خیبر پختونخوا کے نگران وزیر برائے کھیل اورسائنس و انفارمیشن ٹیکنالوجی ڈاکٹر نجیب اللہ نے کہا ہے کہ تمام سٹیک ہولڈرز کی مشاورت سے کھیلوں کے امورمیرٹ پر چلائے جائیں گے اور کھیلوں کے ذریعے ہم دنیا میں پاکستان کا وقار بلند کر سکتے ہیں۔ انہوں نے کہا کہ کھیلوں میں عزم اور لگن کامیابی کا زینہ ثابت ہوتا ہے اور نوجوانوں کو سہولتوں کی فراہی کے لئے تمام ممکن اقدامات ٹھائے جا رہے ہیں۔ان خیالات کا انہوں نے ایک پریس کانفرس میں میڈیا کے نمائندوں سے بات چیت کرتے ہوئے کیا۔ اس موقع پر سپورٹس ڈیپارٹمنٹ کے دیگر افسران بھی موجود تھے۔ ڈاکٹر نجیب اللہ نے کہا کہ خیبر پختونخوا میں ٹیلنٹ کی کوئی کمی نہیں تاہم کھلاڑیوں کو مواقع اور سہولتیں فراہم کرنا وقت کا اہم تقاضا ہے۔انہوں نے سترہ سال سے خیبر پختونخوا میں کسی انٹر نیشنل گیم کا انعقاد نہ ہونے پر عدم اطمینان کا اظہار کرتے ہوئے کہا کہ اس سے کھلاڑیوں کی حوصلہ شکنی ہو رہی ہے۔ انہو ں نے کہا کہ ہم پشاور اور میران شاہ میں نیشنل میچز کا انعقاد کررہے۔انہوں نے کہا کہ ارباب نیاز سٹیڈیم ایک اکیڈمی کا درجہ رکھتا ہے جہاں سے بہترین کھلاڑی ابھر کر سامنے آرہے ہیں۔ ڈاکٹر نجیب اللہ نے کہا کہ حیات آباد سپورٹس کمپلیکس اور ارباب نیاز سٹیڈیم کو لیز پر دینے کی تجویز بھی زیر غور ہے۔انہو ں نے کہا کہ ڈومیسٹک لیول پر ہمارے پاس کوئی گراؤنڈ موجود نہیں جس کے لئے مثبت اقدامات اٹھائے جا رہے ہیں۔انہوں نے کہا کہ ارباب نیاز سٹیڈیم کے تعمیراتی کام کو کم سے کم وقت میں مکمل کیا جائے گا اور ایک انٹرنیشنل لیول کا بہترین سٹیڈیم تیار کرنے کے لئے ہماری کوشش جار ی ہیں۔ انہو ں نے کہا کہ اگر ہم ایک منظم منصوبے کے مطابق چلیں تو اس کے اچھے اور بہترنتائج مرتب ہو سکتے ہیں۔

خیبر پختونخوا کے نگران وزیر برائے قانون، پارلیمانی امور، انسانی حقوق اور محکمہ اوقاف جسٹس ریٹائرڈ سید ارشد حسین شاہ نے کہا ہے کہ محکمہ اوقاف کے تمام مسائل کو ترجیحی بنیادوں پر حل کرنے کی بھر پور کوشش کی جائے گی اور اس سلسلے میں میں مثبت اقدامات ٹھائیں جائیں گے۔ان خیالات کا اظہار انہوں نے گزشت روز محکمہ اوقاف کی طرف سے دی گئی بریفنگ کے موقع پر کیا۔ اس موقع پر سیکرٹری اوقاف ڈاکٹر اسد علی خان، ایڈمنسٹریٹر اوقاف حامد علی گگیانی اور دیگر افسران بھی موجود تھے۔ اس موقع پر صوبائی وزیر کو بتاگیا گیا ک ہ 20200کینال اراضی محکمہ کے زیر تسلط ہے جبکہ 42716کینال زمین غیر قانونی طور پر غیر متعلقہ افراد کے قبضے میں ہے اسی طرح محکمہ نے اب تک 1451کینال زمین اور 105دکانیں قابضین سے واگزار کرائی ہیں جبکہ اراضی کے740 مقدمات عدالتوں میں زیر التوا ہیں۔ صوبائی وزیر کو مزید بتایاگ یا کہ محکمہ کے اثاثاجات سے محکمہ کو سالانہ تقریبا 270ملین روپے آمدن ہو رہی ہے اور صوبہ بھر کے 16888آئمہ مساجد کو 10ہزار روپے ماہانہ بطور اعزازیہ دیا گیا ہے اسی طرح 173اقلیتی پیشواؤں کو بھی اعزازیہ دیا گیا۔ صوبائی وزیر نے کہا کہ محکمہ کے تمام مسائل کو حل کرنے کی کوشش کی جائے گی جس میں فنڈز کی فراہمی اور غیر قانونی طور پر قبضہ میں لی گئی زمین کو بھی واگزار کرایا جائے گا اسی طرح ریکارڈ کی ڈیجٹیلائزیشن بھی مکمل کی جائے گی۔

خیبر پختونخوا کی نگران وزیر برا ئے سماجی بہبود،زکواۃ عشر،،ریلیف،بحالی،آبادکاری،اور جیل خانہ جات جسٹس(ر)ارشاد قیصر نے کہا ہے کہ موسمیاتی تغیر کے خطرناک اثرات خیبر پختونخوا کے لیے چیلنج ہیں،انھوں نے محکمہ ریلیف،بحالی اور آبادکاری کو ہدایت دی کہ آفات و سانحات سے متاثرہ افراد کی آبادکاری کے ساتھ انکی نفسیاتی بحالی پر بھی زیادہ توجہ مرکوز کرنی چاہیئے۔ان خیالات کا اظہار انھوں نے محکمہ ریلیف،بحالی اور آبادکاری کے اجلاس میں کیا۔ اجلاس میں نگران صوبائی وزیر کو محکمے کی کارکردگی کے حوالے سے تفصیلی بریفنگ دی گئی۔ اجلاس میں محکمے کے سیکرٹری عبدالباسط،ڈی جی پراونشل ڈیزاسٹر مینجمنٹ اتھارٹی،ڈی جی ریسکیو 1122 اور دیگر حکام نے شرکت کی۔بریفنگ میں بتایا گیا کہ محکمہ ریلیف اور اسکے ذیلی ادارے کسی بھی قدرتی آفت اور انسانی حادثات کے نتیجے میں رونما ہونیوالے حالات سے نمٹنے کے لیے ہمہ وقت تیار رہتے ہیں،موسمیاتی تغیر کے خطرات کو مدنظر رکھتے ہوئے صوبے میں مون سون کنٹن جنسی پلان،موسم سرما پلان جبکہ گرمی میں ہیٹ ویو کنٹن جنسی پلان تیار کیے جاتے ہیں تاکہ تمام اضلاع کسی بھی ناگہانی صورتحال سے نمٹنے کے لیے چوکس ہوں، مختلف آفات کی صورت میں لوگوں کی مدد و رہنمائی کے لیے نہ صرف مرکزی کنٹرول روم 24 گھنٹے فعال رہتا ہے بلکہ متعلقہ اضلاع کے ڈی سی آفس میں بھی کنٹرول روم قائم ہوتے ہیں۔ بریفنگ میں بتایا گیا کہ صوبے کے لیے پراونشل ڈیزاسٹر مینجمنٹ پلان کی تیاری پر کام ہو رہا ہے۔اس موقع پر نگران صوبائی وزیر جسٹس(ر)ارشاد قیصر کا کہنا تھا کہ کلائمیٹ چینج کیوجہ سے صوبے میں قدرتی آفات کا چیلنج ہمہ وقت درپیش ہے،محکمہ ریلیف،بحالی،آبادکاری اور اسکے ذیلی اداروں پر ان خطرات سے ہونیوالے نقصانات کو کم سے کم رکھنے کی ذمہ داری عائد ہوتی ہے۔ انھوں نے محکمہ ریلیف، بحالی اور آبادکاری خصوصا ریسکیو1122 کی کارکردگی کو سراہتے ہوئے کہا کہ محکمہ اپنے مشکل فرائض احسن طریقے سے ادا کررہا ہے،ریسکیو 1122 ورکرز نے مختلف مواقع پر اپنی افادیت کو ثابت کیا ہے۔جسٹس(ر)ارشاد قیصر کا کہنا تھا کہ قدرتی آفات اور سانحات میں خواتین،بچے اورمعذور افراد زیادہ توجہ کے طلبگار ہوتے ہیں، انہون نے کہا کہ انفراسٹرکچر کی بحالی کے ساتھ ساتھ متاثرین کی نفسیاتی بحالی اور سانحات کے اثرات سے نکالنے کے لیے اقدامات کیے جانے چاہیئے۔

نگران وزیر اعلیٰ خیبر پختونخوا کے مشیر برائے منصوبہ بندی و ترقیات، آبنوشی اور مواصلات و تعمیرات ڈاکٹر سید سرفراز علی شاہ نے محکمہ منصوبہ بندی کے حکام کو ہدایات جاری کی ہیں کہ پراجیکٹس کی منظوری سے پہلے فزیبلٹی، سائیٹ کی شناخت، مستقبل کی ضروریات کو مدنظر رکھ کر بجٹ ڈیمانڈ اور تکمیل میں مناسب معیاد کو مدنظر رکھا جائے۔ انہوں نے کہا کہ ان عوامل پر خصوصی توجہ دی جائے تاکہ عوامی مفاد کے منصوبے مقررہ وقت اور مطلوبہ بجٹ کے اندر مکمل ہو سکیں اور تمام محکموں کو محکمہ منصوبہ بندی و ترقیات کی گائیڈ لائنز پر عمل درآمد یقینی بنانے کے لیے احکامات جاری کریں۔ انہوں نے یہ ہدایات محکمہ منصوبہ بندی و ترقیات کے کمیٹی روم میں مختلف منصوبوں کے بارے بریفنگ لیتے وقت جاری کیں۔ اجلاس میں ایڈیشنل سیکرٹری حبیب وزیر، اسسٹنٹ چیف ایجوکیشن گل رخ، چیف ایگریکلچر ہدایت وزیر چیف ہیلتھ بحر اللہ خان اور دیگر اعلیٰ حکام نے شرکت کی۔ اجلاس میں مشیر منصوبہ بندی و ترقیات کو ایلیمنٹری اینڈ سیکنڈری ایجوکیشن، ہائر ایجوکیشن، محکمہ صحت، پاپولیشن، ایگریکلچر، محکمہ خوراک، ماحولیات، جنگلات، قانون، ایکسائز اور محکمہ اطلاعات و تعلقات عامہ کے جاری منصوبوں اور ریلیز شدہ بجٹ اور اخراجات بشمول مختلف مسائل پر بریفنگ دی گئی۔ انہیں بتایا گیا کہ محکمہ تعلیم میں کل 107 منصوبے ہیں اور ریلیز شدہ بجٹ کے 87 فیصد اخراجات ابھی تک ہو چکے ہیں۔ ان منصوبوں میں سائنس اور ائی ٹی لیبز کے قیام پرائمری، مڈل، ہائی اور ہائر سیکنڈری سکولوں کی تعمیر و آپ گریڈیشن، ضم اور بندوبستی اضلاع میں امتحانی ہالوں کی تعمیر اور ارلی چائلڈ ہڈ ایجوکیشن سینٹرز کے قیام شامل ہیں۔ جبکہ سکولوں میں بنیادی سہولیات کی فراہمی اور ذہین و ضرورت مند بچوں کے سکالرشپس پر بھی کروڑوں روپے خرچ کیے جا رہے ہیں۔اسی طرح ہائر ایجوکیشن میں کل 84 منصوبے شامل ہیں اور ریلیز شدہ بجٹ کا 33 فیصد ابھی تک استعمال ہو چکا ہے ان منصوبوں میں یونیورسٹیوں کے منصوبے، کالجز کے منصوبے، کامرس اور منجمنٹ سائنس کالجز اور ارکائیوز ولائبریریز کے منصوبے شامل ہیں۔ محکمہ صحت بارے بریفنگ دیتے ہوئے انہیں بتایا گیا کہ کل 2608 ہیلتھ مراکز ہیں اور ضم اضلاع کے 2590 بستروں، بندوبستی اضلاع کے 22015 بستروں بشمول 24605 بستروں کی سہولیات مریضوں کیلئے موجود ہیں۔ جبکہ میڈیکل افیسرز بشمول کل 52143 سٹاف ہیں۔ پرائمری ہیلتھ سہولیات میں کل 2609، سیکنڈری ہیلتھ کیئر میں 134 جبکہ ٹریژری ہیلتھ کیئر میں 10 ایم ٹی آئی ہسپتال شامل ہیں۔ اور اس سیکٹر میں 4 فارن فنڈڈ اور 101 جاری اور 31 نئے منصوبوں بشمول کل 132 منصوبے ہیں۔ اسی طرح محکمہ پاپولیشن میں 6 منصوبے شامل ہیں اور ریلیز شدہ بجٹ سے 87 فیصد مختلف منصوبوں پر اخراجات ہو چکے ہیں۔ ایگریکلچر سیکٹر کے بارے میں صوبائی مشکیر کو بتایا گیا کہ اس سیکٹر میں کل 52 منصوبے ہیں اور 87 فیصد بجٹ خرچ ہو چکا ہے لاؤ سٹاک میں 41 منصوبے فوڈ سیکٹر میں 10 منصوبے محکمہ جنگلات کے 54 منصوبے ہیں۔ اسی طرح ہوم ڈیپارٹمنٹ کے 77 وزارت قانون کی 38 بورڈ اف ریوینیو کے 38 محکمہ خزانہ کے 4، ایکسائز کے 12 اور مکمہ اطلاعات و تعلقاتِ عامہ کے 7 منصوبے شامل ہیں۔

خیبر پختونخوا کے نگران وزیر برائے ٹرانسپورٹ انڈسٹریز کامرس و ٹیکنیکل ایجوکیشن انجنئیر عامر ندیم درانی کے زیر صدارت جمعرات کے روز انڈسٹریز کمیٹی روم میں ایک تعارفی اجلاس منعقد کیا گیا۔اجلاس میں نگران وزیر کو محکمہ انڈسٹریز اور انکے زیلی محکموں کے انتظامی اور مالیاتی امور کے بارے میں تفصیلی بریفنگ دی گئی۔اجلاس میں سکریٹری انڈسٹری مطیع اللہ خان ،ایڈیشنل سیکرٹری انڈسٹری شمع نعمت ،چیف ایگزیکٹو پختونخوا اکنامک زون جاوید اقبال خٹک،مینیجنگ ڈائریکٹر ٹیوٹا عبد الغفار اور دیگر حکام نے شرکت کی۔ نگران وزیر نے رہایشی علاقوں میں انڈسٹریز کے قیام اور اجازت نامہ دینے کے حوالے سے از سر نو جائزہ پالیسی بنانے پر مشاورت کی گئی۔انڈسٹریل زون میں نئے انڈسٹریز کے قیام کی حوصلہ افزائی کی گئی اور مستقبل میں نئے انڈسٹریز کیلئے زون کے باہر اجازت نامہ نہ دینے پر بھی تاکید کی گئی۔نگران وزیر نے محکمہ کے معاملات کو ڈیجٹلائز کرنے کی ضرورت پر زور دیا اور بونیر مہمند چترال انڈسٹریل زون کی آپریشنل معاملات پر بھی تفصیلی گفتگو ہوئی۔انڈسٹریل پارک پشاور کی تعمیر کے حوالے سے بھی گفتگو ہوئی۔ٹیؤٹا اور بورڈ آف انوسمنٹ اینڈ ٹریڈ کے حوالے سے بھی تفصیلی بریفنگ دی گ

خیبر پختونخوا کے نگران وزیر سیاحت و اطلاعات بیرسٹر فیروز جمال شاہ کاکاخیل نے ایبٹ آباد میں ثقافتی میلے کی تقریب سے خطاب کرتے ہوئے کہا ہے کہ چھ ستمبر کا دن ہمیں شہداء کی یاد دلاتا ہے۔جام شہادت خوش قسمت لوگوں کو نصیب ہوتا ہے۔ انہوں نے کہا کہ پاکستان سیاحت کے ا عتبار سے بہت خوبصورت ملک ہے۔سیاحت کی آگاہی مہم کا آغاز کر دیا ہے، ہمیں چاہیے کہ اپنے ملک کو اور سیاحتی مقامات کو صاف ستھرا رکھیں۔ گلیات کی پارکنگ کا مسئلہ حل کیا جا رہا ہے اور کسی قسم کی تجاوزات برداشت نہیں کی جائیں گی۔ انہوں نے کہا کہ گلیات میں یاد گار شہداء قائم کریں گے۔ اداروں سے کرپشن و سفارش کلچر ختم کرکے دکھائیں گے۔ عوام کی فلاح و بہبود کے لیے دفتروں میں بہترین سہولیات کی فراہمی کو ممکن بنا رہے ہیں۔ کرپشن کے خاتمے کے لیے اقدامات اٹھائے جا رہے ہیں۔ انہوں نے کہا کہ عوام کی خدمت ہماری اولین ترجیحات میں شامل ہے۔ ذمہ دارانہ سیاحت کے فروغ کیلئے آگاہی شروع کررہے ہیں۔ جلد ہی ایوبیہ چیئرلفٹ کی مرمت کرکے اس کو چال کیا جائے گا