خیبرپختونخوا کے وزیر برائے ریونیو و اسٹیٹ طارق محمود اریانی سے سابق معاونِ خصوصی وزیر اعلیٰ خیبرپختونخوا اور رکن صوبائی اسمبلی ملک نیک محمد خان نے ملاقات کی۔ اس موقع پر سینئر ممبر بورڈ آف ریونیو (SMBR) بھی اجلاس میں شریک تھے۔ملاقات کے دوران ضلع شمالی وزیرستان میں ڈسٹرکٹ کمپلیکس کے قیام سے متعلق امور پر تفصیلی غور و خوض کیا گیا۔ اجلاس میں مجوزہ منصوبے کی اہمیت، اراضی سے متعلق معاملات، انتظامی تقاضوں اور منصوبے پر پیش رفت کا جائزہ لیا گیا۔وزیر برائے ریونیو و اسٹیٹ طارق محمود اریانی نے کہا کہ شمالی وزیرستان میں جدید ڈسٹرکٹ کمپلیکس کا قیام عوام کو سرکاری خدمات ایک ہی جگہ پر فراہم کرنے کی جانب ایک اہم قدم ثابت ہوگا۔ انہوں نے متعلقہ اداروں کو ہدایت کی کہ منصوبے سے متعلق تمام ضروری امور کو ترجیحی بنیادوں پر مکمل کیا جائے تاکہ عوام کو جلد از جلد اس سہولت سے مستفید ہونے کا موقع مل سکے۔رکن صوبائی اسمبلی ملک نیک محمد خان نے وزیر برائے ریونیو و اسٹیٹ اور سینئر ممبر بورڈ آف ریونیو کا شکریہ ادا کرتے ہوئے کہا کہ ڈسٹرکٹ کمپلیکس کا قیام شمالی وزیرستان کی انتظامی بہتری، عوامی سہولت اور علاقے کی ترقی میں اہم کردار ادا کرے گا۔ انہوں نے اس عزم کا اظہار کیا کہ منصوبے کی بروقت تکمیل کے لیے ہر ممکن تعاون جاری رکھا جائے گا۔

وزیر اعلی خیبرپختونخوا کے معاون خصوصی برائے ٹرانسپورٹ وماس ٹرانزٹ سمیع اللہ خان نے پشاور میں چیئرمین ڈیڈیک و رکن صوبائی اسمبلی شیر علی آفریدی کی زیر صدارت منعقدہ ڈیڈیک کے جائزہ اجلاس میں شرکت کی۔ اجلاس میں رکن صوبائی اسمبلی سید قاسم علی شاہ سمیت محکمہ ہا ئے صحت، تعلیم، پبلک ہیلتھ انجینئرنگ، لوکل گورنمنٹ، ٹرانسپورٹ، ایریگیشن، زراعت، واٹر مینجمنٹ، سوشل ویلفیئر اور دیگر متعلقہ محکموں کے افسران شریک ہوئے۔منعقدہ اجلاس میں ضلع پشاور میں جاری ترقیاتی منصوبوں، عوامی فلاحی اقدامات اور مختلف محکموں کی کارکردگی کا تفصیلی جائزہ لیا گیا۔اجلاس میں وزیر اعلی خیبرپختونخوا کے معاون خصوصی برائے ٹرانسپورٹ و ماس ٹرانزٹ سمیع اللہ خان نے اظہار خیال کرتے ہوئے کہا کہ پشاور شہر کے مختلف علاقوں میں عوامی مسائل کے حل میں کسی قسم کی غفلت یا تاخیر برداشت نہیں کی جائے گی۔ انھوں نے کہا کہ تمام ترقیاتی منصوبے مقررہ مدت میں مکمل کیے جائیں، جبکہ سرکاری افسران شفافیت، دیانتداری اور احساسِ ذمہ داری کے ساتھ اپنی ذمہ داریاں ادا کریں۔ انہوں نے کہا کہ فرائض میں کوتاہی برتنے والے افسران کے خلاف سخت قانونی و محکمانہ کارروائی عمل میں لائی جائے گی۔اجلاس میں عوامی نمائندوں نے محکمہ صحت کو پشاور بھر میں ڈینگی سے بچاؤ کے لیے فوری اور مؤثر سپرے مہم شروع کرنے، جبکہ محکمہ تعلیم کو جاری منصوبوں اور تعلیمی امور کی بروقت تکمیل یقینی بنانے کی ہدایت کی۔انھوں نے واضح کیا کہ پاکستان تحریک انصاف کی حکومت عوام کو ان کی دہلیز پر معیاری سہولیات کی فراہمی، شفاف طرزِ حکمرانی اور تیز رفتار ترقی کے عزم پر کاربند ہے اور سرکاری محکمے اس ضمن میں اپنی متعین ذمہ داریاں خوش اسلوبی سے پوری کریں۔

خیبر پختونخوا حکومت کا عزم ہے کہ صوبے کے ہر بچے تک علم کی روشنی پہنچائی جائے۔ جدید سہولیات، تربیت یافتہ اساتذہ اور بہترین تعلیمی نظام کے ساتھ ہم ایک روشن اور خوددار پاکستان کی بنیاد رکھ رہے ہیں۔

آج کا یہ سفر، کل کے روشن پاکستان کا ضامن ہے

#تعلیم #روشن_خیبرپختونخوا #وزیر_اعلیٰ_محمد_سہیل_آفریدی #بہتر_تعلیم #علم_کی_شمع #پاکستان

عوام کا احساس— اب آپ کی آواز، سیدھی حکومت تک

عمران خان کے اسی وژن کو آگے بڑھاتے ہوئے، وزیرِ اعلیٰ خیبر پختونخوا محمد سہیل خان آفریدی نے عوامی شکایات کے فوری ازالے کے لیے جامع کمپلین سیل “عوام کا احساس” کا آغاز کر دیا ہے۔

اب کرپشن ہو یا سرکاری سروسز میں کوئی رکاوٹ، نیچے دیے گئے نمبرز اور سوشل میڈیا ہینڈلز پر اپنی شکایت فوری درج کروائیں:

ٹول فری نمبر: 1800

واٹس ایپ: 0341-9991116

یو اے این (UAN): 111-712-713

ای میل: Ehsaas@cmkp.gov.pk

شعور بھی، اور ترقی بھی!

#AwamKaEhsaas #KPGovernment #PublicServices #KhyberPakhtunkhwa #SohailAfridi

پشاور ری وائٹلائزیشن پلان صرف ایک ترقیاتی منصوبہ نہیں بلکہ چیئرمین عمران خان کے جدید، سرسبز اور عوام دوست پاکستان کے عظیم وژن کی عملی تعبیر ہے۔ ایک ایسا پشاور، جو اپنی تاریخی شناخت برقرار رکھتے ہوئے ترقی، خوبصورتی اور جدید شہری سہولیات کی نئی مثال قائم کرے گا۔

وزیرِ اعلیٰ سہیل آفریدی کی زیرِ قیادت، حکومتِ خیبر پختونخوا کا گلوبل ورچوئل اسکول صوبے کے 500+ اسکولوں کو ڈیجیٹل لیبز اور پوڈکاسٹ اسٹوڈیوز سے جوڑ رہا ہے۔

تعلیم دیں، مستقبل سنواریں۔

#DigitalKP #GlobalVirtualSchool #KPEducation #AIInEducation

مردان، صوابی، کوہاٹ اور پشاور میں غیر معیاری دودھ اور مضرِ صحت اشیاء کے خلاف بڑی کارروائیاں، خیبرپختونخوا فوڈ اتھارٹی

مردان میں رشکئی اور ولی خان انٹرچینج پر ناکہ بندیاں، موبائل فوڈ ٹیسٹنگ لیب کے ذریعے دودھ کے نمونوں کی جانچ، فوڈ اتھارٹی

مردان میں کارروائی کے دوران 10 ہزار لیٹر غیر معیاری و مضرِ صحت دودھ تلف، دودھ بردار ٹینکرز سرکاری تحویل میں، مزید قانونی کارروائی جاری، فوڈ اتھارٹی

کوہاٹ میں انڈس ہائی وے پر چیکنگ، دودھ ڈسٹری بیوشن یونٹس کا بھی معائنہ، فوڈ اتھارٹی

کوہاٹ میں ایک ڈسٹری بیوٹر سے 680 لیٹر مصنوعی و غیر معیاری دودھ برآمد، موقع پر تلف، فوڈ اتھارٹی

صوابی میں کرنل شیر انٹرچینج پر ناکہ بندی، دودھ بردار ٹینکرز سے نمونے حاصل کرکے جانچ

صوابی میں ایک ٹینکر سے 3,400 لیٹر اسکِمڈ دودھ برآمد، تلف، جرمانہ عائد، مزید قانونی کارروائی شروع

پشاور میں کیچپ تیار کرنے والی یونٹس پر چھاپے، ایک یونٹ سے 3 ہزار کلو غیر معیاری کیچپ ضبط، مالک کے خلاف کارروائی کا آغاز

عوام کی صحت سے کھیلنے والوں کے ساتھ کوئی رعایت نہیں برتی جائے گی، ڈاکٹر محمد اسرار خان

غیر معیاری، ملاوٹی اور مضرِ صحت خوراک میں ملوث کاروباروں کو کسی صورت برداشت نہیں کیا جائے گا، ڈاکٹر محمد اسرار خان

خیبر پختونخوا کے وزیر قانون و پارلیمانی امور آفتاب عالم نے اتوار کو کوہاٹ ہائی وے کے مجوزہ ریسکیو 1122 اسٹیشن کیلئے مختص مقام کا دورہ کیا اور حکام کو منصوبے پر جلد اور معیاری انداز میں پیشرفت یقینی بنانے کی ہدایت کی۔ وزیر قانون کے ہمراہ ڈپٹی کمشنر کوہاٹ محمد نواز وزیر اور ریسکیو 1122 کے ضلعی انچارج نورالامین بھی موجود تھے۔ انہوں نے ٹول پلازہ کے قریب مجوزہ مقام کا تفصیلی جائزہ لیا جہاں متعلقہ حکام نے منصوبے کے تکنیکی، انتظامی اور آپریشنل پہلوؤں پر بریفنگ دی۔ دورے کے دوران منصوبے پر عمل درآمد کیلئے درکار انتظامات، مختلف اداروں کے درمیان رابطہ کاری اور تعمیراتی عمل کو تیز کرنے کے اقدامات پر تبادلہ خیال کیا گیا۔ وزیر قانون نے کہا کہ منصوبے کو مقررہ معیار اور طے شدہ مدت کے مطابق مکمل کیا جائے تاکہ کوہاٹ ہائی وے پر سفر کرنے والے شہریوں کو بروقت اور مؤثر ہنگامی امدادی سہولیات میسر آ سکیں۔ مجوزہ ریسکیو 1122 اسٹیشن کے قیام سے کوہاٹ ہائی وے پر ٹریفک حادثات، طبی ایمرجنسی اور دیگر ہنگامی صورتحال میں امدادی کارروائیوں کا رسپانس ٹائم نمایاں طور پر کم ہوگا، جس سے قیمتی جانوں کے تحفظ اور زخمیوں کو بروقت طبی امداد کی فراہمی میں بہتری آئے گی۔ حکام نے بتایا کہ یہ منصوبہ حکومتِ خیبرپختونخوا کی جانب سے صوبے میں ایمرجنسی سروسز کے نیٹ ورک کو مضبوط بنانے اور اہم شاہراہوں پر ریسکیو سہولیات کی دستیابی کو مزید مؤثر بنانے کی کوششوں کا حصہ ہے۔

خیبر پختونخوا کے وزیر مواصلات و تعمیرات شکیل احمد نے میخبند کا دورہ کیا، جہاں انہوں نے مقامی عمائدین، نوجوانوں اور عوامی نمائندوں سے ملاقات کی اور علاقے کو درپیش مسائل کا تفصیلی جائزہ لیا۔ اس موقع پر صوبائی وزیر نے میخ بند میں اسپورٹس گراؤنڈ کی تعمیر کا باقاعدہ اعلان کرتے ہوئے کہا کہ نوجوانوں کو کھیلوں کی معیاری سہولیات فراہم کرنا حکومت کی ترجیحات میں شامل ہے۔
انہوں نے کہا کہ اسپورٹس گراؤنڈ کی تعمیر نوجوانوں کی مثبت سرگرمیوں کے فروغ، صحت مند معاشرے کے قیام اور کھیلوں کے میدان میں نئی صلاحیتوں کو آگے لانے میں اہم کردار ادا کرے گی۔ شکیل احمد نے متعلقہ حکام کو ہدایت کی کہ منصوبے کی تمام تکنیکی و انتظامی کارروائیاں فوری مکمل کی جائیں تاکہ جلد از جلد عملی کام کا آغاز کیا جا سکے۔
دورے کے دوران اسپورٹس سے وابستہ شخصیات، جن میں بہادر شیر، مختیار اور دیگر معززین بھی موجود تھے، نے علاقے میں کھیلوں کے فروغ کے لیے صوبائی حکومت کے اقدامات کو سراہا اور اسپورٹس گراؤنڈ کے اعلان کو خوش آئند قرار دیا۔
صوبائی وزیر نے یقین دہانی کرائی کہ ایک ماہ کے اندر محکمہ مواصلات و تعمیرات اور محکمہ اسپورٹس کے متعلقہ حکام میخبند کا مشترکہ دورہ کریں گے تاکہ اسپورٹس گراؤنڈ کی تعمیر کے لیے تمام ضروری اقدامات کو حتمی شکل دی جا سکے۔
اس موقع پر اہلیانِ علاقہ اور پاکستان تحریک انصاف میخ بند تنظیم کے عہدیداروں نے شکیل احمد کا شکریہ ادا کرتے ہوئے کہا کہ انہوں نے نوجوانوں کے دیرینہ مطالبے کو سنجیدگی سے لیتے ہوئے عملی اقدام کا اعلان کیا، جس سے علاقے میں کھیلوں کی سرگرمیوں کو فروغ ملے گا اور نوجوانوں کو اپنی صلاحیتیں نکھارنے کے بہتر مواقع میسر آئیں گے۔

خیبر پختونخوا کے صوبائی وزیر اطلاعات شفیع جان نے ہفتہ کے روز کوہاٹ میں منعقدہ امن جرگہ میں بطور مہمانِ خصوصی شرکت کی جس میں اہلِ سنت اور اہلِ تشیع کے معزز مشران نے چہلم کے موقع پر امن و امان برقرار رکھنے، مذہبی ہم آہنگی کے فروغ اور انتظامی تعاون کو یقینی بنانے پر اتفاق کیا۔جرگہ میں ضلع کی مجموعی امن و امان کی صورتحال، چہلم کے دوران سیکیورٹی انتظامات، جلوسوں کے روٹس، باہمی رابطوں اور مختلف مکاتبِ فکر کے درمیان ہم آہنگی سے متعلق امور پر تفصیلی تبادلہ خیال کیا گیا۔ شرکاء نے اس امر پر زور دیا کہ مذہبی رواداری اور باہمی احترام ہی پائیدار امن کی بنیاد ہیں۔ وزیر اطلاعات شفیع جان نے اپنے خطاب میں کہا کہ حکومتِ خیبرپختونخوا عوام کے جان و مال کے تحفظ اور مذہبی آزادی کے پرامن ماحول کو یقینی بنانے کیلئے تمام متعلقہ اداروں کے ساتھ مکمل تعاون کر رہی ہے۔ انہوں نے کہا کہ امن کا قیام حکومت اور عوام کی مشترکہ ذمہ داری ہے اور اس مقصد کیلئے علماء، مشران اور سول انتظامیہ کا باہمی رابطہ انتہائی اہمیت کا حامل ہے۔ انہوں نے کہا کہ کوہاٹ ہمیشہ بین المسالک ہم آہنگی کی مثبت روایات کا امین رہا ہے اور حکومت چاہتی ہے کہ انہی روایات کو مزید مضبوط بنایا جائے تاکہ کسی بھی شرپسند عنصر کو امن خراب کرنے کا موقع نہ مل سکے۔ جرگہ میں شریک اہلِ سنت اور اہلِ تشیع کے مشران نے ضلع میں امن، بھائی چارے اور مذہبی ہم آہنگی کو برقرار رکھنے کے عزم کا اعادہ کرتے ہوئے یقین دہانی کرائی کہ چہلم سمیت تمام مذہبی اجتماعات کے دوران مکمل تعاون، تحمل اور ذمہ داری کا مظاہرہ کیا جائے گا۔شرکاء نے اس بات پر بھی اتفاق کیا کہ کسی بھی مسئلے یا اختلاف کی صورت میں باہمی مشاورت اور جرگے کی روایت کے ذریعے معاملات کو خوش اسلوبی سے حل کیا جائے گا تاکہ ضلع میں امن و استحکام کی فضا برقرار رہے اور مذہبی تقریبات پرامن ماحول میں منعقد ہو سکیں۔