خیبر پختونخوا کے نگران وزیر برائے انرجی اینڈ پاور اور معدنی ترقی انجینئر احمد جان سے بدھ کے روز انکے دفتر پشاور میں کورین کمپنی ایل ایس جی ہائڈرو پاور لمیٹڈ کے ڈائریکٹر ہیون جون چوئی کی سربراہی میں دو رکنی وفد نے ملاقات کی،ملاقات کے دوران کورین وفد نے نگران وزیر سے باہمی دلچسپی کے امور خصوصی طور پر صوبے کے توانائی سیکٹر میں کوریا کی جانب سے کی جانے والی باہمی تعاون اور پن بجلی کے ترقیاتی منصوبوں کے حوالے سے تبادلہ تبادلہ خیال کیا،کورین وفد نے نگران وزیر کو صوبائی نگران کابینہ میں شامل ہونے پر مبارکباد دی اور انکے لئے نیک خواہشات کا اظہار کیا،اس موقع پر نگران وزیر نے کورین وفد کا شکریہ ادا کرتے ہوئے کہا کہ صوبے کے توانائی سیکٹر میں کورین کمپنیز کا باہمی تعاون اس شعبے کی ترقی کیلئے انتہائی اہمیت کا حامل ہے،انھوں نے کہا کہ ہمارا صوبہ پن بجلی کے شعبے میں ترقی کے حوالے سے بیرونی سرمایہ کاری وسیع امکانات کا حامل ہے اور ہماری کوشش ہوگی کہ ہم اس شعبے کو ترقی دیں،

چوکر کی بڑی کھیپ برآمد، مالک گرفتار، فیکٹری سربمہر کرکے بھاری جرمانہ بھی عائدکیا،کے پی فوڈ اتھارٹی

خیبرپختونخوا فوڈ سیفٹی اینڈ حلال فوڈ اتھارٹی نے صوبے بھر میں ملاوٹ مافیا کیخلاف کریک ڈاؤن جاری رکھتے ہوئے گزشتہ روز پشاور فوڈ سیفٹی ٹیم نے مصالحہ جات کارخانہ پر اچانک چھاپہ مارا اور چھ ہزار کلوگرام چوکر برآمد کرکے سرکاری تحویل میں لی اس سلسلے میں ترجمان فوڈ سیفٹی اتھارٹی کے جاری کردہ بیان کے مطابق گزشتہ روز فوڈ سیفٹی ٹیم ٹاؤن -4 پشاور نے بخشو پْل کے قریب شیرداد گڑھی کے علاقے میں خفیہ اطلاع موصول ہونے پر مصالحہ فیکٹری پر اچانک چھاپا مارا اورکارروائی کے دوران فیکٹری سے 6 ہزار کلو گرام سے زائد چوکر برآمد کر لی گئی۔ چوکر کی بڑی مقدار مختلف مصالحہ جات میں ملاوٹ کے لئے استعمال کی جا رہی تھی۔ ٹیم نے مصالحہ بنانے والی فیکٹری سیل کر کے چوکر سرکاری تحویل میں لے لی جبکہ مالک کے خلاف فوڈ سیفٹی ایکٹ کے تحت مقدمہ درج کر لیا گیا۔مزید تفصیلات کے مطابق فیکٹری مالک کے خلاف کارروائی کرتے ہوئے بھاری جرمانہ عائد کیا گیا اور فیکٹری مالک کو گرفتار کر کے مزید کارروائی کا آغاز بھی کر دیا گیا، مالک نے تفتیش کے دوران بتایا کہ ملاوٹ شدہ مصالحوں کی بڑی کھیپ تیار کر کے شہر کے مختلف حصوں کو سپلائی کی جانی تھی۔اس موقع پر ڈائریکٹر جنرل فوڈ اتھارٹی شاہ رخ علی خان نے ٹیم کی کامیاب کارروائی کو سراہا اور ایسے عناصر کے خلاف کارروائیاں جاری رکھنے کی تلقین کی۔ انکا کہنا تھا کہ ملاوٹ مافیا کی بیخ کنی کے لئے ہر طرح کے وسائل بروئے کار لائے جائیں گے۔

خیبر پختونخوا کے نگران وزیر برائےٹرانسپورٹ انڈسٹریز کامرس و ٹیکنیکل ایجوکیشن انجینئر عامر ندیم درانی سے چیف ایگزیکٹیو آفیسر خیبر پختونخوا اکنامک زون جاوید اقبال خٹک اور کنسلٹنٹ انرجی ندیم انور نے بدھ کے روز انکے دفتر میں ملاقات کی۔ملاقات میں صوبہ میں انڈسٹریز کے صورتحال چیلنجز اور روزگار کے مواقع کے حوالے سے تفصیلی گفتگو کی گئی۔چیف ایگزیکٹیو آفیسر نے نگران وزیر کو مہمند بونیر مار بل سٹی ،حطار انڈسٹریل اسٹیٹ ،رشکئی اکنامک زون،گدون انڈسٹریل سٹیٹ،سوات ماربل انڈسٹری اور دیگر صنعتی سرگرمیوں کے حوالے سے تفصیلی بریفنگ دی۔اس موقع پر گفتگو کرتے ہوئے نگران وزیر نے حکام کو بتایا کہ خیبر پختونخوا سرمایہ کاروں کیلئے ایک پر امن اور تجارتی مرکز ہے جہاں پر وسطی ایشیا ممالک کیساتھ تجارتی سرگرمیوں کو فروغ دیا جا سکتا ہے۔انہوں نے کہا کہ صوبہ کے معدنیات اور قدرتی وسائل کو بروئے کار لاکر نوجوانوں کو روزگار کے مواقع دئے جاسکتے ہیں۔انجینئر عامر ندیم درانی نے مزید کہا کہ مقامی کارخانوں کو علاقائی بجلی اور ٹرانسمیشن لائین کی فراہمی سے یہاں کی کارخانوں کو تقویت ملے گی جس سے مقامی روزگار میں اضافہ کیا جاسکتا ہے۔انکا کہنا تھا کہ مہمند اور بونیر ماربل سٹی کی ترقی اولین ترجیح ہے اور اس سلسلے میں انفراسٹکچر کو بہتر بنانے کی ضرورت ہے۔ نگران وزیر نے مزید کہا کہ عوام کو بہترین سہولیات کی فراہمی کیلئے صوبہ میں انڈسٹری کے فروغ وقت کی اہم ضرورت ہے اور اس سلسلے میں رشکئی اور ہری پور سپیشل اکنامک زون کے قیام سے علاقہ ترقی کی راہ پر گامزن ہوگا ۔اس موقع پر پیڈو کی ڈسٹری بیوشن ٹرانسمیشن اور ٹرانسپورٹ کمپنی بنانے کے حوالے سے بھی مشاورت کی گئی۔

نگران وزیر اعلیٰ خیبر پختونخوا کے معاون خصوصی برائے آبپاشی وہاؤسنگ ظفراللہ خان عمرزئی نے محکمہ آبپاشی کے متعلقہ افسران کو ہدایت کی ہے کہ اپنی زمہ داریوں کو احسن طریقے سے نبھائیں اور بغیر کسی دباؤ کے محکمہ کے کاموں کو جاری رکھے انہوں نے مذید ہدایت کی کہ میرٹ پر خصوصی توجہ دیں اور عوام کے مسائل کو حل کرنے کیلیے اقدامات اٹھائے نگران معاون خصوصی ظفراللہ خان عمرزئی نے یہ ہدایات محکمہ آبپاشی کے کارکردگی کے حوالے سے منعقدہ اجلاس کی صدارت کرتے ہوئے جاری کئے اجلاس میں سیکرٹری آبپاشی مطاہر زیب کے علاوہ سیکرٹری ہاؤسنگ رشید خان، محکمہ آبپاشی کے چیف انجنیئر ساؤتھ، چیف انجنیئر نارتھ، ڈائریکٹر جرنلز، پراجیکٹ ڈائریکٹرز اور دیگر افسران نے شرکت کی سیکرٹری آبپاشی نے نگران معاون خصوصی کو محکمہ کے کارکردگی کے بارے میں تفصیلی بریفنگ دی اجلاس میں جاری اور نئے اے ڈی پی، اے آئی پی اور پی ایس ڈی پی کے سکیموں پر بھی تفصیلی گفتگو ہوئی صوبے میں محکمہ کے کل155 منصوبے ہے جن میں 148 جاری اور 7 نئے سکیم شامل ہے اجلاس میں ایریگیشن کنال سسٹم کے علاوہ مختلف ایکٹس پر بھی سیر حاصل بحث ہوئی اجلاس میں بتایاگیا کہ محکمہ آبپاشی نے صوبے میں 37 چھوٹے ڈیموں کو تعمیر کئے ہیں جبکہ 30 چھوٹے ڈیم زیر تعمیر ہے جن میں 11ساؤتھ ریجن، 9 نارتھ ریجن اور 10 ضم قبائلی علاقوں میں ہے اس موقع پر نگران معاون خصوصی ظفراللہ خان عمرزئی نے ہدایت جاری کی کہ تمام افسران اپنے کاموں دلچسپی لیں اور محکمہ کے امور کو بخوبی انجام دے تمام افسران بغیر کسی دباوٴ اور کسی کے پرواہ کئے بغیر محکمہ کی کاموں کو میرٹ کی بنیاد پر جاری رکھے ۔