خیبر پختونخوا کے وزیر ایکسائز، ٹیکسیشن اینڈ نارکوٹکس کنٹرول خلیق الرحمان کی زیر صدارت محکمہ ایکسائز کے مالی سال 25-2024 کی 12 ماہ ریکوری اور کارکردگی کا جائزہ اجلاس ڈائریکٹریٹ جنرل ایکسائز پشاور میں منعقد ہوا، جس میں خالد الیاس سیکرٹری محکمہ ایکسائز، عبدالحلیم خان ڈائریکٹر جنرل، متعلقہ ڈائریکٹرز اور ضلعی ایکسائز اینڈ ٹیکسیشن افسران نے شرکت کی۔اجلاس میں مالی سال 25-2024 کے 12 ماہ (جولائی تا جون) کے محصولات، ریکوری اور مقررہ اہداف کا تفصیلی جائزہ لیا گیا، اس موقع پر وزیر ایکسائز کو تمام ضلعی ایکسائز دفاتر کے مقررہ اہداف اور محصولات کی وصولیوں کے بارے میں تفصیلی بریفنگ دی گئی اور محکمہ میں جاری مختلف انتظامی اور عوامی سہولیات کی فراہمی کے حوالے سے کی جانے والی اصلاحات سے متعلق پیش رفت سے وزیر ایکسائز کو آگاہ کیا گیا۔اس موقع وزیر ایکسائز نے اچھی کارکردگی کا مظاہرہ کرنے پر محکمہ ایکسائز کے افسران و اہلکاروں کی کارکردگی کو سراہا گیا۔صوبائی وزیر کی سربراہی اور رہنمائی اور محکمے کی پوری ٹیم کی انتھک محنت اور کوششوں سے محکمہ نے پچھلے مالی سال کے مقابلے اس مالی سال 2,325.12 ارب روپے (49.41 فیصد) زیادہ ریکوری کی، محکمہ ایکسائز کا مالی سال 25-2024 کا مقررہ ہدف 5.962 ارب کے مقابلے میں 7.033 ارب ریکوری کی، جو کہ اوریجنل مقررہ ٹارگٹ کا (123.6 فیصد) اور نظر ثانی شدہ ٹارگٹ کا (104.56 فیصد) حاصل کیا ہے، اجلاس میں اس عزم کا اعادہ کیا کہ انشائاللہ آنے والے سالوں میں اس سے زیادہ لگن اور محنت سے ریکوری اور ریونیو میں اضافہ کرکے صوبے کے عوام کی فلاح و بہبود کے لئے کوششیں جاری رکھی جائیں گی۔

وزیر برائے اعلیٰ تعلیم مینا خان آفریدی کی سربراہی میں اعلیٰ تعلیم سے متعلق صوبائی کابینہ کی تشکیل کردہ خصوصی کمیٹی کا پہلا اجلاس منعقد ہوا۔ اجلاس میں وزیر زراعت میجر (ریٹائرڈ) سجاد بارکوال، مشیر برائے صحت احتشام علی اور متعلقہ محکموں کے اعلیٰ افسران نے شرکت کی۔اجلاس کا مقصد خیبر پختونخوا میں اعلیٰ تعلیم کے شعبے میں جاری اصلاحات، بالخصوص یونیورسٹی ایکٹ میں حالیہ ترامیم کا جائزہ لیتے ہوئے اسے دیگر مروجہ قوانین کے ساتھ ہم آہنگ بنانا تھا۔اجلاس میں اس بات پر اتفاق کیا گیا کہ موجودہ یونیورسٹی ایکٹ کو حالیہ ترامیم سمیت دیگر متعلقہ قوانین سے موازنہ کیا جائے گا۔ اس جائزے کی روشنی میں ایسی سفارشات تیار کی جائیں گی جن سے حکومت اور جامعات کے درمیان ورکنگ میکانزم کو مزید مؤثر، مربوط اور شفاف بنایا جا سکے۔مینا خان آفریدی نے اس موقع پر کہا کہ“اعلیٰ تعلیم کے شعبے کو جدید تقاضوں سے ہم آہنگ بنانے کے لیے تمام اسٹیک ہولڈرز کی مشاورت سے مربوط پالیسی تشکیل دی جا رہی ہے، تاکہ جامعات کو خودمختاری کے ساتھ ایک مضبوط قانونی و انتظامی ڈھانچے میں ترقی کا موقع دیا جا سکے۔

وزیراعلیٰ خیبرپختونخوا کے معاون خصوصی برائے مواصلات و تعمیرات محمد سہیل آفریدی نے حیات آباد پشاور میں قائم کیے گئے جدید ذہنی امراض کے ہسپتال فاؤنٹین ہاؤس مینٹل ہسپتال کا دورہ کیا۔ اس موقع پر محکمہ مواصلات و تعمیرات کے انجینئرز اور ہسپتال کا عملہ بھی ان کے ہمراہ موجود تھا۔محمد سہیل آفریدی نے منصوبے کے مختلف شعبہ جات کا معائنہ کیا اور محکمہ سی اینڈ ڈبلیو کی جانب سے کیے گئے کام کا تفصیلی جائزہ لیا۔ انجینئرز نے بریفنگ دیتے ہوئے بتایا کہ منصوبہ تقریباً مکمل ہو چکا ہے اور صرف سیکیورٹی کیمروں کی تنصیب باقی ہے، جو جلد مکمل کر لی جائے گی۔ہسپتال کے عملے نے معاون خصوصی کا شکریہ ادا کیا اور اس اہم منصوبے میں ان کی خصوصی دلچسپی کو سراہا۔اس موقع پر محمد سہیل آفریدی نے کہا کہ ایسے عوامی فلاحی منصوبے پاکستان تحریک انصاف کے سرپرستِ اعلیٰ عمران خان کے وژن اور وزیر اعلیٰ خیبرپختونخوا سردار علی امین گنڈاپور کی ہدایات کے مطابق مکمل کیے جا رہے ہیں۔ انہوں نے کہا کہ موجودہ صوبائی حکومت صوبے میں صحت، تعمیر و ترقی اور فلاحی شعبوں میں انقلابی تبدیلیاں لا رہی ہے تاکہ عوام کو معیاری سہولیات فراہم کی جا سکیں۔

پیپر لیس گورننس کی جانب ایک تاریخی سنگ میل، محکمہ خزانہ کے مشیر مزمل اسلم نے کے پی ڈیجیٹل ورک اسپیس (کے پی-ڈی ڈبلیو ایس) کے ذریعے ای سمری جاری کی اور اس پر دستخط کیے، جس سے محکمہ خزانہ میں اس نظام کا باضابطہ آغاز ہوا۔ یہ سنگ میل صوبائی حکومت کے موثر، شفاف اور جدید حکمرانی کے عزم کی عکاسی کرتا ہے۔مشیر مزمل اسلم نے کہا، ”یہ صرف ایک تکنیکی اپ گریڈ نہیں ہے بلکہ یہ ہمارے کام کرنے کے طریقے میں ایک ثقافتی تبدیلی ہے۔ ”کے پی-ڈی ڈبلیو ایس کو اپنا کر، ہم تاخیر کو کم کر رہے ہیں، اخراجات کو کم کر رہے ہیں، اور احتساب کے لئے ایک نیا معیار قائم کر رہے ہیں۔میں اپنی ٹیم اور تمام سٹیک ہولڈرز کی تعریف کرتا ہوں جنہوں نے اس تبدیلی کو ہموار بنایا۔محکمہ خزانہ کے مکمل طور پر فعال ہونے کے ساتھ، صوبائی حکومت نے دستی عمل کو ختم کرنے کی طرف ایک فیصلہ کن قدم اٹھایا ہے. یکم جولائی 2025 ء سے تمام سمریاں کے پی-ڈی ڈبلیو ایس کے ذریعے روٹ کی جائیں تاکہ تیزی سے منظوریوں، ٹریس ایبل ورک فلوز اور وقت اور وسائل پر نمایاں بچت کو یقینی بنایا جا سکے۔آسانی سے اپنانے کی ضمانت دینے کے لئے، کے پی آر ایم پی ٹیم اور عملدرآمد پارٹنر نے محکموں میں وسیع پیمانے پر تربیتی سیشن منعقد کیے۔فیڈ بیک بہت مثبت رہا ہے، جس میں سرکاری عہدیداروں نے تیزی سے نئے نظام کو اپنا لیا۔ ای سمری ماڈیول کے فعال ہونے کے ساتھ ہی سرکاری کام کاج کو مزید ہموار کرنے کے لئے آر اینڈ آئی ماڈیول کی طرف توجہ مرکوز کردی گئی ہے۔حکومت خیبر پختونخوا نے عالمی بینک کے تعاون سے خیبر پختونخوا ریونیو ریسورس موبلائزیشن پروگرام (کے پی آر ایم پی) پروگرام کے تحت یہ نظام تیار کیا ہے۔یہ پلیٹ فارم صوبائی حکومت کے تمام انتظامی محکموں کی خدمت کرے گا، جس سے ایک مربوط نظام کے ذریعے محفوظ دستاویزات کی ہینڈلنگ، الیکٹرانک منظوری اور بین محکمانہ تعاون کو ممکن بنایا جاسکے گا۔ اس پر عمل درآمد پاکستان میں دیگر جگہوں پر مؤثر طریقے سے کام کرنے والے اسی طرح کے نظاموں کے محتاط مطالعے کے بعد کیا گیا ہے، جس میں خیبر پختونخوا کی مخصوص انتظامی ضروریات کو پورا کرنے کے لئے موافقت کی گئی ہے۔یہ تبدیلی وزیراعلیٰ سردار علی امین خان گنڈاپور، چیف سیکرٹری شہاب علی شاہ اور اہم اسٹیک ہولڈرز جیسے عامر سلطان ترین (سیکرٹری فنانس)، توصیف خالد (پی ڈی کے پی آر ایم پی) اور ورلڈ بینک ٹیم کے غیر متزلزل عزم کا نتیجہ ہے۔وزیراعلیٰ کا وژن:”کے پی-ڈی ڈبلیو ایس ایک نظام سے کہیں زیادہ ہے – یہ بہتر حکمرانی کا وعدہ ہے۔ ڈیجیٹل ہو کر، ہم اس بات کو یقینی بنا رہے ہیں کہ عوامی خدمات موثر، قابل رسائی اور لوگوں کو جوابدہ ہوں۔محکمہ خزانہ کی قیادت کے ساتھ، خیبر پختونخوا نے ای گورننس میں پاکستان کے صف اول کے طور پر اپنی پوزیشن کو مستحکم کیا ہے۔