محکمہ اطلاعات میں افسران و عملے کی جانب سے رحلت پانے والے سپرنٹینڈنٹ نواب علی کے لیے فاتحہ خوانی کا اہتمام کیا گیا

محکمہ اطلاعات و تعلقات عامہ خیبرپختونخوا کے سینئر ملازم اور سپرنٹنڈنٹ کے عہدے پر فائز نواب علی کی رحلت پر ڈائریکٹوریٹ جنرل کے حکام اور عملہ نے پیر کے روز فاتحہ خوانی کا اہتمام کیا. مرحوم نواب علی کی خدمات کو خراج عقیدت پیش کرتے ہوئے ڈائریکٹر انفارمیشن لیاقت امین نے ریمارکس دیئے کہ مرحوم نواب علی نے محکمہ اطلاعات میں تقریباً 41 سال خدمات سر انجام دئیے جو اداراتی یاد داشت کا ایک وسیع وسیلہ تھے. انہوں نے انتہائی خوش اخلاقی اور ذمہ داری کے ساتھ محکمہ اطلاعات میں اپنے فرائض سر انجام دئیے. انہوں نے کہا کہ محکمہ اطلاعات مرحوم نواب علی کی خدمات کو عرصہ دراز تک یاد رکھے گی. محکمہ اطلاعات کے ڈائریکٹر سلیم خان نے اپنے خطاب میں کہا کہ نواب علی کی رحلت پر ان کے خاندان اور اہل خانہ سے دلی تعزیت کا اظہار کرتے ہیں جبکہ غم کی اس گھڑی میں تمام عملہ ان کے ساتھ ہے۔انفارمیشن ویلفیئر ایسوسی ایشن کے صدر محمد سجاد نے تعزیتی اجلاس سے اپنے خطاب میں کہا کہ مرحوم نواب علی نے محکمہ اطلاعات کو سنہ 1983 میں جوائن کیا تھا جنہوں نے مختلف سیکشنز میں دفتری امور کو بہترین انداز میں سرانجام دیا جو محکمہ اطلاعات کا ایک بہترین اثاثہ تھا، جن کی کمی محسوس کی جائے گی۔