خیبرپختونخوا کے وزیر زراعت میجر ریٹائرڈ سجاد بارکوال نے خیبر پختونخوا فوڈ سیکیورٹی سپورٹ پروجیکٹ (kp fssp) اور خیبر پختونخوا دیہی سرمایہ کاری اور ادارہ جاتی سپورٹ پروجیکٹ (kp riisp) کی پیشرفت کے حوالے سے اجلاس کی صدارت کی۔ اجلاس میں سیکرٹری زراعت و پراجیکٹ ڈائریکٹر کے پی ایف ایس ایس پی جاوید مروت، ایڈیشنل سیکرٹری زراعت و پراجیکٹ ڈائریکٹر کے پی آر آئی آئی ایس پی محمد طاہر، ڈپٹی سیکرٹری زراعت اور دیگر پراجیکٹ سٹاف نے شرکت کی۔ وزیر زراعت کو کے پی ایف ایس ایس پی کے بارے میں بریفنگ دی گئی بریفنگ میں بتایا گیا کہ کے پی ایف ایس ایس پی منصوبہ بنیادی طور پر سیلاب سے متاثرہ سات اضلاع سوات، دیر اپر، مالاکنڈ، چارسدہ، نوشہرہ، پشاور اور ڈی آئی خان پر مرکوز ہے۔ اس منصوبے سے کاشتکار برادری کو موسمیاتی تبدیلی، معیاری بیج ذخیرہ کرنے کے حوالے سے تربیت، خواتین کسانوں کو کچن گارڈننگ کی تربیت فراہم کرنے کے ساتھ ساتھ زرعی اداروں کے ماسٹر ٹرینر کو بھی صوبہ بھر میں بہتر طریقے سے تربیت دی جائے گی۔ پراجیکٹ ڈائریکٹر نے مزید بتایا کہ ایک ڈیجیٹل پلیٹ فارم تیار کیا جائے گا جس کے ذریعے پراجیکٹ کے تمام اضلاع کے کسانوں کی رجسٹریشن کی جائے گی۔ کسانوں کی تربیت اور رجسٹریشن کے عمل کے بعد متاثرہ کسانوں کو اناج کی فصلوں اور سبزیوں کا تصدیق شدہ بیج اور دیگر مواد فراہم کیا جائے گا۔ صوبائی وزیر نے دونوں منصوبوں کی پیشرفت کو سراہا اور صوبے کی کاشتکار برادری کی فلاح و بہبود اور زرعی اداروں کی استعداد کار میں اضافے کے لیے منصوبوں کی پیش رفت کی موجودہ رفتار کو جاری رکھنے پر زور دیا۔
DGIPR
Directorate General Information & PRs, Khyber Pakhtunkhwa
Quick Access
Important Links
Your Voice
© 2023 DGIPR. All data available on the website is for general public and media. You can use and share it.