وزیراعلیٰ خیبر پختونخوا کے معاون خصوصی برائے فنی تعلیم اور صنعت وحرفت عبدالکریم تورڈھیرنے صوابی گدون کا دورہ کرکے وہاں پر گورنمنٹ ٹیکنیکل اینڈ ووکیشنل سنٹر کا معائنہ کیا۔معاون خصوصی نے اس موقع پر کالج میں تدریسی سرگرمیوں کا عمومی جائزہ لیا اور مختلف تربیتی ورکشاپس اور پریکٹیکل لیبز بھی گئے۔معاون خصوصی کو اس موقع پر بتایا گیا کہ سنٹر میں مختلف شعبہ جات میں طلبہ کو فنی مہارت کی تربیت مہیا کی جارہی ہے جن میں پلمبنگ، الیکٹریشن، کمپوٹر سوفٹ وئیر، آٹو موبائل و دیگر فنون کے ٹریڈز شامل ہیں۔انھوں نے اس موقع پر ہدایت کرتے ہوئے کہا کہ طلبہ کی پریکٹیکل ٹریننگ کے ساتھ ساتھ فنی اداروں کی خود انحصاری کیلئے بھی اقدامات اٹھانے کی طرف توجہ دینے کی ضرورت ہے تاکہ ان ٹریننگ سینٹر ز کو کمرشل پروڈکشن کے لیے استعمال کیا جا سکے اس سے ادارے self sustainability کے ویژن پر گامزن ہو جائیں گے۔انھوں کالج انتظامیہ کو ایسے آئیڈیاز پر کام کرنے کی ہدایت کی جن سے ادارے کو انکم حاصل ہو اور یہ فعال اور معیاری تربیت گاہ کے طور پر بھی سامنے آئے۔

صوبائی وزیر خوراک ظاہر شاہ طورو نے رکن صوبائی اسمبلی عبدالسلام آفریدی اور ڈپٹی کمشنر مردان فیاض شیرپاؤ کے ہمراہ سرحدی یتیم خانہ شمسی روڈ مردان کا دورہ کیا۔ انہوں نے سالانہ امتحانات میں نمایاں پوزیشن لے کر کامیاب ہونے والے بچوں میں انعامات اور تحائف تقسیم کئے۔ اس موقع پر صوبائی وزیر خوراک خیبرپختونخوا ظاہر شاہ طورو کو ادارے کے مسائل سے آگاہ کیا گیا۔صوبائی وزیر خوراک نے مسائل کو بروقت حل کرنے کی یقین دہانی کراتے ہوئے کہا کہ یتیم بچوں کی پرورش اور نگہداشت حکومت اور معاشرے کی ذمہ داری ہے اور ہماری حکومت اس حوالے سے اپنی ذمہ داریوں سے بخوبی آگاہ ہے۔

وزیراعلیٰ خیبرپختونخوا کے مشیر برائے سیاحت، ثقافت اور آثارقدیمہ زاہد چن زیب نے ٹورازم کی سرگرمیاں اور منصوبے ہنگامی بنیادوں پر پایہ تکمیل تک پہنچانے اور سیاحت کی ترقی کیلئے مقررہ اہداف کے سو فیصد حصول پر زور دیا ہے نیز حکام پر واضح کیا ہے کہ پی ٹی آئی کی موجودہ عوامی حکومت محکموں کی کارکردگی کا اندازہ اہداف کے حصول کی بنیاد پر کرے گی۔ انہوں نے کہا کہ آئندہ جو محکمہ یا ادارہ اہداف میں ناکام رہا اس کے فنڈز اور عملہ محدود کیا جائے گا جبکہ حسن کارکردگی کا مظاہرہ کرنے والے اداروں کی بھرپور حوصلہ افزائی اور فنڈنگ ہوگی۔ اس امر کا اظہار انہوں نے پختونخوا ہاؤس اسلام آباد میں کاغان ڈویلپمنٹ اتھارٹی کے ترقیاتی اجلاس و بریفننگ اور مانسہرہ کے زعماء کے وفود سے ملاقات میں کیا۔ کاغان ترقیاتی ادارہ کے اجلاس میں ڈائریکٹر جنرل محمد شبیر نے مشیر سیاحت کو انکی ہدایات کے تحت مانسہرہ تا جھیل سیف الملوک ہوٹل مینجمنٹ، شاہراہوں پر سیاحوں کیلئے سہولیات اور سیاحت سے متعلق دیگر سکیموں پر پیشرفت اور تفصیلات سے آگاہ کیا نیز انہیں مانسہرہ میں سیاحت کی ترقی کیلئے جاری اور نئی سکیموں پر بریفننگ دی جبکہ مختلف شعبہ جات کے منیجرز نے ادارے کی فعالیت اور علاقے میں سیاحت کے فروغ کیلئے اپنی کارکردگی پر تفصیلی روشنی ڈالی۔ زاہد چن زیب کو مانسہرہ ناران تا جھلکٹ (ایم این جے) روڈ جلد از جلد کھولنے اور موسمی صورتحال سے نمٹنے کیلئے اقدامات سے بھی آگاہ کیا گیا اور بتایا گیا کہ نیشنل ہائی وے اتھارٹی کے زیر انتظام یہ شاہراہِ جو ہر سال ونٹر سیزن میں بالعموم بند کر دی جاتی ہے اسے دوبارہ کھولنے کیلئے اقدامات جاری ہیں جس میں کاغان ترقیاتی ادارہ نیشنل ہائی وے اتھارٹی کی بھرپور معاونت کر رہا ہے۔ مشیر سیاحت نے اب تک کی پیشرفت پر اظہار اطمینان کیا تاہم کاغان ڈویلپمنٹ اتھارٹی کو واضح ہدایات جاری کیں کہ علاقے میں سیاحت کی ترقی اور سیاحوں کو زیادہ سہولیات کی فراہمی کیلئے ٹھوس اقدامات کرے۔ انہوں نے کہا کہ سیاحتی علاقوں کی ترقیاتی حکمت عملی میں یہ نکتہ لازماً شامل ہونا چاہئے کہ ہوٹلز اور ریستورانوں میں معیاری سروسز یقینی بنانے کے علاوہ شاہراہوں کے اطراف میں مناسب فاصلے پر واش روم اور پینے کے پانی کا خصوصی اہتمام کیا جائے جبکہ انکی دیکھ بھال مقامی ہوٹل مالکان کے حوالے کی جائے۔ انہوں نے کہا کہ اکثر بیماریوں کی بنیادی وجہ آلودہ پانی ہوتا ہے اسلئے حکام ان باتوں کا بطور خاص دھیان رکھیں کیونکہ ہم نہیں چاہتے کہ سیاح سفر و سیاحت سے واپسی پر کسی بھی قسم کی تکالیف کا شکار ہوں۔ انہوں نے کہا کہ صوبائی حکومت اور محکمہ سیاحت و ثقافت صوبہ بھر میں ٹھوس بنیادوں پر سیاحت کے فروغ اور سیاحوں کے ٹورز کو ہر لحاظ سے یادگار، خوشگوار اور صحت افزاء بنانے کی اپنی بنیادی ذمہ داری ہر قیمت پر پوری کرے گی اور اس مقصد کیلئے اگلے پانچ سالوں کیلئے اہداف پر مبنی واضح لائحہ عمل اپنایا جا رہا ہے۔

خیبر پختونخواکے وزیر مواصلات وتعمیرات شکیل احمد نے کہا ہے کہ محکمہ مواصلات و تعمیرات کے شعبہ سنٹر ڈویلپمنٹ اور منٹینس کی استعدار کار اور پشہ ورانہ صلاحیتوں میں اضافہ کرنے کیلئے محکمہ کے تما م اضلاع میں موجود لیب ٹیسٹنگ لیبارٹریوں کے ٹیکنیکل سٹاف کو دور حاضرکے تقاضوں سے ہم آہنگ ٹریننگ دی جائے گی اور اسی طرح ترقیاتی منصوبوں کی تکمیل کیلئے سکروٹنی میکنزم کے تحت کوالٹی کنٹرول اور کام کا معیار بہتر بنانے کیلئے انوسٹمنٹ کرنے والے ٹھیکداروں کے انجینئرز،ٹیکینکل سٹاف،مشینری اور دیگر امور کی مانیٹر نگ کی جائے گی ان خیالات کااظہار انہوں نے محکمہ مواصلات و تعمیرات کے شعبہ سنٹر ڈویلپمنٹ سے متعلق منعقد ہ بریفنگ اجلاس کی صدارت کرتے ہوئے کیا اجلاس میں سیکرٹری مواصلات و تعمیرات ادریس مروت،چیف انجینئر سنٹر ڈیویلپمنٹ اوردیگر متعلقہ افسران بھی موجود تھے اس موقع پر چیف انجینئر سنٹر نے شعبے کی صوبے بھر میں ترقیاتی منصوبوں کی بارے میں کارکردگی پر تفصیل سے بریفنگ دی۔اجلاس میں جاری ترقیاتی منصوبوں کی تکمیل،منٹنس اوران کے اعلیٰ معیاری ڈیزائننگ کا جا ئزہ لیا گیا صوبائی وزیر نے اجلاس سے خطاب کرتے ہوئے کہا کہ صوبے کے تمام اضلاع میں اعلیٰ معیار کے مطابق لیب ٹیسٹنگ لیبارٹریوں کو قائم کیا جائے گا جن میں مستند لیبارٹری ٹیکنیشن تعینات ہوں گے اور اس میں ڈیوٹی سرانجا م دینے والاعملہ صرف محکمہ کے سیکرٹری کے ماتحت اور جوابدہ ہوگا انہوں نے کہا کہ محکمہ ترقیاتی منصوبوں کی پیمنٹ کو مزید سہل اور شفاف بنانے کیلئے لیب ٹیسٹنگ لیبارٹری کاسرٹیفائیڈ ویر فائی سرٹیفکیٹ لازمی ہوگا اس کے بغیر محکمہ کسی بھی قسم کی ادائیگی نہیں کرے گا انہوں نے متعلقہ حکا م کو ہدایت کی صوبے میں ترقیاتی منصوبوں میں بلڈنگ کی تعمیرات، منٹنس اور ڈیزائنگ پر اربوں روپے کی خطیر رقم خرچ کررہی ہے اس لئے ان کی تکمیل میں تمام دور حاضر کی جدید ضرورتوں سے ہم أہنگ کرنے پر خاص توجہ دی جائے گی انہوں نے سنٹر ڈویلپمنٹ میں سٹاف کی کمی کو پورا کرنے، ان کے سٹرکچر اور ترقیوں کے لئے فوری اقدامات کرنے کی بھی محکمہ کو ہدایت کی