وزیر اعلی خیبر پختونخوا کے مشیر اطلاعات وتعلقات عامہ بیرسٹر ڈاکٹر سیف نے کہا ہے کہ خیبر پختونخوا پولیس دہشت گردوں کا بہادری سے مقابلہ کر رہی ہے گزشتہ تین دنوں میں پولیس نے دہشت گردوں کے متعدد حملے ناکام بنا دیے، بنوں اور لکی مروت میں عوام نے پولیس کے شانہ بشانہ دہشت گرد حملوں کو پسپا کیا، خیبر پختونخوا حکومت بہادر پولیس اور غیور عوام کو خراجِ تحسین پیش کرتی ہے، عوام اور پولیس دہشت گردی کے خلاف جنگ میں یکجاہیں۔ بیرسٹر ڈاکٹر سیف نے کہا کہ عوام کے تعاون کے بغیر شرپسند عناصر کا خاتمہ ممکن نہیں، جعلی وفاقی حکومت دہشت گردی کے خلاف جنگ میں تعاون کی بجائے سیاسی بیان بازی سے گریز کرے، دہشت گردی صوبائی نہیں بلکہ قومی مسئلہ ہے، انہوں نے کہا کہ وفاقی حکومت دہشت گردی کے خلاف خاموش تماشائی بنی ہوئی ہے، جعلی وفاقی حکومت نے دہشت گردی کے خلاف جنگ میں مدد کے بجائے صوبے کے فنڈز روک رکھے ہیں، صوبے کو معاشی طور پر کمزور کرنا درحقیقت دہشت گردی کو فروغ دینے کے مترادف ہے۔ بیرسٹر ڈاکٹر سیف کا کہنا تھا کہ فاٹا انضمام کے بعد خیبر پختونخوا کی آبادی میں اضافہ ہوا، لیکن این ایف سی ایوارڈ میں اس کے مطابق حصہ نہیں دیا جا رہا، اے آئی پی پروگرام کے تحت وفاق کے ذمے 700 ارب روپے واجب الادا ہیں، لیکن اب تک صرف 132 ارب روپے جاری کیے گئے اسی طرح نیٹ ہائیڈل کے 2 ہزار ارب روپے کے بقایا جات بھی صوبے کو ادا نہیں کیے جا رہے،

صوبائی وزیر لائیوسٹاک، فشریز و کوآپریٹیو فضل حکیم خان نے مینگورہ شہر کا دورہ کیا جہاں پر انہوں نے لوگوں سے ملاقات کی، اس موقع پر لوگوں نے صوبائی وزیر فضل حکیم خان کو اپنے مسائل سے بھی آگاہ کیا صوبائی وزیر نے بعض مسائل موقع پر حل کرنے کے احکامات جاری کئے جبکہ بعض مسائل کے حل کیلئے متعلقہ حکام کو ہدایات جاری کیں صوبائی وزیر فضل حکیم خان نے گفتگو کرتے ہوئے کہا کہ خیبرپختونخوا کی حکومت عوامی حکومت ہے ہمارے دفتر اور حجرے کے دروازے عوام الناس کیلئے ہمیشہ کے لئے کھلے ہیں اور وہ اپنے مسائل کے سلسلے میں بلا جھجھک کسی بھی وقت آسکتے ہیں انہوں نے کہا کہ پاکستانی عوام کا پاکستان تحریک انصاف پر جس قدر اعتماد ہے،ہماری کوشش ہیں کہ ہم عوام کی امنگوں پر پورا اتریں اور ترقی و خوشحالی کا سفر جاری رکھیں انہوں نے کہا کہ خیبر پختونخوا کی حکومت نے عوام کے مسائل اُن کی دہلیز پر حل کرنے کا عزم کر رکھا ہے ہم عوام کو ایک ایسا نظام ڈیلیور کر رہے ہیں جس میں وہ حقیقی معنوں میں تبدیلی محسوس کریں گے ہماری حکومت نے روایتی خود غرضی کی سیاست کو دفن کردیا ہے انہوں نے کہا کہ ہم عوام کی ہر مشکل کو حل کرنے کیلئے اپنی بھرپور جدوجہد کررہے ہیں اور عوام کی خدمت میں کوئی کسر نہیں چھوڑینگے۔

وزیر اعلی خیبر پختونخوا کے مشیر اطلاعات و تعلقات عامہ بیرسٹر ڈاکٹر سیف نے بلاول زرداری کے بیان پر اپنے ردعمل کا اظہار کرتے ہوئے کہا ہے کہ بلاول زرداری پہلے اپنا قبلہ درست کرلیں پھر دوسروں پر تنقید کریں۔ بلوچستان میں پیپلز پارٹی کی حکومت ہے، جہاں کل ایک پوری ٹرین کو دہشت گردوں نے یرغمال بنا لیا۔کیا بلوچستان کے حالات کی ذمہ داری بھی علی امین گنڈا پور پر ڈالیں گے؟۔اس وقت سندھ کو کچے کے ڈاکوؤں نے یرغمال بنایا ہوا ہے، سندھ کے حکمران خود کچے کے ڈاکوؤں کو اسلحہ فراہم کرتے ہوئے پکڑے گئے ہیں۔دوسری جانب کراچی میں رہزنی اور ڈکیتی روز کا معمول بن چکی ہے۔انہوں نے کہا کہ دہشت گردی ایک صوبے کا نہیں بلکہ قومی مسئلہ ہے، مگر وفاق اس حوالے سے کچھ نہیں کر رہا، بلاول بھٹو وزیر خارجہ رہے ہیں انہوں نے پوری دنیا کا دورہ کیا، مگر افغانستان جانا گوارا نہیں کیا، دہشت گردی کا براہ راست تعلق افغانستان سے ہے۔بیرسٹر ڈاکٹر سیف نے مزید کہا کہ این ایف سی ایوارڈ میں ضم شدہ اضلاع کا پورا حصہ نہیں دیا جا رہا جس کے باعث وہاں کے عوام کی مشکلات بڑھ رہی ہیں۔ بیرسٹر ڈاکٹرسیف نے کہا کہ بلاول زرداری کا جماعت وفاقی حکومت کا حصہ ہے مگر وفاقی حکومت نے خیبرپختونخوا کے ساتھ سوتیلی ماں جیسا سلوک روا رکھا ہوا ہے۔ انہوں نے کہا کہ وفاق نہ دہشت گردی کی مد میں خیبر پختونخوا کی مدد کررہا ہے اور نہ خیبر پختون خوا کے بقایا جات ادا کررہے ہیں۔ وفاق اگر واقعی دہشت گردی کا خاتمہ چاہتی ہے تو اس حوالے سے سنجیدہ اٹھائیں اور دہشت گردی کے خاتمے میں خیبر پختوننخوا حکومت کا ساتھ دیں۔

خیبر پختونخوا کے وزیر قانون آفتاب عالم ایڈوکیٹ کی صدارت میں بدھ کے روز پشاور میں موٹر وہیکل رولز 1969 کے رول بی 57 کے نفاذ کے حوالے سے صوبائی کابینہ کی قائمہ کمیٹی کا اجلاس منعقد ہوا۔ اجلاس میں وزیراعلیٰ خیبر پختونخوا کے معاون خصوصی برائے ٹرانسپورٹ رنگیز احمد، وزیراعلیٰ خیبر پختونخوا کے معاون خصوصی برائے صنعت عبد الکریم تورڈھیر، سیکرٹری ٹرانسپورٹ مسعود یونس اور دیگر متعلقہ افسران نے شرکت کی۔اجلاس کے دوران محکمہ ٹرانسپورٹ کے افسران نے شرکاء کو موٹر وہیکل رولز 1969 کے رول بی 57 کے حوالے سے تفصیلی بریفنگ دی۔ انہوں نے وضاحت کی کہ ملک اقتصادی طور پر کمزور ہے اور بہت سی گاڑیاں طویل عرصے سے استعمال ہورہی ہیں۔ ان گاڑیوں کی بندش کے نتیجے میں ڈیپارٹمنٹ کو نمایاں ریونیو کے نقصانات ہو رہے ہیں۔کمیٹی کے اراکین نے موٹر وہیکل رولز 1969 کے حوالے سے اپنی تجاویز اور آراء پیش کیں۔ وزیر قانون آفتاب عالم نے اس موقع پر کہا کہ پنجاب حکومت کے ماڈل کی پیروی کرتے ہوئے پرانی گاڑیوں کی فٹنس اور ایمیشن ٹیسٹنگ ہونی چاہیے تاکہ تمام گاڑیاں ماحول دوست بن سکیں اور سڑکوں پر ہونے والے حادثات میں کمی ہو سکے۔ انہوں نے مزید کہا کہ 10 سال پرانی گاڑیوں کے لییموٹر وہیکل رولز سے استشنا کرکیچھ ماہ کی رعایت دینی چاہیے۔ اسی طرح ایک اور اجلاس میں رائٹ ٹو پبلک سروس (RTS) بل کی ترامیم پر تفصیلی غور کیا گیا جس کی صدارت بھی وزیر قانون آفتاب عالم ایڈوکیٹ نے کی جس میں ایڈوکیٹ جنرل خیبر پختونخوا شاہ فیصل عثمان خیل اور دیگر افسران بھی موجود تھے۔ اجلاس کے دوران تمام متطعلقہ افسران نے رائٹ ٹو پبلک سروس بل کے حوالے سے اپنی تجاویز پیش کیں۔ وزیر قانون آفتاب عالم نے اس موقع پر ہدایات جاری کیں کہ یہ ترامیم تمام اداروں میں شفافیت عوامی خدمات کی ای گورننس اور ڈیجیٹائزیشن کو فروغ دینے کے لیے ایک بہت بلند ہدف اور رہنمائی فراہم کریں گی انہوں نے مزید کہا کہ قانونی فریم ورک کو اور بھی مستحکم بنانے کے لیے موثر اقدامات کیے جائیں گے۔