خیبرپختونخوا کے وزیر آبپاشی ریاض خان کی زیر صدارت نہری پانی کے استعمال کی فیس کی شرح سے متعلق اجلاس پشاور میں منعقد ہوا جس میں چیئرمین ڈیڈیک بونیر کبیر خان، محکمہ آبپاشی کے اعلیٰ حکام اور تکنیکی ماہرین نے شرکت کی۔ اجلاس میں صوبے میں زرعی شعبے کے لیے مقررہ آبپاشی نرخوں پر تفصیلی غور و خوض کیا گیا اور مختلف کیٹیگریز کے تحت صوبائی وزیر کو مجوزہ ریٹس پر بریفنگ دیتے ہوئے بتایا کہ کیش کراپس، دیگر فصلیں، کمرشل استعمال اور اینٹوں کے بھٹوں کی آبپاشی کے لیے پانی کے نرخوں کو موجودہ صورت حال، کسانوں کو درپیش مشکلات اور محاصل کی ضروریات کو سامنے رکھ کر اپ ڈیٹ کیا جا رہا ہے۔ اجلاس میں کیش کراپس بشمول گنا، شکر چقندر، کاٹن اور آئل سیڈز کے لیے پانی کا بہاؤ، لفٹ ایریگیشن سکیم، ٹیوب ویلز اور دیگر نرخوں کا جائزہ بھی لیا گیا جبکہ دیگر فصلوں، کمرشل پانی کے استعمال اور اینٹوں کے بھٹوں کے لیے علیحدہ شرحیں تجویز کی گئیں۔ صوبائی وزیر آبپاشی ریاض خان نے اجلاس سے خطاب کرتے ہوئے کہا کہ موجودہ صوبائی حکومت زرعی ترقی اور کسانوں کے مفادات کے تحفظ کے لیے سنجیدہ اقدامات اٹھا رہی ہے۔ صوبے میں نہری نظام کی بہتری، پانی کے مؤثر استعمال اور آمدن کے شفاف نظام کی تشکیل صوبائی حکومت کی اولین ترجیح ہے۔ انہوں نے کہا کہ تمام نرخ اس طرح مرتب کئے جائیں گے کہ نہ صرف کسان طبقہ کو ریلیف ملے بلکہ محکمہ کی کارکردگی میں بھی بہتری آئے۔ صوبائی وزیر آبپاشی نے ہدایت جاری کی کہ مجوزہ نرخ عوامی مفاد، زمینی حقائق اور کاشتکاروں کے معاشی حالات کو سامنے رکھتے ہوئے حتمی منظوری کے لیے پیش کیے جائیں۔ انہوں نے اس ضمن میں اسٹیک ہولڈرز سے مشاورت کو بھی ضروری قرار دیا۔

پشاور میں منعقد ہو جس میں اراکین کمیٹی اکرام غازی، ریحانہ اسماعیل سمیت متعلقہ محکموں کے افسران نے شرکت کی۔ اجلاس میں چیئرمین کمیٹی نے گندھارا تہذیبوں کے نوادرات کا ذکر کرتے ہوئے کہا کہ اٹھارویں ترمیم کے بعد ایسے تمام امور صوبائی حکومت کے اختیار میں آچکے ہیں، لہٰذا وفاق کو اس معاملے میں بلاجواز مداخلت اور تجاوزسے گریز کرنا چاہیے۔اجلاس میں پیڈو ڈیپارٹمنٹ کے دس جاری ہائیڈرل پراجیکٹس پر بھی غور کیا گیا جو تکمیل کے مراحل میں ہیں اور ان سے مجموعی طور پر 250 میگاواٹ بجلی پیدا ہوگی، جو نیشنل گرڈ میں شامل کی جائے گی۔ چیئرمین احمد کنڈی نے ہدایت کی کہ آئندہ اجلاس میں ہر ہائیڈرل پراجیکٹ کی علیحدہ تفصیلی رپورٹ پیش کی جائے تاکہ ان کی افادیت اور اثرات کا انفرادی طور پر جائزہ لیا جاسکے۔مزید برآں، اجلاس میں بینظیر انکم سپورٹ پروگرام میں شفافیت کے فروغ کے لیے سفارشات پیش کی گئیں۔ کمیٹی نے اس بات پر زور دیا کہ غیر شفاف تقسیم سے گریز کرتے ہوئے فنڈز حقیقی مستحقین کو ڈیجیٹل نظام کے ذریعے منتقل کیے جائیں، تاکہ عوامی فلاح کے اس اہم پروگرام کی شفافیت اور اعتماد کو بحال رکھا جا سکے-

خیبر پختونخوا کے وزیرِ صحت خلیق الرحمن کی زیرِ صدارت محکمہ صحت کے نئے بھرتی ہونے والے 51 میڈیکل آفیسرز کی تقرریوں کے حوالے سے منگل کے روز پشاور میں ایک اہم اجلاس منعقد ہوا جس میں ڈائریکٹر جنرل ہیلتھ سروسز ڈاکٹر شاہد یونس سمیت محکمہ صحت کے تمام متعلقہ افسران نے شرکت کی۔اجلاس کو بریفنگ دیتے ہوئے بتایا گیا کہ ان ڈاکٹروں کی بھرتی کا عمل جولائی 2025 میں شروع ہوا تھا، جس کے تحت 115 اسامیوں کو EATA کے ذریعے میرٹ کی بنیاد پر مشتہر کیاگیا تھا۔ اب تک 111 ڈاکٹرز کی تقرری مکمل ہو چکی ہے، جبکہ باقی 51 کنسلٹنٹس کی بھرتی بھی حتمی مراحل میں ہے۔وزیر صحت نے اجلاس میں 24 ڈاکٹروں کو تقررنامے خود بھی حوالے کیے۔اس موقع پر بریفنگ میں بتایا گیا کہ صوبے میں ڈاکٹروں اور کنسلٹنٹس کی شدید کمی کو پورا کرنے کے لیے بھرتیوں کے دوسرے مرحلے پر بھی تیزی سے کام جاری ہے۔ اس مرحلے کے تحت 207 اسامیوں پر بھرتیاں EATA کے ذریعے شفاف اور میرٹ پر مبنی طریقہ کار کے تحت کی جا رہی ہیں۔ اس سلسلے میں 32 ڈینٹل سرجنز کے انٹرویوز مکمل ہو چکے ہیں، جبکہ 165 میڈیکل آفیسرز کا ٹیسٹ بھی ہو چکا ہے اور ان کے انٹرویوز جلد شروع کیے جائیں گے۔تقرر نامے تقسیم کرتے ہوئے وزیر صحت کو انڈکشن کے پورے عمل کی شفافیت اور میرٹ کے حوالے سے آگاہ کیا گیا۔ وزیر صحت نے نئے بھرتی شدہ ڈاکٹروں پر زور دیا کہ وہ اپنی ذمہ داریاں دیانت داری، محنت اور پیشہ ورانہ لگن کے ساتھ نبھائیں تاکہ محکمہ صحت کو مزید مضبوط بنایا جا سکے۔ انہوں نے کہا کہ صوبائی حکومت اور محکمہ صحت کے شعبے کو درپیش چیلنجز کے حل اور اصلاحات کے نفاذ کے لیے سنجیدہ اقدامات کر رہے ہیں۔وزیر صحت نے بھرتی کے عمل پر مکمل اطمینان کا اظہار کرتے ہوئے واضح کیا کہ بھرتی میں کسی بھی قسم کی ناانصافی یا غلطی کی کوئی گنجائش نہیں ہے۔ صوبے کو بنیادی صحت کی خدمات مضبوط بنانے کے لیے اہل، ایماندار اور باصلاحیت افراد کی ضرورت ہے۔ انہوں نے کہا کہ صحت کے نظام کی بہتری ایک اجتماعی کوشش ہے اور اس کے لیے مضبوط کوآرڈی نیشن اور مینجمنٹ سسٹم کا قیام ناگزیر ہے۔آخر میں وزیر صحت نے نئے میڈیکل آفیسرز میں تقررنامے تقسیم کرتے ہوئے انہیں تعیناتی پر مبارکباد پیش کی۔

سیکرٹری لائیو اسٹاک، فشریز و کوآپریٹیوز محمد طاہر اورکزئی کی زیر صدارت محکمہ لائیو اسٹاک کی ڈسٹرکٹ سروس ڈیلیوری میں بہتری سے متعلق آن لائن اجلاس منعقد ہوا۔ اجلاس میں ڈائریکٹر جنرل لائیو اسٹاک توسیع ڈاکٹر اصل خان سمیت صوبے کے تمام اضلاع کے ڈسٹرکٹ ڈائریکٹرز نے ویڈیو لنک کے ذریعے شرکت کی۔اجلاس میں ضلعی سطح پر سروس ڈیلیوری، کارکردگی اور عوام کو سہولیات کی فراہمی کے حوالے سے تفصیلی جائزہ لیا گیا۔ سیکرٹری طاہر اورکزئی نے ڈسٹرکٹ سروس ڈیلیوری میں بہتری پر افسران کے اقدامات کو سراہتے ہوئے کہا کہ محکمہ لائیو اسٹاک صوبے کی عوامی ضروریات کو پورا کرنے اور زرعی معیشت کو فروغ دینے میں بنیادی اہمیت رکھتا ہے۔ انہوں نے کہا کہ لائیو سٹاک کا ملکی معیشت میں اہم کردار ہے اور خوراک کی ضروریات پوری کرنے میں بھی اس کا کردار انتہائی نمایاں ہے، لہٰذا اس شعبے میں بہتری براہ راست عوامی فائدے سے منسلک ہے۔سیکرٹری لائیو اسٹاک نے اس بات پر زور دیا کہ تمام ضلعی افسران محکمے کی کارکردگی مزید بہتر بنانے کے لیے بھرپور محنت کریں۔ انہوں نے سختی سے تنبیہ کی کہ جن اضلاع میں کارکردگی 50 فیصد سے کم ہے، وہاں کے افسران فوری طور پر اپنی کارکردگی بہتر کریں، بصورتِ دیگر ان کے خلاف تادیبی کارروائی کی جائے گی۔انہوں نے اس عزم کا اظہار کیا کہ محکمہ لائیو سٹاک عوام کو معیاری اور بروقت سہولیات کی فراہمی کے لیے تمام وسائل بروئے کار لاتا رہے گا اور صوبے میں سروس ڈیلیوری کے مجموعی معیار کو مزید بہتر بنانے کے لیے ہر ممکن اقدامات جاری رکھے گا۔

خیبرپختونخوا کے وزیر قانون آفتاب عالم ایڈووکیٹ کی زیر صدارت محکمہ داخلہ کے کمٹی روم میں کابینہ کمیٹی کا اجلاس منعقد ہوا، جس میں ایکشن ان ایڈ آف سول پاورز ریگولیشن کے قانون کے مجوزہ خاتمے پر تفصیلی غور کیا گیا۔ اجلاس میں ایڈووکیٹ جنرل خیبرپختونخوا شاہ فیصل اتمان خیل اور محکمہ داخلہ کے دیگر حکام نے شرکت کی۔اجلاس میں مجوزہ قانون کے خاتمے سے متعلق ضروری قانونی تقاضوں، ممکنہ قانونی پیچیدگیوں اور متعلقہ سٹیک ہولڈرز کی شمولیت پر تبادلہ خیال کیا گیا۔ کمیٹی نے قانون کے خاتمے کے انٹنیگریم پیریڈ کے قانون کا مختلف پہلوؤں کے حوالے سے بھی غور کیا۔ اجلاس میں حال ہی میں خیبرپختونخوا اسمبلی میں منعقدہ امن جرگے کے فیصلوں پر بھی روشنی ڈالی گئی۔وزیر قانون نے تجویز دی کہ اس قانون کو اسمبلی سے ریپیل کرانے سے قانونی پیچیدگیوں سے بچا جا سکتا ہے۔صوبائی کابینہ نے کابینہ کمیٹی کو اس قانون کے قانونی اور پروسیجرل پہلوؤں سے متعلق اختیارات دیے ہیں تاکہ قانون کی منسوخی کے عمل کو موثر اور قانونی طور پر درست بنایا جا سکے اور ان تجاویز کو کابینہ اجلاس میں پیش کیا جائے گا۔