جعلی وفاقی حکومت نے پنجاب سمیت پورے ملک کو تباہی کے دہانے پر پہنچادیاہے۔بیرسٹر ڈاکٹر سیف

وزیر اعلیٰ خیبر پختونخوا کے مشیر اطلاعات و تعلقات عامہ۔ بیرسٹر ڈاکٹر سیف نے کہا ہے کہ ٹک ٹاک پر ترقی کی منازل طے کرنے والے لاہور کی قلعی کھل گئی ہے اور لاہور دنیا کے آلودہ ترین شہروں میں ٹاپ پوزیشن پر آگیا جن کی اپنے گھر لاہور کی یہ صورتحال ہے تو باقی صوبے اور ملک کا اللہ ہی حافظ ہے۔ ان خیالات کا اظہار انہوں نے پشاور سے جاری کردہ ایک بیان میں کیا۔ انہوں نے مزید کہا کہ پنجاب اور وفاق کی جعلی حکومتوں کی ترقی صرف اشتہارات کی حد تک محدود ہے درحقیقت جعلی حکومت نے پنجاب سمیت پورے ملک کو تباہی کے دہانے پر پہنچادیاہے جبکہ جعلی راج کماری کی تمام تر توجہ پی ٹی آئی کارکنوں کی پکڑ دھکڑ پر ہے۔ انہوں نے کہا کہ جعلی راج کماری مریم نواز جھوٹ کا سہارا لے کر سیاست کرتی ہیں،پنجاب میں سرکاری ہسپتالوں سمیت تمام ادارے دیوالیہ ہوچکے ہیں جبکہ شریف خاندان کے کاروبار دن دگنی رات چگنی ترقی کررہا ہے اور دوسری جانب ملک کو معاشی بحرانوں نے گھیر لیا ہے۔