صوبائی وزیر برائے ایکسائز اینڈ ٹیکسیشن خلیق الرحمان کی زیر صدارت، محکمہ ایکسائز بارے تعارفی اجلاس۔

خیبر پختونخوا کے وزیر خلیق الرحمان کو سیکرٹری ایکسائز اور ڈائریکٹر جنرل ایکسائز نے محکمہ ایکسائز کے انتظامی امور، محاصل ریکوری،منشیات روک تھام، غیر قانونی گاڑیوں اور محکمہ میں جاری ریفارمز پر تفصیلی بریفنگ دی، ڈائریکٹر جنرل ایکسائز نے تمام ڈائریکٹرز سے انکے متعلقہ ایکسائز امور پر تفصیلی آگاہی حاصل کی۔ صوبائی وزیر خلیق الرحمان نے اس موقع پر محکمہ کی کارکردگی کو سراہا اور محکمہ کی کارکردگی کو مزید بہتر بنانے کیلئے اصلاحات بارے اور منشیات کی لعنت کو معاشرے سے ختم کرنے کے پرزور عزم کا اظہار کیا، خلیق الرحمان نے مزید کہا کہ مقرہ اہداف پورا کرنے کے ساتھ ساتھ محکمہ ایکسائز سے متعلق عوامی امور کی بہترین سہولیات اولین ترجیح ہے، انہوں نے محکمہ کی کارکردگی کو مزید بہتر بنانے کیلئے محکمہ کو درپیش مسائل اور اصلاحات بارے اپنی سفارشات پیش کرنے کے ہدایات جاری کیں۔