خیبر پختونخوا کے وزیر محنت فضل شکور خان سے بدھ کے روز ڈسٹرکٹ ایجوکیشن چارسدہ کے ایک وفد نے ان کے دفتر سول سیکرٹریٹ پشاور میں ملاقات کی۔ اس موقع پر ڈسٹرکٹ چارسدہ سے تعلق رکھنے والے ممبران صوبائی اسمبلی عارف احمد زئی اور افتخار اللہ جان بھی موجود تھے۔ ملاقات کے دوران وزیر محنت فضل شکور خان نے ڈسٹرکٹ ایجوکیشن آفیسر میل ڈاکٹر عبد المالک اور ڈسٹرکٹ ایجوکیشن آفیسر فی میل ثریا خٹک کو چارسدہ کے طلبہ کو دور جدید کے تقاضوں کے ہم آہنگ تعلیمی زیور سے آراستہ کرنے کیلئے خصوصی ہدایات دیں۔انہوں نے کہا کہ اس ضلع میں بے پناہ ٹیلنٹ موجود ہے ضرورت اسے نکھارنے کی ہے اس لئے ان پر بھر پور توجہ دی جائے تاکہ یہاں کے طلبہ دوسرے اضلاع کے عوام سے کسی طور پیچھے نہ رہیں۔انہوں نے کہا کہ صوبے کے عوام کو بہتر سے بہتر تعلیم دینا صوبائی حکومت کی اولین ترجیحات میں شامل ہے۔ملاقات میں صوبائی ممبران اسمبلی اور ڈسٹرکٹ ایجوکیشن افسران نے وزیر محنت کی کوشوں اور تعاون کا شکریہ ادا کرتے ہوئے ان کے گراں قدر اقدامات کو سراہا۔

خیبر پختونخوا کے وزیر زراعت محمد سجاد نے ترناب پشاور میں ڈائریکٹرجنرل زرعی انجینئرنگ کے دفتر کا دورہ کیا۔اپنے دورے کے دوران انہوں نے دفتر کے مختلف شعبوں کا تفصیلی جائزہ لیا اورمتعلقہ حکام کو ہدایت کی کہ تمام جاری منصوبوں کی بروقت تکمیل کو یقینی بنایا جائے۔ ا نہوں نے زرعی مشینری کی ورکشاپ کا بھی تفصیلی معائنہ کیا اور ہدایت کی کہ یہ مشینری کسانوں کے زیر استعمال لا ئی جائے تاکہ زیادہ سے زیادہ کسان اس سے مستفید ہوں اور زرعی پیداوار میں بھی خاطر خواہ اضافہ ہو سکے جس سے ملک میں خوارک کی کمی پر کسی حد تک قابو پا یا جاسکے گا۔ اس موقع پر محکمہ کے جاری ترقیاتی منصوبوں کے بارے میں انہیں بریفنگ دیتے ہوئے ڈائریکٹر جنرل ایگریکلچرانجینئرنگ نسیم جاوید نے بتایا کہ زرعی انجینئرنگ کا محکمہ اس وقت مختلف زرعی ترقیاتی سرگرمیاں سرانجام دے رہا ہے جن میں سولر پمپنگ سسٹم کی تنصیب،ٹیوب ویل کا قیام،قابل کاشت بنجر زمین کو ہموار کرنااور مشینی زراعت کو فروغ دینے کیلئے کسانوں کو جدید زرعی مشینری کی فراہمی، مختلف سالانہ ترقیاتی پروگرام (ADP)پبلک سیکٹر ڈولپمنٹل پروگرام (PSDP)ایکسلرینڈ ایمپلیمنٹیشن پروگرام (AIP)اور ڈونرزفنڈڈ پراجیکٹس شامل ہیں۔بریفنگ میں مزید بتایا گیا کہ ان سرگرمیوں کے ذریعے بنجر زمینوں کو قابل کاشت بنا کر اسے خوراک کی بڑھتی ہوئی طلب کو پورا کرنے کیلئے زرعی مصنوعات اگانے کیلئے استعمال کیا جاسکتا ہے۔اسی طرح شمسی توانائی سے چلنے والے زرعی ٹیوب ویلوں کی تنصیب سے بارانی علاقوں میں زراعت کے لئے پانی فراہم کیا جاتاہے۔اس موقع پر ڈائریکٹر جنرل ایگریکلچرانجینئرنگ نسیم جاوید،ڈی جی زراعت توسیع جان محمد،ڈی جی سائل کنزرویشن محمد یاسین وزیر، ڈائریکٹرایگریکچرل انجینئرنگ نذیر عباس اور دیگر متعلقہ حکام بھی موجود تھے۔ ڈائریکٹر جنرل ایگریکلچرانجینئرنگ نے وزیر زراعت کو جاری ترقیاتی سرگرمیوں سے بھی آگاہ کیا۔

خیبر پختونخوا کے وزیر آبپاشی عاقب اللہ خان نے کہا ہے کہ پیہور ہائی لیول کینال ایکسٹینشن بہت اہمیت کا حامل عوامی منصوبہ ہے جس سے تقریبا 16 ہزار ایکڑ زرعی زمین سیراب ہوگی اس کے علاوہ صوبہ بھر میں محکمہ آبپاشی کے تحت عوامی منصوبوں کی تعمیر کے کام کی رفتار کومزید تیز کیا جائے گا۔ ان خیالات کا اظہار انہوں نے منگل کے روز محکمہ آبپاشی پشاور میں منعقدہ بریفنگ اجلاس میں کیا اس موقع پر سیکرٹری آبپاشی محمد طاہر اور کزئی سمیت دیگر افسران بھی موجود تھے۔ اجلاس میں صوبہ بھر میں محکمہ آبپاشی کے زیر اہتمام جاری عوامی منصوبوں کا جائزہ لیا گیا اور محکمہ کو درپیش مسائل اور حائل رکاوٹوں کے بارے میں بتایا گیا۔ صوبائی وزیر نے متعلقہ حکام کو ہدایت کی کہ وہ جب بھی عوامی منصوبہ ڈیزائن کریں تو اس کے دوران تمام پہلوؤں کا جائزہ لیا کریں تاکہ بعد میں مشکلات درپیش نہ ہوں اور پراجیکٹ بھی بروقت مکمل ہو سکیں۔انہوں نے مزید کہا کہ محکمہ دیگر کی بجائے اپنے ٹیکنیکل سٹاف اور انجینیئر سے عوامی منصوبوں میں خدمات لے اور وہ بھی اپنی ذمہ داریاں احسن طریقے سے ادا کریں۔ انہوں نے کہا کہ 2022 کے سیلاب میں ضلع صوابی کا سب سے زیادہ نقصان ہوا تھا مگر اس وقت صحیح طور پر رپورٹ تیار نہیں ہوئی جس کی وجہ سے صوابی میں سیلاب سے ہونے والے نقصانات کا ازالہ ٹھیک طور پر نہ ہو سکا، صوبائی وزیر نے کہا کہ محکمہ عوامی منصوبوں میں دہرے پن کا خاص خیال رکھے اس کے علاوہ خیبر پختونخوامیں عوامی پراجیکٹ کی تعمیر کے لیے استعمال ہونے والے ڈرون کا پہلے سے علاقے میں لاؤڈ سپیکرز پر اعلانات ضرور کریں تاکہ علاقے کے عوام اس سے باخبر ہوں، انہوں نے کہا کہ ضلع چترال میں بننے والا مالاکوں پراجیکٹ کے نئے سسٹم کی تیاری میں کام کی رفتار تیز کریں اسی طرح 2022 اے ڈی پی ایشین ڈویلپمنٹ بینک کے زیر اہتمام آبپاشی کے تقریبا 143 منصوبے جو کہ چھ اضلاع سے لیے گئے ہیں پر کام جاری ہے اور 14 بڑے بڑے عوامی پراجیکٹ پر بھی کام ہو رہا ہے جبکہ محکمہ نے منڈا ہیڈ ورکس کا پل جو کہ سیلاب سے تباہ ہوا تھا وہ دوبارہ تعمیر کر دیا ہے انہوں نے کہا کہ محکمہ میں سکاڈا کے ذریعے آبپاشی کے پانی کو مانیٹر کیا جائے گا جس سے آبپاشی کے پانی کی تقسیم اور اس کے ضیاع کو روکا جا سکے گا۔

خیبرپختونخوا حکومت نے محکمہ سیاحت، ثقافت و آثارقدیمہ کے زیراہتمام تمام جاری منصوبوں کو ترجیحی بنیادوں پر مکمل کرنے کیلئے واضح احکامات جاری کر دئیے ہیں۔ اسی طرح صوبہ میں موجود آثارقدیمہ، کھنڈرات، عجائب گھروں اور مذہبی مقامات کو دور جدید کے تقاضوں سے ہم آہنگ کرنے، انکی ڈیجیٹل مارکیٹنگ کا آغاز کرنے، زائرین کو زیادہ سہولیات فراہم کرنے جبکہ متعلقہ ممالک کی زبانوں اور ثقافتوں کے مطابق دستاویزی فلمیں بنا کر سفارتی ذرائع سے وہاں کے عوام میں پھیلانے کی ہمہ گیر مہم چلانے کا فیصلہ بھی کیا گیا ہے۔ اس امر کا انکشاف وزیراعلی خیبرپختونخوا کے مشیر برائے سیاحت، ثقافت و آثارقدیمہ زاہد چن زیب نے پشاور میں صوبائی سیاحت و ثقافت سیکرٹریٹ کے دورے اور اس موقع پر منعقدہ بریفنگ سے خطاب میں کیا۔ دورے میں انہوں نے افسران سے تعارفی ملاقات کی اور محکمہ کے مختلف شعبوں سے آگاہی حاصل کی۔ محکمہ کے کمیٹی روم میں اجلاس سے خطاب کرتے ہوئے انہوں نے افسران پر زور دیا کہ وہ صوبہ کو درپیش گوناگوں چیلنجوں کے پیش نظر آگے بڑھتے ہوئے قومی تعمیر نو کے نئے جذبے کے ساتھ کام کریں اور اہداف کے حصول پر بھرپور توجہ دیں۔ انہوں نے کہا کہ ٹورازم اور کلچر افسران کو بہتر نتائج کیلئے اپنے دفاتر سے نکل کر فیلڈ سٹاف کے شانہ بشانہ کام کرنا ہو گا تاکہ وہ اپنے متعلقہ شعبوں میں زمینی حقائق سے بھی مسلسل باخبر رہیں۔ اسی طرح ترقیاتی سکیموں کو کسی صورت تاخیر کا شکار نہ ہونے دیں جبکہ ناگزیر صورتحال میں مالی یا انتظامی مشکلات کو براہ راست انکے نوٹس میں لائیں تاکہ ان کا اعلیٰ سطح پر بروقت ازالہ یقینی بنایا جا سکے۔ زاہد چن زیب نے واضح کیا کہ صوبہ میں سیاحت کی ترقی انکے پارٹی سربراہ عمران خان کا ویژن ہے اور ہم وزیراعلی علی امین گنڈاپور کی فعال قیادت میں تعمیر و ترقی اور عوامی خوشحالی کا ہر خواب شرمندہ تعبیر بنانے کیلئے پرعزم ہیں۔ انہوں نے ہدایت کی کہ غیرملکی قرضوں سے شروع کردہ سکیموں کی بروقت اور عالمی معیار کے مطابق تکمیل کے علاؤہ انکی شفافیت بھی یقینی بنائی جائے تاکہ ان قرضوں کی واپسی تک ترقیاتی سکیموں سے مطلوبہ نتائج اور آمدن حاصل ہونا شروع ہو اور ہم عوام کو ان قرضوں کے دوچند فوائد لوٹانے کے قابل بن کر انکا اعتماد حاصل کرنے میں کامیاب ہوں۔ مشیر سیاحت نے موجودہ سیاحتی سیزن کے آغاز پر اتھارٹیز کے تحت تمام پرفضا مقامات میں سیاحوں کیلئے ہنگامی بنیادوں پر اضافی سہولیات کی فراہمی بالخصوص مناسب جگہوں پر بہترین واش رومز کے انتظامات کی ہدایت کی۔ آسی طرح انہوں نے گندھارا تہذیب اور بدھ و سکھ عبادت گاہوں سمیت تمام آثار قدیمہ کی ڈیجیٹل مارکیٹنگ اور اس مقصد کیلئے معروف ٹک ٹاکرز اور بلاگرز کی خدمات سے استفادہ کی ضرورت پر بھی زور دیا۔ قبل ازیں کلچر اینڈ ٹورازم سیکرٹریٹ آمد پر سیکرٹری سیاحت و ثقافت محمد بختیار نے صوبائی مشیر کا استقبال کیا اور متعلقہ افسران کی معیت میں انہیں بریفنگ دی جن میں ایڈیشنل سیکرٹری محمد یاسر، ڈائریکٹر آرکیالوجی ڈاکٹر عبدالصمد، ڈائریکٹر انٹیگریٹڈ ٹورازم پراجیکٹ توصیف خالد، ڈپٹی سیکرٹری ایڈمن دولت خان، ڈپٹی سیکرٹری ٹورازم سحرش نگار، چیف پلاننگ آفیسر پیر سید زین گیلانی، سیکشن آفیسر کلچر عبدالروف، سیکشن آفیسر جنرل محمد الیاس، سیکشن آفیسر ٹورازم شیرباز خان اور دیگر پراجیکٹ افسران شامل تھے۔

خیبر پختونخوا کے وزیر برائے اعلیٰ تعلیم میناخان آفریدی نے خیبر پختونخوا ہائیر ایجوکیشن ریگولٹری اتھارٹی کے حکام کو ہدایت کی ہے کہ صوبے میں معیاری تعلیم کی فروغ اور فراہمی کو یقینی بنانے کیلئے عملی اقدامات اٹھائیں جو نجی تعلیمی ادارے اتھارٹی کے معیار پر پورے نہیں اترتے انکے خلاف اتھارٹی قانون کے مطابق کارروائی کی جائے، معیاری تعلیم کو عام کرنا ہماری اولین ترجیحات میں شامل ہے غیر معیاری ادراوں کی روک تھام کیلیے اتھارٹی میرٹ اورشفافیت پرعمل درآمد کو یقینی بنائے، صوبائی وزیر نے یہ ہدایات منگل کے روز محکمہ ایجوکیشن کے کمیٹی روم میں کے پی ایجوکیشن ریگولیٹری اتھارٹی کے تعارفی اجلاس کی صدارت کرتے ہوئے جاری کیں۔ اجلاس میں اتھارٹی کے سیکرٹری ساجد انعام، چیئرمین شریف حسین اور دیگر افسران نے شرکت کی، صوبائی وزیر کو اتھارٹی کے کام اور کارکردگی کے بارے میں تفصیلی بریفنگ دی گئی، بریفنگ میں کالجز اور یونیورسٹیز کی اتھارٹی کے ساتھ رجسٹریشن کے عمل اور طریقہ کار پر صوبائی وزیر کوبتایا گیا کہ اتھارٹی کے ساتھ اب تک صوبے کے مختلف اضلاع میں 344 نجی یونیورسٹیز اور کالجز رجسٹرڈ ہیں جن میں 9 یونیورسٹیز, ایک یونیورسٹی سب کیمپس، ایک ڈگری ایوارڈنگ انسٹی ٹیوٹ، 8 میڈیکل کالجز، 3 ڈینٹل کالجز، 2 میڈیکل اینڈ ڈینٹل کالجز، ایک انجینئرنگ کالج، 2 ہمیوپیتھک کالجز، 181 الائیڈ ہیلتھ سائنسز/نرسنگ کاجز، 36 جنرل ڈگری کالجز اور 100 پروفیشنل انسٹیٹوشنز شامل ہے مذید بتایا گیا کہ160 غیر معیاری نجی ہائیر ایجوکیشنل انسٹی ٹیوشنز کو ڈی رجسٹرڈ کیا گیا ہے، بریفنگ میں صوبائی وزیر کو ریگولٹری اتھارٹی کی کارکردگی اور سرگرمیوں کے بارے میں بتایا گیا کہ اتھارٹی کے زیراہتمام مختلف یونیورسٹیز میں سمینار منعقد کئے جا چکے ہیں جبکہ شہیدبے نظیر بھٹو یونیورسٹی پشاور، کوہاٹ یونیورسٹی آف سائنس اینڈ ٹیکنالوجی، فاٹا یونیورسٹی اور ہزارہ یونیورسٹی کے سو جوانوں اور سو فیکلٹی اراکین کو ڈائیورسٹی مینیجمنٹ، ڈیجیٹل سیٹیزنشپ، لیڈرشپ اور ریسرچ میتڈز میں ٹریننگز کا انعقاد کیا ہے، اس کے علاوہ ڈویژن ڈویلپمنٹ پراجکیٹ کے تعاون سے ضلع کرک، کوہاٹ اور ہنگو، کوہاٹ میں ٹیکنیکل ٹریننگ سکالرشپس شروع کی ہیں،اس موقع پر اتھارٹی میں اصلاحات اور ترامیم پر تفصیلی گفتگو ہوئی اور مختلف تجاویز بھی زیرغور آئیں۔