اسسٹنٹ کمشنر ڈیرہ اسماعیل خان محمد فصیح اسحاق عباسی کا پٹوار خانہ ڈیرہ کا دورہ۔

اسسٹنٹ کمشنر ڈیرہ اسماعیل خان محمد فصیح اسحاق عباسی کا پٹوار خانہ ڈیرہ کا دورہ، عوام کو بہتر سہولیات فراہم کرنے کی ہدایت۔ تفصیلات کے مطابق محمد فصیح اسحاق عباسی اسسٹنٹ کمشنر ڈیرہ نے پٹوار خانہ ڈیرہ کا دورہ کیا جہاں انہوں نے محکمہ مال کی جانب سے فراہم کی جانے والی سہولیات کا جائزہ لیا۔ انہوں نے ریونیو اسٹاف کو بہترین ریونیو خدمات فراہم کرنے کے لیے ضروری ہدایات جاری کیں۔انہوں نے کہا کہ مسائل کے حل کے لیے آنے والے لوگوں کا خاص خیال رکھا جائے، کسی کو بے جا تنگ نہ کیا جائے، فرد، گوشوارے اور ڈومیسائل سے متعلق خدمات مقررہ وقت کے اندر فراہم کی جائیں۔ مزید کہ متعلقہ پٹواری حضرات پٹوار خانوں میں اپنی حاضری یقینی بنائیں اور لوگوں کے مسائل ترجیح بنیادوں پر حل کئے جائیں۔