وژن عملی و یقینی بنایا جائے۔