شہریوں کی صحت سے کھلواڑ کسی صورت برداشت نہیں کی جائے گی، ڈائریکٹر جنرل فوڈ اتھارٹی واصف سعید

خیبر پختونخوا فوڈ سیفٹی اینڈ حلال فوڈ اتھارٹی ملاوٹ مافیا کے خلاف مسلسل سرگرم ہے ترجمان فوڈ اتھارٹی نے کاروائیوں کے حوالے سے تفصیلات جاری کرتے ہوئے بتایا کہ گذشتہ روز فوڈ سیفٹی ٹیم پشاور نے موٹروے ٹول پلازہ پر ناکہ بندی کی اورخوردنی اشیاء خصوصی طور پر دودھ اورچکن سپلائی کرنے والی گاڑیوں کے معائنے کیے چیکنگ کے دوران ملاوٹ شدہ دودھ تلف کر کے بھاری جرمانہ عائد کیا اور چکن سپلائی کرنے والی گاڑیوں کے مالکان کو سختی سے مردہ چکن سپلائی کو روکنے کی ہدایت کی۔ترجمان نے مزید بتایا کہ فوڈ سیفٹی ٹیم مردان نے بھی کاٹلنگ بازار میں کاروائی کے دوران دو بیکری شاپس سے 120 کلو ممنوعہ چھالیہ اور چورن برآمد کر کے ضبط کرتے ہوئے بھاری جرمانہ عائد کیا۔ڈائریکٹر جنرل فوڈ سیفٹی اتھارٹی واصف سعید نے فوڈ سیفٹی ٹیموں کو کامیاب کاروائیوں پر داد دیتے ہوئے ہدایت دی کہ دیگر صوبوں سے داخلی شاہراہوں اور بین الاضلاعی راستوں پر خوراکی اشیاء خصوصاً چکن سپلائی کرنے والی گاڑیوں کی کڑی نگرانی کی جائے اور جو بھی غیر معیاری اور ملاوٹی خوراکی مصنوعات میں ملوث ہو اس کے خلاف سخت تادیبی کاروائی عمل میں لائی جائے ڈائریکٹر جنرل کا مزید کہنا تھا کہ شہریوں کی صحت سے کھلواڑ کسی صورت برداشت نہیں کی جائے گی۔

وزیر اعلیٰ خیبر پختونخوا کے مشیر برائے کھیل اور امور نوجوانان سید فخر جہان نے کہا ہے کہ ہم صوبے میں کھیلوں کے فروغ کیلئے پالیسی متعارف کررہے ہیں جس کے نتیجے میں ہر کھیل سے متعلق 15 باصلاحیت کھلاڑیوں کودیگر سہولیات کیساتھ اسکالرشپس فراہم کئیے جائیں گے۔انھوں نے کہا کہ موجودہ حکومت کے دوران مختلف کھلاڑیوں میں اعلی کارکردگی دکھانے پر انکی حوصلہ افزائی کیلئے نقد انعامات سے نوازا گیا ہے جبکہ نوجوانوں کی ترقی اور انھیں معاشی طور پر اپنے پاؤں پر کھڑا کرنے کیلئے دس لاکھ تا ایک کروڑ روپے تک بلاسود قرضہ سکیم شروع کررہے ہیں جس کے تحت نوجوان کلسڑز کی بنیاد پر یہ قرضہ حاصل کرکے اپنے لئیے باعزت روزگار شروع کرسکیں گے۔انھوں نے کہا کہ موجودہ حکومت کے مختصر دورانئے میں بہتر مالی انتظام کی بدولت سپورٹس فیسلیٹیز سے آمدن آنی بھی شروع ہوگئی ہے اور اس سلسلے میں ایک مہینے کے دوران صرف حیات آباد سپورٹس کمپلیکس نے ایک ملین روپے کی کمائی کی ہے جسے سپورٹس کھلاڑیوں کی فلاح و بہبود ہی پر خرچ کیا جائے گا۔انھوں نے صوبے میں کرکٹ کھیل کے فروغ کیلئے صوبائی حکومت کیساتھ پشاور زلمی گروپ کے تعاون کا خیر مقدم کیا اور کہا کہ محکمہ سپورٹس اس حوالے سے مزکورہ گروپ کو ہر ممکن تعاون فراہم کرے گا۔ان خیالات کا اظہار انھوں نے بدھ کے روز اپنے دفتر سول سیکریٹیریٹ پشاور میں پشاور زلمی گروپ کے ایک وفد سے بات چیت کرتے ہوئے کیا جنھوں نے چیف آپریٹنگ آفیسر میاں عباس لائق کی سربراہی میں مشیر کھیل سے ملاقات کی۔وفد میں ہیڈ آف مارکیٹنگ احد خان بھی شامل تھے جبکہ اس موقع پر ڈائریکٹر جنرل سپورٹس عبدالناصر بھی موجود تھے۔ملاقات کے دوران پشاور زلمی نے مشیر کھیل کو صوبے میں کرکٹ کھیل کے فروغ کیلئے صوبائی حکومت کیساتھ ملکر کوششیں کرنے اور اس ضمن میں اپنا تعاون بڑھانے کے پیشکش کی۔انھوں نے بتایا کہ ہم صوبے میں 100 کرکٹ پچز بنانے میں محکمہ کو اپنا تعاون بڑھانا چاہتے ہیں جبکہ ارباب نیاز سٹیڈیم کی تیاری کی تکمیل کی اوپننگ تقریب کی سپانسرشپ میں بھی انہوں نے اپنی خواہش کا اظہار کیا۔انھوں نے کہا کہ ہم محکمہ کیلئے مختلف گراؤنڈز میں کرکٹ اکیڈمیز بھی بنانا چاہتے ہیں جبکہ صوبے میں پی ایس ایل بھی جلد ازجلد لانا چاہتے ہیں۔انھوں نے مشیر کھیل کو اپنے گروپ کے دیگر خدمات اور سرگرمیوں کے حوالے سے بھی مشیر کھیل کو آگاہ کیا۔اس موقع پر مشیر کھیل نے پشاور زلمی کی جانب سے صوبے میں کرکٹ کی ترقی کیلئے حکومت کو اپنا تعاون بڑھانے کا خیر مقدم کیا اور اس عزم کا اظہار کیا کہ مذکورہ گروپ کی مشترکہ کوششں اس کھیل کی ترقی میں معاون ثابت ہو گی۔ انھوں نے کہا کہ ہمارا بنیادی مقصد بھی یہی ہے کہ یہاں پر کھیلوں کو فروغ حاصل ہو۔اس کے ذریعے ہمارے صوبے کا مثبت تشخص اور تصو اجاگر ہوسکے۔ہم ان کھیلوں کے باعث پوری دنیا میں اپنی امن پسندی اور ایک پر امن معاشرے کا پیغام دینا چاہتے ہیں۔انھوں نے کہا کہ ہماری کوشش ہے کہ یہاں پر انٹرنیشنل کرکٹ جلد از جلد لایا جائے،ارباب نیاز سٹیڈیم کو ان سرگرمیوں کیلئے بہت جلد مکمل کرنے کی کوشش کررہے ہیں اور ہر سال یہاں پر سپر لیگ کا انعقاد بھی ہمارے پلان میں شامل ہے۔ انھوں نے کہا کہ سپورٹس فیسلیٹیز کے حوالے سے صوبے میں محکمہ کے حکام پشاور زلمی سے ہر موڑ پر درکار تعاون فراہم کریں گے۔

ڈیرہ اسماعیل خان، سوات اور نوشہرہ میں فوری طور پر میڈیسن سٹور کا قیام عمل میں لایا جائے۔ وزیر برائے محنت

خیبر پختونخوا کے وزیر برائے محکمہ محنت فضل شکورخان نے کہا ہے کہ ایمپلائز سوشل سیکورٹی انسٹی ٹیوشن میں ملنے والی جان بچانے کی ادویات کے معیار پر کوئی سمجھوتا برداشت نہیں کیا جائے گا انہوں نے سختی سے ہدایات کی کہ ایمپلائز سوشل سیکورٹی انسٹی ٹیوشنز کے زیر انتظام چلنے والے ہسپتالوں میں ایمبولینسز کے معیار اور سروسز کو بہتر بنایا جائے اور اگر ایمبولینسز کو کسی دوسری مقصد کیلیے استعمال کیا گیا تو متعلقہ آفیسر کوتاہی اور غفلت کا ذمہ دار ہوگا۔انہوں نے مزید ہدایت کی کہ ای ایس ایس آئی کے میڈیکل شعبے سے وابستہ عملے کی غیر ضروری اور طویل چھٹیاں فوری طور پر ختم کی جائیں یہ ہدایت صوبائی وزیر نے ایمپلائز سوشل سیکورٹی انسٹیٹیوشن پشاور کے دورہ کے موقع پر جاری کیں اس موقع پر انکے ہمراہ سیکرٹری لیبر ڈیپارٹمنٹ اور دیگر افسران بھی موجود تھے صوبائی وزیر نے ای ایس ایس آئی کی مختلف سیکشنز کا معائنہ کیا اور موقع پر موجود عملے سے کام کے بارے میں دریافت کیا صوبائی وزیر کو ای ایس ایس آئی پر تفصیلی بریفنگ دی گئی بریفنگ میں صوبائی وزیر کو ادایات کی خریداری اور دوسرے امور پر تفصیلی طور پر آگاہ کیا صوبائی وزیر کو بریفنگ میں بتایاگیا کہ میڈیسن کے شعبے کے لیے 355 ملین روپے کی منظوری ہوئی ہے جسمیں 340 ملین روپے خرچ ہوئے ہے صوبائی وزیر کو مذیدبتایا گیا کہ پورے ادارے میں ایک مہینے کے اندر اندر بائیو میٹرک سسٹم فعال ہوجائیگا اس موقع پر صوبائی وزیر نے متعلقہ افسران کو ہدایت جاری کی کہ ڈیرہ اسماعیل خان، سوات اور نوشہرہ میں فوری طور پر میڈیسن سٹور کا قیام عمل میں لایا جائے تا کہ مزدوروں کے فوری اور جلد علاج معالجے کو یقینی بنایاجاسکے۔