وزیر اعلیٰ خیبر پختونخوا کے مشیربرائے اطلاعات و تعلقات عامہ بیرسٹر ڈاکٹر سیف نے کہا ہے کہ وزیراعلیٰ خیبر پختونخوا سے پشتون قومی موومنٹ کے سربراہ منظور پشتین کی ملاقات کل رات وزیراعلیٰ ہاوس میں ہوئی جس میں وہ خود بھی ملاقات میں موجود تھے، اس موقع پر وزیراعلیٰ اور منظور پشتین نے امن امان اور خطے کے مسائل کے حوالے سے تبادلہ خیال کیا، منظور پشتین نے 11 اکتوبر کو پشتون قومی عدالت کے حوالے سے بھی وزیراعلیٰ کو آگاہ کیا، جبکہ وزیراعلیٰ نے صوبائی معاملات اور امن امان کے حوالے سے بات چیت کی، ملاقات کے دوران وزیراعلیٰ نے عوام کی جان ومال کی حفاظت اور صوبے کیساتھ امتیازی سلوک کے بارے میں حکومتی اقدامات پر گفتگو کی۔
کمشنر پشاور ڈویژن ریاض خان محسود کی زیر صدارت ڈینگی کی روک تھام کے حوالے سے ڈویژنل اوور سائٹ کمیٹی کا اجلاس
پشاور ڈویژن ڈینگی وائرس روک تھام،کمشنر پشاور ڈویژن ریاض خان محسود کا ازخود میدان میں نکلنے کا اعلان، ڈویژن کے تمام پانچوں اضلاع کے ڈپٹی کمشنرز اور ڈسٹرکٹ ہیلتھ آفیسرز کو ڈینگی ایکشن پلان 2024 پر فوری عمل درآمد کرنے ہدایت، 72 گھنٹوں میں نتیجہ خیز اقدامات کے احکامات جاری، حساس مقامات میں میڈیکل کیمپس قائم کرنے، حساس مقامات میں میڈیکل کیمپس قائم کرنے، ضروری ادویات کی دستیابی یقینی بنانے کی بھی ہدایت
کمشنر پشاور ڈویژن ریاض خان محسود کی زیر صدارت ڈینگی کی روک تھام کے حوالے سے ڈویژنل اوور سائٹ کمیٹی کا اجلاس منعقد ہوا۔ اجلاس میں پشاور ڈویژن کے تمام پانچوں اضلاع پشاور، نوشہرہ، چار سدہ، قبائلی ضلع مہمند اور ضلع خیبر کے ڈپٹی کمشنرز، ڈسٹرکٹ ہیلتھ آفیسرز، ڈبلیو ایس ایس پی، بلدیاتی افسران اور دیگر متعلقہ اداروں کے انتظامی افسران نے شرکت کی۔اجلاس میں کمشنر پشاور ڈویژن کو پشاور ڈویژن کے تمام پانچوں اضلاع میں ڈینگی کی صورتحال اور ابتک کئے گئے اقدامات کے حوالے سے تفصیلی آگاہی دی گئی جس کے تناظر میں اہم فیصلے کئے گئے۔ کمشنر پشاور ڈویژن ریاض خان محسود کا ازخود میدان میں نکلنے کا اعلان کرتے ہوئے ڈویژن کے تمام پانچوں اضلاع کے ڈپٹی کمشنرز اور ڈسٹرکٹ ہیلتھ آفیسرز کو ڈینگی ایکشن پلان 2024 پر فوری عمل درآمد کرنے کی ہدایت کی ہے۔ انہوں نے 72 گھنٹوں میں نتیجہ خیز اقدامات کے احکامات جاری کرتے ہوئے کہا کہ تین اوقات میں اینٹی ڈینگی اسپرے سمیت دیگر اقدامات اُٹھانے کی ہدایات جاری کی ہے۔ انہوں نے ڈینگی مریضوں کے علاج کے لیے ہسپتالوں میں زیادہ سے زیادہ بیڈز مختص کئے جانے کے علاوہ عوامی آگاہی مہم میں تیزی لانے کیلئے حُجرون و مساجد کا استعمال کرنے کی بھی ہدایت کہ ہے۔ کمشنر پشاور نے بتایا کہ کل سے خود فیلڈ میں کاروائیوں کا آغاز کرونگا۔ کسی بھی غفلت کی صورت میں سخت تادیبی کاروائی کروں گا۔ انہوں نے بعض علاقوں میں ڈینگی مریضوں کو علاج کے برعکس آنٹی بایوٹکس ادویات دیکر مریضوں کی حالت مزید خراب کرنے پر کی خبر پر نوٹس لیتے ہوئے پشاور ڈویژن کے تمام پانچوں اضلاع میں عطائی ڈاکٹروں کا مکمل صفایا کرنے کے احکامات جاری کئے۔اجلاس سے خطاب کرتے ہوئے کمشنر پشاور ڈویژن ریاض خان محسود نے کہا کہ اجلاس کے اختتام کے فوری بعد تمام ڈپٹی کمشنرز اپنے اپنے اضلاع میں اجلاس کا انعقاد کرکے ڈینگی ایکشن پلان کے تحت عملی اقدامات کو مزید تیز کئے جائیں اور تمام وسائل بروئے کار لاتے ہوئے باہمی رابطے مزید مضبوط اور موثر بنائیں جائیں۔ اس سلسلے میں یومیہ رپورٹ کمشنر پشاور ڈویژن آفس کو ارسال کئے جائیں۔
خیبرپختونخوا کے وزیر لائیوسٹاک، فشریز و کوآپریٹیو فضل حکیم خان یوسفزئی نے کہا ہے کہ
خیبرپختونخوا کے وزیر لائیوسٹاک، فشریز و کوآپریٹیو فضل حکیم خان یوسفزئی نے کہا ہے کہ صوبائی حکومت عوام کوریلیف دینے کے لئے پرعزم ہیں عوامی مشکلات کا ازالہ کرنا اور عام لوگوں کی حالت زندگی بہتر بنانا اولین ترجیح ہے عوامی مفادات عزیز ہیں اور عوامی مفادات پرکوئی سمجھوتہ نہیں کریں گے جبکہ زندگی عوام کی خدمت کیلئے وقف کردی ہے, ان خیالات کااظہار صوبائی وزیر نے اپنے حجرہ میں معززین علاقہ کے مختلف وفود سے بات چیت کرتے ہوئے کیا۔ صوبائی وزیر فضل حکیم خان یوسفزئی کا کہنا تھا کہ عمران خان کے وژن کے مطابق خیبرپختونخوا میں ترقی و خوشحالی کا سفر تیزی سے جاری ہے خیبرپختونخوا میں کوئی بھی قانون سے بالاتر نہیں ہے عوام کو ان کی دہلیز پر انصاف کی فراہمی یقینی بنا رہے ہیں پی ٹی آئی کارکنان اور عوام ظلم کے خلاف ڈٹ کر کھڑے ہوئے ہیں اور ہرقسم دباؤ کی پرواہ کئے بغیر عمران خان کا ساتھ دے رہے ہیں انہوں نے کہا کہ ترقی کاسفر جہاں رُک گیا تھا وہاں سے وزیر اعلیٰ خیبرپختونخوا سردار علی امین گنڈاپور کے قیادت میں شروع ہو چکا ہے عوامی فلاح و بہبود کے حوالے سے مزید اقدامات اٹھائیں گے وزیر اعلیٰ خیبرپختونخوا نے جس جرأت وبہادری اور امید کے ساتھ عمران خان کا ساتھ دیا ہے وہ تاریخ کا حصہ بن چکا ہے انشاء اللہ بہت جلد قائد عمران خان ہمارے درمیان ہوں گے انہوں نے کہا کہ عوام نے ترقی اور جمہوریت کے دشمنوں کومسترد کردیا ہے کسی کو ترقی کی راہ میں رکاوٹ بننے نہیں دیں گے عوامی مسائل کے حل کے لئے تمام تر اقدامات اٹھاکر ترقی اورخوشحالی کے ادھورے منصوبوں کو جلد پایہ تکمیل تک پہنچائیں گے۔ انہوں نے کہا کہ خیبرپختونخوا کے پی ٹی آئی کارکنان اور عوام کو سلام پیش کرتا ہوں کہ انہوں نے بھرپور انداز میں گزشتہ روز وزیر اعلیٰ خیبرپختونخوا کی سربراہی میں ہونے والے احتجاج میں ہزاروں کے تعداد میں جس جرآت و بہادری کیساتھ شرکت کی اور اپنا احتجاج ریکارڈ کرایا وہ قابلِ تحسین ہے۔
معاون خصوصی برائے انسدادِ بدعنوانی مصدق عباسی اینٹی کرپشن اسٹیبلشمنٹ کے ریجنل آفس مردان میں کھلی کچہری کی صدارت کرینگے
انٹی کرپشن اسٹیبلشمنٹ کی چوتھی ماہانہ کھلی کچہری بروز منگل یکم اکتوبر 2024 کو منعقد ہوگی
معاون خصوصی برائے انسدادِ بدعنوانی مصدق عباسی اینٹی کرپشن اسٹیبلشمنٹ کے ریجنل آفس مردان میں کھلی کچہری کی صدارت کرینگے
وزیراعلیٰ خیبرپختونخوا سردار علی امین گنڈا پور کی خصوصی ہدایات پر صوبے میں کرپشن کے خاتمے اور بد عوانی کی نشان دہی کیلئے ماہانہ بنیادوں پر باقاعدہ کھلی کچہری کے انعقاد کا سلسلہ جاری ہے۔ اس سلسلے میں انٹی کرپشن اسٹیبلشمنٹ کی چوتھی کھلی کچہری بروز منگل یکم اکتوبر صبح 11بجے سے لیکر سہ پہر3 بجے تک انٹی کرپشن اسٹیبلشمنٹ کے ڈائریکٹوریٹ اور ریجنل دفاتر میں منعقد ہوں گی۔ وزیر اعلیٰ خیبر پختونخوا کے معاون خصوصی برائے انسدادِ بدعنوانی مصدق عباسی اینٹی کرپشن اسٹیبلشمنٹ کے ریجنل آفس مردان میں کھلی کچہری کی صدارت کرینگے۔ عوام اپنی شکایات صوبہ بھر میں قائم دیگر ریجنل دفاتر پشاور، ملاکنڈ، ایبٹ آباد، بنوں اور ڈیرہ اسماعیل خان میں شکایات جمع کر سکیں گے۔ درج شکایات کو خصوصی ٹریکنگ نمبر جاری کیا جائے گا اور فوری کارروائی کا آغاز ہوگا۔
خیبر پختونخوا کے وزیر برائے اعلیٰ تعلیم میناخان آفریدی نے۔کہا ہے کہ تعلیم کے حصول کے بغیر کوئی ملک ا و رقوم ترقی نہیں کرسکتے
خیبر پختونخوا کے وزیر برائے اعلیٰ تعلیم میناخان آفریدی نے۔کہا ہے کہ تعلیم کے حصول کے بغیر کوئی ملک ا و رقوم ترقی نہیں کرسکتے موجودہ سائنس اور ٹیکنالوجی کے دور میں ترقی یافتہ ممالک کی صف میں جگہ بنانے کیلیے موجودہ دور کے تقاضوں کے مطابق تعلیم کا حصول ناگزیر ہے انہوں نے کہا کہ پاکستان کے نوجوان ملک کا بہترین اور قمیتی اثاثہ ہیں انہی نوجوانوں نے مستقبل میں ملک کی باگ ڈور سنبھالنی ہے اور ملک کو ترقی کی راہ پرگامزن کرنے میں اہم کردار ادا کرسکتے ہیں۔ صوبائی وزیر نے ان خیالات کا اظہار بیکن ہاؤس سکول سسٹم فرنٹیر کیمپس پشاور میں منعقدہ تقریب سے خطاب کرتے ہوئے کیا تقریب میں سکول ہیڈمسٹریس نارگس اقبال، سعدیہ یوسف، طلبا اور انکے والدین نے کثیر تعداد میں شرکت کی۔ صوبائی وزیر نے اپنے خطاب میں کہا کہ نوجوانان تمام تر توجہ تعلیم پر د ے اور تعلیم حاصل کرکے ملک خداد پاکستان کی ترقی میں اپنا کردار ادا کرتے ہوئے پاکستان کو اسکی بلندیوں تک پہنچائیں جن کا خواب ڈاکٹر علامہ محمد اقبال نے دیکھا تھااور اس خواب کو قائد اعظم محمد علی جناح نے عملی جامہ پہنایا اور اس کی تکمیل کیلیے بانی پی ٹی آئی عمران خان جدوجہد کررہے ہیں۔ انہوں نے امید ظاہر کی کہ نوجوان پاکستان کی ترقی اور خوشحالی میں اپنا بھرپور کردار ادا کریں گے صوبائی وزیر نے سکول کے سالانہ بسٹ ٹیچر، بسٹ اور بسٹ سٹوڈنٹس، بسٹ پراکٹر اور دیگر کیٹیگریز میں پہلی پوزیشن حاصل کرنے والے طلباء میں سرٹیفیکیٹس اور انعامات تقسیم کئے۔
صوبائی مشیر اطلاعات و تعلقات عامہ بیرسٹر ڈاکٹر سیف نے اپنے دفتر سے جاری ایک بیان میں کہا ہے
صوبائی مشیر اطلاعات و تعلقات عامہ بیرسٹر ڈاکٹر سیف نے اپنے دفتر سے جاری ایک بیان میں کہا ہے کہ جعلی حکومت نے کل ماڈل ٹاون جیسے سانحے کا پروگرام بنایا تھا،پی ٹی آئی کارکنان پر سیدھی سیدھی گولیاں چلائی گئیں، راولپنڈی شہر اور موٹروے مقبوضہ کشمیر کا منظر پیش کررہا تھا۔ بیرسٹر ڈاکٹر سیف نے کہا کہ ایک جعلی راجکماری کی حکمرانی میں پی ٹی آئی خواتین پر شیلنگ کی گئی تاہم پی ٹی آئی کی خواتین کارکنان خراج تحسین کی مستحق ہیں جو اپنے موقف پر ثابت قدم رہیں۔مشیر اطلاعات نے کہا کہ بدترین مارشل لاء میں بھی اس طرح کی فسطائیت نہیں ہوتی جس کا مظاہرہ کل کیا گیا، جعلی حکومت فسطائیت کے ریکارڈ توڑ رہی ہے مگر ان حالات کے باوجود پی ٹی آئی کے تمام کارکنان کو کامیاب احتجاج ریکارڈ کرانے پر مبارکباد پیش کرتا ہوں، پی ٹی آئی کے دلیر کارکنان نے بدترین فسطائیت کا ڈٹ کر مقابلہ کیا۔ بیرسٹر ڈاکٹر سیف نے کہا کہ مریم نواز تیاری پکڑیں اگلے ہفتے علی امین پھر پنجاب آ کر احتجاج ریکارڈ کریں گے۔
درایں اثناء مشیراطلاعات خیبرپختونخوا بیرسٹرمحمد علی سیف نے اپنے بیان میں کہا ہے کہ کل پی ٹی آئی کارکنوں پر جس طرح براہ راست شیلنگ اور فائرنگ کی گئی اس کیلئے کے پی حکومت اس عمل کے خلاف عدالت جائے گی اور ایڈووکیٹ جنرل کے پی سے قانونی کارروائی سے متعلق کہا جائے گا۔ بیرسٹرسیف نے کہا کہ پرامن کارکنوں پر اس طرح شیلنگ اور فائرنگ کرنا کہاں کا قانون ہے،قانون کی پاسداری کوئی خیبرپختونخوا حکومت سے سیکھے،کل علی امین گنڈاپور نے جس طرح پنجاب پولیس اہلکاروں کو محفوظ بنایا سب کے سامنے ہے۔
قاضی حسین احمد میڈیکل کمپلیکس ایم ٹی آئی نوشہرہ میں عالمی یوم قلب کا دن منایا گی
قاضی حسین احمد میڈیکل کمپلیکس ایم ٹی آئی نوشہرہ کے کارڈیالوجی ڈپارٹمنٹ کے زیر انتظام عالمی یوم قلب کی مناسبت سے آگاہی واک کا اہتمام کیا گیا۔ 29 ستمبر پوری دنیا میں عالمی یوم قلب منایا جاتا ہے قاضی حسین احمد میڈیکل کمپلیکس ایم ٹی آئی نوشہرہ کے میڈیکل ڈائریکٹر سردار سہیل افسر کی سربراہی بمعہ کارڈیولوجی ڈپارٹمنٹ کے چئیرمین اسسٹنٹ پروفیسر ڈاکٹر کاشف الطاف نے عالمی یوم قلب کی اہمیت کے بارے میں عوام الناس کو ”دل کی حفاظت کیلئے اپنے دل کا استعمال کیجیے” کا پیغام دیا۔ آگاہی واک میں کثیر تعداد میں ڈاکٹرز، نرسز اور مختلف شعبوں سے تعلق رکھنے والے لوگوں نے شرکت کی۔
مشیر خزانہ خیبرپختونخوا مزمل اسلم نے آئی ایم ایف پروگرام پر اپنے ردعمل میں کہا ہے
پاکستان نے 1959 سے آج تک آئی ایم ایف کے24 پروگرام حاصل کئے جس میں ایک پروگرام عمران خان کی حکومت نے لیا ہے اس میں سے بھی صرف آدھی رقم قرض لی تھی مشیر خزانہ خیبر پختوخوا مزمل اسلم
آئی ایم ایف کے نئے تخمینہ جات انتہائی مایوس کن ہیں مشیر خزانہ خیبرپختونخوا مزمل اسلم
مشیر خزانہ خیبرپختونخوا مزمل اسلم نے آئی ایم ایف پروگرام پر اپنے ردعمل میں کہا ہے کہ پاکستان نے 1959 سے مسلسل آج تک آئی ایم ایف پروگرام میں ہے اوراب تک 24 آئی ایم ایف کے پروگرام حاصل کئے،ان 24 پروگراموں میں سے سات پروگرام فوجی حکومتوں میں لئے گئے جبکہ 17 پروگرام سیاسی حکومتوں نے لئے ہیں۔ مشیر خزانہ نے کہا کہ سیاسی حکومتوں کے 17پروگراموں میں سے عمران خان کی حکومت نے صرف ایک پروگرام لیا اور اس میں سے بھی صرف آدھی رقم قرض لی تھی جبکہ پاکستان کے سب سے زیادہ پروگرام پی ڈی ایم (ن لیگ + پی پی پی) نے 16 حاصل کئے۔مزمل اسلم نے کہا کہ شہباز شریف حکومت دو سال میں تین دفعہ آئی ایم ایف پروگرام میں داخل ہوئی ہے، شہباز شریف کا دعویٰ ہے کہ یہ آخری پروگرام ہوگا، کیا درست ہوگا۔ مشیر خزانہ نے کہا کہ آئی ایم ایف کے نئے تخمینہ جات انتہائی مایوس کن ہیں،جی ڈی پی کی پیشن گوئی 3.5 فیصد سے 3.2 فیصد تک کم ہوگئی ہے،اوسط افراط زر 9.5 فیصد ہے لیکن یہ جون کے آخر میں 10.5 فیصد ہوگی جس کا مطلب ہے کہ موجود گروٹ عارضی ہے۔ مزمل اسلم نے کہا کہ آئی ایم ایف پیکج کے ساتھ کرنٹ اکاؤنٹ 0.9 فیصد سے 1.2 فیصد ہو جائے گا۔انہوں نے کہا کہ ایف ایکس ریزروز 13.3 ارب ڈالر سے 12.8 ارب ڈالر تک کم ہو گئی ہے جس کی وجہ سے حکومت کا عام جی ڈی پی قرض 69.2 فیصد سے 71.4 فیصد تک بڑھ سکتا ہے۔مشیر خزانہ مزمل اسلم نے کہا کہ اس طرح پبلک اور پبلک ضمانت شدہ قرض معیشت کے مجموعی سائز کا 73 فیصد سے 75.1 فیصد تک اضافہ ہوا ہے۔
خیبر پختونخوا: ضم اضلاع میں امن و امان بہتر بنانے کے لئے اقدامات، پولیس کی استعداد میں اضافہ
وزیر اعلیٰ خیبر پختونخوا علی امین خان گنڈاپور نے کہا ہے کہ صوبے خصوصاً ضم اضلاع اور جنوبی اضلاع میں امن و امان کے مسائل درپیش ہیں, صوبائی حکومت ان علاقوں میں امن و امان کی صورتحال کو بہتر بنانے کیلئے متعلقہ اداروں کے ساتھ مل کرکام کر رہی ہے, ان علاقوں میں امن و امان کی صورتحال کو بہتر بنا کر مزید چیک پوسٹیں پولیس کے حوالے کرنی ہیں لیکن اس سے پہلے ان علاقوں میں پولیس کی استعداد کو بڑھانا ہے, پولیس اور سکیورٹی فورسز کو امن و امان کی صورتحال بہتر بنانے کیلئے دن رات کوششیں کرنے پر خراج تحسین کرتے ہیں، صوبائی حکومت پولیس کی استعداد کو بڑھانے پر خطیر وسائل خرچ کر رہی ہے جس کا واحد مقصد صوبے میں مستقل امن و امان کا قیام ہے۔ان خیالات کا اظہار وزیراعلیٰ خیبرپختونخوا علی امین خان گنڈاپور نے جمعرات کے روز صوبائی کابینہ کے 14 ویں اجلاس کی صدارت کرتے ہوئے کیا۔ صوبائی کابینہ اراکین کے علاوہ چیف سیکرٹری خیبرپختونخوا، ایڈیشنل چیف سیکرٹریز ، ایس ایم بی آر اور متعلقہ انتظامی سیکرٹریز اجلاس میں شریک ہوئے۔ وزیراعلیٰ نے اجلاس سے خطاب کرتے ہوئے کہاکہ اس وقت ضلع کرم میں امن و امان کا ایک مسئلہ چل رہا ہے لیکن یہ دہشت گردی یا فرقہ واریت کا مسئلہ نہیں ہے بلکہ یہ فریقین کے درمیان زمین کا تنازعہ ہے جس کے پرامن حل کیلئے صوبائی حکومت ترجیحی بنیادوں پر اقدامات کر رہی ہے۔ وزیراعلیٰ خیبرپختونخوا نے کہاکہ یہ خوش آئند بات ہے کہ انتظامیہ اور پولیس کی کوششوں سے فریقین کے درمیان سیز فائر ہو گیا ہے۔ صوبائی حکومت جرگے کے ذریعے اس مسئلے کا مستقل حل نکالنے کیلئے کام کر رہی ہے۔ ا±نہوں نے کہاکہ ضلع خیبر میں بھی ایک مسئلہ چل رہا ہے جس کو مذاکرات کے ذریعے حل کرنے پر کام جاری ہے۔ ا±مید ہے کہ بہت جلد یہ معاملہ بھی حل ہو جائے گا۔ وزیراعلیٰ نے کہاکہ انتظامیہ اور پولیس ایسے معاملات کے حل کیلئے کام کر رہے ہوتے ہیں بعض اوقات نتائج سامنے آنے میں وقت لگتا ہے لیکن اس کا ہرگز یہ مطلب نہیں کہ انتظامیہ کچھ نہیں کر رہی۔ وزیراعلیٰ علی امین گنڈاپور نے کہاکہ میر علی کے واقعے کے متاثرین کو معاوضے دیئے جارہے ہیں جبکہ واقعے میں متاثرہونے والی منڈی کو دوبارہ تعمیر کرکے لوگوں کے حوالے کیا جائے گا،اس سلسلے میں محکمہ ریلیف کو ضروری احکامات جاری کر دیئے گئے ہیں۔ صوبائی کابینہ کے اجلاس میں نیشنل فیسکل پیکٹ کا شق وار جائزہ لیا گیا، کابینہ نے بعض نکات پر تحفظات کا اظہار کرتے ہوئے وضاحت طلب کی اور محکمہ خزانہ کو یہ تحفظات وفاقی حکومت کو بھیجنے کی ہدایت کی، صوبائی تحفظات پر وفاقی حکومت کی وضاحت وزیراعلیٰ خیبرپختونخوا کو پیش کی جائیگی۔کابینہ نے آئی ایم کا پاکستان کیلئے پیکج کو خوش آئند قرار دیا ۔
کابینہ کے سامنے مینگورہ قمبر بائی پاس سوات بس سٹینڈ کی اراضی سے متعلق اراضی مالکان کی جانب سے رٹ پٹیشن کا معاملہ رکھا گیا جس پر کابینہ نے کمیٹی تشکیل دینے کا فیصلہ کیا، کمیٹی 10 دنوں کے اندر تجاویز مرتب کرے گی اور یہ تجاویز کابینہ کے سامنے رکھی جائیں گی۔
خیبر پختونخوا کے وزیر خوراک ظاہر شاہ طورو نے کہا ہے کہ خیبرپختونخوا کی تاریخ میں پہلی مرتبہ صوبائی حکومت نے چترال
خیبر پختونخوا کے وزیر خوراک ظاہر شاہ طورو نے کہا ہے کہ خیبرپختونخوا کی تاریخ میں پہلی مرتبہ صوبائی حکومت نے چترال سمیت صوبہ بھر میں منتخب گندم خریداری مراکز میں مقامی کاشتکاروں اور دیگر صوبوں کے کسانوں سے براہ راست گندم خریداری کی اور خرد برد کی تدارک اور شفافیت یقینی بنانے کے لئے تمام اقدامات بروقت اٹھائے تھے۔ ان خیالات کا اظہار صوبائی وزیر نے ذخیرہ خوراک مرکز گرم چشمہ چترال کے دورے کے موقع پر کیا انہوں نے مرکز کا تفصیلی معائنہ کیا اور گندم کی معیار اور سٹاک چیک کیا۔ اس موقع پر انہیں مرکز کے بارے میں ضلعی خوراک افسران نے بریفنگ بھی دی۔ صوبائی وزیر نے کہا کہ معیاری گندم خریداری اور شفافیت کو یقینی بنانے کیلئے خریداری مہم کے دوران صوبائی حکومت نے ضلعی کمیٹیاں تشکیل دی تھیں اور پہلے آئیں اور پہلے پائیں کے اصول پر کاشتکاروں سے گندم خریداری کی گئی گندم خریداری مراکز میں سی سی ٹی وی کیمرے بھی نصب کیے گئے تھے صوبائی وزیر کا کہنا تھا کہ محکمہ خوراک خیبرپختونخوا نے گزشتہ گندم خریداری مہم میں انتہائی اعلیٰ قسم کی گندم خریدی ہے صوبائی وزیر کا یہ بھی کہنا تھا کہ محکمہ خوراک کے امور کی ڈیجیٹائزیشن کے منصوبے پرکام جاری ہے جسے عنقریب مکمل کیا جائے گا