ڈپٹی کمشنر ایبٹ آباد کا کالج آف فزیشنز اینڈ سرجنز پاکستان منڈیاں کا دورہ

 ڈپٹی کمشنر ایبٹ آباد سرمد سلیم اکرم نے کالج آف فزیشنز اینڈ سرجنز پاکستان  بمقام منڈیاں ایبٹ آباد کا دورہ کیا۔ اس موقع پر انہوں نے کالج کی فیکلٹی سے ملاقات کی اور ادارے میں منعقدہ کانفرنس میں بھی شرکت کی۔دورے کے دوران کالج انتظامیہ کی جانب سے ڈپٹی کمشنر کو ادارے کی مجموعی کارکردگی، جاری تربیتی پروگرامز اور طبی شعبے میں پیشہ ورانہ مہارت کے فروغ کے حوالے سے تفصیلی بریفنگ دی گئی۔ڈپٹی کمشنر ایبٹ آباد سرمد سلیم اکرم نے ادارے کی خدمات کو سراہتے ہوئے کہا کہ طبی تعلیم اور پیشہ ورانہ تربیت کے فروغ میں ایسے ادارے اہم کردار ادا کر رہے ہیں، جو ملک میں صحت کے شعبے کی بہتری اور معیاری طبی سہولیات کی فراہمی میں معاون ثابت ہوتے ہیں۔ انہوں نے کہا کہ ماہر اور تربیت یافتہ ڈاکٹرز کی تیاری عوام کو بہتر طبی سہولیات فراہم کرنے میں کلیدی اہمیت رکھتی ہے