خیبر پختونخوا کے وزیر قانون و پارلیمانی امور آفتاب عالم ایڈووکیٹ کی زیر صدارت پلاننگ اینڈ ڈویلپمنٹ ڈیپارٹمنٹ میں کابینہ کمیٹی برائے قانون سازی کا ایک اعلیٰ سطحی اجلاس منعقد ہوا۔ اجلاس میں وزیر بلدیات و دیہی ترقی مینا خان سمیت محکمہ ترقی و منصوبہ بندی کے اعلیٰ حکام نے شرکت کی۔ اجلاس میں ضم شدہ اضلاع کے ملازمین کی خدمات کی ریگولرائزیشن اور پروونشل پلاننگ سروسز (PPS) کیڈر کو شیڈول ون میں شامل کرنے سے متعلق امور پر تفصیلی غور کیا جا سکے۔ اجلاس میں سابقہ فاٹا کے ضم شدہ علاقوں سے تعلق رکھنے والے ان ملازمین کی خدمات کی باقاعدہ حیثیت سے متعلق ورکنگ پیپر زیر بحث آیا جنہیں Khyber Pakhtunkhwa Regularization of Services of Employees of Erstwhile Federally Administered Tribal Areas Act, 2021 کے تحت ریگولرائز کیا گیا ہے۔ ورکنگ پیپر کے مطابق محکمہ پلاننگ اینڈ ڈویلپمنٹ کے 15 پروجیکٹ ملازمین کی خدمات کو باقاعدہ کیا گیا ہے، جن میں 226 ملازمین شامل ہیں، جن میں سے 44 افسران (بی ایس-17 اور اس سے اوپر) کو PPS کیڈر اور 182 ملازمین (بی ایس-16 اور اس سے کم) کو وزارتی عملے کے پول میں شامل کرنے کی سفارش کی گئی ہے۔ اسی اجلاس میں PPS کیڈر کو شیڈول ون میں شامل کرنے اور منسٹریل اسٹاف کی ریگولرائزیشن کے معاملے پر بھی غور کیا گیا۔ متعلقہ محکموں کی منظوری کے بعد کابینہ کمیٹی برائے قانون سازی میں پیش کیا جا رہا ہے تاکہ پشاور ہائی کورٹ کے فیصلے پر عمل درآمد کو یقینی بنایا جا سکے۔ کمیٹی P&D کی جانب سے PPS پندرہ مستقل شدہ پراجیکٹس جن میں ڈائریکٹوریٹ آف پراجیکٹس، ڈائریکٹوریٹ آف مانیٹرنگ اینڈ ایوالوایشن ان فاٹا سیکریٹریٹ، سمیت دیگر پراجیکٹس کے کیڈر کے آسامیوں کو کے شیڈول ون میں شامل کرنے سے متعلق سفارشات کا تفصیلی جائزہ لے کر اپنی حتمی سفارشات مرتب کرے گی، جس کے بعد اسے کابینہ کے آئندہ اجلاس میں منظوری کے لیے پیش کیا جائے گا۔ مذکورہ پیش رفت ضم شدہ اضلاع کے ملازمین کی صوبائی ترقیاتی اداروں میں PPS کیڈر کو مستحکم کرنے کی سمت حکومت خیبر پختونخوا کے ایک اہم اور دوررس اقدام کی عکاسی ہے۔
صوبائی وزیر عاقب اللہ خان نے باضابطہ طور پر محکمہ ریلیف، بحالی و آبادکاری کی وزارت کا چارج سنبھال لیا
خیبرپختونخوا کے وزیر برائے محکمہ ریلیف، بحالی و آبادکاری عاقب اللہ خان نے گزشتہ روز باضابطہ طور پر اپنے عہدے کا چارج سنبھال لیا۔ اس موقع پر سیکرٹری محکمہ ریلیف، بحالی و آبادکاری، ڈائریکٹر جنرل پی ڈی ایم اے، ڈی جی ریسکیو 1122، ڈائریکٹر سول ڈیفنس اور دیگر اعلی حکام موجود تھے۔ صوبائی وزیر عاقب اللہ خان کو محکمہ کے اغراض و مقاصد سمیت اٹھائے جانے والے اقدامات کے بارے میں تفصیلات سے آگاہ کیا۔ صوبائی وزیر عاقب اللہ خان نے مفصل پریزنٹیشن اور تعارفی اجلاس بلانے کے لیے بھی ہدایات جاری کیں۔ ان کا کہنا تھا کہ محکمہ ریلیف بحالی و آبادکاری قدرتی آفات اور ہنگامی صورتحال میں زندگی اور معمولات بحال کرنے میں ایک ناگزیر کردار ادا کرتا ہے۔ انہوں نے کہا کہ عوام کی خدمت اور عوامی مفادات کے لیے درکار محکمانہ اصلات یقینی بنائیں گے۔
وزیر بلدیات مینا خان آفریدی کی ہدایت پر صفائی مہم کے لیے 1414.628 ملین روپے کے فنڈز جاری
خیبرپختونخوا کے عوام کو پاک صاف ماحول فراہمی کی جانب وزیر بلدیات مینا خان آفریدی نے عملی اقدام اٹھاتے ہوئے فنڈز کا اجراء یقینی بنا دیا۔ اس سلسلے میں،محکمہ خزانہ خیبرپختونخوا نے صوبائی کابینہ کے فیصلے کے مطابق صفائی مہم کے لیے1414.628ملین روپے کی خطیر رقم بطور اضافی بجٹ گرانٹ جاری کردئے۔اپنے دفتر سے جاری ایک بیان میں وزیر بلدیات مینا خان آفریدی نے کہا کہ صوبائی کابینہ کے 12 اگست 2025 کے 36ویں اجلاس میں دیے گئے تاریخی فیصلے کے بعد جاری ہونے والے ان فنڈز کا بنیادی مقصد صوبے کے تمام 28 بندوبستی اضلاع کی ویلج کونسلوں میں اکتوبر تا دسمبر 2025 کے دوران جامع صفائی مہم چلانا ہے۔ انہوں نے کہا کہ ہم نے صفائی ستھرائی کے عمل کو ویلج کونسل سطح پر لے آئے ہیں۔ خیبرپختونخوا کے 28 بندوبستی اضلاع کے ویلج کونسلز میں صفائی مہم جاری ہے۔ عوام بھی ویلج کونسلز کی سطح پر صفائی کے عمل میں اپنا حصہ ضرور ڈالیں۔محکمہ خزانہ کی جانب سے جاری کی گئی اعلامیہ کے مطابق، ویلج کونسلوں میں تعینات خاکروبوں کی تنخواہیں اور صفائی کے لیے استعمال ہونے والے لوڈر رکشوں کے ایندھن اور مرمت کے اخراجات مذکورہ جاری شدہ فنڈز سے ادا کئے جائیں گے۔ جس میں صوبائی دارالحکومت پشاور کے لیے 127.113 ملین روپے سب سے زیادہ رقم مختص کی گئی ہے۔ یہ تمام رقم متعلقہ ویلج کونسلوں کے مخصوص بینک اکاؤنٹس میں منتقل کی جائے گی۔ اعلامیے میں مزید ہدایت کی گئی ہے کہ محکمہ خزانہ ہر تین ماہ بعد باقاعدہ طور پر رپورٹ پیش کرنے پر ہی اگلے مرحلے کے فنڈز جاری کرے گا، جس سے شفافیت اور ذمہ داری کو یقینی بنایا جائے گا۔
وزیر آبپاشی خیبرپختونخوا ریاض خان نے کہا ہے کہ صوبے میں بہترین نظام آبپاشی کے قیام کے لیے سنجیدہ اقدامات اٹھائے جائیں گے
وزیر آبپاشی خیبرپختونخوا ریاض خان نے کہا ہے کہ صوبے میں بہترین نظام آبپاشی کے قیام کے لیے سنجیدہ اقدامات اٹھائے جائیں گے آبپاشی کے تمام منصوبوں میں عوام کی بہتری اور ترقی اولین ترجیح ہوگی۔انہوں نے کہا کہ پاکستان تحریک انصاف ترقی، انصاف اور شفافیت پر یقین رکھتی ہے اور قائد عمران خان کے ویژن کے مطابق صوبے میں کرپشن کے خاتمے کے لیے زیرو ٹالیرنس پالیسی پر عملدرآمد کیا جا رہا ہے۔ ان کا کہنا تھا کہ وزیراعلیٰ خیبرپختونخوا محمد سہیل آفریدی عمران خان کے اعتماد سے منصب پر فائز ہیں اور وہ صوبے کی ترقی کے لیے بہترین اقدامات کر رہے ہیں۔ ان خیالات کا اظہار صوبائی وزیر نے ورسک ڈیم کے دورہ کے موقع پر گفتگو کرتے ہوئے کیا۔ اس موقع پر سیکرٹری محکمہ آبپاشی محمد آیاز، چیف انجینئر اور دیگر متعلقہ حکام بھی موجود تھے۔ پراجیکٹ ڈائریکٹر نے صوبائی وزیر کو ”ری ماڈلنگ آف ورسک کینال سسٹم“ منصوبے کے مختلف پہلوؤں پر تفصیلی بریفنگ دی۔ صوبائی وزیر کو بتایا گیا کہ منصوبے پر تقریباً 78 فیصد کام مکمل ہوچکا ہے۔ صوبائی وزیر نے زیر تعمیر تقریباً 5 کلومیٹر طویل آگزیلری ٹنل اور پمپ ہاؤس کا معائنہ کیا، جبکہ انہیں منصوبے کے تعمیراتی کام، ترقیاتی امور، افادیت، لاگت، اخراجات اور درپیش چیلنجز سے آگاہ کیا گیا۔صوبائی وزیر آبپاشی ریاض خان نے کہا کہ ”ری ماڈلنگ آف ورسک کینال“ منصوبے کی تکمیل سے نہ صرف پشاور اور نوشہرہ کی ہزاروں ایکڑ اراضی سیراب ہوگی بلکہ پانی کے بہاؤ میں خاطر خواہ اضافہ ہوگا اور کاشتکاروں کے پانی کی کمی کے مسائل بھی حل ہوں گے۔انہوں نے کہا کہ ڈیموں اور آبپاشی کے منصوبوں کی تعمیر سے نہ صرف پانی کے مسائل حل ہوں گے بلکہ اس سے زراعت، توانائی، سیاحت اور روزگار کے نئے مواقع پیدا ہوں گے جس سے صوبے کی معیشت مضبوط ہوگی۔آخر میں صوبائی وزیر نے متعلقہ حکام کو ہدایت کی کہ تعمیراتی معیار پر کوئی سمجھوتہ نہ کیا جائے اور درپیش مسائل کے حل کے لیے فوری اقدامات اٹھائے جائیں۔ انہوں نے سختی سے تاکید کی کہ عام عوام کو ایریگیشن ڈیپارٹمنٹ کے حوالے سے کوئی شکایت نہیں ہونی چاہیے۔ دورے کے موقع پر صوبائی وزیر ریاض خان نے پودا بھی لگایا۔
کمشنر ہزارہ کی زیر صدارت موسمِ سرما کی تیاریوں سے متعلق اجلاس
کمشنر ہزارہ ڈویژن فیاض علی شاہ کی زیر صدارت موسمِ سرما کی آمد کے پیشِ نظر ونٹر کنٹی جنسی پلان سے متعلق ایک اہم اجلاس کمشنر آفس ایبٹ آباد میں منعقد ہوا۔ اجلاس میں تمام ڈپٹی کمشنرز نے اپنے اضلاع میں ممکنہ برفباری اور بارشوں کے دوران انتظامات اور پلان پیش کیے۔اجلاس سے خطاب کرتے ہوئے کمشنر ہزارہ نے کہا کہ موسمِ سرما کے دوران عوام کی سہولت اور بروقت ریسکیو کارروائیوں کے لیے تمام اضلاع اپنے انتظامات مکمل رکھیں۔ انہوں نے ہدایت کی کہ پلانز میں تمام متعلقہ محکموں کے ساتھ قریبی کوآرڈینیشن یقینی بنائی جائے، حساس علاقوں کی نشاندہی کر کے وہاں مشینری اور دیگر ضروری سہولیات پیشگی مہیا کی جائیں۔کمشنر نے مزید کہا کہ ہر ضلع میں کنٹرول رومز قائم کیے جائیں اور ان کے رابطہ نمبرز تمام متعلقہ محکموں سے شیئر کیے جائیں۔ کنٹرول رومز کو فعال رکھا جائے اور عملے کی موجودگی یقینی بنائی جائے تاکہ کسی بھی ہنگامی صورتحال میں فوری کارروائی ممکن ہو۔انہوں نے ہدایت دی کہ برفباری والے علاقوں میں ریسکیو اور ریلیف سینٹرز ایسے مقامات پر بنائے جائیں جہاں سے کم سے کم وقت میں مدد پہنچائی جا سکے۔کمشنر ہزارہ نے گلیات ڈویلپمنٹ اتھارٹی (GDA) اور کاغان ڈویلپمنٹ اتھارٹی (KDA) کو ہدایت دی کہ وہ روزانہ کی بنیاد پر موسم کی تازہ ترین صورتحال میڈیا اور سوشل میڈیا پر جاری کریں تاکہ سیاح گلیات یا ناران کا رخ کرنے سے پہلے موسم کے بارے میں آگاہی حاصل کر سکیں۔انہوں نے ایبٹ آباد اور مانسہرہ کے ایڈیشنل ڈپٹی کمشنرز کو ہدایت دی کہ برفباری والے علاقوں میں اسپتالوں اور ہیلتھ سینٹرز کا دورہ کریں، ڈاکٹرز، نرسز، پیرا میڈیکل اسٹاف اور ضروری ادویات کی دستیابی یقینی بنائیں۔ اگر کسی جگہ کوئی کمی ہو تو فوری طور پر رپورٹ کی جائے۔کمشنر ہزارہ نے زور دیتے ہوئے کہا کہ کنٹی جنسی پلان پر عملدرآمد ہر حال میں یقینی بنایا جائے تاکہ کسی بھی ہنگامی صورتحال میں عوام کو بروقت ریلیف فراہم کیا جا سکے۔ آخر میں انہوں نے ہدایت دی کہ اگر کسی ضلع کو ریلیف سامان یا مالی معاونت کی ضرورت ہو تو باضابطہ طور پر کمشنر آفس کو آگاہ کیا جائے تاکہ معاملہ صوبائی حکومت کو ارسال کیا جا سکے
صوبائی دارالحکومت پشاور کو نشے کے عادی افراد سے مکمل پاک کرنے کے لیے نشے سے پاک پشاور مہم کا پانچواں مرحلہ جلد شروع کرنے کا فیصلہ۔
صوبائی دارالحکومت پشاور کو نشے کے عادی افراد سے مکمل پاک کرنے کے لیے نشے سے پاک پشاور مہم کا پانچواں مرحلہ جلد شروع کرنے کا فیصلہ کیا گیا ہے اورمحکمہ خزانہ کو نشے سے پاک پشاور مہم کی مختص بقیہ رقم محکمہ سماجی بہبود کو فراہم کرنے کے احکامات جاری کئے ہیں، شہر کو نشے کے عادی افراد سے مکمل پاک کرنے کے لیے محکمہ سماجی بہبود کو میکنزم تیار کرنے کی ہدایات کی گئی ہے۔ اسی طرح پشاور اپ لفٹ پروگرام فیز ٹو کے تحت اہم سرکاری عمارتوں کی تزئین و آرائش اور دیواروں کو خوبصورت بنانے کا فیصلہ بھی کیا گیا ہے، شہر کے بڑے فلائی اوورز پر بھی نقش و نگار کرکے شہر کی خوبصورتی میں اضافہ کیا جائے گا، یونیورسٹی روڈ کے دونوں اطراف بجلی کے تاروں کو پشاور کینٹ کی طرز پر زیر زمین بچھایا جائے گا۔ اس حوالے سے چیف سیکرٹری خیبر پختونخوا سید شہاب علی شاہ کی زیر صدارت منعقدہ اجلاس میں اہم فیصلے کئے گئے۔ اجلاس میں چیف اکانومسٹ، سیکرٹری سوشل ویلفئیر، سیکرٹری خزانہ اور کمشنر پشاور ڈویژن سمیت دیگر اعلیٰ حکام نے شرکت کی۔ اجلاس میں کمشنر پشاور ڈویژن ریاض خان محسود نے چیف سیکرٹری خیبر پختونخوا کو نشے سے پاک پشاور مہم کے چاروں ادوار میں 4700 نشے کے عادی افراد کے کامیاب علاج اور پشاور اپ لفٹ پروگرام فیز ٹو کے تحت مکمل ہونے والے اور جاری منصوبوں، حیات آباد جاگنگ اور سائیکل ٹریک کی تعمیر، تاریخی ایگریکلچر انسٹی ٹیوٹ کی تزئین و آرائش اور تاریخی حیثیت کی بحالی، محکمہ مال کے محافظ خانہ کی تزئین و آرائش، تاریخی قصہ خوانی بازار کی تزئین و آرائش اور تاریخی حیثیت کی بحالی، پشاور زو روڈ کی مرمت اور تزئین و آرائش، یونیورسٹی روڈ، ڈی ٹور روڈ، رنگ روڈ کی خوبصورتی میں اضافے کے لیے شجر کاری اور اہم مقامات،چوراہوں کی خوبصورتی، فیچر وال اور موونمٹ کی تعمیر، جامعہ پشاور کی تزئین و آرائش روڈوں کی تعمیر و مرمت، جدید فرش بندی، پارکنگ سٹینڈ زکی تعمیر، گورنمنٹ حسنین شریف ہائیر سیکنڈری سکول نمبر ون پشاور سٹی کی تزئین و آرائش اور تاریخی حیثیت کی بحالی کے حوالے سے تفصیلی آگاہی دی گئی جس کے تناظر میں اہم فیصلے کیے گئے۔اجلاس سے خطاب کرتے ہوئے چیف سیکرٹر ی خیبر پختونخوا نے صوبائی دارالحکومت پشاور کو نشے کے عادی افراد سے مکمل پاک کرنے کے لیے محکمہ سماجی بہبود کو باقاعدہ میکنزم تیار کرنے اور ترجیحی بنیادوں پر اقدامات کی ہدایات کرتے ہوئے محکمہ خزانہ کو نشے سے پاک پشاور مہم کے پانچویں مرحلے کے لیے فنڈز کی فراہمی کے احکامات جاری کیے۔ انہوں نے پشاور اپ لفٹ پروگرام فیز ٹو کے تحت جاری منصوبوں کے تحت شہر کی اہم تاریخی عمارتوں کی تزئین و آرائش اور تاریخی حیثیت کی بحالی کے بھی احکامات جاری کیے۔ اس سلسلے میں انہوں نے پشاور ڈویلپمنٹ اتھارٹی کو حیات آباد تاتارا پارک کی حالت زار بہتر بنانے کے لیے پشاور اپ لفٹ پروگرام کے پراجیکٹ ڈائریکٹر سے رجوع کرنے کی ہدایات جاری کیں۔ انہوں نے اہم مقامات پر فلائی اوورز پر بھی نقش و نگار کرکے شہر کی خوبصورتی میں اضافے کی تاکید کی۔
اسسٹنٹ کمشنر تخت بھائی عدنان ممتاز خٹک کی سربراہی میںغیر قانونی بل بورڈز اور تجاوزات کے خلاف کریک ڈاؤن
تخت بھائی: ڈپٹی کمشنر مردان واصف رحمان کی خصوصی ہدایت پر اسسٹنٹ کمشنر تخت بھائی عدنان ممتاز خٹک کی قیادت میں تخت بھائی بازار اور گردونواح میں غیر قانونی بل بورڈز اور سائن بورڈز کے خلاف بھرپور کارروائی کی گئی۔ کارروائی کے دوران متعدد غیر قانونی بل بورڈز اور سائن بورڈز کو موقع پر ہٹا دیا گیا جبکہ فٹ پاتھوں، سڑکوں اور عوامی راستوں پر قائم تجاوزات کو بھی مکمل طور پر ختم کر دیا گیا۔اس کارروائی میں تحصیل میونسپل ایڈمنسٹریشن تخت بھائی، پولیس اور دیگر متعلقہ محکموں کے اہلکاروں نے حصہ لیا۔ اسسٹنٹ کمشنر نے موقع پر واضح کیا کہ عوامی سہولت، شہری خوبصورتی اور بازاروں میں ٹریفک کے بہتر بہاؤ کو یقینی بنانے کے لیے تجاوزات کے خلاف آپریشن بلا امتیاز جاری رہے گا۔انہوں نے مزید کہا کہ دکاندار اور تاجر رضاکارانہ طور پر اپنی دکانوں کے سامنے سے تجاوزات ختم کریں، بصورت دیگر ضلعی انتظامیہ کی جانب سے سخت قانونی کارروائی عمل میں لائی جائے گی۔ عوام سے اپیل کی گئی کہ وہ انتظامیہ کے ساتھ تعاون کریں تاکہ تخت بھائی کو صاف، منظم اور بہتر شہر بنایا جا سکے۔ضلعی انتظامیہ مردان کی جانب سے واضح کیا گیا کہ عوامی مفاد میں تجاوزات کے خاتمے کی یہ مہم مستقل بنیادوں پر جاری رہے گی اور کسی بھی قسم کی سیاسی یا ذاتی رعایت نہیں برتی جائے گی
Department’s Dignity Lies in the Hands of Its Officers,It Must Become a Model of Service Delivery and Public Trust,” says Minister Syed Fakhar Jehan
The Khyber Pakhtunkhwa Minister for Excise, Taxation and Narcotics Control, Syed Fakhar Jehan, has directed for adopting zero-tolerance policy against all forms of drugs, and said that a 15-day timeline has been set for officers to ensure effective action against the use and sale of Ice drug.
He said that after the given timeline, any complaint regarding drug availability in any area would lead to strict action against the concerned officers and staff.
The Minister stated that the Excise, Taxation and Narcotics Control Department would be strengthened and rebranded as a professional and credible institution, adding that no negligence or complaint in performance will be tolerated.
He expressed these views during his first departmental briefing after assuming charge of the ministry at the Directorate General of Excise, Taxation and Narcotics Control, Peshawar, on Tuesday.
The meeting was attended by Secretary Khalid Ilyas, Director General Abdul Aleem Khan, Additional Director Generals, Directors, RTOs and ETOs.
During the session, the Minister was given a comprehensive briefing on departmental performance, revenue collection and anti-narcotics operations.
Syed Fakhar Jehan emphasized that the department’s image and dignity rest with its officers, urging them to focus on professionalism, enhance performance and project the department as a brand of trust and service delivery.
He said that the perception about the department must be improved, transforming it into a model institution of efficiency and integrity.
The Minister assured the officers of full government support to help them achieve better results in the field.
Issuing strict directives against the menace of Ice and other narcotics, Syed Fakhar Jehan ordered operations at the neighborhood level, along with actions on production sites and factories, which would be sealed upon identification.
He said the dealers and suppliers of this deadly drug have been given a clear warning: those destroying the lives of the nation’s youth will find no safe place in Khyber Pakhtunkhwa.
The Minister appreciated and commended the team that carried out a successful operation against Ice traffickers on Nowshera Road.
Syed Fakhar Jehan further announced that an Anti-Narcotics Force will be established to ensure a robust mechanism for narcotics control, adding that legal reforms will also be introduced in the provincial assembly to protect enforcement personnel so that they can perform their duties without fear or pressure.
He also revealed plans to launch anti-drug awareness programs in educational institutions and universities across the province, in addition to monthly open kutcheries (public forums) to establish direct contact with citizens and promptly address public concerns.
Syed Fakhar Jehan said that the zero-tolerance policy on drugs is in line with the vision of PTI’s founding chairman Imran Khan and the clear directives of Chief Minister Muhammad Sohail Afridi, under which no compromise will be made on narcotics control.
He affirmed that the government’s “No Drugs” vision will be implemented in letter and spirit, with Excise and Narcotics Control police stations being further strengthened and staff shortages fulfilment.
The Minister also instructed officers to enhance revenue collection performance and expand their efficiency in the fields of taxation and excise operations.
Appealing to youth and students, Syed Fakhar Jehan urged them to report any individuals involved in drug activities, assuring that swift and decisive action would follow.
He concluded that he would personally share his contact number to enable direct reporting of Ice-related complaints, ensuring immediate and effective action against drug networks across the province.
خیبر پختونخوا کے وزیر پبلک ہیلتھ انجینئرنگ فضل شکور خان نے کہا ہے کہ لوگوں کو پینے کے صاف پانی کی فراہمی کے لیے محکمہ کے تمام افسران کو ایک ٹیم کی طرح کام کرنا ہوگا
خیبر پختونخوا کے وزیر پبلک ہیلتھ انجینئرنگ فضل شکور خان نے کہا ہے کہ لوگوں کو پینے کے صاف پانی کی فراہمی کے لیے محکمہ کے تمام افسران کو ایک ٹیم کی طرح کام کرنا ہوگا عوام کو صاف پانی مہیا کرنا ہم سب کی ذمہ داری بنتی ہے انہوں نے کہا کہ محکمے میں بہتر نظام اور اصلاحات لانے کے لیے ہر ممکن قدم اٹھائیں گے۔ صوبائی وزیر نے ان خیالات کا اظہار محکمہ کا چارج سنبھالنے کے بعد محکمے کے بارے میں منعقدہ اجلاس کی صدارت کرتے ہوئے کیا۔ اجلاس میں سیکرٹری پی ایچ ای داود خان، ایڈیشنل سیکرٹری سمیت چیف انجینئرز اور دیگر متعلقہ افسران نے شرکت کی اجلاس میں صوبائی وزیر کو محکمہ کے بارے میں تفصیلی بریفنگ دی گئی۔ بریفنگ میں جاری اور نئی منظور شدہ سکیموں کے بارے میں تفصیل سے بتایا گیا بریفنگ میں محکمہ کی صوبہ میں بندوبستی اور اور ضم اضلاع میں اے ڈی پی، اے آئی پی اور باہر ممالک کے مالی معاونت سے چلنے والے منصوبوں سے بھی صوبائی وزیر کو تفصیلی طور پر آگاہ کیا گیا۔ مزید بتایا گیا کہ خیبر پختونخوا کے بندوبستی اضلاع میں 8 جبکہ ضم اضلاع میں 3 واٹر کوالٹی مانیٹرنگ لیبارٹریاں قائم کی گئی ہیں اس کے ساتھ ساتھ موبائل واٹر کوالٹی یونٹس کی سہولت بھی فراہم کی گئی ہے ان واٹر کوالٹی مانیٹرنگ لیبارٹریوں کا بنیادی مقصد صوبے بھر میں موجود اور نئی تعمیر شدہ پانی کی فراہمی کی سکیموں کے علاوہ عوامی مقامات جیسے سکولوں، کالجوں، مساجد وغیرہ میں عالمی ادارہ صحت (WHO) کے معیار کے مطابق پانی کے معیار کو یقینی بنانا ہے صوبائی وزیر نے اس موقع پر ہدایت جاری کی کہ عوام کے بہتر مفاد میں شروع کئے گئے منصوبوں کو مقررہ وقت میں پایہ تکمیل کو پہنچائیں انہوں نے خبردار کیا کہ محکمہ میں کوئی پوسٹنگ/ ٹرانسفر پالیسی کے خلاف نہیں ہوگی کسی کے ساتھ ناانصافی نہیں ہوگی میرٹ کو پامال نہیں کیا جائیگا۔ انہوں نے یہ بھی ہدایت کی کہ محکمہ کی خالی آسامیوں پر بھرتی کے لئے ان امیدواروں کا جلدازجلد انٹرویو منعقد کیا جائے جنہوں تحریری امتحان پاس کیا ہے اور انٹرویو کے لیے اہل قرار دیا گیا ہے تاکہ ان خالی آسامیوں کو فوری پر کیا جاسکے۔
آر ٹی ایس کمیشن میں پانچ عوامی شکایات کی شنوائی، اسلحہ لائسنس کے اجراء کے لیے ہوم ڈیپارٹمنٹ کو احکامات جاری
رائٹ ٹو پبلک سروسز کمیشن میں پانچ عوامی شکایات کی شنوائی ہوئی۔ کمیشن نے شہریوں کی درخواستوں پر سماعت کی۔ پشاور سے فیصل خان نے فرد کے حصول کے لیے کمیشن کو درخواست دی تھی۔ مسلسل غیر حاضری پر کمیشن نے حلقہ پٹواری کی تنخواہ بند کروائی، حلقہ پٹواری اور شہری کمیشن کے سامنے پیش ہوئے۔ کمیشن نے دونوں کے بیانات ریکارڈ کروانے کے بعد جمعرات کو فیصلہ سنانے کا اعلان کیا۔ چارسدہ سے فضل دین نے زمین کے ریکارڈ کے حصول کے لیے کمیشن سے رجوع کیا ہے۔ شہری نے سنوائی کے دوران بتایا کہ اسے حد براری چاہیے۔ کمیشن نے شہری کو حد براری کے لیے درخواست دینے کی ہدایت کی۔ سہیل وحید نے ایبٹ آباد سے کچرا ہٹانے کے لیے درخواست دی تھی۔ کمیشن نے ٹی ایم او کو شہری کی شکایت دور کرنے کے احکامات دئیے ٹی ایم او نے کمیشن کو بتایا کہ مذکورہ جگہ پرائیویٹ پلاٹ ہے مالک کی مرضی کے بغیر کام نہیں کر سکتے۔ کمیشن نے ٹی ایم او کو شہری سے رابطہ کرنے کے احکامات دئیے اور ساتھ ہی شہریوں کو ہدایت کی کہ کچرا صحیح سرکاری مختص جگہ پر پھینکیں۔ مانسہرہ سے امجد نے ایف آئی آر کے اندراج کے لیے کمیشن کو درخواست دی تھی۔ کمیشن نے کیس عدالت میں زیر التوا ہونے کے باعث خارج کر دیا اور شہری کو ہدایت کی کہ اگر کوئی اور مسئلہ ہو تو کمیشن کو درخواست دے سکتا ہے۔ مختلف اضلاع سے شہریوں کے اسلحہ لائسنس کی درخواستوں پر کمیشن نے ہوم ڈیپارٹمنٹ کو احکامات جاری کیے۔ کمیشن نے سرکاری افسران کو عوام کی ضروریات کو مؤثر طریقے سے پورا کرنے اور خدمات کی فراہمی کے عمل کو بہتر بنانے پر زور دیا اور کہا کہ بنیادی خدمات کا حصول عوام کا حق ہے نا کہ ان پر حکومت کا احسان۔