وزیر صحت سید قاسم علی شاہ نے پختونخوا میں پانچویں ایم پاکس کیس کی تصدیق کے حوالے سے جاری اپنے ویڈیو پیغام میں سوال اُٹھایا ہے کہ افسوس ہے کہ ملک کے سب سے بڑے اسلام آباد انٹرنیشنل ائیرپورٹ پر ایم پاکس کا مریض بغیر سکریننگ کے کیسے نکلا۔کتنے ایسے مریض روزانہ اسلام آباد ائیر پورٹ سے نکل کر ملک کے مختلف علاقوں میں جاتے ہونگے۔ اتنی بڑی وبا سے نمٹنے میں وفاق ایسی غفلت کیسے کرسکتا ہے۔ پختونخوا میں مربوط سرویلنس اور سکریننگ کی وجہ سے کوئی بھی ایم پاکس کیس بچ نہیں پایا۔ اسلام آباد سے نکلے مریض میں اگلے دن ہی ہم نے تشخیص کی۔ وفاق ذمہ داری کا مظاہرہ کرتے ہوئے اپنے سکریننگ نظام کو فعال کرے۔ سید قاسم علی شاہ نے اپنے ویڈیو پیغام میں بتایا کہ پختونخوا کے انٹری پوائنٹس پر اب تک 66 ہزار سے زائد افراد کی سکریننگ ہوچکی ہے۔ اب تک 17 مشتبیہ ایم پاکس مریضوں کی سکریننگ میں پانچ کیسز کنفرم ہوئے ہیں۔ آج پختونخوا میں ایم پاکس کا پانچواں کیس رپورٹ اور تصدیق ہوا ہے۔مریض کی تفصیلات بتاتے ہوئے وزیر صحت نے بتایا کہ 33 سالہ مریض خلیجی ملک سے 7 ستمبر کو اسلام آباد ائیرپورٹ کے ذریعے سفر کرکے پاکستان آیا۔ مریض سفر کرکے پشاور آیا اور نجی کلینک سے مریض کو خیبرٹیچنگ ہسپتال ریفر کیا گیا جہاں ہسپتال کے طبی عملے نے مریض کے نمونے لیکر پبلک ہیلتھ ریفرنس لیب بھیجے۔ پبلک ہیلتھ ریفرنس لیب نے مریض میں ایم پاکس وائرس کی تصدیق آج کردی ہے۔ مریض کو دیر لوئر میں اس کے گھر پر قرنطینہ کرلیا گیا ہے۔ مریض سعودی عرب سے آنے کے بعد کسی بھی رشتہ دار سے نہیں ملا۔ مریض کا پاکستان آتے وقت فلائٹ کے مسافروں کے علاوہ کسی اور سیرابطہ نہیں ہوا۔لوئیر دیر کے ڈی ایچ او سربراہی میں مریض کی سرویلنس کی جارہی ہے۔ مریض کی علامات میں بہتری آرہی ہے۔ گھروالوں کو انفیکشن کے پھیلاو سے متعلق آگاہی مہیا کردی گئی ہے۔

خیبر پختونخوا کے وزیر تعلیم فیصل خان ترکئی نے کہا ہے کہ ہیومن کیپیٹل انویسٹمنٹ پراجیکٹ کے تحت مختلف مرحلوں میں منتخب اضلاع میں 872 اضافی کلاس رومز تعمیر کئے جا رہے ہیں۔ جن میں فیزون کے 122 اور 230 کلاس رومز پر تعمیراتی کام جاری ہے۔ اسی طرح پرائمری سے مڈل لیول تک 120 سکولوں اور مڈل سے ہائی لیول تک 42 سکولوں کو بھی اپگریڈ کر دیا جائے گا انہوں نے کہا کہ پراجیکٹ کے تحت منتخب اضلاع کے اسکولوں کی اپگریڈیشن اور اضافی کلاس رومز کی تعمیر کی مد میں اخراجات کے علاوہ مکمل اور عارضی طور پر تباہ شدہ سکولوں کی دوبارہ فعالی بھی پروگرام کا حصہ ہے۔ ان خیالات کا اظہار انہوں نے ہیومن کیپیٹل انویسٹمنٹ پراجیکٹ جائزہ اجلاس کی اجلاس کی صدارت کرتے ہوئے کیا۔ اجلاس میں سپیشل سیکرٹری ایجوکیشن اسفندیار خٹک اور ہیومن کیپیٹل انویسٹمنٹ پراجیکٹ کے پراجیکٹ ڈائریکٹر بشمول دیگر اعلیٰ حکام نے شرکت کی۔ وزیر تعلیم کا مزید کہنا تھا کہ 1100 اسکولوں میں پراجیکٹ کے تحت اسکول بکس کٹ تقسیم کئے گئے ہیں۔ ڈی پی ڈی، آر پی ڈی سیز اور ڈسٹرکٹ ایجوکیشن آفسز کی سولرائزیشن بھی پراجیکٹ کے تحت مکمل کی جائے گی۔ اسی طرح ان میں نیا فرنیچر بھی فراہم کیا جائے گا۔ انہوں نے کہا کہ پراجیکٹ کے تحت 387 گرلز کمیونٹی سکول قائم کئیگئے ہیں جن میں کل 25214 بچے زیر تعلیم ہیں ان میں 12590 طالبات اور 9351 طلباء شامل ہیں جبکہ ان سکولوں کے لیے 499 اساتذہ کی خدمات بھی حاصل کر لی گئی ہیں۔ اسی طرح پراجیکٹ کے تحت کل 327 اے ایل پی سینٹرز بھی قائم کئے گئے ہیں جن میں 9727 طلبہ و طالبات زیر تعلیم ہیں اور کل 150 ڈبل شفٹ سکولز بھی پراجیکٹ کے تحت قائم کی گئی ہیں۔وزیر تعلیم کو بریفنگ دیتے ہوئے بتایا گیا کہ پراجیکٹ کے تحت سکول لیڈرز کی تربیت کا عمل بھی جاری ہے۔ انڈکشن پروگرام کے تحت اساتذہ کی تربیت اور سی پی ڈی ٹریننگ پروگرام بھی جاری ہے۔ وزیر تعلیم فیصل خان ترکئی نے حکام کو ہدایت جاری کی کہ ماہانہ بنیادوں پر جائزہ اجلاس ہوگا اور پراگرس ٹائم لائن کے مطابق ہونا چاہئے۔ انہوں نے کہا کہ پراجیکٹ ہر صورت مقررہ ٹائم لائن کے مطابق مکمل ہو اور جاری کام بروقت مکمل کیا جائے تاکہ طلبہ و طالبات تک ان کے ثمرات بروقت پہنچ سکیں۔

خیبر پختونخوا کے وزیر زراعت سجاد بارکوال نے کہا ہے کہ حکومت اور کسانوں کے باہمی تعاون سے مردان کے لیے ایک ہزار ٹیوب ویل کو شمسی توانائی پر منتقل کیا جائے گا جس سے کسانوں کو آبپاشی کے لئے بروقت اور کم لاگت میں پانی میسر ہوگا۔ مردان میں کسان کھلی کچہری کا انعقاد یہاں کے کسانوں کے مسائل سے آگاہی حاصل کرنا ہے۔ انہوں نے ان خیالات کا اظہار ضلع مردان میں محکمہ زراعت کی جانب سے منعقدہ کسان کھلی کچہری سے خطاب کرتے ہوئے کیا۔ کسان کھلی کچہری میں رکن صوبائی اسمبلی و چئیرمن قائمہ کمیٹی زراعت عبدالسلام آفریدی، سیکرٹری زراعت عطاء الرحمن، ایڈیشنل سیکرٹری زراعت نیک محمد، ڈائریکٹر جنرل زراعت توسیع و تحقیق، محکمہ زراعت کے افسران، کسانوں تنظیموں و اورمنتخب بلدیاتی نمائندگان سمیت کسانوں کی کثیر تعداد نے شرکت کی۔ کسان کھلی کچہری میں کسانوں نے محکمہ زراعت سے متعلق سوالات،شکایات، تجاویز و آراء سے اعلیٰ حکام کو آگاہ کیا۔ میجر ریٹائرڈ سجاد بارکوال نے کسانوں کے سوالات کے جوابات بھی دئیے۔صوبائی وزیر زراعت نے کسان کھلی کچہری میں گفتگو کرتے ہوئے کہا کہ مردان آمد پر خوشی ہوئی۔ کسان کھلی کچہری کے انعقاد کا مقصد کسانوں کے مسائل سے آگاہی حاصل کرنا ہے اور انکو درپیش مسائل کے حل کے لیے عملی اقدامات اٹھانے ہیں۔ تاکہ صوبہ غذائی طور پر خودکفیل ہو۔ آبپاشی کے مسائل کے حوالے سے وزیر محکمہ آبپاشی کے ساتھ بات چیت جاری ہے۔ نہروں کے آخری حصے پر پانی کی فراہمی کے لیے اقدامات کر رہے ہیں۔ کسانوں کو بلاسود قرضے کی فراہمی کے لیے کوشش کررہے ہیں اسی طرح مختلف اسکیموں کی لاگت پر نظر ثانی کر رہے ہیں۔ انہوں نے کہا کہ پورے صوبے کے لیے 8 ہزار ٹیوب ویل کو شمسی توانائی پر منتقل کریں گے۔ جبکہ مردان کے لیے ایک ہزار ٹیوب ویل کی سولرائزیشن کا ہنگامی بنیاد پر انتظام کریں گے۔ انہوں نے کہا کہ آبپاشی کے پانی کے مسائل کے حل کے لیے صوبائی وزیر پاشی کو مردان کے دورے کی درخواست کی جائے گی۔صوبائی وزیر زراعت نے زراعت انجینئرنگ کے ملازم کے خلاف شکایت پر انکوائری کرنے کا اعلان کرتے ہوئے کہا کہ محکمانہ امور میں غفلت و بدعنوانی ہر گز برداشت نہیں کی جائے گی۔ محکمہ زراعت کی مشینری کے غیر قانونی اور غلط استعمال کے حوالے سے تحقیقات کریں گے۔ مردان میں منصوبوں کے حوالے سے سوال پر میجر ریٹائرڈ سجاد بارکوال کا کہنا تھا کہ بڑے بڑے منصوبوں پر کام جاری ہے جن کی تکمیل سے کسان مستفید ہو سکیں گے۔ ان کہا کہنا تھا کہ یہاں آمد کا مقصد یہاں کے کسانوں کو درپیش مسائل سے آگاہی حاصل کرنا ہے۔ ضلع مردان کی تحصیل رستم میں زیتون کی کاشت پر توجہ دے رہے ہیں۔ زعفران کی کاشت کے لیے بھی اقدامات اٹھا رہے ہیں۔ کسان کھلی کچہریوں کا مقصد اپنی کمزوریوں کا جائزہ لینا ہے۔ ہم بار بار یہاں آئیں گے جو الزامات لگائے گئے ان کی تحقیقات کریں گے وزیر اعلیٰ کے عوامی ایجنڈے میں کھلی کچہریوں کا انعقاد شامل ہے۔ کچھ منصوبے ایسے ہیں جن میں کسانوں کا حصہ ہوتا ہے ٹیوب ویل کو شمسی توانائی پر منتقلی میں کسانوں کا حصہ کم کرنے کے لیے اقدامات کر رہے ہیں۔ مردان ضلع ہمارے ترجیحات میں شامل ہے۔ تمباکو پیدا کرنے والے اضلاع کو مزید مراعات دیں گے۔ کسانوں کی تجاویز و مسائل کے حل کے لیے اقدامات کریں گے۔ اورفارمز تنظیموں کو آنے والے منصوبہ میں شامل کریں گے۔ کسان کھلی کچہری میں کسانوں نے پانی کی فراہمی، کسانوں کیلئے بلاسود قرضے، گندم کے بہترین بیچ کی فراہمی،ہاتھیان میں زرعی آفیسر کی تعیناتی، مایار میں زراعت کے دفتر کا قیام، باڑہ ایریگیشن اسکیم کو شمسی توانائی پر منتقلی سمیت زرعی مشینری کی فراہم کے مطالبات کیے گئے۔ صوبائی وزیر زراعت میجر ریٹائرڈ سجاد بارکوال نے مطالبات کے حل کی یقین دہانی کی۔

> شہریوں کی صحت سے کھلواڑ کھیلنے والوں کیخلاف آہنی ہاتھوں سے نمٹا جائے، ایسے عناصر کسی رعایت کے مستحق نہیں، وزیر خوراک ظاہر شاہ طورو

خیبر پختونخوا فوڈ سیفٹی اینڈ حلال فوڈ اتھارٹی نے صوبے کے مختلف شہروں میں کارروائیاں جاری رکھتے ہوئے گزشتہ روز مردان، نوشہرہ اور صوابی میں چھاپے مارے اور سینکڑوں لیٹرز جعلی مشروبات اور چائنہ سالٹ ضبط کر لیا۔ اس حوالے سے ترجمان فوڈ اتھارٹی نے تفصیلات جاری کرتے ہوئے بتایا کہ فوڈ سیفٹی ٹیم نوشہرہ نے پیر سباق میں گودام پر چھاپہ مارا اور انسپکشن کے دوران 800 لیٹرز سے زائد جعلی اور غیر معیاری مشروبات برآمد کرکے ضبط کی گئیں اور فوڈ سیفٹی ایکٹ کے تحت کارروائی کا آغاز کیا۔اسی طرح فوڈ سیفٹی ٹیم صوابی نے چھوٹا لاہور میں ایک دوکان سے 440 لیٹرز مضر صحت مشروبات ضبط کیے اور وارننگ نوٹس جاری کیا۔ ترجمان کا کہنا تھا کہ فوڈ سیفٹی ٹیم مردان کی جانب سے ایک مصالحہ بنانے والی فیکٹری سے 100 کلو گرام ممنوعہ چائنہ سالٹ ضبط کر لیا گیا اور صفائی کی ناقص صورت حال پر جرمانہ بھی عائد کیا گیا۔ڈائریکٹر جنرل فوڈ اتھارٹی واصف سعید نے فوڈ سیفٹی ٹیموں کی کامیاب کاروائیوں کو سراہا اور کہا کہ مضر صحت خوراکی اشیاء کی فروخت کسی صورت برداشت نہیں اور اس کے خلاف صوبہ بھر میں بلا تفریق کاروائیاں کی جائیں گی۔صوبائی وزیر خوراک ظاہر شاہ طورو نے متعلقہ حکام کو ہدایت دی کہ شہریوں کی صحت سے کھلواڑ کھیلنے والوں کیخلاف آہنی ہاتھوں سے نمٹا جائے ایسے عناصر کسی رعایت کے مستحق نہیں ہیں۔

خیبر پختونخوا کے وزیر لائیو سٹاک، فشریز و کوآپریٹو فضل حکیم خان یوسفزئی نے سول ویٹرنری ہسپتال سیدو شریف سوات میں کلینکل لیبارٹری کی اپ گریڈیشن کا افتتاح کر دیا، کلینکل لیبارٹری کی اپ گریڈیشن ایسوسی ایشن اف بائیورسک منیجمنٹ پاکستان کے تعاون سے کیا گیا، افتتاح کے موقع پر ڈائریکٹر جنرل لائیو سٹاک توسیع ڈاکٹر اصل خان، نیشنل پروگرام منیجر ڈاکٹر اصغر خان، اے بی ایم پاکستان وبائی امراض کے ماہر ڈاکٹر اسد علی شاہ، ڈسٹرکٹ ڈائریکٹر لائیو سٹاک سوات ڈاکٹر سربلند خان، سینئر ویٹرنری آفیسر سوات ڈاکٹر سردار علی بھی موجود تھے، صوبائی وزیر فضل حکیم خان یوسفزئی نے اے بی ایم کا شکریہ ادا کرتے ہوئے اس توقع کا اظہار کیا کہ اسی طرح باقی ماندہ اضلاع میں بھی اے بی ایم لائیو سٹاک ڈیپارٹمنٹ کے کلینکل لیبارٹریز کی اپ گریڈیشن اور قائم کرنے میں اپنا بھرپور کردار ادا کریں گے انہوں نے کہا کہ خیبر پختونخوا میں محکمہ لائیو سٹاک کو مزید فعال بنانے کیلئے حکومتی سطح پر بھی اقدامات اُٹھائے جا رہے ہیں اور اس ضمن میں تمام دستیاب وسائل بروئے کار لا رہے ہیں، حکومت مویشی پال حضرات کی بھر پور اعانت کیلئے پر عزم ہے، اس موقع پر ڈاکٹر اصغر خان نے اپنے بھرپور تعاون کے عزم کا اظہار کیا ڈائریکٹر جنرل لائیوسٹاک ڈاکٹر اصل خان نے لائیو سٹاک سوات کے اہلکاروں کو زمینداروں سے بھرپور تعاون پر زور دیا تاکہ کسی بھی بیماریوں کا سدباب ہو سکے اور لائیو سٹاک سیکٹر ترقی کی راہ پر گامزن ہو جائے اس موقع پر ڈاکٹر سید اسد علی شاہ کا کہنا تھا کہ ہم ڈویژنل لیبارٹریوں کو صوبائی لیبارٹری کے ساتھ منسلک کر رہے ہیں جس کی وجہ سے امراض کی بروقت تشخیص میں آسانی ہوگی۔

صوبائی وزیر مال نذیر احمد عباسی نے کہا ہے کہ انفارمیشن ٹیکنالوجی کا کردار زندگی کے تمام شعبوں میں انتہائی اہم ہے اور کوئی بھی شعبہ آئی ٹی کے بغیر نامکمل تصور کیا جاتا ہے۔ انہوں نے کہا کہ دنیا کے کامیاب ترین ممالک کی ترقی کا راز انفارمیشن ٹیکنالوجی ہی ہیں۔ دور جدید میں جس بھی ملک نے اپنے انفارمیشن ٹیکنالوجی کے شعبے کو مضبوط کیا ہے انہوں نے ترقی کے بلندیوں کو پایا ہے۔ان خیالات کا اظہار انہوں نے سول سیکریٹریٹ پشاور کے نومنتخب انفارمیشن ٹیکنالوجی کابینہ کے ارکین کی حلف برداری تقریب میں بطورِ مہمان خصوصی شرکت کرتے ہوئے کی۔ اس موقع پر چیئرمین آل پاکستان سیکریٹریٹ کونسل ظفر خان یوسفزئی، نومنتخب آئی ٹی صدر اسد خان، جنرل سیکرٹری حضرت بلال اور دیگر کابینہ ممبران نے بھی تقریب میں شرکت کی۔ انہوں نے نئے منتخب کابینہ سے حلف لیا اور مبارکباد پیش کی۔نذیر احمد عباسی نے کہا کہ صوبائی حکومت صوبے میں آئی ٹی کے شعبے کو پروان چڑھانے اور دفتری امور کے ساتھ ساتھ تجارتی اور کاروباری معاملات کو بھی آئی ٹی کے ساتھ منسلک کروانے کیلئے اعلیٰ سطحی اقدامات اٹھا رہی ہیں۔ جس سے ان تمام امور کے نمٹانے میں تیزی آئے گی اور اپنے مقررہ وقت میں کاموں کا حصول بھی ممکن بنایا جاسکے گا۔صوبائی وزیر مال نے کہا کہ صوبے کے انفارمیشن ٹیکنالوجی کے شعبے سے منسلک تمام ملازمین کے مسائل کو سنجیدگی سے قانونی اصولوں کے مطابق جلد از جلد حل کروایا جائے گا۔ انہوں نے کہا کہ آئی ٹی ملازمین کے مسائل کے حل کیلئے اعلیٰ سطح پر آواز اٹھائی جائے گی تاکہ ان کے درینہ مطالبات کو پورا کروایا جاسکے۔صوبائی وزیر مال نے کہا کہ تحریک انصاف صوبے میں آئین کی بالادستی قائم کرنے اور عوام کو ان کے دہلیز پر سہولیات فراہم کرنے کیلئے سنجیدہ اقدامات اٹھا رہی ہے۔ انہوں نے کہا کہ صوبائی حکومت سرکاری ملازمین کی خدمات کو قدر کی نگاہ سے دیکھتی ہے اور صوبے کو کامیابی کے راہ پر گامزن کرنے کیلئے ان کے گراں قدر خدمات کو سراہتی ہے اور ان کے تمام جائز مطالبات کو پورا کرنے کیلئے سنجیدہ کوششیں کررہی ہے۔

> تندئی باد مخالف سے نہ گھبرا اے عقاب ۔ یہ تو چلتی ہے تجھے اونچا اڑانے کے لیے

> ایک جلسے کی کامیابی سے بد حواسی کا یہ عالم ہے کہ جعلی حکومت پاگل پن اور کھلی لاقانونیت پر اُتر آئی ہے،بیرسٹر ڈاکٹر سیف

وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ ایک جلسے کی کامیابی سے بد حواسی کا یہ عالم ہے کہ جعلی حکومت پاگل پن اور کھلی لاقانونیت پر اُتر آئی ہے۔جعلی حکومت جتنی بھی فسطائیت کرلے پی ٹی آئی ڈٹ کر مقابلہ کرے گی،انہوں نے کہا کہ جعلی حکومت کی فسطائیت پی ٹی آئی رہنماوں اور کارکنوں کو مزید تقویت بخشتی ہے، کل رات جعلی حکومت نے جمہوریت کا جنازہ بڑی دھوم دھام سے نکال دیا، اسلام آباد کے ایوانوں میں رات بھر لاقانونیت راج کرتی رہی، پارلیمنٹ پر شب خون مارکر پارلیمان کی بے توقیری کی گئی، پارلیمنٹ سے معزز اراکین کو اٹھایا جاتا رہا جبکہ سپیکر ہاتھوں پہ ہاتھ رکھ کر تماشا دیکھتے رہے، کل رات جوا ہوا وہ کبھی بدترین ڈکٹیٹرشپ میں بھی نہیں ہوا، ہمارے معزز وکلاء اور اراکین پارلیمنٹ کو بے توقیری کے ساتھ اٹھایا گیا،انہوں نے کہا کہ عمران خان کی رہائی تک جدوجہد جاری رکھیں گے۔

وزیر اعلیٰ خیبر پختونخوا کے معاون خصوصی برائے صنعت وحرفت اور فنی تعلیم عبدالکریم تورڈھیر نے ٹیکنیکل ایجوکیشن اینڈ ووکیشنل ٹریننگ اتھارٹی کے مرکزی دفتر حیات آباد پشاور میں ادارے کی کارکردگی کے جائزہ اجلاس کی صدارت کی۔اجلاس میں ایڈیشنل سیکریٹری صنعت شمع نعمت کے علاؤہ اتھارٹی کے ڈائریکٹرز اور دیگر افسران نے شرکت کی۔اس موقع پرٹیوٹا کی مجموعی کارکردگی کاسیر حاصل جائزہ لیا گیا جبکہ مختلف سیکٹرز میں فنی تعلیم کے شعبے کی بہتری کیلئے اسکے حکام کو دیئے گئے اہداف کو حاصل کرنے کیلئے اب تک کی پیش رفت سے معاون خصوصی کو آگاہ کیا گیا۔اجلاس میں معاون خصوصی نے ہدایت کی کہ ٹیوٹا کے اداروں سے فارغ التحصیل طلبہ کے اسناد کی انٹرنیشنل سرٹیفیکیشن کیلئے ممکنہ اقدامات اٹھائے جائیں جبکہ ٹیکنیکل بورڈ،ٹریڈ ٹیسٹنگ بورڈ اور ٹیوٹا کو ڈیجیٹلائزیشن کے ذریعے ایک دوسرے کیساتھ مربوط کیا جائے۔انھوں نے مزید ہدایت کی کہ گھریلوں خواتین کی ہنر مندانہ تربیت کیلئے گھر بیٹھے ورچول کورسز کے انعقاد پر غور کیا جائے اور ان کورسز کے ذریعے پھر ان خواتین کے انکم جنریشن کیلئے بھی معقول پلان وضع کیا جائے۔انھوں نے ہدایت کی کہ فنی تعلیم کے اداروں کی انسٹی ٹیوٹ منیجمنٹ کمیٹیوں کو بااختیار بنایا جائے تاکہ وہ اپنے اداروں کی بہتری اور فروغ کیلئے فیصلے کر سکیں۔اجلاس میں انھوں نے ہدایت کی کہ ٹیوٹا کے حکام اپنی ذمہ داریوں کو مقررہ وقت میں ادا کرکے دئے گئے ٹائم لائنز میں درکار امور کو مکمل کریں۔انھوں نے کہا کہ فنی تعلیم کے شعبے کو پائداری کی جانب گامزن کرنا ہے تاکہ یہ شعبہ مالی لحاظ سے مستحکم ہوسکیں۔دریں اثناں معاون خصوصی نے گورنمنٹ پولی ٹیکنک انسٹی ٹیوٹ سردار گھڑی پشاور کا دورہ کیا اور وہاں پر صوبے کے مردانہ گورنمنٹ پولی ٹیکنک انسٹی ٹیوٹس کے پرنسپلز کے ایک اجلاس کی صدارت کی۔انھوں نے اجلاس کے دوران مردانہ جی پی ائز میں ضروری سہولیات کی دستیابی،درکار سازوسامان،عملے اور دیگر مسائل کے حوالے معلومات حاصل کیں۔معاون خصوصی نے اس موقع پر ان اداروں کے بعض ضروریات کا نوٹس لیتے ہوئے متعلقہ حکام سے اس ضمن میں ان کی فراہمی کے حوالے سے ہدایات بھی جاری کیں۔انھوں نے ان انسٹی ٹیوٹس کے پرنسپلز کو ٹیوٹا اور انکے تعلیمی اداروں کی پائداری اور خود انحصاری کے حکومتی ویژن سے آگاہ کیا اور کہا کہ وہ اس ضمن میں اس تجویز کو عملی جامہ پہنانے کیلئے اپنی ذمہ داریاں پوری کریں۔انھوں نے کہا کہ تیکنیکی اداروں کے پیداواری امکانات پر توجہ دے کر پروڈکشن کم سروسز کے اصولوں پر ان اداروں کے وسائل کو بروئے کار لایا جائے تاکہ یہ شعبہ مالی لحاظ اپنے ذاتی ذرایع آمدن کے ذریعے خود انحصار بنایا جاسکے۔انھوں نے کہا کہ تعلیمی اداروں میں ہماری ترجیح کا محور طلبہ کی اصل تربیت پر مرکوز ہونا چاہیے کیونکہ یہ ادارے انہی کیلئے بنے ہوئے ہیں۔انھوں نے کہا کہ پرنسپل اپنے اداروں کی کارکردگی کو بہتر بنائیں اور طلبہ کو اسطرح ہنرمند بنائیں کہ انھیں ہر جگہ بہتر روزگار کے مواقع میسر ہوں۔