خیبر پختونخواکے وزیر برائے بلدیات ارشد ایوب خان اور سکریٹری بلدیات داؤد خان نے خیبر پختونخواکے تمام ٹی ایم اوز کے اہم اجلاس کی صدارت کی

خیبر پختونخواکے وزیر برائے بلدیات ارشد ایوب خان اور سکریٹری بلدیات داؤد خان نے خیبر پختونخواکے تمام ٹی ایم اوز کے اہم اجلاس کی صدارت کی۔ اس موقع پہ صوبائی وزیر نے کہا کہ کسی کے سیاسی یا سرکاری دباؤ میں آئے بغیر اپنا کام کریں۔ غیر قانونی کام کسی کے بھی کہنے پر نہ کریں۔ انہوں نے کہا کہ صفائی کی گاڑیوں کے پٹرول کا احتساب ہونا چاہیے، صفائی کی گاڑیوں کے پٹرول کا غلط استعمال برداشت نہیں ہوگا۔ جلد ہی ٹی ایم ایز کی ڈیجیٹلائزیشن کا کام مکمل ہوجائے گا جس کے بعد تمام ٹی ایم ایز کے پیسوں کا رکارڈ رپورٹ کر کے رجسٹر کیا جائے گا۔ صوبائی وزیر ارشد ایوب نے کہا کہ قانون کے مطابق کام کیا جائے ہم آپکو ہر ممکن مدد فراہم کریں گے۔ اچھا کام کیا جائے گا تو آپکو سپورٹ کیا جائے گا، کو ئی بھی غیر قانونی کام کے لئے پریشر آپ پہ ڈالے آپ انکار کریں اور انہیں رپورٹ پیش کریں۔اے سی آر رپورٹنگ آفیسر میں ترمیم کی جائے گی، تاکہ انہیں بلیک میل نہ کیا جاسکے۔ٹی ایم اوز اگر اچھا کام کریں گے تو انکو مزید بااختیار بنائیں گے اگر کام نہیں کریں گے تو ان سے اختیار واپس لے لئے جائیں گے۔ ٹی ایم ایز نے ہر مشکل وقت میں بہترین کام کیا ہے۔میرٹ پہ کام کریں کسی کا غیر قانونی کام ہر گز نہ کیا جائے۔