خیبرپختونخوا میں طلبہ کو اعلیٰ تعلیم اور روزگار کے مواقع فراہم کی جا رہی ہیں۔

خیبرپختونخوا کے نگران وزیر برائے محکمہ خزانہ، ایکسائز ٹیکسیشن اینڈ نارکوٹکس کنٹرول اور محکمہ مال احمد رسول بنگش نے کہا ہے کہ نگراں صوبائی حکومت طلبہ کواعلیٰ تعلیم اور روزگار کے مواقع فراہم کرنے کے لئے آگہی کے ساتھ ساتھ عملی اقدامات بھی اٹھا رہی ہے۔ نوجوانوں کے لئے اعلیٰ تعلیم اور عملی میدان میں اگے بڑھنے کے لئے مختلف قسم کی سکالرشپس سے استفادہ کرنا وقت کی اہم ضرورت ہے۔ ان خیالات کا اظہار انہوں نے پیر کے روز پشاور کے ایک مقامی ہوٹل میں برٹش ہائی کمیشن کے زیر اہتمام چیوننگ سکالرشپ ایلومینائی کی منعقدہ تقریب سے خطاب کرتے ہوئے کیا۔ تقریب میں برٹش ہائی کمیشن پاکستان کے ڈپٹی ہیڈ آف کمیونیکیشن اینڈ پبلک ڈپلومیسی ٹام ہائیڈ، ہیڈ اف چیوننگ سکالرشپ اسلام آباد پاکستان شہلا قیوم، سیکرٹری ہائیر ایجوکیشن ارشد خان، ڈائریکٹر جنرل سپورٹس خالد محمود، حسیب سالارزئی، نثار خان، فضل غفور شاہ ودیگر اعلی حکام نے شرکت کی ہے۔ اس موقع پر نگراں وزیر نے کہا ہے کہ اس تقریب کا مقصد سکالرز، جرنلسٹس، اکیڈیمیہ اور خواہش مند طلبہ میں چیوننگ سکالرشپ پروگرام کو فروغ دینا ہے تاکہ صوبے کے تعلیم یافتہ افراد اس پروگرام سے استفادہ کر سکیں۔ تقریب سے برٹش ہائی کمیشن پاکستان کے ڈپٹی ہیڈ آف کمیونیکیشن اینڈ پبلک ڈپلومیسی ڈیپارٹمنٹ ٹام ہائیڈ نے بھی خطاب کیا اور چیوننگ سکالرشپ پروگرام کی افادیت اور ضرورت پر تفصیلی گفتگو کی ہے۔ بعد ازاں برٹش ہائی کمیشن پاکستان کے ڈپٹی ہیڈ اف کمیونیکیشن اینڈ پبلک ڈپلومیسی ڈیپارٹمنٹ ٹام ہائیڈ کو نگراں وزیر برائے خزانہ اور چیوننگ ایلومینائی خیبرپختونخوا اور خیبرپختونخوا کے عوام کی طرف سے شیلڈ بھی پیش کیا گیا۔