چیف سیکرٹری خیبرپختونخوا ندیم اسلم چوہدری سے منگل کے روز ہوٹل اینڈ ریسٹورنٹ اور بیکرز ایسوسی ایشن کے نمائندہ وفد کی ملاقات ہوئی۔ ملاقات میں متعلقہ انتظامی سیکرٹریز، حلال فوڈ اتھارٹی، خیبر پختونخوا ریو نیو اتھارٹی، ضلعی انتظامیہ کے نمائندوں سمیت دیگر متعلقہ حکام نے شرکت کی جبکہ کمشنرز نے بذریعہ ویڈیو لنک اجلاس میں شرکت کی۔ اجلاس میں ہوٹل اینڈ ریسٹورنٹ اور بیکرز ایسوسی ایشن کے نمائندہ وفد نے چیف سیکرٹری خیبر پختونخوا کو ہوٹلوں اور بیکریوں سے متعلق کو درپیش مسائل سے آگاہ کیا اور مختلف تجاویز بھی پیش کیں۔ اس موقع پر چیف سیکرٹری خیبرپختونخوا ندیم اسلم چوہدری نے ہوٹلوں اور بیکریوں کے مالکان کو درپیش مسائل کو توجہ سے سنتے ہوئے انھیں حل کرنے کے لیے ہر ممکنہ تعاون کا یقین دلایا۔انہوں نے کہاکہ کاروباری طبقے کو کاروبار کیلئے سازگار ماحول کی فراہمی حکومت کی ترجیحات میں شامل ہے اور حکومت مستحکم معیشت کیلئے سازگار کاروباری ماحول فراہم کرنے کیلئے پرعزم ہے کیونکہ ان کاروباروں سے ہزاروں افراد کا روزگار وابستہ ہے۔ چیف سیکرٹری کا کہنا تھا کہ کاروباری حضرات کیلئے آسانیاں پیدا کرنی ہیں اور ا سی طرح ہوٹلوں اوربیکریز کے مالکان اپنے ہوٹلوں اور دیگر عوامی مراکز پر صحت و صفائی اور عوام کے لئے معیاری خوردونوش کی اشیاء کی دستیابی کو یقینی بنائینگے۔ انہوں نے مزید کہا کہ ٹیکسوں کے معاملات پرکاروباری طبقے کے لیے آسانیاں پیدا کرنے اور حکومتی سطح پر شفافیت کا عنصر برقرار رکھنے کے لیے ٹیکنالوجی کا استعمال ناگزیر ہے۔اسی طرح انہوں نے ضلعی انتظامیہ اور متعلقہ محکموں کا تاجران کے ساتھ روابط بڑھانے پر بھی زور دیا۔

خیبر پختونخوا کے وزیر صحت سید قاسم علی شاہ ایم پاکس کیلئے مسافروں کی سکریننگ کا جائزہ لینے باچا خان انٹرنیشنل ائیرپورٹ پہنچ گئے۔ وزیر صحت نے ایم این اے ارباب شیرعلی اور ڈائریکٹر پبلک ہیلتھ ڈاکٹر ارشاد روغانی کے ہمراہ باچا خان انٹرنیشنل ائیرپورٹ کا دورہ کیا۔ انچارج بارڈر ہیلتھ سروسز باچا خان انٹرنیشنل ائیرپورٹ ڈاکٹر فریض الدین نے وزیر صحت کو فلائٹ سے آنے والے مسافروں کی سکریننگ بارے بریفنگ دی۔وزیر صحت نے فلائیٹ سے آنے والے مسافروں کی سکریننگ کا خود معائنہ کیا۔ انہوں نے ہدایت کی وبا کو ریسپانڈ کرنے سے بہترہے ہم احتیاط بھرتیں اور سکریننگ پر زیادہ توجہ دیں۔ ان کے مطابق ایم پاکس کے ممکنہ پھیلاو سے بچنے کیلئے سکریینگ پر زور دے رہے ہیں۔ بارڈر اور ائیرپورٹ سے آنے والے مسافر سکریننگ میں عملے کیساتھ تعاون کریں۔ پختونخوا کوویڈ جیسے دوسرے وبا کا متحمل نہیں ہوسکتا۔ وزیر صحت نے اس موقع پر بتایا کہ ایم ٹی آئیز کو خصوصی ہدایات جاری کی گئی ہیں کہ او پی ڈی کے دوران ایم پاکس کے علامات رکھنے والے مشتبیہ مریضوں کو فوری آئسولیٹ کرکے انہیں آئسولیشن وارڈ ریفر کریں جہاں سے ان کے نمونے پبلک ہیلتھ ریفرنس لیب بھجوائے جائینگے تاکہ اس کا تجزیہ ہوسکے کہ مریض کو ایم پاکس لاحق ہوگیا ہے یا نہیں۔ انہوں نے مزید بتایا کہ اب تک کلیڈون کا کوئی کیس سامنے نہیں جبکہ کلیڈ ٹو اتنا خطرناک اور جان لیوا نہیں۔

خیبرپختونخوا کے وزیر برائے صحت سید قاسم علی شاہ نے پختونخوا میں ڈیڑلاکھ آٹیزم کے شکار بچوں کی ذہنی بحالی کیلئے صوبے میں پاکستان کے پہلیا اٹیزم تھراپیوٹڑک کلینکس قائم کرنے کا فیصلہ کیا ہے۔ تفصیلات کے مطابق ان کلینکس میں آٹیزم کا شکار بچوں کا علاج نو پروفیٹ نو لاس کی بنیاد پر ہوگا، اور یہ کلینکس پشاور، ہری پور، مردان، چارسدہ، مانسہرہ، صوابی، چترال ڈیرہ اسماعیل خان، سوات، دیر میں قائم کئے جائینگے۔ آٹیزم سوسائٹی آف پاکستان کے 2023 کے اعداد و شمار مطابق پختونخوا میں ایک لاکھ پچاس ہزار بچے آٹیزم کا شکار ہیں اور ان بچوں کی ذہنی بحالی کیلئے سرکاری سطح پر کوئی کلینک یا علاج کا انتظام میسر نہیں ہے۔ ان میں سے زیادہ تر بچے دور افتاد علاقوں سے تعلق رکھتے جن کے علاج معالجے اور ذہنی بحالی کے لئے کوئی مرکز موجود نہیں۔ وزیر صحت سید قاسم علی شاہ کے مطابق نارمل زندگی گزارنا ہر بچے کا بنیادی حق ہے اور کسی بھی بچے کو اس کی ذہنی کیفیت یا سماجی پس منظر کی بنیاد پر معاشرے سے علیٰحدہ کرنا پسماندہ ہونے کا ثبوت ہے۔ اگر ان بچوں کی ذہنی بحالی کو مقدم رکھا جائے تو یہ بچے ہماری ترقی میں اہم کردار ادا کرسکتے ہیں۔ اس بابت محکمہ صحت اور آٹیزم اینڈ لرننگ ڈسیبیلیٹیز آرگنائزیشن کے درمیان مفاہمتی یادداشت پر دستخط ہوئے۔ مفاہمتی یادداشت کے تحت آٹیزم کا شکار بچوں کی ذہنی بحالی کیلئے ضلعی ہسپتالوں میں کلینکس قائم کئے جائینگے۔ مفاہمتی یادداشت کے مطابق آئندہ پانچ سالوں کیلئے صوبے کے دس اضلاع میں آٹیزم کلینکس قائم کئے جائینگے۔ محکمہ صحت ضلعی ہسپتالوں میں آٹیزم کلینکس کیلئے جگہ و وسائل فراہم کرے گا،ان کیلینکس میں نفسیاتی ماہرین پر مشتمل عملہ تعینات ہوگا جو کہ آٹزم کے شکار بچوں کی ذہنی بحالی کیلئے خدمات انجام دیگا۔

> وزیراعظم ترقیاتی اخراجات کاٹ کر آئی پی پیز کا پیٹ بھر رہے ہیں مشیر خزانہ خیبرپختونخوا مزمل اسلم کاوزیراعظم کی پریس بریفنگ پر ردعمل

مشیر خزانہ و بین الصوبائی رابطہ خیبرپختونخوا مزمل اسلم نے کہا ہے کہ وزیراعظم کہہ رہے ہیں کہ خیبر پختونخوا کے وزیر بجلی پر سیاست نہ کریں آپ لوگوں نے بجلی پر سیاست نہیں کی تو کیا کام کیا ہے وزیراعظم اور ان کے قائد اپنی ناکامیوں کو چھپانے کے لیے بجلی سیاست کر رہے ہیں۔ ان خیالات کا اظہار مشیر خزانہ خیبرپختونخوا مزمل اسلم نے اپنے دفتر سے جاری ہونے والے ایک ویڈیو بیان میں کیا۔ مزمل اسلم نے کہا کہ 2015 کے بعد لگائے گئے مہنگے بجلی گھر مہنگی بجلی کے سبب ہیں اج کی پریس بریفنگ میں وزیراعظم صاحب نے جھوٹ بولا ہے کہہ رہے ہیں کہ پروٹیکٹڈ اور نان پروٹیکٹڈ دونوں صارفین کو تین مہینے کا ریلیف دیا ہے جبکہ یہ ریلیف صرف پروٹیکٹو صارفین کے لیے تھا۔ مشیر خزانہ خیبرپختونخوا نے کہا ہے کہ 500 یونٹ صارفین کو پہلے 200 یونٹس پر کوئی سبسڈی نہیں دی ہے پہلے 200 یونٹس کی بنیادی قیمت 30 روپے، چارجز سمیت 50 روپے بنتے ہیں اور اس معاملے میں پنجاب کے وزیراعلی اور وزیراعظم غلط بیانی کر رہے ہیں۔ مزمل اسلم نے کہا کہ وزیراعظم کے مطابق لوگ کہہ رہے ہیں کہ شارٹ ٹرم ریلیف ہیں حالانکہ لانگ ٹرم ریلیف ہے وزیراعظم دو ماہ کی ریلیف کو لانگ ٹرم ریلیف کہہ رہے ہیں کیا کوئی عقلمند آدمی دو ماہ کے ریلیف کو لانگ ٹرم ریلیف کہہ سکتا ہے۔ مزمل اسلم نے کہا کہ وزیراعظم کہہ رہے ہیں آئی ایم ایف کے ساتھ سٹاف لیول معاہدہ ہو چکا ہے یہ تو سب کو پتہ ہے مارکیٹ اور عوام پوچھ رہے ہیں آئی ایم ایف بورڈ میٹنگ کیوں نہیں ہو رہی وجوہات کیا ہیں اس بارے میں وزیراعظم نے کوئی وضاحت نہیں دی ہے۔ مشیر خزانہ خیبرپختونخوا نے کہا کہ وزیراعظم کے مطابق ملک کی برآمدات بڑھ رہی ہے جبکہ برآمدات عمران خان 2022 میں 32 ارب ڈالر چھوڑ کے گئے تھے اور پی ڈی ایم حکومت برآمدات کو 25 ارب ڈالر سے نیچے لے گئے ہیں اب دوبارہ 32 ارب ڈالر پر نہیں پہنچے ہیں تو کیسے بڑھ رہی ہے۔ مشیر خزانہ نے کہا کہ وزیراعظم ترقیاتی اخراجات کاٹ کر ائی پی پیز کا پیٹ بھر رہے ہیں خیبرپختونخوا چھ روپے اور سندھ 15 سے 20 روپے بجلی پیدا کر رہا ہے آپ کے لگائے بجلی گھر 75، 60، 55، اور 37 روپے بجلی پیدا کر رہا ہے اپ کا لگایا سولر پلانٹ بھی 36 روپے بجلی پیدا کر رہا ہے۔ اس کے برعکس خیبر پختونخوا اگلے دو ماہ میں 20 ارب روپے کی لاگت سے ایک لاکھ 30 ہزار لوگوں کو سولر فراہم کرے گا اس پیکج میں سولر پینلز، بیٹری، 4 پنکھے، 6 بلب اور تار حکومت فراہم کرے گی۔

وزیر اعلیٰ خیبر پختونخوا کے معاون خصوصی برائے صنعت وحرفت اور فنی تعلیم عبدالکریم تورڈھیر نے منگل کے روز ٹیکنیکل ایجوکیشن اینڈ ووکیشنل ٹریننگ اتھارٹی کے مرکزی دفتر حیات آباد پشاور میں اتھارٹی کی کارکردگی کے حوالے سے جائزہ اجلاس کی صدارت کی۔اجلاس میں سیکریٹری صنعت و منیجنگ ڈائریکٹر ٹیوٹا عامر آفاق کے علاؤہ ادارے کے ڈائریکٹرز اور دیگر افسران نے شرکت کی۔اس موقع پر ٹیوٹا کی مجموعی کارکردگی کا زیر حاصل جائزہ لیا گیا جبکہ مختلف پہلوؤں میں فنی تعلیم کے شعبے کی مجموعی بہتری کیلئے اسکے حکام کو دئے گئے اہداف کو حاصل کرنے کیلئے اب تک کی پیش رفت سے معاون خصوصی کو آگاہ کیا گیا۔اس موقع پر معاون خصوصی نے ہدایت کہ ٹیوٹا اور محکمہ کے حکام اپنی ذمہ داریوں کو مقررہ وقت میں ادا کرکے دیئے گئے ٹائم لائنز میں درکار ضروری امور کو مکمل کریں۔انھوں نے کہا کہ فنی تعلیم کے شعبے کو پائداری کی جانب گامزن کرنا ہے تاکہ یہ شعبہ مالی لحاظ سے مستحکم ہوسکے۔معاون خصوصی نے اس موقع پر ہدایت کی کہ فنی تعلیم کے اداروں میں جدید دور کے تقاضوں کے مطابق ضروری سکلز اور تربیت کی فراہمی یقینی بنائی جائے۔

خیبر پختونخوا کے وزیر برائے ایکسائز اینڈ ٹیکسیشن خلیق الرحمان کی سربراہی میں منگل کے روز جی۔آئی۔ایس سروے رپورٹ پ سے متعلق ایک اہم اجلاس پشاور میں منعقدجس میں سیکرٹری ایکسائز فیاض علی شاہ سمیت دیگر افسران نے شرکت کی۔ اس سروے کا مقصد پشاور ریجن میں تمام کمرشل اور ریزیڈینشل یونٹس کی جی آئی ایس سسٹم کی مدد سے نشاندھی کرنا ہے۔وزیر ایکسائز کی ہدایت پر ایکسائز ڈیپارٹمنٹ خود اس سروے کو مکمل کریگا اور جس سے محکمہ کو 70 کروڑ روپے سے زائد کی بچت ہوگی جس کے لئے پراؤیٹ ایجنسی سے سروے کروانے کی بجائے محکمہ ایکسائز کو اس سروے کے مکمل کرنے کا ٹاسک سونپاگیا ہے جس کے باعث صوبائی حکومت کے پاس عوام کے پیسے کی بچت ہو سکے گی۔ اس سروے کی تکمیل سے نہ صرف ایکسائز محکمے کے ساتھ تمام ریزیڈینشل اور کمرشل یونٹس کا ڈیٹا جمع ہو گا جس سے ریکارڈ کی آن لائن درستگی کا موقع میسر ہوگا بلکہ اسی ڈیٹا کو دوسرے ڈیپارٹمنٹس کے ساتھ بھی بوقت ضرورت شیئر کیا جا سکے گا۔ وزیر ایکسائز کی اس حوالے سے واضح ہدایات ہیں کہ ادارے کی فعالیت کے لیے اس میں تعلیم یافتہ اور ماہر لوگوں کو کام کرنے کا موقع دیا جائے تاکہ ریوینیو کو بڑھانے اور ادارے کے کوآرڈینیشن کے عمل کو مزید بہتر کیا جا سکے۔

خیبر پختونخوا کے وزیر برائے لائیوسٹاک، فشریز اور کوآپریٹیو فضل حکیم خان یوسفزئی نے اتوار کے روز مینگورہ شہر کے مختلف علاقوں کا دورہ کیا اور لوگوں سے ملاقات کی، اس موقع پر لوگوں نے فضل حکیم خان یوسفزئی کو اپنے انفرادی اور اجتماعی مسائل سے بھی آگاہ کیا جنہیں صوبائی وزیر نے انتہائی غور سے سنا اور انکے مناسب حل کی یقین دہانی کرائی جبکہ بعض مسائل کو موقع پر متعلقہ افسران سے رابط کرکے حل بھی کیا اس موقع پر چیئرمین حیدرعلی، چیئرمین ارشد علی، جہانزیب گوگل اور دیگر پی ٹی آئی کارکنان بھی صوبائی وزیر کے ہمراہ تھے، فضل حکیم خان یوسفزئی نے گفتگو کرتے ہوئے کہا کہ وزیراعلیٰ خیبرپختونخوا علی امین گنڈا پور کے وژن کے تحت صوبے کے عوام کی حالت زندگی بہتر بنانے کیلئے کوشاں ہیں وزیر اعلیٰ نے سول انتظامیہ کو اپنی حکومت کا ایجنڈا دے دیا ہے اور اس پر عمل درآمد کے سلسلے اہم ہدایات جاری کیں۔ عوامی ایجنڈے پر عملدرآمد کے لئے تمام انتظامی محکموں اور ضلعی انتظامیہ کو ٹائم لائنز کے ساتھ ذمہ داریاں تفویض کی گئیں یہ اقدام خیبرپختونخوا کے عام لوگوں کی حالت زندگی بہتر بنانے کیلئے اٹھائے گئے ہیں انہوں نے کہا کہ ہماری صوبائی حکومت نے عوام کے بنیادی مسائل کے حل پر توجہ مرکوز کی ہے ہم نعروں پرنہیں عمل پر یقین رکھتے ہیں اللہ تعالیٰ نے خدمت خلق کا جو موقع عطا کیا ہے اسے عبادت سمجھ کر نبھارہے ہیں انہوں نے کہا کہ خیبرپختونخوا کے عوام اور پی ٹی آئی ورکرز انہیں اپنے دل و جان سے بھی زیادہ عزیز ہیں انکی پوری کوشش ہے کہ عوام کی شبانہ روز خدمت میں کوئی کسر نہ چھوڑیں انکے دفتر اور حجرے کے دروازے عوام کیلئے ہمیشہ کھلے ہیں اور وہ کسی ذاتی یا اجتماعی کام کیلئے ان سے بلا ہچکچاہٹ مل سکتے ہیں۔