کوہالہ پل پر یومِ یکجہتی کشمیر کے موقع پر منعقدہ تقریب سے خطاب کرتے ہوئے خیبر پختونخوا کے صوبائی وزیر برائے ابتدائی و ثانوی تعلیم ارشد ایوب خان نے کہا ہے کہ جب تک جموں و کشمیر کے عوام کو اقوامِ متحدہ کی قراردادوں کے مطابق حقِ خودارادیت نہیں دیا جاتا، برصغیر کی تقسیم کا ایجنڈا نامکمل رہے گا۔
5 فروری 2026 کو منعقدہ اس تقریب میں صوبائی حکومت خیبر پختونخوا کی نمائندگی کرتے ہوئے اس موقع پر صوبائی وزیر نے انسانی ہاتھوں کی زنجیر بنا کر کشمیری عوام سے یکجہتی کا اظہار کیا اور ریلی کی قیادت بھی کی۔
صوبائی وزیر نے کہا کہ مسئلہ کشمیر دو ایٹمی طاقتوں کے درمیان علاقائی استحکام کے لیے ایک سنگین چیلنج ہے، تاہم پاکستان امن کا خواہاں ہے۔ انہوں نے واضح کیا کہ پاکستان جنگ نہیں چاہتا، لیکن اگر جنگ مسلط کی گئی تو ملک اپنے دفاع کی مکمل صلاحیت رکھتا ہے۔
ارشد ایوب خان نے کہا کہ کشمیر کے معاملے پر پوری پاکستانی قوم متحد ہے اور جبر، تشدد اور ریاستی دہشت گردی کے باوجود بھارت کشمیری عوام کے جذب آزادی کو دبا نہیں سکتا۔ انہوں نے اقوامِ متحدہ اور عالمی انسانی حقوق کی تنظیموں سے مطالبہ کیا کہ وہ مقبوضہ کشمیر میں بے گناہ شہریوں پر بھارتی مظالم رکوانے کے لیے مؤثر کردار ادا کریں۔
انہوں نے کہا کہ بھارتی پروپیگنڈے کا ڈیجیٹل میڈیا اور جدید مواصلاتی ذرائع کے ذریعے منطقی اور مؤثر جواب دیا جائے گا، اور پاکستان کی مستقل، اصولی اور سفارتی جدوجہد نے مسئلہ کشمیر کو عالمی سطح پر زندہ رکھا ہے۔
صوبائی وزیر نے کہا کہ 5 فروری قومی عزم کی تجدید کا دن ہے اور وہ دن ضرور آئے گا جب کشمیری عوام کو آزادی نصیب ہوگی۔ انہوں نے اس بات پر زور دیا کہ کشمیر کے بغیر پاکستان نامکمل ہے اور پاکستان اس مسئلے کو ہر عالمی فورم پر اجاگر کرتا رہے گا۔
انہوں نے بھارتی میڈیا کے غیر ذمہ دارانہ کردار پر تنقید کرتے ہوئے کہا کہ بھارت غلط معلومات اور بے بنیاد پروپیگنڈے کے ذریعے آزادی کی تحریک کو کمزور دکھانے کی کوشش کر رہا ہے، جبکہ زمینی حقائق اس کے برعکس ہیں۔
آخر میں انہوں نے کہا کہ کشمیری عوام نے بے مثال قربانیوں کے ذریعے اس مسئلے کو عالمی سطح پر اجاگر کیا ہے اور کوئی طاقت پاکستان اور کشمیر کے رشتے کو توڑ نہیں سکتی اور کشمیر بنے گا پاکستان۔

خیبر پختونخوا کے وزیر ایکسائز و ٹیکسیشن اور نارکوٹکس کنٹرول سید فخر جہان نے 5 فروری یوم یکجہتی کشمیر کے موقع پر اپنے ایک پیغام میں کہا ہے کہ ہندوستان نے جموں و کشمیر پر غیر قانونی قبضہ کرکے نہ صرف کشمیری عوام سے انکی آزادی کا حق چھین لیا ہے بلکہ ان کے بنیادی انسانی حقوق بھی پامال کیے گئے۔انھوں نے کہا کہ عالمی تاریخ میں کشمیر کے مظلوم عوام کے ساتھ ہونے والی ظلم اور بربریت کی مثال نہیں ملتی اور ہم اپنے کشمیری بھائیوں،بہنوں ماووں،بزرگوں اور بچوں سے مکمل یکجہتی اور ہمدردی کا اظہار کرتے ہیں اور انکی سیاسی،اخلاقی اور انسانی حمایت جاری رکھیں گے۔انھوں نے عالمی برادری سے اپیل کی کہ وہ مسئلہ کشمیر کے منصفانہ حل کے لئے اپنا کردار ادا کرے اور کشمیری عوام کو ان کا جائز حق دلانے میں اپنا حصہ ڈالے۔انھوں نے کہا کہ ہندوستان نے ظلم، جبر اور بربریت کی انتہا کرکے ہزاروں کشمیریوں کو شہید کر دیا ہے تاکہ انھیں زبردستی اپنے حق سے روکے تاہم وہ اپنے اس مقصد میں کامیاب نہیں ہوں گے اور کشمیر انشاللہ آزاد ہوگا

یومِ یکجہتی کشمیر 2026 کے موقع پر پاکستان کے صوبوں کی نمائندگی کرتے ہوئے صوبائی حکومت خیبر پختونخوا کی جانب سے صوبائی وزیر برائے ابتدائی و ثانوی تعلیم ارشد ایوب خان نے 5 فروری 2026 کو کوہالہ پل پر منعقدہ یومِ یکجہتی کشمیر کی مرکزی تقریب اور ریلی میں شرکت کی۔اس موقع پر ایک پُروقار تقریب اور ریلی کا انعقاد کیا گیا، جس میں شرکاء نے کشمیری عوام کے ساتھ بھرپور یکجہتی کا اظہار کیا اور مقبوضہ کشمیر میں بھارتی مظالم کے خلاف آواز بلند کی۔ شرکاء نے قومی و کشمیری پرچم تھام رکھے تھے اور آزادی? کشمیر کے حق میں نعرے بلند کیے۔تقریب سے خطاب کرتے ہوئے صوبائی وزیر ارشد ایوب خان نے کہا کہ یومِ یکجہتی? کشمیر کشمیری عوام کے حقِ خود ارادیت کی جدوجہد سے اپنی غیر متزلزل وابستگی کے اظہار کا دن ہے۔ انہوں نے کہا کہ مقبوضہ کشمیر میں جاری انسانی حقوق کی سنگین خلاف ورزیاں عالمی ضمیر کے لیے ایک سوالیہ نشان ہیں اور عالمی برادری کو اس حوالے سے اپنا کردار ادا کرنا ہوگا۔انہوں نے مزید کہا کہ پاکستان کشمیری بھائیوں اور بہنوں کی جائز جدوجہد میں ان کے شانہ بشانہ کھڑا ہے اور یہ حمایت اس وقت تک جاری رہے گی جب تک کشمیری عوام کو اقوامِ متحدہ کی قراردادوں کے مطابق حقِ خود ارادیت حاصل نہیں ہو جاتا۔ صوبائی وزیر نے اس عزم کا اعادہ کیا کہ خیبر پختونخوا حکومت ہر فورم پر مسئلہ کشمیر کو اجاگر کرتی رہے گی۔تقریب کے اختتام پر کشمیری شہداء کو خراجِ عقیدت پیش کیا گیا اور کشمیری عوام کی آزادی، سلامتی اور کامیابی کے لیے خصوصی دعائیں کی گئیں

یومِ یکجہتی کشمیر کے موقع پر ملک بھر کی طرح صوبائی دارالحکومت پشاور میں بھی کشمیری عوام سے اظہارِ یکجہتی کے لیے ایک بڑی اور پُرجوش ریلی کا انعقاد کیا گیا۔ ریلی کا آغاز اعظم خان بلاک سول سیکرٹریٹ سے ہوا، جس میں کابینہ اراکین، اراکین صوبائی اسمبلی، اعلیٰ سرکاری حکام، پشاور ضلعی انتظامیہ کے افسران، سیاسی، سماجی و مذہبی شخصیات، سرکاری افسران، صحافی برادری، طلبہ و طالبات اور عوام الناس نے بڑی تعداد میں شرکت کی۔ریلی کے شرکاء نے اپنے ہاتھوں میں بینرز اور پلے کارڈز اٹھا رکھے تھے جن پر کشمیری عوام کے حقِ خودارادیت، آزادی اور بھارتی مظالم کے خلاف نعرے درج تھے۔ ریلی صاحبزادہ عبدالقیوم روڈ پر وزیر اعلیٰ ہاؤس کے سامنے سے گزرتی ہوئی گورنر ہاؤس کے سامنے اختتام پذیر ہوئی۔ریلی سے خطاب کرتے ہوئے مقررین، کشمیری رہنماؤں نے مقبوضہ کشمیر میں بھارتی حکومت اور بھارتی افواج کی جانب سے کشمیری عوام پر ڈھائے جانے والے مظالم کی شدید الفاظ میں مذمت کی۔ مقررین نے کہا کہ کشمیری عوام کے بنیادی انسانی حقوق کو مسلسل پامال کیا جا رہا ہے اور شہری آزادیوں پر سخت پابندیاں عائد کر رکھی ہیں، جو بین الاقوامی قوانین اور انسانی اقدار کی صریح خلاف ورزی ہے۔مقررین نے اس عزم کا اظہار کیا کہ کشمیری عوام کے حقِ خودارادیت کو طاقت کے زور پر دبایا نہیں جا سکتا اور کشمیریوں کی جائز جدوجہد ایک دن ضرور کامیابی سے ہمکنار ہوگی۔ انہوں نے کہا کہ پاکستان اپنے کشمیری بھائیوں اور بہنوں کی سیاسی، اخلاقی اور سفارتی حمایت ہر عالمی فورم پر بھرپور انداز میں جاری رکھے گا۔اس موقع پر اقوامِ متحدہ، عالمی انسانی حقوق کی تنظیموں اور بین الاقوامی برادری سے مطالبہ کیا گیا کہ وہ مقبوضہ کشمیر میں جاری انسانی حقوق کی سنگین خلاف ورزیوں کا فوری نوٹس لیں اور کشمیری عوام کو ان کا تسلیم شدہ حقِ خودارادیت دلوانے کے لیے مؤثر کردار ادا کریں۔مقررین نے کہا کہ خیبر پختونخوا کے عوام کشمیری عوام کی قربانیوں، بہادری اور غیر متزلزل عزم کو سلام پیش کرتے ہیں۔ یومِ یکجہتی کشمیر دنیا کے ضمیر کو جھنجھوڑنے کا دن ہے اور یہ واضح پیغام ہے کہ پاکستانی قوم اپنے کشمیری بھائیوں کے ساتھ تھی، ہے اور ہمیشہ رہے گی۔ ریلی کا اختتام پرکشمیری عوام کی جدو جہد حق خودارادیت میں کامیابی کی خصوصی دعا کے ساتھ ہوا۔

آڈیٹر جنرل آف پاکستان، مقبول احمد گوندل نے پشاور کا سرکاری دورہ کیا، جہاں انہوں نے خیبر پختونخوا میں اکاؤنٹس اور آڈٹ دفاتر کی کارکردگی، انتظامی امور اور جاری اصلاحاتی اقدامات کا تفصیلی جائزہ لیا۔آڈیٹر جنرل آف پاکستان کی آمد پر اکاؤنٹنٹ جنرل خیبر پختونخوا خالد محمود، ڈپٹی آڈیٹر جنرل (نارتھ) شاہ رحمان اور پاکستان آڈٹ اینڈ اکاؤنٹس سروس کے دیگر افسران نے ان کا استقبال کیا۔ اس موقع پر آڈیٹر جنرل کو صوبے میں عوامی مالیاتی نظام کو جدید خطوط پر استوار کرنے اور گورننس کو بہتر بنانے کے لیے جاری اور مجوزہ اصلاحاتی اقدامات پر بریفنگ دی گئی۔آڈیٹر جنرل آف پاکستان نے اصلاحات کی اہمیت پر زور دیتے ہوئے کہا کہ کیش لیس نظام کی طرف منتقلی، ای آفس کا نفاذ، دفتری امور کی مکمل ڈیجیٹلائزیشن، شفافیت کا فروغ اور سخت احتسابی نظام اصلاحاتی عمل کے بنیادی ستون ہیں، جن پر مؤثر عملدرآمد ناگزیر ہے۔انہوں نے کہا کہ نتائج پر مبنی کارکردگی کو ترجیح دی جائے گی اور صوبہ بھر میں سروس ڈیلیوری کے معیار کی وہ ذاتی طور پر نگرانی کریں گے۔ آڈیٹر جنرل نے واضح کیا کہ کوتاہی یا غفلت کی صورت میں ذمہ داری کا تعین یقینی بنایا جائے گا، جبکہ اصلاحات کے نفاذ میں بہتر کارکردگی، جدت اور عملی اقدامات کرنے والے افسران اور دفاتر کی حوصلہ افزائی کی جائے گی۔آڈیٹر جنرل آف پاکستان نے حکومت خیبر پختونخوا اور دیگر متعلقہ اداروں کے ساتھ مؤثر رابطہ کاری کی ضرورت پر بھی زور دیا۔ انہوں نے کہا کہ باہمی روابط کو مستحکم کرنا، ادارہ جاتی تعاون کو مضبوط بنانا اور اشتراکِ عمل کو فروغ دینا وقت کی اہم ضرورت ہے، تاکہ ایک مؤثر، جوابدہ اور جدید عوامی مالیاتی نظام تشکیل دیا جا سکے۔دورے کے اختتام پر آڈیٹر جنرل آف پاکستان نے صوبے میں اکاؤنٹس اور آڈٹ دفاتر کی کارکردگی کو سراہا اور افسران پر زور دیا کہ وہ اصلاحاتی عمل کی رفتار برقرار رکھیں، پیشہ ورانہ دیانت داری اور شفافیت کے اعلیٰ معیار پر قائم رہیں اور ڈیجیٹل گورننس اور مالی نظم و ضبط سے متعلق قومی ترجیحات کے مطابق اپنے امور انجام دیں۔

خیبرپختونخوا کے وزیر آبپاشی ریاض خان نے 5 فروری یوم یکجہتی کشمیر کے موقع پر اپنے پیغام میں کہا ہے کہ کشمیر پاکستان کی شہ رگ ہے پوری پاکستانی قوم مظلوم کشمیری عوام کے ساتھ کھڑی ہے اور ان کی جدوجہد آزادی میں انہیں کبھی تنہا نہیں چھوڑے گی ریاض خان نے کہا کہ کشمیر میں بھارتی افواج کی جانب سے جاری انسانی حقوق کی سنگین خلاف ورزیاں عالمی برادری کے لیے لمحۂ فکریہ ہیں۔ نہتے کشمیری عوام گزشتہ کئی دہائیوں سے ظلم و جبر، جبری گمشدگیوں، ماورائے عدالت قتل اور بنیادی انسانی حقوق کی پامالی کا سامنا کر رہے ہیں۔ انہوں نے کہا کہ کشمیری عوام کی قربانیاں رائیگاں نہیں جائیں گی اور وہ دن دور نہیں جب کشمیر آزادی کی منزل حاصل کرے گا۔ پاکستان کشمیریوں کے حق خودارادیت کی جدوجہد کی ہر سطح پر سیاسی، اخلاقی اور سفارتی حمایت جاری رکھے گا۔ صوبائی وزیر آبپاشی نے عالمی اداروں بالخصوص اقوام متحدہ سے مطالبہ کیا کہ وہ اپنی قراردادوں پر عملدرآمد یقینی بنائیں اور کشمیری عوام کو ان کا جائز حق دلانے کے لیے مؤثر کردار ادا کریں۔ ریاض خان نے کہا کہ یوم یکجہتی کشمیر ہمیں اس عزم کی تجدید کا موقع فراہم کرتا ہے کہ ہم ہر فورم پر کشمیری عوام کی آواز بنیں گے اور ان کے ساتھ اپنی غیر متزلزل یکجہتی کا اظہار کرتے رہیں گے۔انہوں نے کہا کہ کشمیر کل بھی ہمارا تھا، آج بھی ہمارا ہے اور ہمیشہ ہمارا رہے گا۔ انہوں نے کہا کہ پاکستان کے عوام، حکومت اور ہر ادارہ کشمیری عوام کے ساتھ کھڑا ہے اور بھارتی مظالم کے خلاف ہر سطح پر آواز بلند کرتا رہے گا۔انہوں نے بھارت کے غیر قانونی اقدامات کو مسترد کرتے ہوئے کہا کہ پاکستان اور اس کے عوام کبھی بھی کشمیر پر بھارتی غاصبانہ تسلط کو تسلیم نہیں کریں گے ہماری محبت، ہمدردیاں اور دعائیں ہمیشہ کشمیری بھائیوں اور بہنوں کے ساتھ ہیں اور ہم ان کی آزادی کی جدوجہد میں ہر ممکن حمایت جاری رکھیں گے

وزیرِ اعلیٰ خیبر پختونخوا محمد سہیل آفریدی کے منشیات کے خلاف زیرو ٹالرنس پالیسی اور صوبائی وزیر ایکسائز، ٹیکسیشن و نارکوٹکس کنٹرول سید فخر جہان کے ہدایات کی روشنی میں صوبہ بھر میں منشیات کے خلاف جاری کاروائیوں میں محکمہ ایکسائز و ٹیکسیشن اور نارکوٹکس کنٹرول کو ایک اہم کامیابی ملی ہے جس کے تحت ضلع خیبر کے دور افتادہ علاقوں میں محکمہ کی جانب سے قانون نافذ کرنے والے اداروں کے تعاون سے تاریخ کی بڑی کارروائی عمل میں لائی گئی۔کاروائی کے دوران بھاری مقدار میں مختلف اقسام کی منشیات اسمگل کرنے کی کوشش ناکام بنا دی گئی۔

مذکورہ کارروائی کے دوران مجموعی طور پر 718,060 گرام منشیات برآمد کر کے ضبط کی گئیں جن میں 615,500 گرام بھنگ، 18,100 گرام آئیس، 1,160 گرام ہیروئن، 13,300 گرام افیون، 70,000 گرام چرس اور 18 ایکسٹیسی گولیاں شامل ہیں۔

کارؤائی سعود خان گنڈاپور (پراونشل انچارج، ایکسائز انٹیلیجنس بیورو) اور ماجد خان (ایکسائز اینڈ ٹیکسیشن آفیسر، نارکوٹکس کنٹرول) کی زیر نگرانی، ماجد حسین (ایس ایچ او، تھانہ ایکسائز خیبر) اور ابوذر خان (ای آئی بی موبائل اسکواڈ) نے قانون نافذ کرنے والے اداروں کے تعاون سے عمل میں لائی جس میں برآمد کیئے گئے منشیات کو ضبط کیا گیا اور ملوث ملزمان کے خلاف مزید تفتیش کے لیے تھانہ ایکسائز خیبر میں مقدمہ درج کر لیا گیا ہے۔

صوبائی وزیر ایکسائز، ٹیکسیشن و نارکوٹکس کنٹرول سید فخر جہان نے انسدادِ منشیات کے حوالے سے واضح ہدایات جاری کیئے ہیں کہ منشیات کی اسمگلنگ اور فروخت میں ملوث عناصر کے خلاف زیرو ٹالرنس پالیسی پر ہر صورت عملدرآمد یقینی بنایا جائے گا۔ انھوں نے کہا کہ منشیات کی لعنت میں ملوث عناصر کے خلاف سخت کارروائی عمل میں لائی جائے گی کیونکہ اس ناسور سے معاشرے اور نئی نسل کو ہم نے بچانا ہے۔
انھوں نے کہا کہ زیرو ٹالرنس پالیسی کے تحت منشیات کے ڈیلرز،سمگلرز،فروشان اور کاروبار کرنے والوں کے خلاف جاری آپریشن جاری رہے گا اور منشیات کے خاتمے کے لیے تمام دستیاب وسائل بروئے کار لا ہے جائیں گے۔عوام کے جان و مال کے تحفظ اور نوجوان نسل کے محفوظ مستقبل کے لیے ہر ممکن قدم اٹھایا جائے گا

وزیراعلیٰ خیبر پختونخوا کے معاونِ خصوصی برائے اطلاعات و تعلقاتِ عامہ شفیع جان نے کہا ہے کہ 5 فروری یومِ یکجہتی کشمیر اس عزم کی تجدید کا دن ہے کہ پاکستان اور پاکستانی قوم مقبوضہ جموں و کشمیر کے عوام کی حقِ خودارادیت اور آزادی کی منصفانہ جدوجہد کی غیر متزلزل حمایت جاری رکھیں گے۔ انہوں نے کہا کہ یہ دن کشمیری عوام کو یہ پیغام دیتا ہے کہ وہ اپنی جدوجہد میں تنہا نہیں ہیں۔شفیع جان نے کہا کہ مقبوضہ جموں و کشمیر میں بھارتی قابض افواج کی جانب سے جاری ریاستی جبر، ماورائے عدالت قتل، جبری گمشدگیاں اور انسانی حقوق کی سنگین خلاف ورزیاں عالمی ضمیر کے لیے ایک کھلا چیلنج ہیں۔ مقبوضہ کشمیر محض ایک علاقائی تنازع نہیں بلکہ انسانی حقوق، انصاف اور عالمی ذمہ داری کا سنگین مسئلہ ہے، جس پر عالمی برادری کی خاموشی ناقابلِ قبول ہے۔انہوں نے کہا کہ کشمیری عوام گزشتہ کئی دہائیوں سے بھارتی ظلم و ستم، جبر اور انسانی حقوق کی بدترین پامالیوں کا سامنا کر رہے ہیں، اس کے باوجود ان کی جدوجہدِ آزادی آج بھی زندہ ہے اور کسی دباؤ کے آگے جھکنے کو تیار نہیں۔ یہی وہ جدوجہد ہے جسے پاکستان تحریک انصاف کے بانی چیئرمین عمران خان نے ہمیشہ عالمی ضمیر کے سامنے جرات مندی سے اجاگر کیا۔شفیع جان نے کہا کہ بانی چیئرمین پاکستان تحریک انصاف عمران خان نے ہر عالمی فورم پر مسئلہ کشمیر کو ایک انسانی حقوق کے مسئلے کے طور پر پیش کیا اور اقوامِ متحدہ، او آئی سی اور دیگر بین الاقوامی پلیٹ فارمز پر کشمیری عوام کی بھرپور ترجمانی کی۔ عمران خان نے واضح مؤقف اختیار کیا کہ خطے میں پائیدار امن اس وقت تک ممکن نہیں جب تک کشمیری عوام کو اقوامِ متحدہ کی قراردادوں کے مطابق ان کا حقِ خودارادیت نہیں دیا جاتا۔انہوں نے کہا کہ خیبر پختونخوا کی صوبائی حکومت یومِ یکجہتی کشمیر کے موقع پر سرکاری سطح پر مختلف تقریبات کا اہتمام کر رہی ہے، جن میں خصوصی واکس شامل ہیں، جبکہ تمام سرکاری عمارتوں اور اہم مقامات پر پینا فلیکسز اور بینرز آویزاں کیے گئے ہیں تاکہ بھارتی مظالم کو دنیا کے سامنے بے نقاب کیا جا سکے۔معاونِ خصوصی نے عالمی برادری سے مطالبہ کیا کہ وہ مقبوضہ کشمیر میں انسانی حقوق کی سنگین خلاف ورزیوں کا فوری نوٹس لے اور اقوامِ متحدہ کی سلامتی کونسل کی قراردادوں کے مطابق مسئلہ کشمیر کے منصفانہ، پائیدار اور دیرپا حل کے لیے اپنا مؤثر کردار ادا کرے۔انہوں نے اپنے عزم کا اعادہ کرتے ہوئے کہا کہ پوری پاکستانی قوم یومِ یکجہتی کشمیر کے موقع پر کشمیری عوام کے شانہ بشانہ کھڑی ہے۔ پاکستان کشمیری بھائیوں اور بہنوں کی سیاسی، اخلاقی اور سفارتی حمایت جاری رکھے گا اور ان کی جائز جدوجہد کو ہر عالمی فورم پر پوری قوت کے ساتھ اجاگر کرتا رہے گا۔

کمشنر پشاور ڈویژن کے دفتر کے زیر اہتمام محتسب سیکریٹریٹ خیبر پختونخوا کے اشتراک سے قومی یومِ خواتین کے موقع پر کمشنر آفس پشاور ڈویژن میں ایک جامع اور مؤثر مشترکہ آگاہی سیشن کا انعقاد کیا گیا۔یہ اہم آگاہی پروگرام کمشنر پشاور ڈویژن ریاض محسود اور صوبائی محتسب برائے ہراسیت خیبر پختونخوا رباب مہدی کی خصوصی قیادت اور سرپرستی میں منعقد ہوا، جو خواتین کے حقوق کے تحفظ، قانونی آگاہی کے فروغ اور سماجی انصاف کے قیام کے لیے ادارہ جاتی عزم کی واضح عکاسی کرتا ہے۔سیشن کے دوران خواتین کو ان کے قانونی حقوق سے آگاہ کرنے پر خصوصی توجہ دی گئی، جن میں بالخصوص خواتین کے وراثتی حقوق، کام کی جگہ پر ہراسانی سے متعلق قوانین، اور قانونی تحفظ کے دستیاب طریقہ کار شامل تھے۔ مختلف سرکاری محکموں، جامعات، وکلا برادری، خواتین پروفیشنلز، کاروباری نمائندگان اور سول سوسائٹی کے افراد نے اس پروگرام میں بھرپور شرکت کی۔کمشنر پشاور ڈویژن ریاض محسود نے اس موقع پر خطاب کرتے ہوئے ادارہ جاتی رابطہ کاری کو مزید مضبوط بنانے، ضلعی سطح پر مشترکہ اقدامات، اور عوامی مسائل کے فوری حل کے لیے مربوط حکمت عملی اپنانے پر زور دیا۔ انہوں نے اعلان کیا کہ مستقبل میں محتسب کے دفتر کے ساتھ مل کر مختلف اضلاع میں مشترکہ کھلی کچہریوں کے انعقاد، عوامی شکایات کے بروقت ازالے، اور خواتین سمیت تمام شہریوں کو ان کے حقوق سے آگاہ کرنے کے لیے مشترکہ مہمات چلائی جائیں گی۔ اس موقع پر رباب مہدی نے اپنے خطاب میں خواتین کو بااختیار بنانے، قانونی تحفظ کے نظام کو مؤثر بنانے، اور عوام دوست اصلاحات کو فروغ دینے کے عزم کا اعادہ کیا۔ انہوں نے کہا کہ محتسب ادارہ کمشنر پشاور ڈویژن کے تعاون سے ضلعی سطح پر آگاہی پروگرام، موبائل کمپلینٹ سیلز، اور عوامی رسائی کے اقدامات کو مزید وسعت دے گا تاکہ انصاف ہر شہری تک پہنچ سکے۔پروگرام کے اختتام پر دونوں اداروں کی جانب سے اس امر پر اتفاق کیا گیا کہ مستقبل میں باہمی تعاون، ادارہ جاتی ہم آہنگی، اور مربوط منصوبہ بندی کے ذریعے عوامی خدمت، خواتین کے حقوق کے تحفظ، اور شفاف حکمرانی کے اہداف کو مشترکہ طور پر آگے بڑھایا جائے گا۔

وزیر اعلیٰ خیبر پختونخوا کے مشیر برائے کھیل وامور نوجوانان تاج محمد خان ترند نے انڈر 21 گیمز کی تقریب سے خطاب کرتے ہوئے کہا ہے کہ صوبے میں کھیلوں کی سرگرمیوں کو بانی چیئرمین عمران خان کے وژن کے تحت وزیر اعلیٰ خیبر پختونخوا کی قیادت میں دوبارہ فعال کیا جا رہا ہے۔انہوں نے بتایا کہ عمران خان انٹرنیشنل کرکٹ سٹیڈیم کو مکمل طور پر فعال بنا دیا گیا ہے اور رواں سال پاکستان سپر لیگ (پی ایس ایل) کے میچز پشاور میں کھیلے جائیں گے، جو صوبے کے لیے ایک بڑی پیش رفت ہے۔تاج محمد خان ترند نے کہا کہ انڈر 21 گیمز نوجوان ٹیلنٹ کو آگے لانے کا بہترین پلیٹ فارم ہیں، جن میں پورے صوبے سے 5 ہزار سے زائد کھلاڑی حصہ لے رہے ہیں۔ گیمز میں 38 مردوں اور 18 خواتین کے کھیل شامل کیے گئے ہیں۔انہوں نے قیوم سٹیڈیم کے ٹریک کو صوبے میں اپنی نوعیت کا منفرد ٹریک قرار دیتے ہوئے کہا کہ حکومت نوجوان کھلاڑیوں کو ہر ممکن سہولیات فراہم کرے گی تاکہ وہ قومی و بین الاقوامی سطح پر صوبے اور ملک کا نام روشن کر سکیں۔