محکمہ موسمیاتی تبدیلی، ماحولیات، جنگلات و جنگلی حیات خیبر پختونخوا کے ایڈیشنل سیکرٹری سید حبیب الحسن گیلانی نے کہا ہے کہ درخت لگانا انفرادی و قومی ذمہ داریوں کا ایک کلیدی جزو ہے، جو موسمیاتی تبدیلی کے مضر اثرات کو کم کرنے، ماحولیاتی توازن کو برقرار رکھنے اور پائیدار ترقی کے اہداف کے حصول میں بنیادی کردار ادا کرتا ہے۔
ان خیالات کا اظہار انہوں نے ضلع صوابی اور مردان کے محکمہ جنگلات و ماحولیات کے ڈویژنل و ضلعی دفاتر کے دورے کے دوران کیا۔ جہاں انہوں نے متعلقہ افسران سے محکمانہ امور، شجرکاری مہم اور ماحولیاتی تحفظ سے متعلق اقدامات کے بارے میں بریفنگ لی۔ ایڈیشنل سیکرٹری نے متعلقہ حکام کو شجرکاری کے اہداف کے حصول، لگائے گئے پودوں کی مؤثر نگہداشت اور ماحولیاتی تحفظ کے لیے جاری اقدامات کو مزید مؤثر بنانے کی ہدایات دیں۔ اس موقع پر ان کے ہمراہ ڈویژنل فارسٹ آفیسر سلیمان خان، ایڈیشنل اسسٹنٹ کمشنر ٹوپی یامین ثناء اور محکمہ جنگلات و ماحولیات کے دیگر اعلیٰ افسران بھی موجود تھے۔
ایڈیشنل سیکرٹری سید حبیب الحسن گیلانی نے مون سون شجرکاری مہم کے تحت ضلع صوابی اور مردان میں پودے لگائے۔ اس موقع پر انہوں نے کہا کہ شجرکاری محض پودے لگانے کی ایک سرگرمی نہیں بلکہ آنے والی نسلوں کے محفوظ، صحت مند اور پائیدار مستقبل کی ضمانت بھی ہے۔ موسمیاتی تبدیلی کے بڑھتے ہوئے چیلنجز کے تناظر میں جنگلات کے رقبے میں اضافہ، موجودہ جنگلات کا تحفظ اور زیادہ سے زیادہ شجرکاری وقت کی اہم ضرورت ہے۔
ایڈیشنل سیکرٹری حبیب الحسن گیلانی نے کہا کہ سرسبز خیبر پختونخوا کا وژن صوبائی حکومت کی ماحولیاتی ترجیحات کا اہم حصہ ہے، جس کی عملی تعبیر کے لیے حکومتی اداروں کے ساتھ ساتھ عوام، سول سوسائٹی، تعلیمی اداروں خصوصاً نوجوانوں کو بھی اپنا بھرپور کردار ادا کرنا ہوگا۔
انہوں نے شہریوں پر زور دیا کہ وہ شجرکاری مہم میں بڑھ چڑھ کر حصہ لیں اور نہ صرف زیادہ سے زیادہ پودے لگائیں بلکہ ان کی حفاظت اور نگہداشت کو بھی یقینی بنائیں، کیونکہ ایک پودا لگانا پہلا قدم ہے جبکہ اسے تناور درخت بنانا بھیہم سب کی مشترکہ ذمہ داری ہے۔

خیبر پختونخوا کےوزیر اطلاعات و تعلقات عامہ شفیع جان نے کہا ہے کہ بانی چیئرمین عمران خان کی گرفتاری کے تین سال مکمل ہونے پر 5 اگست کو پشاور میں منعقد ہونے والے جلسے کی تیاریاں عروج پر پہنچ چکی ہیں۔ انہوں نے کہا کہ صوبے بھر میں پاکستان تحریک انصاف کے اراکین اسمبلی، پارٹی عہدیداران اور کارکنان ریلیوں، کارنر میٹنگز اور عوامی رابطہ مہم میں بھرپور انداز میں حصہ لے رہے ہیں۔شفیع جان نے کہا کہ مختلف اضلاع میں ہونے والی کارنر میٹنگز میں عوام کی ریکارڈ شرکت اس بات کا واضح ثبوت ہے کہ 5 اگست کا جلسہ تاریخی اور فیصلہ کن ثابت ہوگا۔ انہوں نے کہا کہ یہ جلسہ عمران خان کی رہائی کی تحریک میں ایک اہم سنگ میل ثابت ہوگا، پاکستان تحریک انصاف کے کارکنان اپنے قائد عمران خان کے ساتھ ڈٹ کر کھڑے ہیں،صوبائی وزیر نے کہا کہ عمران خان تمام تر سیاسی انتقام اور جیل کی سختیوں کے باوجود اپنے نظریے پر ثابت قدم ہیں اور ان کی قید کا ہر گزرتا دن ان کے عزم اور نظریے کو مزید مضبوط بنا رہا ہے۔ انہوں نے کہا کہ جعلی مقدمات، سیاسی انتقام کے باوجود عمران خان کو عوام کے دلوں سے نہیں نکالا جا سکتا۔شفیع جان نے کہا کہ عمران خان کو گزشتہ نو ماہ سے قید تنہائی میں رکھا گیا ہے جبکہ ان کی فیملی، وکلاء اور سیاسی قیادت کو بھی ان تک رسائی نہیں دی جا رہی، جو آئینی ، قانونی اور بنیادی انسانی حقوق کی سنگین خلاف ورزی ہے،انہوں نے کہا کہ فارم 47 کے ذریعے برسر اقتدار آنے والے وفاقی حکومت کے حکمران یہ بات اچھی طرح سن لیں کہ ظلم، جبر اور ناانصافی کی یہ حکومت زیادہ دیر قائم نہیں رہ سکتی۔ انہوں نے مزید کہا کہ وفاق پر مسلط جعلی حکمرانوں کے دن گنے جا چکے ہیں اور عوام کو بہت جلد ان سے نجات دلائی جائے گی۔

خیبرپختونخواحکومت کے احکامات کی روشنی میں سرکاری اداروں کے انتظامی امورمیں شفافیت لانے اورعوامی مسائل کے فوری حل کے لئےGood Governance Road Mapکی جاری پالیسی کے تحت محکمہ توانائی وبرقیات خیبرپختونخوانے پانچویں آن لائن (براہ راست )ای کھلی کچہری کا انعقادکیاجس میں عوام الناس نے بڑھ چڑھ کرحصہ لیتے ہوئے اپنے مسائل پیش کئے جن کے فوری حل کے لئے موقع پر ہی ہدایات جاری کی گئیں۔ سیکرٹری توانائی وبرقیات نثاراحمدکی زیرصدارت معنقدہ براہ راست ا ی کھلی کچہری میں محکمے کے جملہ افسران سپیشل سیکرٹری حبیب اللہ عارف سمیت ایڈیشنل سیکرٹریزانورخان شیرانی،نورولی خان،چیف ایگزیکٹو پیڈوانجینئرانوارالحق سمیتKPOGCL،انسپکٹریٹ آف الیکٹریسٹی اورKPٹرانسمیشن اینڈگرڈسسٹم کمپنی کے جملہ افسران اورپراجیکٹ ڈائریکٹرز نے شرکت کی ۔ای کھلی کچہری میں صوبے کے مختلف اضلاع سے مجموعی طورپر 155شکایت کنندگان نے ٹیلی فون کالز اورفیس بک آفیشل پیج کے ذریعے براہ راست محکمہ توانائی وبرقیات اوراسکے تمام ذیلی اداروں سے جڑے توانائی منصوبوں سے متعلق درپیش مسائل پرکھل کرگفتگو کی اور حکام بالاکوآگاہ کیا ۔اس موقع پرعوام الناس کی طرف سے صوبائی حکومت کے ای کھلی کچہری کے انعقادکوشفافیت اورمیرٹ کیلئےایک انقلابی اقدام قراردیاگیا۔سیکرٹری توانائی نے موجود افسران وحکام کو عوامی درپیش مسائل کوفوری طورپرحل کرنے کے احکامات جاری کئے ۔ 2گھنٹوں کے دورانئے پرمشتمل ای کھلی کچہری کے آخرمیں سیکرٹری توانائی وبرقیات نثاراحمد نے عوام الناس کویقین دلایاکہ موجودہ حکومت کی عوام دوست پالیسی کے تحت عوامی مسائل کو ای کھلی کچہری کے ذریعے موقع پر حل کرنے کی کوشش کی جارہی ہے۔ انہوں نے محکمے کے تمام افسران کو ای کھلی کچہری میں پیش کئے گئے عوامی مسائل کوسنجیدگی سے حل کرنے پر زوردیا اورہدایت کی کہ مسائل کے حل پر عملدرآمد کی رپورٹ جلدازجلدپیش کی جائے کیونکہ عوام الناس حکومتی اقدامات کو میرٹ وشفافیت سے مانیٹرکررہے ہیں۔ انہوں نے خبردارکیا کہ عوامی فلاح وبہبودکے کاموں میں کسی بھی قسم کی کوتاہی ناقابل برداشت ہوگی ۔

خیبرپختونخوا کے وزیر ایکسائز، ٹیکسیشن و نارکوٹکس کنٹرول سید فخر جہان نے ہفتے کے روز حلقہ پی کے-26 بونیر کی تحصیل گاگرا میں کلپانئی تا تختہ بند چوک روڈ کے تعمیراتی منصوبے کا باقاعدہ افتتاح کیا۔ اس منصوبے پر مجموعی طور پر 30 ملین روپے لاگت آئے گی، جس کی تکمیل سے مقامی آبادی کو آمدورفت کی بہتر، محفوظ اور معیاری سہولیات میسر آئیں گی۔افتتاحی تقریب میں پاکستان تحریک انصاف کی مقامی قیادت، عمائدینِ علاقہ اور پارٹی کارکنان نے کثیر تعداد میں شرکت کی۔اس موقع پر خطاب کرتے ہوئے صوبائی وزیر سید فخر جہان نے کہا کہ صوبائی حکومت عوامی خدمت اور پائیدار ترقی کے وژن پر عمل پیرا ہے۔ انہوں نے کہا کہ دورافتادہ اور پسماندہ علاقوں میں بنیادی انفراسٹرکچر کی فراہمی حکومت کی اولین ترجیحات میں شامل ہے تاکہ عوام کو بہتر سفری سہولیات اور ترقی کے یکساں مواقع میسر آ سکیں۔انہوں نے کہا کہ اس منصوبے کی تعمیر سے مقامی آبادی کی سفری مشکلات میں نمایاں کمی آئے گی۔صوبائی وزیر نے متعلقہ حکام کو ہدایت کی کہ منصوبےکی تعمیر میں معیار، شفافیت اور بروقت تکمیل کو ہر صورت یقینی بنایا جائے۔صوبائی وزیر نے مزید کہا کہ بانی پاکستان تحریک انصاف عمران خان کے عوامی فلاحی وژن اور وزیر اعلیٰ خیبرپختونخوا محمد سہیل افریدی کی قیادت میں صوبائی حکومت عوامی مسائل کے حل اور ترقیاتی منصوبوں کی بروقت تکمیل کے لیے بھرپور اقدامات کر رہی ہے اور یہ سلسلہ آئندہ بھی جاری رہے گا۔

پشاور: ریونیو اینڈ اسٹیٹ ڈیپارٹمنٹ حکومت خیبرپختونخوا کا دوسرا پالیسی اجلاس پشاور میں ریونیو ورکنگ گروپ کے سربراہ اور رکن قومی اسمبلی محمد عاطف خان کی زیر سرپرستی جبکہ وزیر برائے ریونیو اینڈ اسٹیٹ طارق محمود آریانی کی صدارت میں منعقد ہوا۔
اجلاس میں رکن قومی اسمبلی ارباب شیر علی، سینئر ممبر بورڈ آف ریونیو ظاہر شاہ خان، رکن صوبائی اسمبلی محمد نعیم خان، ڈیجیٹلائزیشن ایکسپرٹ خالد سعید، ڈائریکٹر لینڈ ریکارڈ یاسر حسن سمیت محکمہ ریونیو اینڈ اسٹیٹ اور بورڈ آف ریونیو کے متعلقہ اعلیٰ حکام نے شرکت کی۔
اجلاس میں گزشتہ پالیسی اجلاس کے فیصلوں پر عملدرآمد کا تفصیلی جائزہ لیا گیا۔ ورکنگ گروپ کو اب تک کی پیش رفت پر بریفنگ دی گئی جبکہ ریونیو اصلاحات کے عمل کو مزید تیز، مؤثر اور عوام دوست بنانے کے لیے متعدد اہم فیصلے بھی کیے گئے۔
اجلاس میں فیصلہ کیا گیا کہ بورڈ آف ریونیو ڈیش بورڈ اور سروس ڈیلیوری سینٹرز میں انتقال، فرد کے اجراء یا نام کی درستگی جیسے معاملات میں غیر ضروری تاخیر اور غفلت کے مرتکب اہلکاروں کے خلاف ضابطے کے مطابق شوکاز نوٹس جاری کیے جائیں گے تاکہ جوابدہی کا مؤثر نظام قائم کیا جا سکے۔
اجلاس نے صوبہ بھر میں خانہ کاشت کے دیرینہ مسئلے کے فوری حل کی ہدایت کرتے ہوئے فیصلہ کیا کہ تمام سروس ڈیلیوری سینٹرز میں خانہ کاشت سے متعلق امور کے لیے علیحدہ کاؤنٹرز قائم کیے جائیں گے تاکہ عوام کو بروقت سہولت فراہم کی جا سکے۔
شہریوں کی شکایات کے فوری ازالے اور سروسز کی مانیٹرنگ کے لیے جلد آؤٹ باؤنڈ شکایات کال سینٹر قائم کرنے کا بھی فیصلہ کیا گیا، جسے براہِ راست ریونیو ڈیش بورڈ سے منسلک کیا جائے گا تاکہ شہریوں سے موصول ہونے والے فیڈبیک کی بنیاد پر خدمات کو مزید بہتر بنایا جا سکے۔
اجلاس میں ای-رجسٹری نظام کو جلد از جلد پورے صوبے میں نافذ کرنے کی منظوری دی گئی۔ اس نظام کے ذریعے رجسٹری اور انتقالات کا عمل مکمل طور پر آن لائن ہوگا، دوہرے اور جعلی انتقالات کا خاتمہ ممکن ہوگا اور صرف وہی زمین منتقل کی جا سکے گی جو متعلقہ مالک کے نام پر رجسٹرڈ ہوگی، جس سے غیر قانونی اور فرضی انتقالات کی مکمل روک تھام ممکن ہوگی۔
اجلاس نے صوبہ بھر کی سرکاری اراضی کی جی آئی ایس میپنگ کرانے اور تجاوزات الرٹ سسٹم متعارف کرانے کا بھی فیصلہ کیا۔ اس نظام کے ذریعے سرکاری اراضی پر ہونے والی تجاوزات کی بروقت نشاندہی ممکن ہوگی جبکہ جس افسر کے دورِ تعیناتی میں تجاوزات ہوں گی، اس کی ذمہ داری بھی اسی افسر پر عائد ہوگی۔
عوام کو مزید سہولت فراہم کرنے کے لیے فرد کے اجراء کے نظام کو آؤٹ سورس اور آن لائن کرنے کی بھی منظوری دی گئی۔ اس سہولت کے تحت شہری نادرا ای-سہولت مراکز، ریونیو ڈیش بورڈ اور متعلقہ پٹوار خانوں سے آسانی کے ساتھ فرد حاصل کر سکیں گے۔
اجلاس میں پائلٹ بنیادوں پر کم از کم ایک ضلع کو مکمل طور پر ڈیجیٹلائز کر کے اسے “ماڈل ڈیجیٹل ڈسٹرکٹ” قرار دینے کا فیصلہ بھی کیا گیا، جہاں تمام ریونیو ریکارڈ جدید ڈیجیٹل نظام کے تحت محفوظ اور قابلِ رسائی ہوگا۔
مزید برآں کمپیوٹرائزڈ لینڈ ریکارڈ مینجمنٹ انٹیگریشن سسٹم کی جلد تکمیل کی ہدایت جاری کی گئی۔ اجلاس کو بتایا گیا کہ اس جدید نظام کے نفاذ سے ریونیو کے تمام مراحل مکمل طور پر کمپیوٹرائزڈ ہوں گے جبکہ بیرون ملک مقیم پاکستانی بھی دنیا کے کسی بھی حصے سے خیبرپختونخوا میں اپنی جائیداد کی خرید و فروخت اور منتقلی کے عمل کو قانونی طریقے سے مکمل کر سکیں گے۔
وزیر برائے ریونیو اینڈ اسٹیٹ طارق محمود آریانی نے سینئر ممبر بورڈ آف ریونیو ظاہر شاہ خان کو ہدایت کی کہ صوبے کے تمام سروس ڈیلیوری سینٹرز میں دستیاب سہولیات اور درپیش مسائل کی جامع رپورٹ فوری طور پر تمام ڈپٹی کمشنرز سے طلب کی جائے، جس میں سولر سسٹمز، عملے کی کمی، انفراسٹرکچر اور ریونیو کمپوننٹس سے متعلق تمام ضروری معلومات شامل ہوں تاکہ ان مسائل کے حل کے لیے بروقت اقدامات کیے جا سکیں۔
اجلاس کے اختتام پر ریونیو ورکنگ گروپ کے سربراہ اور رکن قومی اسمبلی محمد عاطف خان نے سینئر ممبر بورڈ آف ریونیو ظاہر شاہ خان اور ان کی ٹیم کی کارکردگی کو سراہتے ہوئے کہا کہ ریونیو اصلاحات کے ایجنڈے پر تیز رفتار عملدرآمد حکومت کی اولین ترجیح ہے۔ انہوں نے اس عزم کا اعادہ کیا کہ جدید ٹیکنالوجی، شفافیت، مؤثر احتساب اور عوامی سہولت کو یقینی بنا کر محکمہ ریونیو اینڈ اسٹیٹ کو ایک جدید، فعال اور عوام دوست ادارہ بنایا جائے گا۔

صحت کا میدان ہو یا سرکاری دفاتر کی ڈیجیٹائزیشن، پولیس کا تحفظ ہو یا عوام کی خدمت— خیبر پختونخوا میں اب تبدیلی محض ایک نعرہ نہیں، بلکہ حقیقت ہے!

عمران خان کے وژن اور وزیراعلیٰ خیبر پختونخوا محمد سہیل آفریدی کے عزم کے ساتھ، ہم ناممکن کا سفر ممکن بنانے جا رہے ہیں۔

عزم ہے… تو یقین ہے!

#KPGovernment #DigitalKP #HealthRevolution #ImranKhanVision #KPUpdates #GrowthAndDevelopment

وزیراعلیٰ خیبرپختونخوا سہیل آفریدی کی خصوصی ہدایات پر صوبائی وزیر اطلاعات و تعلقاتِ عامہ شفیع جان نے معاونِ خصوصی برائے جیل خانہ جات افتخار اللہ جان کے ہمراہ ضلع چارسدہ میں ہنگو دہشت گرد حملے میں شہید ہونے والے ڈی ایس پی دیار خان کی رہائش گاہ کا دورہ کیا۔ اس موقع پر انہوں نے شہید کے خاندان سےدلی تعزیت کا اظہار کیا، فاتحہ خوانی کی اور شہید کے درجات کی بلندی جبکہ لواحقین کے لیے صبر جمیل کی دعا کی،اس موقع پر گفتگو کرتے ہوئے وزیر اطلاعات شفیع جان نے کہا کہ شہید ڈی ایس پی دیار خان اور دیگر پولیس شہداء نے امن، قانون کی بالادستی اور عوام کے تحفظ کے لیے اپنی جانوں کا نذرانہ پیش کرکے بہادری، فرض شناسی اور قربانی کی نئی مثال قائم کی ہے۔انکی قربانیوں کو ہمیشہ قدر کی نگاہ سے دیکھا جائے گا۔انہوں نے کہا کہ دہشت گردی کے خلاف جنگ میں خیبرپختونخوا پولیس کے افسران اور جوانوں کی لازوال قربانیوں کو کبھی فراموش نہیں کیا جا سکتا۔شفیع جان نے کہا کہ شہداء کے اہل خانہ خود کو ہرگز تنہا نہ سمجھیں، صوبائی حکومت ہر مشکل گھڑی میں ان کے ساتھ کھڑی ہے۔ حکومت شہداء کے خاندانوں کی مکمل کفالت، فلاح و بہبود اور ہر ممکن مالی معاونت کے لیے تمام دستیاب وسائل بروئے کار لا رہی ہے

خیبرپختونخوا کے وزیر اطلاعات و تعلقات عامہ شفیع جان نے کوئٹہ میں کوئلہ کان کے افسوسناک حادثے میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے یہاں سے جاری تعزیتی بیان میں صوبائی وزیر نے شانگلہ اور دیگر علاقوں کے جاں بحق مزدوروں کے لواحقین سے دلی ہمدردی اور تعزیت کرتے ہوئے کہا کہ اس اندوہناک حادثے نے رنجیدہ کردیا ہے، انہوں نے کہا کہ وزیراعلیٰ خیبرپختونخوا سہیل آفریدی نے بھی وزیراعلیٰ بلوچستان سے رابطہ کیا ہے اور جاں بحق افراد کی میتوں کی منتقلی کے لئے خصوصی انتظامات کی درخواست کی ہے، جاں بحق افراد کی میتوں کو جلد انکے آبائی علاقوں کو منتقل کیا جائے گا ،انھوں نے کہا کہ خیبرپختونخوا حکومت اس دکھ کی گھڑی میں متاثرہ خاندانوں کے ساتھ کھڑی ہے۔وزیر اطلاعات نے اللہ تعالیٰ سے دعا کی کہ وہ جاں بحق افراد کی مغفرت فرمائے، انہیں جنت الفردوس میں اعلیٰ مقام عطا کرے اور سوگوار خاندانوں کو یہ ناقابل تلافی نقصان صبر و استقامت کے ساتھ برداشت کرنے کی توفیق دے۔

محکمہ ایکسائز، ٹیکسیشن و نارکوٹکس کنٹرول خیبرپختونخوا کے ایکسائز بیورو آف انٹیلیجنس اینڈ انویسٹیگیشن، سکواڈ نے خفیہ اطلاع پر پشاور میں ایچ گول چوک کے قریب کامیاب کارروائی کرتے ہوئے آئس سمگلر بن یامین ولد سواد خان، سکنہ ضلع باجوڑ کو گرفتار کر لیا۔کارروائی کے دوران ملزم کی تلاشی لینے پر اس کے قبضے سے 1010 گرام آئس برآمد کر لی گئی۔ ملزم کو موقع پر گرفتار کرنے کے بعد مزید تفتیش اور قانونی کارروائی کے لیے تھانہ ایکسائز پشاور میں مقدمہ درج کر دیا گیا ہے۔محکمہ ایکسائز کے مطابق صوبے بھر میں منشیات فروشوں، خصوصاً آئس سمگلنگ میں ملوث عناصر کے خلاف انٹیلیجنس بنیادوں پر کارروائیاں تسلسل کے ساتھ جاری رہیں گی جبکہ معاشرے کو منشیات کے ناسور سے پاک کرنے کے لیے ہر ممکن اقدامات بروئے کار لائے جا رہے ہیں۔

خیبرپختونخوا کے وزیر معدنیات عارف احمد زئی نے ضلع شانگلہ کےدورے کے موقع پر متاثرہ خاندانوں اور مقامی معززین سے گفتگو کرتے ہوئےکہا کہ وزیر اعلٰی خیبرپختونخوا محمد سہیل آفریدی کی ہدایت پر وہ بذاتِ خود شانگلہ حاضر ہوئے۔ انہوں نے کہا کہ صوبائی حکومت متاثرہ خاندانوں کے ساتھ شانہ بشانہ کھڑی ہے۔ عارف احمد زئی نے شہداء کی مغفرت، درجات کی بلندی اور زخمیوں کی جلد و مکمل صحتیابی کے لیے بھی خصوصاً دعا کی۔ صوبائی وزیر کا کہنا تھا کہ وزیر اعلٰی محمد سہیل آفریدی نے سانحہ سورینج میں جاں بحق ہونے والے خیبرپختونخوا سے تعلق رکھنے والے ہر شہید کے خاندان کے لیے 10،10 لاکھ روپے کی مالی امداد کا اعلان کیا ہے۔ عارف احمد زئی کا مزید کہنا تھا کہ وزیر اعلٰی خیبرپختونخوا اور وہ خود بلوچستان حکومت کے ساتھ رابطے میں ہیں تاکہ سانحہ کی شفاف انکوائری کی جائے اور غفلت یا ایس او پیز کی خلاف ورزی کے مرتکب لیز مالکان اور ذمہ داران کو قرار واقعی سزا دی جائے۔ انہوں نے کان کنوں اور لیز ہولڈرز پر زور دیا کہ وہ حفاظتی تدابیر پر سختی سے عمل پیرا ہوں اور جہاں بھی مائنز کے اندر ایس او پیز اور حفاظتی تدابیر پر عمل نہ ہو رہا ہو، وہاں کام کرنے یا داخل ہونے سے بالکل گریز کریں۔ عارف احمد زئی نے سخت موقف اختیار کرتے ہوئے کہا کہ ایس او پیز کی خلاف ورزی کرنے والی تمام غیر محفوظ کانوں کو بلا تاخیر اور سختی کے ساتھ بند کیا جائے گا۔