ڈپٹی کمشنر ٹانک کی ہدایات: ڈبرہ بازار میں تجاوزات کے خلاف بھرپور آپریشن شروع۔

ڈپٹی کمشنر ٹانک کی خصوصی ہدایت پر اسسٹنٹ کمشنر ٹانک امین اللہ خان نے پولیس اور ٹی ایم اے اہلکاروں کے ہمراہ ڈبرہ بازار میں تجاوزات کے خلاف بھرپور آپریشن شروع کیا جس کے دوران مرکزی ٹانک وانا روڈ پر ڈبرہ بازار میں تجاوزات ہٹا دی گئیں جبکہ علاقے کے عمائدین کی درخواست پر آپریشن معطل کر دیا گیا کیونکہ انہوں نے درخواست کی کہ دکاندار 3 دن کے اندر اپنی تمام تجاوزات ہٹا دیں گے۔ اسسٹنٹ کمشنر ٹانک امین اللہ خان نے بعد ازاں مانزئی کیمپ کا دورہ بھی کیا اور لوگوں کو سخت ہدایات جاری کیں کہ وہ سرکاری اراضی پر تجاوزات نہ کریں بصورت دیگر ان کے خلاف قانونی کارروائی عمل میں لائی جائے گی جبکہ بعض تجاوزات کو موقع پر ہی ہٹا دیا گیا۔