ملاقات میں سیاسی امور سمیت خیبرپختونخوا بجٹ کے حوالے سے تفصیلی گفتگو ہوئی، بیرسٹر ڈاکٹر سیف
وزیر اعلی خیبر پختون خوا کے مشیر اطلاعات و تعلقات عامہ بیرسٹر ڈاکٹر سیف نے بانی پی ٹی آئی عمران خان سے اہم ملاقات کی ہے اس حوالے سے بیرسٹر ڈاکٹر سیف کا کہنا ہے کہ ملاقات کے دوران سیاسی امور سمیت خیبرپختونخوا بجٹ کے حوالے سے تفصیلی گفتگو کی گئی اور عمران خان کو بجٹ سے متعلق قانونی و آئینی پیچیدگیوں سے آگاہ کیاگیا۔انہوں نے کہاکہ اگر مقررہ آئینی مدت میں بجٹ پاس نہ کیا جاتا تو سنگین قانونی و آئینی مسائل پیدا ہو سکتے تھے، پیچیدگیوں کے باعث نہ تو تنخواہیں دی جا سکتی تھیں اور نہ ہی حکومتی اخراجات پورے کیے جا سکتے تھے، بیرسٹر ڈاکٹر سیف نے مزید کہا کہ
بجٹ کی عدم منظوری سے صوبے میں بحران کی صورتحال جنم لے سکتی تھی، عمران خان کو بجٹ کی منظوری نہ دینے کی اپوزیشن کی ممکنہ چالوں سے بھی آگاہ کیا، علاوہ ازیں
گورنر ہاؤس میں اپوزیشن کی سازشی بیٹھک سے بھی عمران خان کو آگاہ کیا گیا، بیرسٹر ڈاکٹر سیف
نے کہا کہ اپوزیشن نے بجٹ کی منظوری نہ نہ دینے کی صورت پورا لائحہ بنایا تھا، خیبرپختونخوا حکومت نے بجٹ پر تفصیلی مشاورت کی اور آئینی ماہرین کی رائے حاصل کی، پارلیمانی پارٹی کے اجلاس میں بھی بجٹ کی منظوری پر بھرپور مشاورت ہوئی اورمشاورت کے بعد کے پی حکومت نے بجٹ کو مشروط طور پر منظور کرنے کا فیصلہ کیا۔بیرسٹر ڈاکٹر سیف
نے کہا کہ علی امین خان گنڈاپور اور مزمل اسلم کی عمران خان سے ملاقات کے بعد بجٹ میں ردوبدل ممکن ہے، عمران خان نے بجٹ کی منظوری پر رضامندی کا اظہار کیا، وزیر اعلی اور مزمل اسلم کی عمران خان سے ملاقات میں وہ بجٹ سے متعلق ہدایات جاری کریں گے، عمران خان کی ہدایات کے مطابق بجٹ میں ردوبدل کیا جائے گا، وزیراعلیٰ علی امین خان گنڈاپور اور مزمل اسلم کو بانی پی ٹی آئی سے ملاقات کی اجازت نہیں دی جا رہی تھی،مجھے آج عمران خان سے ملاقات کی اجازت مل گئی، میں نے وہ تمام نکات عمران خان کے سامنے رکھے جو وزیراعلیٰ اور مزمل اسلم اٹھانا چاہتے تھے، وزیراعلیٰ کی ہدایات کے مطابق عمران خان کو بجٹ پر مکمل بریفنگ دی گئی،