بیرسٹر ڈاکٹر سیف کا وفاقی وزیر عطا تارڑ کے بیان پر ردعمل
پشاور: وفاقی وزیر عطا تارڑ تعصب کی عینک اتار کر پنجاب اور خیبر پختونخوا میں تعلیم اور صحت کے شعبوں کا موازنے کے بعد اُنہیں شرمندگی کے سوا کچھ حاصل نہیں ہوگا، تعلیم اور صحت خیبر پختونخوا حکومت کی اولین ترجیحات میں شامل ہیں، عمران خان کے وژن کے مطابق وزیراعلی علی امین گنڈاپور صحت اور تعلیم پر خصوصی توجہ دے رہے ہیں، صحت کارڈ پلس کے تحت صوبے کے 44 لاکھ شہریوں کو مفت طبی سہولیات فراہم کی گئی ہیں، گردے، جگر، بون میرو اور کوکلئیر ٹرانسپلانٹ جیسے مہنگے اور جان لیوا علاج بھی صحت کارڈ میں شامل کیے گئے ہیں، صحت کا بجٹ گزشتہ سال کے مقابلے میں 19 فیصد بڑھاکر 232 سے 276 ارب روپے کر دیا گیا ہے، اسی طرح تعلیم کا بجٹ 11 فیصد بڑھاکر 327 سے 363 ارب روپے کر دیا گیا ہے، گزشتہ سال 16 ہزار اساتذہ بھرتی کیے گئے ہیں، اس سال اسکول سے باہر بچوں کی انرولمنٹ کے لیے 5 ارب روپے کا بجٹ مختص کیا گیا ہے، صوبے کی جامعات کا بجٹ بھی 3 ارب روپے سے بڑھا کر 10 ارب روپے کر دیا گیا ہے, بیرسٹر ڈاکٹرسیف