خیبرپختونخوا کے نگران وزیر اطلاعات، اوقاف، حج، مذہبی اور اقلیتی امور بیرسٹر فیروز جمال شاہ کاکاخیل نے کہا ہے کہ صوبے میں امن کے قیام میں پولیس کا کردار اہم ہے۔ پولیس شہداء ہماری تاریخ کا اہم جزو ہیں اور شہداء کے لواحقین کی دیکھ بھال و فلاح و بہبود حکومت سمیت ہم سب کا فرض ہے۔ بیرسٹر فیروز جمال شاہ کاکاخیل نے ان خیالات کا اظہار یوم شہداء پولیس کے موقع پر پشاور میں منعقدہ تقریب میں شرکت کے بعد میڈیا نمائندوں سے گفتگو کرتے ہوئے کیا۔ اس موقع پر نگران صوبائی وزیر نے شہداء کے بچوں سے خصوصی ملاقات کی اور ان کا حوصلہ بڑھایا۔ بیرسٹر فیروز جمال شاہ کاکاخیل نے کہا کہ ہم اپنے عظیم شہداء کو خراج تحسین اور ان کے لواحقین کے حوصلے کو سلام پیش کرتے ہیں۔ انہوں نے کہا کہ صوبائی حکومت شہداء کے لواحقین اور بچوں کا ہر ممکن خیال رکھ رہی ہے۔ صوبائی حکومت کی جانب سے شہداء کے لیے خصوصی گرانٹ رکھی گئی ہے۔ اسی طرح پولیس کی فلاح و بہبود کے لیے متنوع اقدامات اٹھائے گئے ہیں۔ خیبر پختونخوا حکومت شہداء کے لواحقین کے ساتھ کھڑی ہے اور انہیں کسی صورت اکیلا نہیں چھوڑا جائے گا۔

کمشنر بنوں ڈویژن پرویز ثبت خیل نے بنوں ڈویژن کے عوام سے اپیل کرتے ہوئے کہا ہے کہ ضلعی انتظامیہ کو اطلاع دئیے بغیر سیاسی، سماجی اور عوامی اجتماعات منعقد نہ کئے جائیں۔ تاکہ حالیہ بد قسمت واقعات کے تناظر میں دہشت گردی کی روک تھام کو ممکن بنایا جا سکیں۔انہوں نے کہا کہ تمام سیاسی جماعتوں کے نمائندوں اور عوامی حلقوں کو اس پیغام پر عملدرآمد کرنی چاہیے۔ تاکہ امن و امان کے قیام کو برقرار رکھا جا سکے۔ ان خیالات کا اظہار انہوں نے آج اپنے دفتر میں منعقدہ ایک اعلیٰ سطحی اجلاس میں کیا۔ اس موقع پر ریجنل پولیس افسر قاسم علی خان سمیت ڈپٹی کمشنروں اور قانون نافذ کرنے والے اداروں کے حکام موجود تھے۔
کمشنر بنوں ڈویژن نے آئیندہ عام انتخابات کیلئے جلسے جلوسوں کی انعقاد کیلئے بنائی گئی پالیسی کا ذکر کرتے ہوئے کہا کہ سیاسی جلسوں کیلئے سیاسی قائدین اور ضلعی انتظامیہ کے باہم صلاح مشوروں کیلئیرابطے میں رہ کر جلسہ گاہوں کی جگہ کا تعین مشترکہ صلاح و مشورے کے ساتھ ہوگی۔اور کسی بھی عوامی جلسہ کو روڈ، ہائی وے اور اہم شاہراہوں، کالج و یونیورسٹیوں اور بازاروں سے دور رکھا جائے گا۔ جس کیلئے سیاسی قائدین کوتحصیل لیول پر جلسہ گاہ کی انتخاب کیلئے متعلقہ اسسٹنٹ کمشنر، ڈی ایس پی سے اجازت لازمی ہوگی۔ جبکہ جلسہ گاہ کے داخلہ اور باہر جانے کیلئے مہمانان خصوصی اور عام عوام کیلئے الگ الگ راستوں کا بندوبست، جلسہ گاہ میں سٹیج اور عوام کے درمیان مناسب فاصلہ برقرار رکھنا لازمی ہوگا۔

مشیر خزانہ برہم نے خیبر پختونخوا آئیل اینڈ گیس کمپنی لمیٹڈ (کے پی او جی سی ایل) کی دو سالہ کارکردگی پر سیکرٹری انرجی اینڈ پاور، ذوالفقار علی شاہ سے رپورٹ طلب کی ہے۔ مشیر خزانہ نے ان سے پوچھا کہ کمپنی نے دو سال میں کیا کام کیا ہے اور اس کی کارکردگی کا جائزہ لیا۔ مشیر خزانہ نے بتایا کہ قومی سطح پر کام کرنے والی آئل اینڈ گیس ڈویلپمنٹ کمپنی کے ملازمین کی تعداد 65 ہے، جبکہ کے پی او جی سی ایل میں اس کے دو گنا ملازمین ہیں لیکن کارکردگی کم ہے۔ مشیر خزانہ نے کہا کہ اس کا پیسہ پختونخوا کے عوام کے ٹیکس کا ہے، اور ایک کنویں کی کھدائی پر تیس ملین ڈالر سے زیادہ خرچ کرنا صوبے کی استظاعت سے باہر ہے اور نہ ہی یہ کے پی او جی سی ایل کا کام ہے۔ مشیر خزانہ نے کہا کہ پہلے سے انوسٹمنٹ کمپنیاں کام کر رہی ہیں، تو کیا ان کی کارکردگی کے پی او جی سی ایل کی کارکردگی سے بہتر ہوگی؟ انہوں نے یہ سوال سی ای او سے پوچھا۔

خیبر پختونخوا کے نگران وزیر برائے کھیل، امور نوجوانان، صنعت و تجارت، مطیع اللہ مروت نے پشاور میں خیبر پختونخوا اقتصادی زونز کی ترقی اور انتظام کمپنی (کے پی ای زیڈ ڈی ایم سی) کے اجلاس کی صدارت کی اور صنعتوں کی سہولت کے حوالے سے کمپنی کی تمام سرگرمیوں کا جائزہ لیا۔ انہوں نے صوبے میں اور اس حوالے سے مستقبل کے منصوبوں پر بھی بات کی۔ اجلاس میں صنعت و تجارت و فنی تعلیم کے سیکرٹری مطیع اللہ، کے پی ای زیڈ ڈی ایم سی کے چیف ایگزیکٹو آفیسر جاوید اقبال خٹک اور دیگر متعلقہ افسران بھی شریک تھے۔ اس موقع پر کے پی ای زیڈ ڈی ایم سی کے سی ای او نے وزیر کو کمپنی کی آپریشنل سرگرمیوں کے بارے میں بریفنگ دی اور صوبے بھر میں مختلف اقتصادی زونز میں صنعتوں کی سہولت کے لیے کمپنی کی سرگرمیوں کے بارے میں تفصیلی پریزنٹیشن سے آگاہ کیا۔ انہوں نے صوبے میں مختلف صنعتی شعبوں میں سرمایہ کاری کے لیے ملکی اور غیر ملکی سرمایہ کاروں کو راغب کرنے کے لیے مستقبل کی حکمت عملی پر بھی بات چیت کی۔ ملاقات کے دوران نگران وزیر نے کہا کہ صنعت کاری کی ترقی کے لیے صوبے میں سازگار ماحول کی ضرورت ہے جبکہ کے پی ای زیڈ ڈی ایم سی صنعتوں کی سہولت کے ذریعے معاشی استحکام میں اہم کردار ادا کر رہی ہے۔ انہوں نے مزید کہا کہ صوبہ غیر ملکی اور مقامی سرمایہ کاروں کے لئے مرغوب ہے اور یہاں کی صنعت اور سرمایہ کاری کو فروغ دینے کے لیے کوششوں کی جائیں گی کیونکہ یہ ہماری معاشی ترقی کا بڑا ذریعہ بن سکتا ہے۔

خیبرپختونخوا کے نگران وزیر برائے اطلاعات، اوقاف، حج، مذہبی اور اقلیتی امور بیرسٹر فیروز جمال شاہ کاکاخیل نے باجوڑ دھماکے کے زخمیوں کی عیادت کی اور خبردار کیا کہ عوام کے جان و مال کی حفاظت حکومت کی اولین ترجیح ہے۔ انہوں نے کہا کہ دہشتگردی کے خاتمے کے لیے کوششیں جاری ہیں اور پولیس کی استعداد میں اضافہ کیا جا رہا ہے۔ باجوڑ دھماکے کی تفتیش کے تفصیلات جلد سامنے آئیں گی۔ دھماکے میں کل 44 شہادتیں ہوئیں، اور تقریباً 200 شہری زخمی ہوئے، جن میں سے تقریباً 100 کو ہسپتالوں میں داخل کیا گیا ہے۔ شدید زخمیوں کو ہیلی کاپٹرز کے ذریعے سی ایم ایچ لایا گیا۔ حالات تشویشناک زخمیوں کی تفصیلات بھی دی گئیں۔ آئندہ ایک دو روز میں واقعہ کی تفتیش کے تفصیلات سامنے آئیں گی۔ نگران وزیر نے اطلاع دی کہ سات نئے پولیس اسٹیشنز سمیت آٹھ ہزار کے قریب پولیس جوانوں کو جدید تربیت دی گئی ہے۔ انہوں نے افسوسناک واقعہ کی مذمت کی اور غمزدہ خاندانوں سے ہمدردی کا اظہار کیا۔

نگران وزیراعلی خیبرپختونخوا کے معاون خصوصی برائے ریونیو پیر ہارون شاہ نے پیر کے روز سانحہ باجوڑ کے زخمی افراد کی عیادت کے لیے لیڈی ریڈنگ ہسپتال کا خصوصی دورہ کیا وہاں زیر علاج زخمیوں کی عیادت کی اور ان کو دی جانے والی طبی سہولیات کا جائزہ لیا. معاون خصوصی نے ہسپتال انتظامیہ کو زخمیوں کی بہترین علاج معالجے کی فراہمی کے لیے ہدایات بھی جاری کیں. زخمی افراد سے دوران مصافحہ معاون خصوصی برائے ریونیو پیر ہارون شاہ نے کہا کہ سانحہ باجوڑ بربریت کی انتہا ہے جس کی جتنی مذمت کی جائے کم ہے. انہوں نے کہا کہ وزیراعلی خیبرپختونخوا نے سانحے کا سخت نوٹس لیا ہے تاکہ شرپسند عناصر کو کیفرِ کردار تک پہنچایا جائے. انہوں نے کہا کہ سانحہ باجوڑ پر پوری قوم افسردہ ہے. عوام اور حکومت مل کر شرپسند عناصر سے نمٹیں گے تاکہ کسی کو بھی امن سبوتاژ کرنے کا موقع نہ ملے. زخمی افراد کو تسلی دیتے ہوئے معاون خصوصی پیر ہارون شاہ نے کہا کہ حکومت شہداء اور زخمی افراد کے اہلخانہ کے ساتھ کھڑی ہے. کسی کو تنہا نہیں چھوڑیں گے.